પસંદગી … (રચના) …

પસંદગી …  (રચના) …

– અર્ચિતા દીપક પંડ્યા 

 

મિત્રો, આજે આપણે ફરી એક વખત સુ.શ્રી અર્ચિતા દીપક પંડ્યા (અમદાવાદ) ની રચના માણીશું …   રચના ના પ્રતિભાવ બ્લોગ પોસ્ટ મૂકી આભારી કરશો …

 

 

ARCHITA.1

 

 

શીર્ષક ::::: પસંદગી ::::::

 

 

પસંદગી એવી કરું છું, જિંદગીને બંદગી ગણું છું .
હર એક મુકામને હંમેશા આશીકીથી માણુ છુ.

ચોઘડિયા,મુહુર્તને વણ જોઈતી આશંકા ગણું છું,
અંતરના અવાજને જ અનુપમ આસ્થા માનું છું.

કોઈ ગેરવર્તનના આવર્તનનેય લાચારી માનું છું,
એની તાસીરનો ગણી હાથ માફી આપી દઉં છું.

તું ચીંધે જે મને તે કર્મને,વેદની ઋચા માનું છું,
જેનાથી રહે કાયમી કુણું દિલ એને ધર્મ ગણું છું.

પ્રેમ પ્રગટાવી જાતથી અહી તને બધે ખોળું છું,
આ ઇબાદતથી મને મળશે જ આશા રાખું છું.

 

 

   –   અર્ચિતા દીપક પંડ્યા 

 

 

 

પરિચય :

archita pandiya photoશ્રીમતી અર્ચિતા દીપક પંડ્યા
રહેવાસી : અમદાવાદ
શિક્ષા : સનાતક (અંગ્રેજી વિષય સાથે) રાજકોટ,મહિલા કોલેજ
શોખ : વાચન, લેખન, સાહિત્ય ને લગતી રચનાત્મક પ્રવૃત્તિ
કાર્ય : ચોથી જાગીર અને પોલીસ, પબ્લિક મીડિયામાં સમયાંતરે લેખ પ્રસિદ્ધિ ; સીરીયલ સપ્તપદી ના સંવાદ લેખન :

                                     સંપર્ક : ફેસબુક,ગુગલ +,વોટ્સ એપ, http://architadeepak.tumblr.com/  

                          બ્લોગ લીંક : pathey: Pasandagi 
                                                  http://architapandya.blogspot.co.uk/
                                    email: Archita Pandya <[email protected]>

 

 

બ્લોગ લીંક: http://das.desais.net
email: [email protected]

 

આજની પોસ્ટ આપને પસંદ આવી હોય તો, જરૂરથી  આપના પ્રતિભાવ બ્લોગ પોસ્ટ પર મૂકી આભારી કરશો.  બ્લોગ પોસ્ટ પર મૂકેલ આપના પ્રતિભાવ, બ્લોગ પર આવકાર્ય છે.

 

  

You can  contact /follow us on :

 
twittertwitter a/c : @dadimanipotli

 
face bookfacebook at : dadimanipotli

[૧] “સ્ત્રી” તેમજ [૨] “નવોઢાના નમણા શમણાં” … (રચનાઓ) …

[૧] “સ્ત્રી” તેમજ [૨] “નવોઢાના નમણા શમણાં” … (રચનાઓ) …

 

 
સૌ પ્રથમ આપ સર્વે પાઠક મિત્રોને ‘દાદીમા ની પોટલી’  પરિવાર … તરફથી આજના શુભ પર્વ પર શુભકામના સાથે શુભેચ્છાઓ.  

 

મિત્રો,  ‘દાદીમા ની પોટલી‘ પરિવારમાં અમો સુ.શ્રી અર્ચિતાબેન દીપકભાઈ પંડ્યા (અમદાવાદ) નું સહર્ષ સ્વાગત કરીએ છીએ.   અર્ચિતાબેન નો ટૂંકમાં પરિચય આપીએ તો, તેઓએ માતુશ્રી શ્રીવિરબાઇ મહિલા કોલેજ, (રાજકોટ)માં  અંગ્રેજી વિષય સાથે સનાતક સુધીનો અભ્યાસ પૂર્ણ કરેલ છે.  એટલું જ નહિ તેઓ  કથકમાં  વિશારદ છે..  ચિત્રકલા અને ક્રાફ્ટ વર્ગ પણ બાળકો માટે  તેઓએ ચલાવ્યા હતા, સાથે સાથે અભિનય અને ગાયન તેમના શોખના વિષય છે. તેઓશ્રી ના ચોથી જાગીર અને પોલીસ, પબ્લિક મીડિયા માં સમયાંતરે લેખ પ્રસિદ્ધિ થાય છે તેમજ સીરીયલ સપ્તપદી ના સંવાદ લેખન તેઓ દ્વારા કરવામાં આવેલ છે. આમ દરેક પ્રવૃત્તિને ખૂબજ સુંદર રીતે તેઓએ માણી છે પણ માતૃભાષા પર પ્રેમ એ તેમનો કૌટુંબિક વારસો છે, જે તેએ દિપાવવા માંગે છે.  તેમના  માતા અને પિતા બંને માતુશ્રી વીર બાઈમાં મહિલા કોલેજમાં(રાજકોટ) પ્રોફેસર હતા.   આમ બહુવિધ પ્રતિભા તેઓ ધરાવે છે., જેઓની ઉત્કૃષ્ટ કસાયેલી કલમનો લાભ સમયાંતરે આપ સર્વેને મળી રહે તેવી અમારી સદા નમ્ર કોશિશ રહેશે.    …

 

‘દાદીમા ની પોટલી’  સાથે જોડાઈ પોતાના દ્વારા સ્વરચિત  કૃતિ -લેખ -રચના પ્રસિદ્ધ કરવાની તક આપવા બદલ અમો સુ.શ્રી અર્ચિતાબેન દીપકભાઈ પંડ્યા ના અંતરપૂર્વકથી આભારી છીએ.  મિત્રો તેઓ  પોતાનો આગાવો બ્લોગ પણ ધરાવે છે, જેની લીંક આખરમાં દર્શાવેલ છે.  આપ સર્વેને નમ્ર વિનંતી કે તેઓશ્રી ના બ્લોગની જરૂરથી મુલાકત લેશો અને આપના અમૂલ્ય પ્રતિભાવ ત્યાં મૂકશો.

