ગઝલ …. (રચિયતા – અનિલ ચાવડા…)

ગઝલ ….  (રચિયતા અનિલ ચાવડા..)
( મૂળ કારેલા (તા. લખતર, જિ. સુરેન્દ્રનગર)  ના વતની અને હાલ અમદાવાદમાં ફિલ્મ કથા-પટકથાના સ્ક્રીપ્ટ રાઈટર, ફિલ્મીગીત, નાટક, ડોક્યુમેન્ટરી, અનુવાદ, સંપાદન, રેડિયો નાટક વિ. નું લેખન કાર્યમાં  કાર્યરત  શ્રી અનિલભાઈ ચાવડા  ખૂબ સારા સાહિત્યકાર  છે. તેઓએ એમ.એ., બી.એડ, જર્નાલીઝમનો અભ્યાસ કરેલ છે.  તેમના કાવ્યો-ગઝલ તેમજ રચનાઓ ગુજરાતના તમામ સાહીત્યક સામાયિકોમાં પ્રસિઘ્ઘ થઈ  છે, તેમને સાહિત્યમાં ખુબજ રસ છે. તેઓએ ગુજરાતના અનેક શહેર તેમજ દિલ્હી, મુંબઈ જેવા શહેરોમાં કાવ્યપાઠમાં હિસ્સો લીધો છે. દાદીમા ની પોટલી પર તેમની આ સુંદર રચના પ્રકાશિત કરવાની ફરી અમોને તક આપવા બદલ તેમના  અત્રે અમો  ખૂબ ખૂબ આભારી છીએ..  તેમનો  સંપર્ક  તેમના ઈ મેલ એડ્રેસ [email protected] પર કરી શકાય છે.)
ગઝલ ….  (૧)


શ્વેત  ચાદર ને  ફૂલોના  હારનો  ઉપહાર આપ્યો,
મૃત્યુ વેળાએ તમે જબરો વળી શણગાર આપ્યો!

 

સૌપ્રથમ તો આગિયાની આંખનો ચમકાર આપ્યો,
ને  પછીથી  સૂર્યની  સામે  થવા  પડકાર  આપ્યો.

 

આપતા તો આપી દીધા હાથ બે દમયંતીના પણ,
તો  પછીથી  કેમ માછીમારનો અવતાર આપ્યો ?

 

પાંદડુંયે  જો  હલાવ્યું   તો   ખબર  મેં   મોકલાવ્યા,
મૂળ સોતાં ઝાડ તેં કાપ્યાં, છતાં અણસાર આપ્યો ?

 

આ તો એનું એ જ ને ? આમાં અમારી મુક્તિનું શું ?
ઇંટમાંથી   બહાર  કાઢી  ભીંતનો  આકાર  આપ્યો.

 

-અનિલ ચાવડા

 

ગઝલ .. (૨)
– અનિલ ચાવડા..

એકદમ  ગંભીર  એવા હાલ પર  આવી ગયા,
ડૂસકાંઓ પણ બરાબર તાલ પર આવી ગયાં.

 

કોઇ બિલ્લી જેમ ઉતરી પાંપણો આડી છતાં,
આંસુ રસ્તાને વટાવી ગાલ પર આવી ગયા.

 

એમણે  એવું  કહ્યું  જીવન  નહીં  શતરંજ   છે,
તો અમે પાછા અમારી ચાલ પર આવી ગયા.

 

શું હશે? સાચ્ચું હશે? અફવા હશે કે શું  હશે?
સર્વ રસ્તા એક્દમ દીવાલ પર આવી ગયા.

 

– રચિયતા… અનિલ ચાવડા…

 

 

ગીત અને ગઝલ (અનીલ ચાવડા)

