અમુલ્ય અવતાર…

અમુલ્ય અવતાર…

આપ્યો અવતાર અમૂલ્ય ઘણો, મને માનવ કેરો દેહ મળ્યો
ઉપકાર અનેરો આપ તણો, મને નારાયણ નો નેહ મળ્યો …

મને યાદ ન આવે આજ જરી, મેં કેમ ચોરાશી પાર કરી
પણ એક અરજ સરકાર ખરી, મને મુક્ત થવા નો માર્ગ મળ્યો…

સંસાર અસાર છે ધ્યાન રહે, મારા ચિત માં ગીતા નું ગ્યાન રહે
સદા મન માં હરિ નું સ્થાન રહે, મને ગોવિંદ ગૂણ રસ લાગે ગળ્યો…

મને અમ્રુત આપો વાણી માં, હવે જાય ના જીવન પાણી માં
હું ભાળું હરિ હર પ્રાણી માં, મને કૃષ્ણ કૃપાલુ ત્યાં જાય કળ્યો…

તને એક અરજ કિરતાર કરૂં, ભજતાં ભૂધર ભવ પાર કરૂં
ગદ ગદ થઇ ગિરિધર ગાન કરૂં, મને લાલ રિઝવવા નો લાગ મળ્યો…

પ્રભૂ દીન “કેદાર” ની વાત સુણી, હરિ રાખો મુજ પર મ્હેર કુણી
હું તો રોમે રોમ છું તારો રૂણી, થોડું રૂણ ચુકવવા નો મોકો મળ્યો…

.

http://kedarsinhjim.blogspot.com

આપ શ્રી કેદારસિંહજી એમ જાડેજા ના બ્લોગ ની એક વખત ?જરૂરથી મૂલાકાત લેશો અને આપના પ્રતિભાવ તેઓના બ્લોગ પર ની પોસ્ટ પર જરૂરથી મૂકશો.