મિત્રો, આ રવિવારે વર્લ્ડ વુમન્સ ડે છે અને ૧૫ તારીખે મધર્સ ડે હોય, તે નિમિતે આ સાથે તેમની બે કૃતિઓ આજ રોજ અહીં મૂકવા નમ્ર પ્રયાસ કરેલ છે,  જે જરૂરથી માણશો અને અને આપના પ્રતિભાવ બ્લોગ પોસ્ટ પર મૂકી આભારી કરશો. 

 

કૃતિ :::: ૧ :::::

 

શીર્ષક ::::::“સ્ત્રી” ::::::

 

 

WOMEN.1

 

સૌન્દર્યા છું, સ્ત્રી છું ;
પુરુષની જોડ પ્રકૃતિ છું.
મમતાની એક આવૃત્તિ છું ,
જનનીની જાગતી વૃતિ છું.
પ્રિયા છું, પ્રેમે પરવશ છું,
પ્રયોગે પ્રસરતી પ્રવૃત્તિ છું.
પ્રીતે પ્રિય ભાષિણી છુ,
પ્રથા એ પ્રિયદર્શીની છું.
સ્વરૂપે સુહાગીની છું,
ભાવથી ભગિની છું.
અનેક રૂપે રંજીત છું,
વલણથી સદા મનજીત છું.
રૂપથી ગજગામિની છું,
મનથી માનુની છું.
અંતરથી આર્દ્ર છું,
પણ નીતિ હોય તો નેતા છું.
સંસ્કારે ગર્વિષ્ઠા છું,
કર્તૃત્વે ધર્મિષ્ઠા છું.
સંસારે અધિષ્ઠા છું,
તેજે શર્મિષ્ઠા છું.
રૂપ અને ગુણ સાથે પ્રેમ વાટિકા છું,
હર એક કૃષ્ણ ની હર એક રાધા છું.
ઈશ્વર પણ ઝંખે એવી કૂખ છું ,
પામું અને વહેચું એવું સુખ છું.

 

 

  – અર્ચિતા દીપક પંડ્યા

 

કૃતિ :::::: ૨ ::::::: 

છબી એક -સ્મરણો અનેક
પ્રિયતમ ને દ્વાર …

“નવોઢાના નમણા શમણાં” …

 

 

WOMEN

 

છબી એક -સ્મરણો અનેક 
પ્રિયતમ ને દ્વાર,

નવોઢાના નમણા શમણાં …

 

દ્વિજા બની અજાણ ઉમ્બરનો ડુંગર ઓળંગી 
હૃદયના કુમ્ભથી પ્રેમના અક્ષત લઇ વેરું છું 
પ્રિય ! કંકુ પગલાં તારા દિલ સુધી લાવું છું 
ચાહતના ચૂડે મઢેલો હાથ કાયમી સોંપું છું ! 
                    હર મુકામે તારો સાથ અખંડ ચાહું છું.
હક્કના નામની છેલ્લી નજર પિયરથી વાળી 
સાસરીમાં ઠેરવી અહી સૌને પોતીકા ગણું છું 
ચાંલ્લા ની શોભા,ટીકા દામણી ના માન વધે 
એવા વ્યવહારની પુંજી લઈને સંસારે ભળું છું 
                    હર મુકામે તારો સાથ અખંડ ચાહું છું.
વેણી નાંખી મેં મોગરાની,સંભાળ ની સુગંધની 
સગા સહુને ચાહવા એ જ પમરાટ સાથે લઉં છું 
નાળીયેર જેવી પવિત્ર લાગણી રાખી મન માં 
સખ્તાઈ સંભાળમાં ને ઋજુ સંવેદના સંકોરું છું 
                     હર મુકામે તારો સાથ અખંડ ચાહું છું.
    
લોહીના સંબંધથી આગવો લાલ, ઘર ચોળાનો બંધ ને  
સોનેરી સાળુ જેવો આપણો અમૂલ સંબંધ જોઉં છું ! 
ઓ પ્રિયતમ ! તારા નામની મહેંદી હાથે રચું છું 
આ પ્રિયા ના, પ્રિય ના સ્નેહીને પણ ,પ્રિય ગણું છું …
                      સાથે સાથે તારો સાથ અખંડ ચાહું છું.

 

 

   –   અર્ચિતા દીપક પંડ્યા 

 

 

 

પરિચય :

archita pandiya photoશ્રીમતી અર્ચિતા દીપક પંડ્યા
રહેવાસી : અમદાવાદ
શિક્ષા : સનાતક (અંગ્રેજી વિષય સાથે) રાજકોટ,મહિલા કોલેજ
શોખ : વાચન, લેખન, સાહિત્ય ને લગતી રચનાત્મક પ્રવૃત્તિ
કાર્ય : ચોથી જાગીર અને પોલીસ, પબ્લિક મીડિયામાં સમયાંતરે લેખ પ્રસિદ્ધિ ; સીરીયલ સપ્તપદી ના સંવાદ લેખન :

                                     સંપર્ક : ફેસબુક,ગુગલ +,વોટ્સ એપ,બ્લોગર,(કવિતા)ટમલર  

                          બ્લોગ લીંક : pathey: Pasandagi 
                                                  http://architapandya.blogspot.co.uk/
                                    email: Archita Pandya <[email protected]>

 

 

બ્લોગ લીંક: http://das.desais.net
email: [email protected]

 

આજની પોસ્ટ આપને પસંદ આવી હોય તો, જરૂરથી  આપના પ્રતિભાવ બ્લોગ પોસ્ટ પર મૂકી આભારી કરશો.  બ્લોગ પોસ્ટ પર મૂકેલ આપના પ્રતિભાવ, બ્લોગ પર આવકાર્ય છે.

 

  

You can  contact /follow us on :

 
twittertwitter a/c : @dadimanipotli

 
face bookfacebook at : dadimanipotli

બક્ષીસ – “કાકુ” (સ્વરચિત રચના…) …

બક્ષીસ – “કાકુ”

  
36[1]

 

અમારી હાજરીનીય નોંધ લેવાય
અમારી ગેરહાજરી પણ નોંધાય !