દીકરીની વિદાય … ગીત : ૧

-અનિલ ચાવડા …

( મૂળ કારેલા (તા. લખતર, જિ. સુરેન્દ્રનગર)  ના વતની અને હાલ અમદાવાદમાં ફિલ્મ કથા-પટકથાના સ્ક્રીપ્ટ રાઈટર, ફિલ્મીગીત, નાટક, ડોક્યુમેન્ટરી, અનુવાદ, સંપાદન, રેડિયો નાટક વિ. નું લેખન કાર્યમાં  કાર્યરત  શ્રી અનિલભાઈ ચાવડા  ખૂબ સારા સાહિત્યકાર  છે. તેઓએ એમ.એ., બી.એડ, જર્નાલીઝમનો અભ્યાસ કરેલ છે.  તેમના કાવ્યો-ગઝલ તેમજ રચનાઓ ગુજરાતના તમામ સાહીત્યક સામાયિકોમાં પ્રસિઘ્ઘ થઈ  છે, તેમને સાહિત્યમાં ખુબજ રસ છે. તેઓએ ગુજરાતના અનેક શહેર તેમજ દિલ્હી, મુંબઈ જેવા શહેરોમાં કાવ્યપાઠમાં હિસ્સો લીધો છે. દાદીમા ની પોટલી પર તેમની આ સુંદર રચના પ્રકાશિત કરવાની ફરી અમોને તક આપવા બદલ તેમના  અત્રે અમો  ખૂબ ખૂબ આભારી છીએ..  તેમનો  સંપર્ક  તેમના ઈ મેલ એડ્રેસ [email protected] પર કરી શકાય છે.)



ગીત : ૧
દીકરીની વિદાય ..
આટઆટલાં વરસો જેણે રાખ્યું ઘર હુંફાળું
મહેંદી મૂકી ચાલ્યું આજે ઘરનું એ અજવાળું
દીકરી જાતા એમ લાગતું
ગયો ગોખથી દીવો
નૈં સંધાય હવે આ ફળિયું
ગમે એટલું સીવો
જેની પગલી પડતાં સઘળે થઇ જાતું રજવાડું
મહેંદી મૂકી ચાલ્યું આજે ઘરનું એ અજવાળું
રંગોળીમાં પડશે નહીં રે
પહેલા જેવી ભાત
દૂર દૂર રે ચાલી જાશે
ઘરની આ મિરાંત
આંસુથી ભીંજાશે સૌની આંખોનું પરવાળું
મ્હેંદી મૂકી ચાલ્યું આજે ઘરનું એ અજવાળું

 

ગઝલ : ૧


કોઈ અડ્યું તો કમાલ થઇ ગઈ,
ભીતર ધાંધલ ધમાલ થઈ ગઈ.

 

કોઈ  આંખ જો  ભીની  થઇ તો,
કોઈ આંગળી રૂમાલ થઇ ગઈ.

 

પંખીએ   બે    ટહુકા   વેર્યા,
હવા બધી ગુલાલ થઇ ગઈ.

 

શુભ      સંદેશા      ડાળે     ડાળે,
ઋતુઓ સઘળી ટપાલ થઇ ગઈ.

 

વાત કરી જ્યાં ઝાકળની ત્યાં,
સૂરજ સાથે બબાલ થઇ ગઈ.

 

રચિતા : અનીલ ચાવડા …

 

ગઝલ – (અનિલ ચાવડા )

ગઝલ : ૧ – (અનિલ ચાવડા )

આવ્યા અમે ફરીથી એવી સવાર લઈને,
કે થઇ ગયો છે સૂરજ છૂટ્ટો પગાર લઈને.

 

તું  નિકળે  અહીંથી રસ્તો જ  હું બની જઉં,
બેઠા ઘણા વરસથી આવો વિચાર લઈને.

 

આવી રહી છે ઈચ્છા આ કોનું ખૂન કરવા?
આંખે  અગન  ભરીને   કેડે  કતાર  લઈને.

 

જાતે પસંદ કર્યો છે આ રોગ મેં જ મારો,
હું  શું  કરું  તમારી  આ  સારવાર લઈને.

 

હું દરવખત થયો છું લોહીલુહાણ એવો,
તું દરવખત મળે છે કૈં ધારદાર લઈને.

 

ગઝલ : ૨


 

જ્યારથી એ જણ કશાની શોધમાં છે,
ત્યારથી  આખું જગત  વિરોધમાં  છે.

 

ચાહુ   છું  એને  વધારે  તીવ્રતાથી,
વ્યક્તિ જે જે મારી પ્રત્યે ક્રોધમાં છે.

 

માનવી ’ને પ્હાડ વચ્ચે ફેર શો છે?
એક આંસુમાં છે, બીજો ધોધમાં છે.

