આઝાદી અમર રહો …

આઝાદી અમર રહો ….

 

 

 Flag India animated gif 240x180

૧૫મી ઓગષ્ટ …. ૬૮ મો સ્વાતંત્ર્ય  દિવસ …

 

આજે ૧૫ મી ઓગસ્ટ હજારો લાખો આઝાદીના દીવાનાઓની શહાદત દ્વારા મળેલ આઝાદીના અવસરને વધાવી સ્વચ્છ, દેશદાઝથી ભરપુર અને ભવ્ય ભારતનું નિર્માણ કરવાનો સંકલ્પ કરીએ દુનિયાને કુરબાની, શાંતિ પ્રિયતા અને પર્યાવરણનો સંદેશ દઈ પ્રગતિના ચક્રને સદાય ફરતું રાખીએ. સ્વાતંત્ર્ય દિનની શુભ કામના   સાથે આપ સર્વે ને શુભેચ્છાઓ   !

 

શહાદતના ૮૦ વર્ષ બાદ પણ દેશ જેમને ઓળખે છે એવા વીર શહિદો ભગતસિંહ, રાજગુરૂ અને સુખદેવના સાથી એવા ચંદ્રશેખર આઝાદની આજે પુણ્યતિથી. ચંદ્રશેખર સીતારામ તિવારીથી ચંદ્રશેખર આઝાદ સુધીની યાત્રા અત્યંત રસિક હતી. મહાત્મા ગાંધીની સવિનય કાનુન ભંગની લડતમાં જોડાયેલા ૧૫ વર્ષના કિશોર ચંદ્રશેખરને જયારે અંગ્રેજ જજે નામ પૂછ્યું તો કહ્યું આઝાદ. બાપનું નામ ? જવાબ : સ્વતંત્ર.. જજે પૂછ્યું સરનામું..તો જવાબ મળ્યો જેલખાના..કોર્ટરૂમમાં સૌ હસી પાડ્યા તો જજ ગુસે થયા અને કોર્ટમાં જ ૧૫ કોરડાની સજા ફરમાવી..એક એક કોરડે યુવા ચંદ્રશેખરે જયઘોષ કર્યો..ભારત માતા કી જય…

આ યુવાન બાદમાં સંપર્કમાં આવ્યો અનેક ક્રાંતિકારીઓના અને બની ગયો જહાલ નેતા. અંગ્રેજોને દેશમાંથી ખદેડવા ક્રાંતિની જરૂર છે નહિ કે શાંતિની એ વાતની મનમાં ગાંઠવાળી બાદમાં ચંદ્રશેખર અને ભગતસિંહ સહિતની ક્રાંતિકારીઓની ટોળીએ લાલા લાજપતરાયની હત્યા કરનાર જનરલ સોઉંન્ડર્સને લાહોર જઈ ભડાકે દીધો હતો. પોલિસે ભગતસિંહ સહિત અનેકને પકડી પાડ્યા હતા જયારે આઝાદ ‘આઝાદ’ જ રહ્યા હતા. 

ચંદ્રશેખર આઝાદ આખરે એક ગદ્દાર હિન્દુસ્તાનીને કારણે અલાહાબાદના આલ્ફ્રેડ પાર્કમાં પોલિસથી ઘેરાઈ ગયા ત્યારે અંતિમ ગોળી સુધી પ્રતિકાર કર્યો. જયારે માત્ર એક જ ગોળી બચી તો જીવનભર આઝાદ રહેવાનું પ્રણ લેનાર ચંદ્રશેખરે ખુદના લમણામાં જ ગોળી છોડી મોતને વહાલું કર્યું.

એવા નરબંકાઓને ‘દાદીમા ની પોટલી’ પરિવારની શ્રદ્ધાંજલિ…

……વંદે માતરમ …..ભારત માતા કી જય !

……..જય જવાન …..જય કિશાન !

 

 

સાભાર : સયાજી સમાચાર 

 

બ્લોગ લીંક :  http://das.desais.net
email : [email protected]

  

 

You can contact /follow us on :

 

twitter

twitter a/c : @dadimanipotli

 

face book

facebook at : /dadimanipotli