સબંધોના રેશમી તાંતણા આ બધા
બંધનનો અહેસાસ પણ ના વરતાય

કીકીઓમાં અકબંધ ચિત્રો ઘણા બધા
હાથ જાલીને પાટીમાં એકડો ઘૂંટવતા

શેરીને નાકેથી નજરું દોડતી રસ્તામાં,
જરીક મોડું થાય જો ઘેર આવવામાં.

નહિ કહેલા સપનાય એની નજરમાં
ના બતાવેલ નબળાય એના ઝહેનમાં

તકેદારી હતી ના એક આંસુ ઢોળાય
આંખનું કાજલ ના ગાલે રેલાય

હજુએ એની મિઠાસ અમારા દાંતમાં
એની હર ખુશી અમારી ખુશીમાં !

હર દર્દની દવા એની દુઆઓમાં
પ્રભુની બક્ષીસ એ મખમલી સ્પર્શમાં !

 

૨૭ જાન્યઆરી મોટાભાઈ(પિતાજી)ના જન્મ દિવસે …

 

– “કાકુ” 

 

 

છડેચોક એ ચર્ચાય ગયું… -“કાકુ”

  

બંધ બારણે જે ભજવાય ગયું,
છડેચોક એ ચર્ચાય ગયું …

રજનીના પાલવ નીચે છૂપું છૂપું,
આકાશે ધરતીનું ચુમ્મન લીધું
સવારે એ ઝાકળ થઈને ઝળકી ગયું !
છડેચોક એ ચર્ચાય ગયું …

મેં ધરતીમાં એક બીજ ધરબી દીધું
ઝાડ થઈને એ પાંગરી ગયું!
ફળને રસ્તે કેટલાં બીજ ઓકી ગયું !
છડેચોક એ ચર્ચાય ગયું …

મધમાખીએ ફૂલને કહ્યું કૈક ધીમું ધીમું
ને ફૂલનું હસવુંય કઈ નવું નોતું
પણ મધ થઈને એ છલકાય ગયું
છડેચોક એ ચર્ચાય ગયું …

કિડાનું ખુદની લાળમાં વીટળાય જવું
કોશેટો થઈને પોતામાં જ છુપાઈ જવું
તોય રેશમ થઈને લહેરાય ગયું !
છડેચોક એ ચર્ચાય ગયું …

 -“કાકુ”

kaku

અંદરની ઉથલ પાથલ ને વિચારોના વંટોળથી,
ખર્યા જે શબ્દ પુષ્પો,
સજાવ્યા તેને છાબડીમાં,
બસ એજ આપના સ્વાગતમાં…..

 ઉષા દેસાઈ  – “કાકુ”
બ્લોગ લીંક : http://kaku.desais.net  
(“કાકુ”  – સ્વરચિત ગુજરાતી કવિતા નો એક બ્લોગ)
email : [email protected]

આજની પોસ્ટ ‘દાદીમા ની પોટલી’ ઉપર પુન:પ્રસિદ્ધ કરવાની તક આપવા બદલ અમો “કાકુ”  – શ્રીમતિ ઉષાબેન દેસાઈ (લંડન) ના અંતરપૂર્વકથી આભારી છીએ ….

 

 આપના પ્રતિભાવ માટે “કાકુ” ના સ્વરચિત ગુજરાતી કવિતાના બ્લોગ  –   http://kaku.desais.net ની  મુલાકાત જરૂરથી લેશો અને  તેમની અન્ય  રચનાઓ પણ ત્યાં માણશો  અને આપના યોગ્ય પ્રતિભાવ બ્લોગ પોસ્ટ પર જરૂરથી મૂકશો …  બ્લોગ પોસ્ટ પરના આપના પ્રતિભાવ  સદા લેખિકા ને પ્રેરણાદાયી અને પ્રેરકબળ રૂપ બની રહે છે.

 

 

બ્લોગ લીંક : http://das.desais.net
email : [email protected]

 

 

બ્લોગ પોસ્ટ પર મૂકેલ આપના પ્રતિભાવ, બ્લોગ પર આવકાર્ય છે.

 

  

You can  contact /follow us on :

 
twittertwitter a/c : @dadimanipotli

 
face bookfacebook at : dadimanipotli

ડોલર ચાલીસા  …

ડોલર ચાલીસા  …

 

 

 

મિત્રો, આજે ‘દાદીમા ની પોટલી’ સાથે એક યુવામિત્ર જૈમિન રાવલ જોડાઈ રહ્યા છે, જેમનું અમો હાર્દિક સ્વાગત કરીએ છીએ. શ્રી જૈમિનભાઈ નો પરિચય ટૂંકાણમાંમાં આપીએ તો તેઓ મૂળ અમદાવાદના છે અને હાલ અમેરિકા સ્થિત શિકાગોમાં રહે છે. તેઓએ રાજ્ય શાસ્ત્રમાં સ્નાતક ની પદવી પ્રાપ્ત કરેલ છે.  હાલ થોડાં સમયથી તેઓ લેખન કાર્યમાં જોડાયેલા છે અને ગદ્ય અને પદ્ય બંને ક્ષેત્રમાં તેઓનો હાથ અજમાવેલ છે. એટલું જ નહિ, જેઓ પરદેશ ની ધરતી ઉપર રહીને માતૃભાષા ગુજરાતી નું જતન કરવા કોશિશ કરે છે., જે ખરેખર ગૌરવપ્રદ બાબત છે. આજની પોસ્ટ ‘દાદીમા ની પોટલી’ પર મોકલવા બદલ અમો શ્રી જૈમિન રાવલ ના અંતરપૂર્વકથી આભારી છીએ…

 

આજે આપણે અહીં ‘ડોલર’ ને આવરી લઇ તેમની એક નાની રચના ‘ડોલર ચાલીસા’ માણીશું., આશા છે આપ સર્વેને રચનામાં દર્શાવેલ ભાવ પસંદ આવશે અને આપના પ્રતિભાવ બ્લોગ પોસ્ટ પર જરૂરથી મૂકશો, જે લેખકને તેમના કાર્યમાં બળ પૂરે છે. ભવિષ્યમાં આપણે તેમના દ્વારા ટૂંકીવાર્તા તેમજ અલગ અલગ વિષયને આવરી લેતા લેખ પણ માણીશું.

