(૧) બધી શક્તિ તમારી ભીતર છે … અને (૨) શક્તિ ક્યાં રાખવી ? … (પ્રેરક વાતો) …

(૧) બધી શક્તિ તમારી ભીતર છે …

 

 

 

વિદ્યાર્થી મિત્રો …

 

 

તમે બધા સફળતાની ઝંખના રાખતા હશો. તમારાં માતાપિતા પણ તમે પરીક્ષામાં ઉચ્ચતમ સિદ્ધિ મેળવો તેવી અપેક્ષા રાખતાં હશે. તમે પોતે પણ પ્રથમ દસમાં સ્થાન મેળવવા ઇચ્છતા હશો જેથી તમારા આગળના અભ્યાસનો પથ સરળ – સહજ બની જાય. તમારાં મનહૃદય તમે ડોક્ટર, ઈજનેર, વૈજ્ઞાનિક, અર્થશાસ્ત્રી, ચાર્ટર્ડ એકાઉન્ટન્ટ વગેરે બનવા મથતાં હશે.

 

હવે, તમે તમારા ધ્યેય સુધી પહોંચી શકો એટલી આત્મશ્રદ્ધા તમારામાં છે ? તમારી ભીતરની શક્તિઓ પર તમને શ્રદ્ધા છે ? આવો વિચાર કરતી વખતે ઘણી વાર તમે શંકા, ભય, હતાશા, બેચેની અનુભવો છો. ‘મને આ વિષે કોણ જાણે કેમ પણ આત્મવિશ્વાસ આવતો નથી.’ આમ બોલી ઊઠો છો. પરંતુ સીધીસાદી અને સાચી વાત એ છે કે તમે તમારું ધ્યેય સિદ્ધ કરી શકો. એ માટે જરૂરી છે આત્મશ્રદ્ધાની. જો તમે મનની શક્તિનો વિવેકપૂર્ણ વિચાર કરો અને તેને  સમજો તો તમે પર્વતોને પણ હચમચાવી શકો. તમારા મનમાં આવી વણવપરાયેલી મહાન શક્તિઓ છુપાવેલી છે. એ શક્તિઓને પારખીને તમે તમારી સફળતાને મેળવી શકો છો.

 

 

ન્યૂટન પોતાના બગીચામાં બેઠા હતા અને એક સફરજન પડ્યું. તેમણે વિચાર્યું કે આ સફરજન નીચે કેમ પડ્યું અને ઉપર કેમ ન ગયું? આ અકસ્માતને એમણે ગંભીરતાથી લીધો અને મંડ્યા વિચારવા, પોતાના મનમાં અગાઉ કરેલા વિચારોની એક સાંકળ એમણે બાંધી. પછી ચિંતન – મનન, નિરીક્ષણ – પરીક્ષણ, પૃથક્કરણ વગેરેમાં પોતાનું મન લગાડી દીધું. પરિણામે એમણે આપણને ‘ગુરુત્વાકર્ષણ’ નો નિયમ આપ્યો અને મહાન વૈજ્ઞાનિક બન્યા.

 

– (સ્વામી રાઘવેશાનંદકૃત ‘વેલ્યૂ ઓરીએન્ટેડ મોરલ લેસન્સ – ૪માંથી )

 

(રા.જ.૧૦-૧૨(૨૮)/૩૦૪)

 

 

(૨) શક્તિ ક્યાં રાખવી ? …

 

એક વખત સ્વર્ગમાં દેવો વચ્ચે ચમત્કારી અને રહસ્મય શક્તિ ક્યા રાખવી એની ચર્ચા ચાલતી હતી. એકે કહ્યું, ‘ઈચ્છા પ્રમાણે સિદ્ધિ મેળવી શકાય એવી શક્તિને સાગરના ઊંડાણમાં છુપાવી દેવી જોઈએ’. એ સાંભળીને બીજાએ કહ્યું, ‘આવી શક્તિને તો જ્યાં માનવ પહોંચી ન શકે તેવા ઊંચા પહાડોમાં ક્યાંક દાટી દેવી જોઈએ.’ ત્રીજા કહ્યું, ‘’કોઈ એકાંત, ગાઢ જંગલની ગુફામાં એને સંતાડી દેવી જોઈએ.’ બધાની વાત સાંભળીને એક મેઘાવી દેવતાએ કહ્યું, ‘એવી શક્તિને તો માનવ મનના ગહનતામાં રાખી દેવી જોઈએ.’ તેની ભીતર આ શક્તિ છુપાયેલી છે એનો અણસાર પણ એને નહીં આવે. એનું કારણ એ છે કે ‘માનવમન બાળપણથી જ અહીંતહીં ચંચળ બનીને ભટકતું રહે છે અને તે અંદર નજર પણ નાખવાનો નથી. માત્ર મેઘાવી લોકો જ એને ઓળખાશે, જાણશે અને તેનો ઉપયોગ કરીને તે મહાન બનશે.’ બડા દેવો આ વિચાર સાથે સંમત થયા. મિત્રો,બે પ્રકારના મનવાળા માણસો છે. એક મનની શક્તિ જાણે છે, ઓળખે છે અને મહાન બને છે. જ્યારે બીજો એમને એમ ભટક્યા કરે છે. તમારે પોતે તમારી ભીતર રહેલી શક્તિઓને જાણી ઓળખીને મહાન બનવાનું છે.