 

હોય છે માણસ પ્રમાણે સત્ય નોખાં,
મારું  એ મારી  કથાના બોધમાં છે.

 

કૂંપળો  તો  છેવટે ઊગી  જ  જાશે,
સેંકડો પથ્થર ભલે અવરોધમાં છે.

 

-રચિયતા અનિલ ચાવડા …

( મૂળ કારેલા (તા. લખતર, જિ. સુરેન્દ્રનગર)  ના વતની અને હાલ અમદાવાદમાં ફિલ્મ કથા-પટકથાના સ્ક્રીપ્ટ રાઈટર, ફિલ્મીગીત, નાટક, ડોક્યુમેન્ટરી, અનુવાદ, સંપાદન, રેડિયો નાટક વિ. નું લેખન કાર્યમાં  કાર્યરત  શ્રી અનિલભાઈ ચાવડા  ખૂબ સારા સાહિત્યકાર  છે. તેઓએ એમ.એ., બી.એડ, જર્નાલીઝમનો અભ્યાસ કરેલ છે.  તેમના કાવ્યો-ગઝલ તેમજ રચનાઓ ગુજરાતના તમામ સાહીત્યક સામાયિકોમાં પ્રસિઘ્ઘ થઈ  છે, તેમને સાહિત્યમા ખુબજ રસ છે. તેઓએ ગુજરાતના અનેક શહેર તેમજ દિલ્હી, મુંબઈ જેવા શહેરોમાં કાવ્યપાઠમાં હિસ્સો લીધો છે.

તેઓએ ગુજરાતી ફિલ્મ નો ટેન્શન માં ગીત લેખન, ગુજરાતી ફિલ્મ ‘લોહીની સોગંધમાં ભુલાવી મારી પ્રીત માં સ્ક્રીન પ્લે – ડાયલોગ રાઈટિંગ કરેલ છે. તેમજ ગુજરાતી હિન્દી – ફિલ્મ  ‘આને વાલા કલ (ગુજરાતી ફિલ્મ ‘જાગ્યા ત્યાંથી સવાર’ ) માં ગીત લેખન કરેલ છે. ફિલ્મ અન્ડર પ્રોડક્શન છે)

તેઓની ૩૬ એપિસોડની રેડિયો ડ્રામા –સિરિયલ વનવાસી તેમજ ૮ એપિસોડ ની એઇડ્સ જાગૃતિ અભિયાન માટે રેડિયો ડ્રામા-સિરિયલ ઉજાસ આકાશવાણી, અમદાવાદ પરથી પ્રસારિત થયેલ.

તેઓએ ‘સુખ દુઃખ મારી દ્રષ્ટિએ પુસ્તક સંપાદન કરેલ છે, તેમજ …

તેઓએ ૧૪ પુસ્તકોનું અનુવાદન કરેલ છે. (૧) ચાલો આંદામાન, (૨) શૂન્યતાનો અનુભવ (૩) પૃથ્વી લક્ષ્ય (૪) સ્વયંમનો સામનો (૫) ધમન (૬)  વિધાર્થી અને મનની શક્તિ (૭) ભણો તો એવું ભણો (૮) સાચો નિર્ણય લેવાની કળા (૯) વિધાર્થી અને ટાઈમમેનેજમેન્ટ (૧૦) કોર્પોરેટ ગુરુ ધીરુભાઈ અંબાણી (૧૧) ડેવલોપીંગ ધ લીડર વિથીન યૂ (૧૨) સિક્રેટ ઓફ સેક્સ (૧૩) ટિપ્સ ઓફ સક્સેસ અને (૧૪) સંત શિરોમણી ગુરુ રૈદાસ. જે ગુજરાતના તમામ જાણીતા બાવન લેખકોની કલમે લખાયેલ લેખોનો સંગ્રહ પુસ્તક પ્રકાશ્ય ) દાદીમા ની પોટલી ને તેમની આ સુંદર રચના પ્રકાશિત કરવાની તક આપવા બદલ તેમનો ખૂબ ખૂબ આભાર. તેમના ઇ-મેલ એડ્રેસ [email protected].com પર તેમનો સંપર્ક કરી શકાય છે.)