રંગ વિહાર …

રંગ વિહાર …

 

 

 pankhar-vasant

 

કુદરતના રંગો આપણને કેટલા અભિભૂત કરે છે ! કુદરતના વિવિધ સ્વરૂપોમાં પળે પળે વ્યક્ત થતા રંગીન ચિત્રો આપણને હમેશા આકર્ષે છે અને આકર્ષતા રહેશે.

 

” આવળ, બાવળ અને બોરડી “ નું વિશેષણ પામેલા સૌરાષ્ટ્રમાં જન્મ અને જીવન મળ્યું.  આમ જુઓ તો જન્મથીમાંડીને આજ સુધી મને શહેરી જીવન જ જીવવા મળ્યું  છે એટલે મારી જાતને હું  શહેરી, નગર સંસ્કૃતિમાં રહી હોવાથી નાગરિક પણ કહી શકું.  ગ્રામ્ય જીવનનો અનુભવ નહીવત.

 sandhiya

ઉષા, સંધ્યા, આકાશ, તારા, ચાંદની, અફાટ સમુદ્ર, પખીનો કલરવ સિવાય કુદરતને નીસીમ વિસ્તરતી, નીસીમ વિસ્તારમાં ક્યાં જોઈ કે માણી છે !   હા ભણાવી છે ઘણી, અનુભવી છે ઓછી. એમ તો કાશ્મીરથી કન્યાકુમારી અને દ્વારિકાથી જગન્નાથજી સુધી ભારતના પ્રદેશોમાં રખડી લીધું છે.  કુદરતના આલપ ઝલપ દ્રશ્યો માણ્યા પણ ધરાઈને કુદરતના સથવારે જીવવા ના મળ્યું.

 

કવિ કુલગુરુ કાલિદાસના  ” ઋતુસંહાર   ને વાંચીને હમેશા વનોમાં, વૃક્ષો પર ફૂલોમાં ખીલી ઉઠતી વિધ વિધ રંગ છટામાણવાની તીવ્ર ઈચ્છા જાગી ઉઠતી.  અબાધિત વિસ્તારમાં વરસતો મેહુલો કેવો હશે ?   વનમાં પાંદડે પાંદડે ખીલી જતી  વસંત કેવી હશે ?   હિમાચ્છાદિત પર્વતમાળાની મધ્યે વસતાં માનવીની દુનિયા શ્વેતમય હશે ?

 

હમેશા મારાં ઘરના પ્રાંગણના નાના બાગને જોઇને સંતોષનો ઓડકાર ખાવો પડતો.  માવજતથી ઉછેરેલ ગુલાબ, ડોલર, જાસુદ, રાતરાણી અને ચારે તરફ ફાલેલી બોગન વિલ્લાને જોઈ નઝર ઠરતી, પણ કૈક અધૂરું લાગતું.

 

આંબા પર ખીલતો મહોર, ચંપક રંગી ફૂલોથી લચી પડતું ચંપાનું ઝાડ,ભભકદાર ગરમાળો અને ગુલમહોર નીરખીનેથતું, શું આ જ વસંત છે !

 

જે રંગોમાં જીવવું હતું તે મનભર રંગોમાં જીવી લેવાની મારી વર્ષોની ઝખના અહી આવીને પૂરી થઇ.અહી વૃક્ષોઅપરંપાર છે. સંપૂર્ણ વિસ્તાર નાની મોટી ટેકરીઓથી છવાયેલ છે, અને ટેકરીઓ ..hill.. લીલા ઉચા વિશાળ વૃક્ષોથી.

 pankhar-vasant.1

અહીની વસંત નિરાળી. શિયાળો ..winter.. ની ઋતુ પૂરી થતા જ જાણે જાદુઈ પીછી કોઈ ચિત્રકાર ન ફેરવતો હોય !

 

અહી શિયાળામાં પર્ણ  વિહીન શુષ્ક બની ગયલા વૃક્ષો વિવિધ રંગી ફૂલોથી છવાય જાય છે ..ના.. એ પોતેજ ફૂલ બની જાય છે, અને પછી પંદર, વીસ દિવસે તે ફૂલો જ જાણે પાંદડા બની જાય ત્યાં સુધી લીલો રંગ ના મળે. પહેલા વૃક્ષ પુષ્પિત થાય… પછી પલ્લવિત… એવો ઉલટો ક્રમ અહી જોવા મળ્યો. કેટલા સુંદર વિધ વિધ રંગો ! અદભૂત !

 

આને જ આંખોનો ઉત્સવ કહેવાતો  હશે !  અહી એટલા તો વૃક્ષો છે કે શહેરોમાં પણ વાસંતી રંગો દૂર સુધી ફેલાયેલાદેખાય. પ્રજાની સૌદર્ય દ્રષ્ટિ…એસ્થેટિક સેન્સ ગજબની છે.  નાનકડી જગા પણ ફૂલ છોડ વગરની ના હોય.   બે રસ્તાની  વચ્ચેની ખાલી જગા હોય કે કોર્નર હોય, જમીન સરસ નાનકડા ગાલીચાની બિછાત જ જોઈ લો.

 pankhar

અને પાનખરની તો વાત જ શી કરવી ! એકદમ રંગીન.  ઓગષ્ટ આવતા વૃક્ષો લાલ, પીળા, કથ્થાઈ, ભૂરા અને મરૂનનાબુટ્ટા બની જાય. પર્વતમાળા પર ઉભેલા આ વૃક્ષો એટલે રંગોની આવલી, રંગોની બિછાત. સૂર્ય પ્રકાશમાં અને સાંધ્ય સમયે અલગ અલગ રૂપ.  નયનરમ્ય દ્રશ્યોથી મન અને આત્મા તૃપ્ત…તૃપ્ત, છતા અતૃપ્ત.

