વીજળીને ચમકારે મોતીડા પરોવે રે પાનબાઈ ! … (ગંગાસતી)

વીજળીને ચમકારે  મોતીડા પરોવે રે  પાનબાઈ ! … (ગંગાસતી)

.

.
વીજળીને ચમકારે, મોતીડા પરોવે રે  પાનબાઈ !
અચાનક અંધારાં થાશે જી  .. (૨)
જોત રે જોતામાં દિવસો, વિયા રે ગિયા પાનબાઈ !
એકવીશ હજાર છસોને કાળ ખાશે જી …  (૨)
વીજળીને ચમકારે…
જાણ્યા રે જેવી આ તો, અજાણ છે રે  વાતો
અધૂરિયાંને ન કહેવાય ..
ગુપત રસનો આ ખેલ છે અટપટો ને,
આંટી રે મેલો તો (પૂરણ) સમજાય જી … (૨)
વીજળીને ચમકારે…
(નિરમળ થઈને)  માન રે મેલી ને તમે,
આવો રે મેદાનમાં ને (પાનબાઈ !).. (૨)
જાણી લિયો જીવ કેરી (ની) જાત જી … (૨)
સજાતિ વિજાતિની જુગતી બતાવું ને,
બીબે પાડી દઉં બીજી ભાત જી … (૨)
વીજળીને ચમકારે…
પિંડ રે બ્રહ્માંડથી, પર છે ગુરુજી મારો ..(૨)
એનો (તેનો) રે દેખાડું તમને દેશ જી .. (૨)
ગંગાસતી એમ બોલિયાં રે પાનબાઈ !
ત્યાં નહિ માયાનો જરીએ (લેશ) રંગ  જી … (૨)
વીજળીને ચમકારે, મોતીડા પરોવે રે  પાનબાઈ !
અચાનક અંધારાં થાશે જી  ..
જોત રે જોતામાં દિવસો, વિયા રે ગિયા પાનબાઈ,
એકવીશ હજાર છસોને કાળ ખાશે જી …  (૨)
એકવીશ હજાર છસોને કાળ ખાશે જી …

ફેશબુક દ્વારા બ્લોગ પોસ્ટ પર આપની કોમેન્ટ્સ અહીં મૂકવા વિનંતી છે.....

  • ગજેન્દ્ર.ચોકસી

    ભજનની મિઠાશ અને અસલ સંગીત જાણે સાંભળતાં જ રહીએ.

  • shantilal thacker

    jay shree swaminarayan,

    PANBAI BILKUL ABHAN HOVA CHHATA EVA BHAJAN, MANVI NE MATE BANAVI GAYA KE AAJE PAN LOK PRIY CHHE ANE TE GAVAY CHHE………….VIJADI NE CHAMKARE ETLE KE AAPNU JIVAN KYARE PURU THAI JASE KAI KHABAR NAHI PADE TO BANI SAKE TETLI PRABHU BHAKTI, SATSANG KARI LEVO……..
    MANUSHY DEH DURLABH CHHE……ANE AA CHHE LO BHAV GAN ANE KHATKO RAKHI PRABHU NAM LEVU
    Shantilal Thacker

  • આદરણીય ડૉ. કિશોરભાઈ,

    ગંગાસતી અને પાનબાઈ ની દરેક રચના ખૂબજ માર્મિક જ્ઞાન અને શીખ આપે છે, જે માણવા ની મજા જ કોઈ અલગ હોઈ છે.

    આભાર ..!

  • Dr. Kishorabhai M. Patel

    આદરણીયશ્રી.અશોકભાઈ

    ” સમયને તો પાંખો છે, ઉડી જશે.

    સમયને પડછાયો નથી એટલે પકડી શકાતો નથી.”

    સુંદર પંક્તિઓ

    ” જોત રે જોતામાં દિવસો, વિયા રે ગિયા પાનબાઈ !

    એકવીશ હજાર છસોને કાળ ખાશે જી … (૨) વીજળીને ચમકારે….!

    મજા પડી સાહેબ.

    કિશોરભાઈ પટેલ