નિષ્કામ કર્મયોગી શ્રી કૃષ્ણ …

નિષ્કામ કર્મયોગી શ્રી કૃષ્ણ  …

 

સૌ વાંચક મિત્રો – ભાઈ -બહેનો  ને આજના શુભ પર્વ – બાલ કૃષ્ણ  જન્મ ની વધાઈ હો.  આપ સર્વે ને તેમજ આપના પરિવારને આજ ના શુભદિન ની શુભકામના સાથે શુભેચ્છાઓ પાઠવીએ છીએ.

‘ નિષ્કામ કર્મ યોગી શ્રી કૃષ્ણ’ … ના જન્મ નો મહિમા સાથે શ્રી કૃષ્ણની  આનુષંગિક પોસ્ટ તેમજ   જન્મની વધાઈ ના પદ ની પોસ્ટ  (હવેલી સંગીત ના સ્વરૂપે)  ‘દાદીમા ની પોટલી’  પર અમારા શુભ ચિંતક  વૈષ્ણવ  શ્રીમતિ પૂર્વિ  મોદી – મલકાણ .. (યુ.એસ.એ) દ્વારા મોકલવામાં આવી છે, આજની આ સુંદર પોસ્ટ  મોકલવા બદલ અમો પૂર્વિબેન ના  અંતરપૂર્વક થી આભારી છીએ.

 

આજની પોસ્ટ સાથે  વધાઈ ના પદ ની પોસ્ટ માણવાની  આપને મજા આવી  હોય તો આપના પ્રતિભાવ બ્લોગ પોસ્ટ પર જરૂર મૂકી આભારી કરશો.  જે લેખિકા ની કલમ ને બળ પૂરે છે અને તેના ઉસ્ત્સાહ ને જોમ પૂરે છે.

 

(૧)  જન્માષ્ટમીની અંધારી રાત્રિએ ભગવાન શ્રી કૃષ્ણ શા માટે જન્મ્યાં? …

 

 

વૈષ્ણવોના વ્હાલા પ્રભુ શ્રી કૃષ્ણનો જન્મ બંદીગૃહમાં રાત્રિના અંધકારને પોતાની ગોદમાં છુપાવેલી અષ્ટમીની મધ્યરાત્રિએ થયો. અંતઃકરણ પ્રબોધમાં શ્રી મહાપ્રભુજીએ બંદીગૃહ અને અંધકારને વિશેષ રીતે મૂલવતાં સમજાવતા છે કે જીવ જે સ્થળ, અને જે પળમાં જન્મે છે તે સમયનું બંધન તે બંદીગૃહ છે, અને અંધકાર તે જીવની કર્મભૂમિ છે. કર્મભૂમિ એ જીવ અને પ્રભુ બંનેને માટે હોય છે, તેથી સંસારમાં કોઈપણ સ્થળેથી પ્રગટ થતો જીવ તે અંધકાર રૂપી ભૂમિમાં બીજ રૂપે રહે છે અને પોતાના યોગ્ય સમય અનુસાર તે અંધકારમાંથી જન્મ લઈ પ્રકાશ તરફ પોતાના પ્રથમ પગલાં ભરે છે. અંધકાર અને પ્રકાશનો બીજો અર્થ મૂલવતાં શ્રી મહાપ્રભુજીએ કહે છે કે શ્રી ઠાકુરજી એ પ્રકાશ છે અને માયા એ અંધકાર છે, જ્યાં જ્યાં પ્રકાશ રૂપ શ્રી કૃષ્ણ બિરાજતાં હોય ત્યાં માયારૂપી અંધકાર રહી શકતો નથી, આથી જ વસુદેવજી શ્રી ઠાકુરજીને લઈને જ્યારે બંદીગૃહમાંથી ગોકુળ જવાનો નિશ્ચય કર્યો તે સાથેજ બંદીગૃહની બહાર રહેલા  તમામ અંધકારભર્યા માયારૂપી દરેક વિઘ્નો દૂર થતાં ગયાં. શ્રી ગોકુલેશ પ્રભુચરણ કહે છે કે દરેક જીવ પોતે પોતાના કરેલા કર્મબંધનના કારાગારમાં જન્મે છે અને તે કર્મબંધન રૂપી કારાગૃહમાંથી મુક્તિ કેમ મળે એનો સંદેશો આપવા માટે સ્વયં ભગવાને કારાગારમાં મનુષ્ય તરીકે જન્મ લઇ પોતાની દિવ્યતાનો અનુભવ કરાવ્યો છે. વેદોમાં કહ્યું છે કે મનુષ્ય જો ભગવાન શ્રી કૃષ્ણનું સ્મરણ અને તેમની જીવનયાત્રાનું અનુસરણ કરે છે ત્યારે તે જીવ કર્મબંધનો છોડીને મુક્તિ તરફ પ્રયાણ કરે છે.