dollars

જય અમેરિકન ડોલર સહિંતા, ડોલર વિશ્વ કી હે માતા,

ડોલર હી વૈભવ અપાવે, યશ-કીર્તિ ધનિકતા લાવે,

અરમાનો કી પુષ્ટિ કરતા, હદય કી સંતુષ્ટિ કરતા,

શુરુઆત મેં જો કષ્ટ અપાવે, ફિર અમૃતપાન કરાવે,

મન મેં વો લાલચ જગાવે, ફિર ઘાટે મેં વહી ઉતારે,

જો મહેનતી તપસ્વી વ્યક્તિ, જિસકે મન સર્વસંગ પ્રીતિ,

બુદ્ધિ-શ્રમ સે મિશ્રિત કર્મી, ઉસકો ડોલર કી ફલ-શ્રુતિ,

આલસ- મુઢતા-ચંચલતા, અધીરતા-સ્થિરતા-અપરિપક્વતા,

ઇન છે દાનવ સે મુક્ત કરાવે, તેજસ્વીતા કી પૂર્તિ કરતા,

વેપાર-ઉદ્યોગ કી બુદ્ધિ દાતા, જીવન કી વો આધાર માતા,

આધુનિકતા કી કરતા-હરતા, જય અમેરિકન ડોલર સહિંતા,

માયા-જાલ કી સર્જનકરતા, વશીભૂત- આકર્ષાય સ્વાહા,

અમેરિકા એકાધાર સત્તા, વિશ્વ સત્તા- ડોલર સહિંતા,

સંસાર કી મોહિની દેવી, મોહિત કરાવે ડોલર સુમાતા,

ભારત મેં કંચન કા પક્ષી, ફિર ભી મન મેં ડોલર કી પ્રીતિ,

ધર્મ,તંત્ર,કર્મ કી ક્રિયા, યે સબ ડોલર કી લીલા,

સાધક સબ ડોલર માતા કે, કરે સાધના નિષ્ઠાવાન સે,

કહે જૈમિન ડોલર ચાલીસા, યહ વચન શ્રદ્ધા સે પઢના,

જો પઢે યહ ડોલર ચાલીસા, મિલે ઉસે સુખ ડોલર કા.

 

 

 

 

બ્લોગ લીંક: http://das.desais.net
email : [email protected]
 

 

 બ્લોગ પોસ્ટ પર મૂકેલ આપના પ્રતિભાવ, બ્લોગ પર આવકાર્ય છે.

 

  

You can  contact /follow us on :

 
twittertwitter a/c : @dadimanipotli

 
face bookfacebook at : dadimanipotli

મોડા ભેગું મોડું …

મોડા ભેગું મોડું …

 

 

 

 late

 

 

 

૧. ચાલો ને હવે,બહુ મોડું થયું…

હશે, બીજું તો કંઈ નથી થયું ને ! મોડા ભેગું મોડું.

 

૨. ચાલો ને, આપણે દસ વાગે ત્યાં પહોચવાનું હતું, દસ તો અહી જ થયા.

એવું થયા કરે, મોડા ભેગું મોડું.

 

૩. થોડી ઉતાવળ કરો, પ્રસંગ પતી જશે ત્યારે પહોચશું ?

એમ પ્રસંગ ના પતે, ત્યાં પણ મોડું જ થવાનું. મોડા ભેગું મોડું.

 

૪. ઘડિયાળ સામે તો જુઓ, કામ ક્યારે પતશે !

ઘડિયાળ સમય બતાવ્યા કરે એટલે આપણે તેના કાંટા  હારે દોડવાનું !   આમએય મોડું થયું જ છે ને,  તો મોડા ભેગું મોડું.

 

બોલો, આ શબ્દ પ્રયોગનું શું કરવું !  અરે !  સમય સર ની વાત તો એક બાજુ રહી, ઉતાવળ કરવાની વાત નહિ, મોડામાં મોડું વધારો કરવાની વાત ! કેવી માનસિકતા !

 

આવા લોકોનો તોટો નથી. Indian standard time  જેવો  શબ્દ પ્રયોગ ભારતીય લોકોની સમયપાલન પ્રત્યેની ઉદાસીનતા અને અવગણનમાંથી જન્મ્યો છે.  નિશ્ચિત સ્થાને નિશ્ચિત સમયે ના પહોચીને, Indian standard time પ્રમાણે હાજર છીએ તેમ કહી ગર્વ વ્યક્ત કરે છે કે પોતાની જાતને છેતરે છે તેજ સમજાતું નથી.

 

પણ બસ, ટ્રેન કે પ્લેનમાં મુસાફરી માટે ફરજીયાતપણે સમય સાચવવો પડે. હા, નોકરી ધંધામાં પણ સમયસર કામ થવું જોઈએ.  ત્યાં મોડા ભેગું મોડું ના ચાલે. છતા સરકારી તંત્રમાં આ વૃત્તિ ઉઘડે છોગ દેખાય આવે.

 

આવો બીજો એક શબ્દ પ્રયોગ “પહેલા આવું નહોતું ” …

 

આના બે અર્થઘટન થઇ શકે: એક, આજના  કરતા વધારે સારું હતું. બે, પહેલા આજના જેવું સારું ના હતું. મોટે ભાગે લોકોને પહેલો અર્થ જ અભિપ્રેત હાય છે તેમ અનુભવે સમજાયું છે. જયારે L.P.Gas રસોઈમાટે વપરાશમાં આવ્યો ત્યારે હું બહુ જ નાની હતી. મને યાદ છે કે લોકો કહેતા “સગડી પર થતી રસોઈ જેવી મીઠાશ ગેસ પર થતી રસોઈમાં નથી “ લાકડા સળગાવીને થતી રસોઈનો જમાનો તો મેં જોયો નથી, પણ તે સમયે ગામડેથી આવતા મહેમાનો કહેતા કે કોલસાની સગડી પર થતી રસોઈમાં પહેલા જેવી સુગંધ નથી.

 

રોજીંદા વપરાશ માટે stainless steel ના જમવાના વાસણોની પણ આજ કથા છે. પણ શરૂઆતમાં “લોઢાંનાં વાસણ” અને કાચા વાસણને  ” ઠીકરાના વાસણ “ જેવા નામ આપવામાં આવ્યા હતા.તેમાં ખાવા પીવા થી રોગ થાય તેવી વાતો થતી, લેખો છાપામાં આવતાં.  ત્રાંબા, પિત્તળ અને કાંસાના વાસણોની સર્વોપરિતા ના ગુણગાન ગવાતા, આજે પણ આ સૂર થોડો થોડો સંભળાય છે.