 

વર્જીનીયા બીચનો આછો ભૂરો અને ફ્લોરીડાનો બીઓરી કાચ જેવો liloદરિયો પણ મનભર  માણ્યો…શાંત વાતાવરણમાં.

 

પણ શ્વેત અને સાત્વિક રંગને કેમ ભૂલી શકાય !

 

વરસતા સ્નોમાં પેન્સીલ્વીનીયાની ટેકરીઓમાં અને તળેટીમાં પણ રાખડી લીધું.

 

વર્ષોથી જે ઈચ્છા હતી,કહો કે વાસના હતી કુદરતના રંગો માનવાની તેનો જાણે મોક્ષ થયો !!!

 

ગીત યાદ  આવી ગયું..  ખેલા બચપન હસી જવાની મગર બુઢાપા…ના ના…

 

અહીના વૃક્ષોની પાનખર જેવી મને પાનખર મળવી જ જોઈએ.
 

 
– દર્શના ભટ્ટ.
 

 
આજની પોસ્ટ ‘દાદીમા ની પોટલી’ પર પ્રસિદ્ધ કરવાની તક આપવા બદલ અમો સુશ્રી દર્શનાબેન ભટ્ટ (યુએસએ) નાં અંતરપૂર્વકથી આભારી છીએ.
 

 

 લેખિકાનો પરિચય : 

 
દર્શના ભટ્ટ … 
darshna bhatt

વતન ભાવનગર. અર્થશાસ્ત્ર સાથે એમ.એ તથા ઈંગ્લીશ,ગુજરાતી સાથે બી.એડ કર્યું.  ભાવનગરની અંગ્રેજી માધ્યમની “ફાતિમા કોન્વેન્ટ હાઇસ્કુલ ” માં એકત્રીસ વર્ષ સુધી વિદ્યાર્થીઓને સંસ્કૃત અને ગુજરાતી શીખવતા હું જ તેમની પાસેથી ઘણું શીખી.   નિવૃત્તિ પછી પ્રવૃત્ત રહેવા માટે પડોશી સંસ્થા સ્વામી નારાયણ ગુરુકુળમાં ઉચ્ચતર માધ્યમિકમાં સંચાલન કાર્ય સંભાળ્યું.

 

બંને પુત્રો નોર્થ અમેરિકામાં સ્થાયી થતાં, અગિયાર વર્ષની આવન જાવનથી ત્રાસ પામી, છેવટે એન.આર.આઈ બનવું પડ્યું. મને ઓળખાતા મારા વિદ્યાર્થી મિત્રો અને અન્ય મિત્રો મને જયારે પૂછે કે ત્યાં શું પ્રવૃત્તિ કરો છો ત્યારે “ઘરમાં શાંતિ થી રહેતા શીખું છું” એવા મારા જવાબને સાચો માનતા નથી. 

લેખન, વાચન, ગીત, સંગીત, આકાશ દર્શન, ઈતિહાસ અને રાજકારણ મારા રસના વિષયો છે. 

અત્યારે ફીલાડેલ્ફીયામાં પુત્ર, પુત્રવધુ અને તેમની બે પુત્રીઓ સાથે આનંદથી સમય વિતાવું છું.

 
 

 
બ્લોગ લીંક:  http://das.desais.net
email : [email protected]
 

 
બ્લોગ પોસ્ટ પર મૂકેલ આપના પ્રતિભાવ, બ્લોગ પર આવકાર્ય છે.

ફેશબુક દ્વારા બ્લોગ પોસ્ટ પર આપની કોમેન્ટ્સ અહીં મૂકવા વિનંતી છે.....

  • Ramesh Patel

    એક સાહિત્યકાર કવિ ઉરના આ લેખે , સુશ્રી દર્શનાબેન ભટ્ટની શક્તિનો પૂરાવો દઈ દીધો. ખૂબ જ સુંદર શૈલી ને વર્ણન.

    રમેશ પટેલ(આકાશદીપ)

  • Dushyant Shah

    Khubaj sundar lekh che. Gana samay pachhi sunder lekh thi mann khubaj khus thai gayu.

  • purvi

    બહુ જ સુંદર, દર્શના બહેન.

  • Anila Patel

    Khoobaj saras. Ahini varsha, vasant ane pankhar manava layak chhe. Hu 1988ma Afrika gai tyare mane ek vichar evo aveloke sarkare lekhako ane kavione shaky etala ochha kharche ahi farava mokalava joie jethi sahityma sundar varnna upalabdh thay. ( joke sahitykaroto kalpanathi tak melavi leta hoya chhe aarshdrashta hovane karane. Pan americama avya pachhito emaj lagyuke na na ahini tak teone malavi joie. Kudarte kharekhar chhota hathe saudaryani lahni kari chhe. Ape aaje aa lekh mookine ema char chand lagavi didha.