 

-પૂર્વી મોદી મલકાણ યુ એસ એ

(૨) શું આપ જાણો છો કે ભગવાન શ્રી કૃષ્ણ મથુરાથી ગોકુળ શા માટે ગયા? …

 

શ્રી ભાગવતજીની ટીકા વિજ્ઞપ્તિ શ્રી સુબોધિનિજીમાં કહે છે કે બાબાનંદ આનંદના પ્રતિનિધિ હોવાથી તેમનું ગૃહ પણ આનંદમય છે. મૈયા યશોદા યશ આપનારી અને માતૃત્વથી ભરેલી છે તેથી તેના આંગણામાં સદાયે માતૃત્વ રસ બનીને વહ્યા કરે છે. બાબાનંદના આનંદિત અને મૈયા યશોદાના વાત્સલ્ય પૂર્ણ હસ્ત નીચે શ્રી ઠાકુરજીએ ધર્મના ઉધ્ધાર અર્થે શ્રીમદ્ ગોકુલ અને વ્રજમાં કરેલી અનેક લીલાઓમાં અનેક કર્મ પ્રગટ કર્યા છે. આમ શ્રી ઠાકુરજીએ પોતાના ધર્મ અને ધર્મી સ્વરૂપને પ્રગટ કરીને પોતાના ભક્તોને પોતાની લીલાનો અનુભવ કરાવવા માટે શ્રી ગોકુલમાં બાબા નંદ અને મૈયા યશોદાને ત્યાં પધાર્યા છે.

-પૂર્વી મોદી મલકાણ યુ એસ એ..

 

 

(૩)  શું તમે જાણો છો કે ભગવાન શ્રી કૃષ્ણએ પૃથ્વી પર અવતાર શા માટે લીધો છે ?

 

ભગવાન કૃષ્ણના અવતાર દ્વારા આપણને માનવરૂપમાં પરમાત્માનો પરિચય થયો છે. જ્ઞાનીઑ અને યોગીઓ સદાયે કહે છે કે આ સૃષ્ટિના કર્તા હર્તા તે નિરાકાર છે અને નિરંજન પ્રેમ તત્વવાળા છે પરંતુ તે પ્રેમ પણ પ્રભુની માયાનો જ એક ભાગ છે તો પછી એ માયા તત્વવાળા પ્રભુ સૃષ્ટિમાં અવતાર શા માટે લે છે? પરંતુ જેમ જ્ઞાની પંડિતો અને વિદ્વાનોની પરીક્ષા જેમ ભાગવતમાં થાય છે તે રીતે પ્રભુની નિરાકાર અને નિરંકુશ શક્તિની પરીક્ષા પણ મનુષ્યવતારરૂપે થાય છે, આથી સૃષ્ટિના પાલનકર્તા પણ મનુષ્યરૂપે અવતાર ધારણ કરીને ભૂમિ પર આવે છે અને મનુષ્યોની જેમ જ ક્રીડા કરી સંસારને ચલાવનાર ધર્મના આત્માને પ્રગટ કરે છે. શ્રી વલ્લભાચાર્ય મહાપ્રભુજી કહે છે કે સામાન્ય મનુષ્ય એ લૌકિક જનની દ્વારા કર્મબંધનથી જન્મ લે છે અને ભગવાન ધર્મને ધારણ કરીને અવતાર લે છે. ઉપનિષદમાં કહ્યું છે કે અવતાર એટલે કે ઊંચા ક્ષેત્રમાંથી નીચે આવતું તે. ભગવાન પોતે પોતાના પૂર્ણત્વ પામેલી નિશ્ચલ સ્થિતિની અંદર નિરાકાર અને નિરંજન રૂપે ઉચ્ચસ્થાને બિરાજમાન રહી ફર્યા કરે છે, પરંતુ એજ નિરાકાર શક્તિ જ્યારે પોતાનું ઉચ્ચ આસન છોડીને જ્યારે પણ ભૂમિ પર અવૃત થાય છે ત્યારે સંસારના સમસ્ત ધર્મચક્ર, ઋતુઓ અને સમયના પરિબળનું ખંડન થાય છે અને આ ખંડિત થયેલ ચક્રની અંદર પ્રભુ અવતાર ધારણ કરીને પોતાની લીલાનો પ્રારંભ કરે છે. વેદોમાં કહ્યું છે કે જ્યારે સંસારમાં રહેલ સચરાચર સૃષ્ટિ પર અનાચાર, અસત્યનો ભાર વધી જાય છે ત્યારે અસુરો અને અધર્મનું પ્રાધાન્ય વધી જાય છે આ સમય દરમ્યાન સચરાચર સૃષ્ટિ પર ભય છવાઈ જતાં સત્ય, સતજનો અને ધર્મના ઉત્કર્ષ માટે પ્રભુ ભૂમિ પર અવતાર ધારણ કરે છે. ભગવાન શ્રીકૃષ્ણએ ભગવદ્ ગીતામાં કહ્યું છે કે :

 