 

મારી શાળામાં ૧૯૮૪ માં પહેલીવાર કોમ્પુટર આવ્યા ત્યારે શિક્ષક્ગણમાં તેના વપરાશ માટે થોડો વિરોધ થયો.

 

માત્ર એટલા માટે કે “પહેલા હાથેથી જે લખતા તેવું સ્વચ્છ અને મરોડદાર અક્ષરોવાળું લખાણ કોઈ પણ કાગળ પર ઉતરતું નથી. માટે અમે જાતે જ બધું લખીશું.”  આજે પરિસ્થિતિ એ છે કે કોમ્પુટર શીખ્યા ન હોવાથી કોઈની મદદ લેવી પડે છે.

 

પણ સાથે સાથે ” હાથના લખાણની, પહેલાની વાત જ અલગ  ” એમ કહ્યા વગર રહી શકતા નથી.  “ હવે ભણતર પહેલા જેવું નથી રહ્યું…”

 

” શાળા કોલેજમાં શિક્ષકો પહેલા જેવા ક્યાં છે ?”

 

” સંતાનો પહેલા મા- બાપ સામે બોલી ના શકતા..અને આજે…”

 

” પહેલા જેવું ક્યાં રહ્યું છે..કોઈને ચાલવું નથી, સ્કૂટર વગર પગ નથી માંડવો “

 

આ યાદી અનંત છે.   હદ તો ત્યરે થાય છે જયારે ત્રિસ પાત્રીસનો યુવા વર્ગ પણ “અમે ભણતા ત્યારે આવું નહોતું “ એમ ફરિયાદના સૂરમાં કહે ત્યારે થાય છે.

 

જગત પરિવર્તનશીલ છે.  જ્ઞાન – વિજ્ઞાનના વિકાસ સાથે તે વિકસતું રહ્યું છે.  અવનવી શોધો સાથે, તેના ઉપયોગથી માનવજીવનની સુખ સગવડમાં વૃદ્ધિ થઇ છે.  વીજળી, તેનાથી ચાલતા વિવિધ ઉપકરણોથી સમય અને શક્તિનો બચાવ અને સદુપયોગ શક્ય બન્યો છે, ખાસ કરીને સ્ત્રીવર્ગ માટે.  કુટુંબ નિયોજનના સાધનોથી, મારી દૃષ્ટિએ તો મહિલાઓ માટે તો સુવર્ણયુગ આવ્યો છે.  પહેલાના સમયમાં સ્ત્રીની આંગળીએ એક બાળક, કેડે બીજું અને પેટમાં ત્રીજું.  સાથે હાથેથી શ્રમપૂર્વક કરવાના ઘરકામ.  આજે આવું નથી..

 

સંયુક્ત કુટુંબો તૂટી રહ્યા છે એ વાત સાચી, પણ તેના જેટલા ગુણગાન ગવાય છે તે ” પહેલા જેવું નથી ” ના ભાગરૂપે વધારે છે. સંયુક્ત કુટુંબમાં  પ્રેમ, સ્નેહ, હૂફ, સહકાર, ની સાથે ઝઘડા, કંકાસ, પક્ષપાત પણ એટલાજ થતા.

 

વધુ કમાનાર પુરુષોનું અને સ્ત્રીઓનું શોષણ થતું.

 

આપણે સતયુગ અને બીજા યુગો વિષે વાચ્યું છે, સાંભળ્યું છે અને કળીયુગમાં જીવી રહ્યા છીએ.  એ કહેવાતા રામરાજ્યમાં પ્રથમ રામને અને પછી સીતાને અન્યાય નહોતો થયો ?

 

દેવો તપસ્વીઓના તપોભંગ માટે અપ્સરાનો ઉપયોગ ના કરતા ?

 

મહાભારત તો ઈચ્છા, આકાંક્ષા, લોભ, મદ, મોહ અને સમાજમાં પ્રવર્તતા દુષણોની કથા છે. ધર્મ માટે કૃષ્ણે શું કપટ નથી કરવું પડતું ?

 

પહેલા હતું તે આજે પણ છે પણ આજે છે તે પહેલા નહોતું.

 

આપણે સારા સમયમાં જીવી રહ્યા છીએ એ સમજણ કેળવતા ” મોડા ભેગું મોડું ”  થઇ જાય એ પહેલા જરા આત્મ નીર્રીક્ષણ, સામાજિક નિરીક્ષણ કરી લઈએ તો સારું તેમ નથી લાગતું ?

 

 
– દર્શના ભટ્ટ.
 

 
આજની પોસ્ટ ‘દાદીમા ની પોટલી’ પર પ્રસિદ્ધ કરવાની તક આપવા બદલ અમો સુશ્રી દર્શનાબેન ભટ્ટ (યુએસએ) નાં અંતરપૂર્વકથી આભારી છીએ.
 

 

 લેખિકાનો પરિચય : 

 
દર્શના ભટ્ટ … 
darshna bhatt

વતન ભાવનગર. અર્થશાસ્ત્ર સાથે એમ.એ તથા ઈંગ્લીશ,ગુજરાતી સાથે બી.એડ કર્યું.  ભાવનગરની અંગ્રેજી માધ્યમની “ફાતિમા કોન્વેન્ટ હાઇસ્કુલ ” માં એકત્રીસ વર્ષ સુધી વિદ્યાર્થીઓને સંસ્કૃત અને ગુજરાતી શીખવતા હું જ તેમની પાસેથી ઘણું શીખી.   નિવૃત્તિ પછી પ્રવૃત્ત રહેવા માટે પડોશી સંસ્થા સ્વામી નારાયણ ગુરુકુળમાં ઉચ્ચતર માધ્યમિકમાં સંચાલન કાર્ય સંભાળ્યું.

 

બંને પુત્રો નોર્થ અમેરિકામાં સ્થાયી થતાં, અગિયાર વર્ષની આવન જાવનથી ત્રાસ પામી, છેવટે એન.આર.આઈ બનવું પડ્યું. મને ઓળખાતા મારા વિદ્યાર્થી મિત્રો અને અન્ય મિત્રો મને જયારે પૂછે કે ત્યાં શું પ્રવૃત્તિ કરો છો ત્યારે “ઘરમાં શાંતિ થી રહેતા શીખું છું” એવા મારા જવાબને સાચો માનતા નથી. 

