નોરતાં ની રાત …

નોરતાં ની રાત …

 

 

maa amba

 

 

આવી આજે નોરતાં ની રાત, અંબા ના રૂપ અનેરાં
ગાઓ ગરબા ને રમો રાસ, ભક્તિ ના ભાવ ઘણેરા…

આશાપૂરા માં મઢ થી પધાર્યાં, આવી ને માંએ મારાં ભાગ્ય જગાડ્યાં
હૈયે મારે હરખ ન માય…

સોળે શણગાર માં ને અંગે શોભે, રૂપ નિરખી ને માંનું બાલુડાં લોભે
મુખડું માં નુ મલક મલક થાય…

ભાવ જોઇ ને ભક્ત જનો નો, છૂપી શક્યો નહિ નેહ જનની નો
અંબા માં ગરબા માં જોડાય…

ગોરું ગોરું મુખ માં નું ગરબો ઝિલાવે, ઝાંઝર ના ઝણકારે તાલ પૂરાવે
તાલી દેતી ત્રિતાલ…

દીન “કેદાર” ની માં દેવી દયાળી, દેજે ઓ માં તારી ભક્તિ ભાવ વારી
રમશું ને ગાશું સારી રાત…

 

 

રચયિતા :
કેદારસિંહજી મે. જાડેજા
ગાંધીધામ  -કચ્છ
www.kedarsinhjim.blogspot.com
[email protected]
મોબાઈલ: +૯૧ – ૯૪૨૬૧૪૦૩૬૫

 

 

બ્લોગ લીંક: http://das.desais.net
email : [email protected]

 

 

ઘણા સમય બાદ આજે ફરી એક વખત અમારા શુભચિંતક – વડીલ મિત્ર શ્રી કેદારસિંહ મે. જાડેજા, ગાંધીધામ -કચ્છ થી મોકલેલ તેમની એક સુંદર રચના અમો તમારી સમક્ષ મૂકવા નમ્ર કોશિશ કરીએ છીએ. આ અગાઉ તેમની અનેક સુંદર રચનાઓ – ભજન – ભાવ ગીત -કાવ્ય આપણે બ્લોગ પર માણેલ છે.     તેઓ શ્રીની પોતાની પણ બ્લોગ સાઈટ છે, જ્યાં આપ સર્વે તેમની અનેક રચનાઓ નિયમિત રીતે માણી શકો છો. તેઓશ્રી ની બ્લોગ સાઈટની મુલાકાત એક વખત જરૂર લેશો.

 

 
આશા રાખીએ છીએ કે ફરી આપના તરફથી તેમની આ સુંદર રચના માટે યોગ્ય પ્રતિસાદ – પ્રતિભાવ સ્વરૂપે મળશે જે તેમની કલમને બળ પૂરશે.

‘દાદીમા ની પોટલી’ પર તેમની આ રચના મોકલવા બદલ અમો શ્રી કેદારસિંહજી ના આભારી છીએ.

ફેશબુક દ્વારા બ્લોગ પોસ્ટ પર આપની કોમેન્ટ્સ અહીં મૂકવા વિનંતી છે.....

  • KHYATI

    MANE AA GARBO KHUB J GAMYO

  • KHYATI

    SARAS GARBO CHE

  • tekas

  • purvi

    SUNDAR GARBO.