यदा यदा हि धर्मस्य ग्लानिभवति भारत ।
अभ्युत्थानम अधर्मस्य तदात्मानं सृजाम्यहम।।
परित्राणाय साधूनां विनाशाय च दुष्कृताम् ।
धर्मसंस्थापनार्थाय सम्भवामि युगे युगे ।।

 

આજ સુધીમાં ભગવાનના જેટલા અવતારો થયા છે તે બધા જ અવતારો એકબીજાથી ઘણા જ અભિન્ન છે તેમ છતાં તે તમામ અવતારો કોઈને કોઈ રીતે અપૂર્ણ અને મર્યાદિક હતાં. પરંતુ દ્વાપર યુગમાં ભગવાનનો શ્રી કૃષ્ણ તરીકેનો અવતાર તે અદ્ભૂત, અપૂર્વ અને અદ્વૈતપૂર્ણ છે. પહેલા સાત અવતારો જે કાર્ય ન કરી શક્યા તે તમામ કાર્યોને અષ્ટમ અવતારરૂપ પ્રભુ શ્રી કૃષ્ણચંદ્રએ પોતાના આ એક જીવનકાર્ય દરમ્યાન કર્યા છે. પ્રભુના આ અવતારને પૂર્ણ પુરુષોત્તમ તરીકે ઓળખવામાં આવ્યો છે. વિદ્વાનો કહે છે કે પૂર્ણ પુરુષોત્તમનું જે બહુમાન ભગવાન વિષ્ણુને નથી મળ્યું તે બહુમાન કેવળ અને કેવળ મનુષ્યવતાર શ્રી કૃષ્ણને જ શા માટે મળ્યું છે? શ્રી વિઠ્ઠલેશ પ્રભુચરણ કહે છે કે તેનું મુખ્ય કારણ એ છે કે સમગ્ર સૃષ્ટિના વ્યાપને- એની ભવ્યતાને, ના માન અને મર્યાદાને, એનાં સુખો અને દુ:ખોને, સાંસારિક જીવનની મહત્તા, મહત્વતા અને એના સંપૂર્ણ રૂપને જેણે નિખાલસપણે સ્વીકારી લીધું છે તે કેવળ શ્રી કૃષ્ણ છે તેથી મનુષ્યોને પોતાની જેમ જ સહજતાથી જીવનની સામે સન્મુખ થયેલા શ્રી ઠાકુરજી પૂર્ણ લાગે છે તેથી જ સમગ્ર સંસારના ઉધ્ધારના ઉદેશ્યને ધ્યાનમાં રાખીને ભગવાન વિષ્ણુ પૂર્ણ પુરુષોત્તમ રૂપે વ્રજભૂમિ પર પ્રગટ થયા છે.

-પૂર્વી મોદી મલકાણ યુ એસ એ. 

(૪)  કૃષ્ણ જન્મની વધાઈ … (પદ) …  (હવેલી સંગીત) …

 

(૧)

(૨)

 

બ્લોગ લીંક: http://das.desais.net

email: [email protected]

ફેશબુક દ્વારા બ્લોગ પોસ્ટ પર આપની કોમેન્ટ્સ અહીં મૂકવા વિનંતી છે.....

  • Kanu Patel

    મિત્રો-
    એક આપના દેશ માં અને આપણાજ ભગવાનો જન્મ લે છે ?
    આપને ધર્મને ધર્માન્ધતા બનાવી દીધી અને હવે ભગવાન ને રોજે રોજ જન્મ આપતા થયા છીએ !!
    આસ્ચ્યર્ય અને દુખ તે વાતનું થાય છે કે જે ભગવાન તમને -આપણાં બધા ને જન્મ આપે છે તે નો જ જન્મ આપને કરાવવા નીકળ્યા છે ! ક્યાં કોઈ બાપનો જન્મ એક છોકરો કરાવે તેવું ક્યાં જોયું કે સાંભર્યું છે ????

  • Jadeja Jaypalsinh

    Kharekhar bhagvan Yogeshavar vishe ghanu j na janelu ape janavyu

    apano – abhar

  • Hemal

    Nice artical and beautiful concept…….jai shree Krishna

  • Ramesh Patel

    ભગવદ કૃપા ઝીલતી સુંદર અભિવ્યક્તિ.
    શ્રી અશોકકુમારજી..આજના આ પાવન પર્વ નિમિત્તે,

    જન્માષ્ટમીની આપ તથા આપના પરિવાર સહ સૌ મિત્રો ને ખૂબ ખૂબ શુભેચ્છાઓ.

    રમેશ પટેલ(આકાશદીપ)

  • Rasik Vithaldas Bapodara

    Nishakam Karmyogi Shri Krishna Sundar Vichar Jayshrikrishna

  • Rasik Vithaldas Bapodara

    Sundar Jayshrikrishna

  • જન્માષ્ટમીની શુભેચ્છાઓ.

  • Rajeshbhai K Vaghasia

    Today we my pray lord Krishna to sower for rain in entire gujarat