લેખન, વાચન, ગીત, સંગીત, આકાશ દર્શન, ઈતિહાસ અને રાજકારણ મારા રસના વિષયો છે. 

અત્યારે ફીલાડેલ્ફીયામાં પુત્ર, પુત્રવધુ અને તેમની બે પુત્રીઓ સાથે આનંદથી સમય વિતાવું છું.

 

 
બ્લોગ લીંક:  http://das.desais.net
email : [email protected]
 

 
બ્લોગ પોસ્ટ પર મૂકેલ આપના પ્રતિભાવ, બ્લોગ પર આવકાર્ય છે.

 

 

You can  contact /follow us on :

 
twittertwitter a/c : @dadimanipotli

 
face bookfacebook at : dadimanipotli

મોરલી વાળા …

મોરલી વાળા …

 

 

 
balkrishna.1
 

 

 

આવો હવે મોરલી વાળા, સંભવામી વચન વાળા..
ભૂમિ  ભારત ઉગારો,  આવો ગિરિધારી આવો…

 
રાવણ તેદિ’ એક જનમ્યો’તો, ગઢ લંકા મોજાર..
આજ ઠામો ઠામ રાજ રાવણ ના, કોઈ ન તારણ હાર..
વિભીષણ એક ન ભાળું,  જામ્યું બધે પાપ નું જાળું…

 
પેટમાં પોઢીને સાંભળેલી શિવે, રામ લક્ષ્મણ ની વાત..
આજ ન જીજાબાઇ જણાતી, નથી શૂરો કોઈ તાત..
ભીડૂં જે ભોમ ની ભાંગે,   જાગે રણશિંગા વાગે…

 
આજ ભામાશા ભાળ ન લેતો, લડે રાણાજી કેમ..
ધનવાનો ધન ઉપર બેઠાં, ભોરિંગ કાળા જેમ..
લૂંટે છે ગરીબ ની મૂડી,   રાખે નિતી કુડી કુડી…

 
હોટલ ક્લબ માં ચડે હિલોળે, ડિસ્કો દેતાં થાપ..
નાટક ચેટક નખરા જોતાં, આજના મા ને બાપ..
તમાકુ ની ફાકીયું ફાકે, આમાં-શિવાજી ક્યાંથી પાકે…

 
આજ જુવાની ચડી હિલોળે, અવળો છે ઉત્પાત..
નારી દેખી નર સીટીઓ મારે, દુર્યોધન ના ભ્રાત..
સીતાની શોધ શું થાતી, લાજુ જ્યાં રોજ લુટાતી…

 
લીલા પીળા લૂગડાં પહેરે, નહી પુરુષ પહેચાન..
લટક મટક ચાલ ચાલે ને, નચાવે નેણ કમાન..
આંખે આંજે કાજળ કાળું, રાખે વાળ જાણે જાળું…

 
શરીર જુવો તો સાગ ની સોટી, વળી છે વાંકી કેડ..
ખેતર વચ્ચે ચાડિયો ચોંટ્યો, એવો લાગે છે મેળ..
ભૂમિ ભારત ની લાજે, ભાળી નિજ બાળ ને આજે…

 
ખુરસી માટે ખેલ મંડાણો, કરતા નાગા નાચ..
પૈસા ખાતર પંડ ને વેચે, એવા રહ્યા છે સાચ..
ભારત ની  ભોમકા માથે, આવ્યા સૌ બાથં બાથે…

 
સંત દુભાતાં શામળો આવે, રાખે ભક્ત ની લાજ..
આજ મુનિજન એવા હશે ક્યાં, રિઝાવી લે મહારાજ..
ઊતારે રામ ને હેઠો,   જોવે છે ત્યાં બેઠો બેઠો…

 
જન્મ ધર્યો જ્યાં જાદવરાયે, રામ લીધો અવતાર..
આજ ભૂમિ એ ભીડે પડી છે, આવે લાજ અપાર..
રહે શું માતમ તારું,  લાગે તને કલંક કાળું…

 
સુણી અરજ સરકાર પધારો, આણો પાપ નો અંત..
વણશિંગા આ રાક્ષસ મારી, સ્થાપિદો સઘળે સંત..
ગીતાના ગાન વિચારો, પધારો શ્યામ પધારો…

 
અંત આવ્યો અમ ધીરજ કેરો, સંકટ સહ્યાં ન જાય..
આગ લાગી અમ હૈયે હરજી, એક જ છે ઉપાય..
કાંતો અવતાર ધરાવો, નહિતો ના પ્રભુ કહાવો…

 
દીન ” કેદાર “ના દીન દયાળુ, શાને કરો ઉપહાસ..
પ્રલય પાળે જગ બેઠું છે, નહી ઊગરવા આશ..
પછી અવતાર જો થાશે, તો-તારાં કોણ ગુણલા ગાશે…

 

 

સાર :  એક સમય હતો જ્યારે ભારત માટે કહેવાતું કે તેના એક એક જાડ ની દરેક ડાળ પર સોનાના પક્ષી બેઠા રહેતા, પણ આજે એક એવો સમય પણ આવ્યો, જ્યારે ભારત માં રહેનાર ભારતીય કહેવરાવવાનું પણ શરમ જનક માનવા લાગ્યા. કારણ કે અમુક લોકો એવા ભ્રષ્ટ પાક્યા કે પુરા ભારતની છબી બગાડી નાંખી.  રાવણે સીતાજી નું હરણ કરેલું, પણ તેમને અશોક વટિકામાં રાખેલા, પોતાના મહેલમાં લઈ જવાની કોઈ કોસીશ પણ કરી ન હતી, વિભીષણ રાવણ નોજ ભાઈ હતો, પણ સદાય સાચીજ સલાહ આપતો. આજેતો એવા એવા દુષ્ટો પાક્યા છે કે તેની સરખામણી રાવણ સાથે કરીને રાવણ ને અપમાનિત ન કરી શકાય. 

