સુવિચારોનું વૃંદાવન …

સુવિચારોનું વૃંદાવન …

 

 

• તુ જેમ કહે છે તેમ સંસાર એક પ્રલોભનનું સ્થાન – એ વાત સાચી; પરંતુ શું તું એ વાત જાણે છે કે પ્રબળ ઝંઝાવતના આઘાતથી નબળાં વૃક્ષનાં મૂળ અત્યંત દ્રઢ થાય છે. તારા મનમાં જે નીતિબોધ હજી સુધી બરાબર પાકા થયા નથી, એ પ્રલોભનની સાથે અવિરામ સંગ્રામ કરવાથી તારા મનમાં દ્રઢરૂપે જ ગંથાઈ જશે. નિયમિત અભ્યાસ અને શ્રમ દ્વારા શારીરિક સ્વાસ્થ્ય સુધરે. આપણું માનસિક સ્વાસ્થ્ય પણ આ નિયમથી પર નથી.. તારે હંમેશાં સામે નજર રાખીને, હિંમત સાથે, દ્રઢતા પૂર્વક આગળ વધવું પડશે. પડી જા તો ફરીથી ઊભો થઈ જજે, પરંતુ ક્યારેય હતાશ ન થતો …. મક્કમતાથી આગળ ધપ. કોઈપણ માણસ વિના વિઘ્ને સંસારનો લપસણો રસ્તો પાર કરવાની આશા રાખી શકે નહીં અને લપસણો રસ્તો પાર કરતા પડી જવાની બીકે કાદવમાં જ બેસી જવું, એ તો નરી મૂર્ખતા જ છે. ‘પ્રયત્ન કર.. પ્રયત્ન કર. ..’ આ મહામૂલ્ય ઉપદેશવાણીને ભૂલતો નહીં. સ્કોટલેન્ડના બૃસને યાદ કર, કે જેણે છ-છ વખત પરાજીત થઈને પણ પ્રયત્ન છોડ્યો ના હતો અને છેલ્લે સાતમી વાર વિજય મેળવ્યો હતો.

• – (‘સ્વામી રામકૃષ્ણાનંદેર સ્મૃતિમાલા’માંથી પૃ.૪૫૮)
(રા.જ. ૧૦-૧૨ (૩૨)/૨૧૬)

 

• જે ધર્મ દુર્બળતા ઉપર પ્રતિષ્ઠિત હોય એ તદન ખોટો અને હાનિકારક. ‘નાયમાત્મા બલહીનેન લભ્ય:’ શ્રુતિ કહે છે કે દુર્બળ ક્યારેય ઈશ્વરપ્રાપ્તિ કરી શકે નહીં. હું જો ઈશ્વરનું સંતાન હોઉં તો હું એમની જ પ્રતિકૃતિ સમો છું અને જો તેઓ પૂર્ણ શુદ્ધ હોય તો હું પણ અવશ્ય સંપૂર્ણપણે શુદ્ધ હોવાનો જ. માટે તમે જો ખરેખર ભગવાનને પ્રેમ કરો તો તમારે ભગવાન જ થવું પડે. ‘દેવો ભૂત્વા દેવં યજેત – ભગવાનની પૂજા કરવા માટે ભગવાન થવું પડે.’

• – (‘સ્વામી રામકૃષ્ણાનંદેર સ્મૃતિમાલા’માંથી પૃ.૪૬૮)
• (રા.જ. ૧૦-૧૨ (૩૫)/૨૧૯)

તેઓ શું કરતાં હશે ? …

પોષ મહિનાની કડકડતી ટાઢમાં ઘાસની ઝૂંપડીમાં રહેતી એક માતા રાતની કડકડતી ઠંડીમાં પોતાના બાળકને જૂનાં છાપાં અને ઘાસના પૂળાથી ઢબૂરીને સુવડાવી દેતી.

એક રાતે બાળકે પૂછ્યું, ‘હે મા, જેની પાસે છાપાં અને ઘાસના પૂળા ન હોય એવાં ગરીબ લોકો આવી ટાઢમાં શું કરતાં હશે ?’

 

(અડધી સદીની વાચનયાત્રા –ભાગ-૧ માંથી)
રા.જ. ૯-૧૨/(૩૮)/ ૨૬૮

 

પાંચેક વરસની એક બાળકી પોતાના ત્રણ વરસના ભાઈને કેડે તેડીને રસ્તે ચાલી જાય છે. એક સજ્જને આ દ્રશ્ય જોયું. એમણે બાળકીને પૂછ્યું, ‘અરે દીકરી, ચાલી શકતાં આ ત્રણ વરસના બાળકને થોડું રસ્તે ચાલતાં શીખવ. તને એનો ભાર નથી લાગતો ?’ બાળકીએ કહ્યું. ‘સાહેબ, ભાઈલાનો તો કંઈ ભાર લાગે ?’

-સનતકુમાર (અડધી સદીની વાચનયાત્રા –ભાગ-૧ માંથી)

 

બ્લોગ લીંક : htpp://das.desais.net
email: [email protected]

 

આજની પોસ્ટ પસંદ આવી હોય તો આપના પ્રતિભાવ બ્લોગ પોસ્ટ પર મૂકી આભારી કરશો…

ફેશબુક દ્વારા બ્લોગ પોસ્ટ પર આપની કોમેન્ટ્સ અહીં મૂકવા વિનંતી છે.....

  • Prabhudas.Pokar

    બહુ જ સરસ મજા આવી.

  • Ramesh Patel

    ‘સાહેબ, ભાઈલાનો તો કંઈ ભાર લાગે ?…very tuching.
    Thanks for sharing nice thoughts…Shri Ashokkumarji.

    Ramesh Patel(Aakashdeep)

  • Bhupendra Patel

    Very touchable…I like all these..

  • ખુબ સરસ કાકા
    જય સ્વામિનારાયણ…