"કાકુ"

હર વખ્ત બદલે કાં ચહેરો અરીસાનો?
આજુબાજુના ચહેરા તો ઘણી વાર વાંચ્યા ,
અરીસાનો ચહેરો હજુ પણ છે અજાણ્યો!
તમે તો જાણો છો અમને અમારા નામથી
અમારા નામની પાછળના નામથી પણ !
અમને ઓળખવા અમારે જોઈએ અરીસો!
મળે તાગ બિંબ-પ્રતિબિંબના સબંધનો,
ને જલે એક દિવો અમારી એ ઓળખનો ..

આ પુરાના નગરમાં છે બધું જ નવું નવું
નવો છે ઉજાસ ને અંધારું પણ નવું નવું
નવો છે વાયરો ને વાદળ પણ નવું નવું
નવો છે ભમરો ને આ ફૂલ પણ નવું નવું
ઝરણાને પાયે બાંધ્યું સમયનું ઘુંઘરું અનેરું
ખળખળતું વહે છે નિરંતર પાણી નવું નવું
અડીંગો લગાવીને જોવુંતું પાનું ઇતિહાસનું
એકેએક પાનું પુરાણનું, એય કેવું નવું નવું?!

નશ્વર નશ્વર રમે શાશ્વત સરજનહાર
લઇ મોટી ખરલ અને ઘુંટે સતત,
જલની ધારાએ ધારાએ;
અનલ, અનીલ, અવની ને આકાશ
ને ઉઠે સર્વત્ર શબ્દ
શિવોહમ.. શિવોહમ.. શિવોહમ…
મહાશક્તિની મહામાંયાનો મહાકાલ
સઘળું ભરખે ભરી ભરી ખપ્પર
ને ધીરે ધીરે એ સરકે
પરમને પાલવે પામી શાંતિ પરમ
- ને થનગને – ને ગણગણે
શિવોહમ.. શિવોહમ.. શિવોહમ…