જીજાબાઈ જેવી માતા હોય તેને પેટે શિવાજી મહારાજ જેવા પુત્રો જ પાકે ને ?   જેણે શિવાજી પેટમાં હતા ત્યારથી જ એવા હાલરડા ગાયા કે શિવાજીએ બચપણ થીજ પોતાનું ભવિષ્ય નું ઘડતર ઘડવાનું ચાલુ કરી દીધું, અને આમ, મા ના પેટમાં ગર્ભ હોય ત્યારથી જ બાળકને સમજણ આપી શકાય છે.   તે આજના વિજ્ઞાને પણ સાબિત કરી બતાવ્યું છે.   જ્યારે આજના એવા ઘણા મા બાપ છે જે બાળકને આયાના ભરોંસે સોંપીને હોટેલો અને ક્લબોમાં ડાંસ કરવા જતા હોય, નાટક ચેટક જોતા હોય, અને તમાકુની ફાકીઓ ફાકતા હોય તો તેમની પાસેથી શિવાજી જેવા પુત્રો પાકવાની આશા કેમ રાખવી ?  આવા વાતાવરણ માં ઊછરેલું બાળક લંપટ ન પાકે તોજ નવાઈ લાગે !   માટે જ ભારતમાં  સૌથી વધુ ભ્રષ્ટાચાર, વ્યભિચાર અને કાળા નાણા જેવા મહા અનર્થો જ સરજાય ને ?  જોકે સાચા અમૂક સંતો – મહાત્માઓ ના આશીર્વાદના પ્રતાપે ફરીથી સુવર્ણ યુગ આવવાની આશા રાખી શકાય ખરી.   કેમકે રામ અને કૃષ્ણ જેવા અવતારો લેવા ભગવાને આ ભૂમિને પસંદ કરી છે, માટે આપણે બધા એવા કોઈ સંતન ની ભાળ મેળવીએ કે જે ઊપર બેઠાં બેઠાં આ તમાશો જોઈ રહેલા પ્રભુને પ્રાર્થના કરે કે હવે આ ભારતની દશા અમારા થી જોવાતી નથી, કાંતો હવે અવતાર ધારણ કરીને પધારો, મોડું કરશો તો આ નરાધમોનો પ્રભાવ એટલો વધી જશે કે આપને પણ તેનાપર વિજય મેળવવામાં મુશ્કેલી પડશે, અને પ્રભુ હવે તો આ ભારત આ શિંગડા વિનાના નર રાક્ષસોથી પ્રલયની અંતિમ ક્ષણો પર પહોંચી ગયું છે, કાંતો પછી કહીદો કે હવેથી મને ભગવાન ન કહેજો જેથી અમો આપના આગમન ની આશા ન રાખીએ, પણ જો પ્રલય થયો તો આપ હવે અવતાર ક્યાં ધરશો ?, અને અવતાર ધરશો તો આપના ગુણ ગાન ગાનારા ક્યાં ગોતવા જશો ?  માટે,  હે નાથ ફરીથી આ ભારતને એજ સુવર્ણ યુગ પ્રદાન કરો જેના માટે આપને જન્મ ધરવાની ઇચ્છા થતી રહેતી.

 

 
જય જગદીશ્વર…

 

 
kedarsinhjiરચયિતા:
કેદારસિંહજી એમ. જાડેજા
(ગાંધીધામ-કચ્છ)
મો. ૯૪૨૬૧ ૪૦૩૬૫
e mail. [email protected]
W.:   http://kedarsinhjim.blogspot.com

 

 

આજની પોસ્ટ   ‘દાદીમા ની પોટલી’ પર પુન:પ્રસિદ્ધ કરવાની તક આપવા બદલ અમો  શ્રી  કેદારસિંહજી મે. જાડેજા (ગાંધીધામ- કચ્છ) ના અંતરપૂર્વકથી આભારી છીએ.

 

 

બ્લોગ લીંક : http://das.desais.net
email : [email protected]

 

જન્માષ્ટમીની સૌ મિત્રોને શુભકામનાઓ સાથે શુભેચ્છાઓ….!

ૐ નમ: શિવાય ….! જય શ્રીકૃષ્ણ !

 

 

બ્લોગ પોસ્ટ પર મૂકેલ આપના પ્રતિભાવ, બ્લોગ પર આવકાર્ય છે.

 

 

You can  contact /follow us on :

 
twittertwitter a/c : @dadimanipotli

 
face bookfacebook at : dadimanipotli

(૧) મા બનનારી દીકરીને પત્ર … અને (૨) માતૃત્વને આરે … (રચના) …

(૧) મા બનનારી દીકરીને પત્ર …

શ્રી નિરંજન મહેતા (મુંબઈ) …

 

 

kids and mother
 

 

ચિ. સુ.

 

 

તારા લગ્નને બે વરસ પૂરા થઈ ગયા. સમય ક્યા પસાર થઇ ગયો તેની ખબર જ ન રહી. જાણે હજી ગઈકાલે તો તારા લગ્ન લેવાયા હોય તેમ લાગતું કારણ લગભગ રોજ આપણે ફોન ઉપર વાત કરતા અને પરસ્પર સંપર્કમાં રહેતા. પરંતુ આજે જે સમાચાર આપ્યા તે એવા સુખદ છે કે સાંભળીને મારી જાતને આ પત્ર લખતાં રોકી શકી નહી કારણ અમુક વાતો એવી હોય છે જે ફોન ઉપર ના પણ થઈ શકે.

 
દીકરી માં બનવાની છે તે જાણી કઈ માને આનંદ ન થાય ?  પરંતુ તે સાથે દીકરીની જવાબદારી પણ વધી જાય છે તેનો તને કદાચ પૂરો ખયાલ નહી હોય.  હવે તું પત્નીની સાથે સાથે મા બનવાની છે અને આમ બમણી જવાબદારી આવવાની.,  દરેક સ્ત્રી માટે આ બેવડી જવાબદારી કસોટીરૂપ હોય છે અને સમજદારીપૂર્વક તે ન નિભાવાય તો લગ્નજીવન મુશ્કેલીભર્યું બને છે.

 
બાળકના જન્મ પહેલાના નવ મહિના દરમિયાન સ્ત્રી જુદા જુદા સ્તરેથી પસાર થાય છે.  આ તારો પહેલો પ્રસંગ છે એટલે થોડા રોમાંચ સાથે તું થોડો ભય પણ અનુભવતી હશે. આ સ્વાભાવિક છે કારણ માતા બનનારી દરેક મહિલા આ અનુભવમાંથી પસાર થાય છે.  તું જાતજાતના વિચારો કરતી થઈ જશે.  પણ એટલું ધ્યાન રાખજે કે સારા વિચારો જ આવનારમાં સારા સંસ્કાર પૂરે છે.  સારૂ વાચન તેમાં મદદરૂપ થાય છે.