 

 

– (સ્વામી રાઘવેશાનંદકૃત ‘વેલ્યૂ ઓરીએન્ટેડ મોરલ લેસન્સ – ૪માંથી )

 

(રા.જ.૧૦-૧૨(૩૩)/૩૦૯)

 

બ્લોગ લીંક:http://das.desais.net
email : [email protected]

 

આજની બન્ને પ્રેરક વાતો જો આપણે પસંદ આવી હોય તો આપના પ્રતિભાવ બ્લોગ પોસ્ટ પર મૂકી આભારી કરશો...

 

સર આઈઝેક ન્યુટન વિશે થોડું વિશેષ …

 

વિશ્વપ્રસિદ્ધ વૈજ્ઞાનિક સર આઇઝેક ન્યૂટનનો જન્મ ઇ.સ.1642 માં ઇંગ્લેન્ડના એક નાના ગામમાં થયો હતો. જે વર્ષે ગેલિલિયોનું અવસાન થયું તે જ વર્ષે જાણે કે તેમની ખોટ પૂરવા એવા જ મહાન વૈજ્ઞાનિક ન્યૂટનનો જ્ન્મ થયો અને ખુશનસીબ ઘટના ગણાવી શકાય. નાનપણથી જ તેને હાથકારીગરીની નાની નાની વસ્તુઓ બનાવવાઓ ખૂબ રસ હતો. ગ્રેજ્યુએટ થયા પછી તેમણે સૌ પ્રથમ ગણિત ક્ષેત્રે ‘બાઇનોમિયલ થિયરમ’ ની શોધ કરી. ગુરુત્વાકર્ષણનો સિદ્ધાંત એ ન્યૂટનની ક્રાંતિકારી શોધ છે. કેલ્ક્યુલસ અંગેનો સિદ્ધાંત,ટેલિસ્કોપની રચના, પ્રકાશના વક્રીભવનની શોધ વગેરે શોધોએ ન્યૂટનને અમર ખ્યાતિ બક્ષી છે. પરંતુ ન્યૂટને કરેલ શોધો અવૈજ્ઞાનિક માન્યતાઓ સામેનો મોટામાં મોટો પડકાર હતો.

આટલી પાયાની શોધો કર્યા છતાં ન્યૂટન પ્રામાણિકપણે એમ માનતા હતા કે પોતે માત્ર જ્ઞાનના સાગરના કિનારે છીપો વીણતા એક બાળક જેવો છે, જ્યારે સત્યનો દરિયો તો મારી સમક્ષ વણઉકેલાયેલો પડ્યો છે. દરમિયાન તેમને રૉયલ સોસાયટીના પ્રમુખ તરીકે ચુંટવામાં આવ્યા અને રાણીએ તેમને ‘સર’ નો ખિતાબ આપી સન્માન્યા.  20/3/1727ના રોજ આ મહાન વૈજ્ઞાનિક ચિરનિદ્રામાં પોઢી ગયા. ન્યૂટને પોતાના પૂર્વાચાર્યોનું ઋણ સ્વીકારતા કહ્યું હતું : ‘જો હું કંઇ પણ આગળ જોઇ શક્યો છું, તો ફક્ત એ દિગ્ગ્જોના ખભે ઊભીને જ !

 

સાભાર : સૌજન્ય : એલ વી જોશી …

ફેશબુક દ્વારા બ્લોગ પોસ્ટ પર આપની કોમેન્ટ્સ અહીં મૂકવા વિનંતી છે.....

  • Prabhudas.Pokar

    Dear , good & wonderfull artical

  • Chanrasinh Rathore

    very very good keep it up friend

  • Rajesh Shah

    very good

  • Bhailalbhai B. Patel

    if you can think possitively,nothing is impossible.B.B.Patel

  • Vijay Pithadia

    Vijay Pithadia, PhD
    http://biodataofdrvhp.blogspot.in/
    +919898422655

  • Harshad Dalsukhbhai Shah

    Good & realy true But sometime person is placed in other then his interest & all depends on SAMAY ane SANJOGO

  • Ketan Chuhan

    Nice one for kids.. need more inspirational storied like this…
    Because…It is not like that I have read & finished this & able to behave in daily life.
    It is a slow process & required daily shower on intellect regularly.

  • Kirit A. Parmar

    very good

  • HITESH R. CHAUHAN

    nice & ture….

  • purvi

    bahu sundar.