 
વળી તબિયતમાં પણ ચઢાવ ઉતાર આવશે પણ તેનાથી ગભરાયા વગર ખાવા પીવાની બાબતમાં અપાયેલા સલાહસૂચનનું યોગ્ય પાલન કરવાથી તેમ જ નિયમિત ફરવા અને આરામ કરવાની બાબતમાં તું જેટલું ધ્યાન આપશે તેટલી તને ઓછી તકલીફ થશે અને આવનાર પણ તંદુરસ્ત હશે.  આ માટે ડોક્ટરની નિયમિત મુલાકાત અને તેમના સલાહસૂચનનું ચુસ્ત પાલન અત્યંત જરૂરી છે.

 
આવનાર નાના જીવને સાચવવાની પ્રાથમિકતા હોવા સાથે પતિને પણ સાચવવો જરૂરી છે.  અત્યાર સુધી તારૂ ધ્યાન એક પર કેન્દ્રિત હતું અને તું પૂરો સમય તારા પતિને ફાળવતી હતી.  હવે તેવો અને તેટલો સમય તું તેમને ન પણ આપી શકે.  આ સંજોગોમાં નિરવકુમાર કેટલી સમજદારી દાખવે છે તે મહત્વનું છે. જ્યાં સુધી હું તેમને ઓળખું છું તે મુજબ મને ખાતરી છે કે તેઓ આ બાબતમાં સાનુકુળ બની રહેશે અને તને અંતરાયરૂપ ન થતાં સહાયરૂપ થશે.

 
જ્યારે પણ આ નવા અવતારમાં મૂંઝવણ થાય ત્યારે અડધી રાતે પણ તું તારી આ સખી જેવી માને ફોન કરી શકે છે તે કહેવાની જરૂર છે?

 
બસ હાલમાં આટલું પૂરતું છે કારણ ફોન તો કરતા રહેશું ત્યારે સમયાનુસાર વાતો અને સલાહ અપાતી જ રહેશે.

 

 

તારી હિતેચ્છુ મા

 

 

 

 

(૨) માતૃત્વને આરે …

શ્રી નિરંજન મહેતા (મુંબઈ) …

 

 

pregnaent.lady
 

 

હર નારીની છે ઝંખના જે પામવા પદ
પણ નથી સરળ પામવું સર્વને આ પદ

 

આવ્યો એ અવસર આજ તુજ સન્મુખે
પ્રભુ દે શક્તિ, પામે તું તે હસતે મુખે

 

ભલે લાગે માર્ગ પ્રાપ્તિનો પીડાદાયક
પણ પછી છે અનેરો અને આનંદદાયક

 

છે આ નવજીવન અણજાણ પણ રોમાંચક
જે બદલશે તારી જીવનયાત્રા અચાનક

 

રહેશે વડીલો અને સાથીઓનો હંમેશા સાથ
રહે નચિંત, સદાય ઝાલશે સૌ  તારો હાથ

 

 
– નિરંજન મહેતા (મુંબઈ)

 

 

આજની પોસ્ટ  ‘દાદીમા ની પોટલી’  પર પ્રસિદ્ધ કરવાની તક આપવા બદલ અમો  નિરંજનભાઈ મહેતા (મુંબઈ) ના અંતરપૂર્વકથી આભારી છીએ.

 

 

  લેખકશ્રી ના સંપર્ક વિગત : 

 

niranjan mehtaNiranjan Mehta

A/602, Ashoknagar(Old), Vaziranaka, L.T. Road, Borivali(West), Mumbai-400091.
Tel. 28339258/9819018295

 

બ્લોગ લીંક : http://das.desais.net
email : [email protected]

 

 

બ્લોગ પોસ્ટ પર મૂકેલા આપના પ્રતિભાવ, બ્લોગ પર આવકાર્ય છે.

 

 

You can  contact /follow us on :

 

twitter a/c : @dadimanipotli 

 

facebook at : dadimanipotli

આંતકવાદ … (બે રચના) …

(૧) ર૦૦૬ના વારાણસી બોંબધડાકા બાદ …

શ્રી નિરંજન મહેતા (મુંબઈ) …

 

 

 

aantakvad varanasi bomb blast

 

 

નથી દેખાતો ક્યાંય અંત આ આતંકનો
જયારે માનવી થાય દુશ્મન માનવીનો …

 
ધર્મઝનૂન જયારે જયારે મૂકે છે માઝા
ઘવાય છે, હણાય છે નિર્દોષ ઝાઝા …

 
શું મુંબઈ કે શું દિલ્હી, કે હોય વારાણસી
આતંકના આંધળુકિયાથી પ્રજા છે ત્રાસી …

 
સમજાવે કોણ આ આતંકવાદીઓને
નથી શાંતિ આતંકથી અમને કે તમને …

 
કરીએ સૌ સાથે મળી પ્રભુને અભ્યર્થના
સંબંધો રહે શાંતિમય માનવ માનવના …

 

 

 

(ર) તાજમહાલ હોટેલ પરના હુમલા પછી …

 

 

aantakvad taj

 

 

આતંકવાદીનો નથી હોતો ધર્મ કે રંગ
લડે છે પોતા માટે એક જૂઠો જંગ …

ધર્મની આડમાં છૂપાય છે આ કાયરો
અને કરે છે નિર્દોષોને હંમેશા તંગ
‘મઝહબ નહી શિખાતા આપસમેં બેર રખના’
કરે હંમેશા ‘ઈકબાલ’ના આ કોલનો ભંગ …

કોણ સારું, કોણ નઠારું, ન તેઓ સમજે
લાચાર માનવીઓને મારતા રહે સંગ%
તોબા તોબા આ શયતાની સ્વભાવ
માનવ માનવ ન રહયો, ખુદા પણ છે દંગ …

 

%સંગ – પત્થર

 

– નિરંજન મહેતા (મુંબઈ)

 

 

આજની પોસ્ટ  ‘દાદીમા ની પોટલી’  પર પ્રસિદ્ધ કરવાની તક આપવા બદલ અમો   શ્રી નિરંજનભાઈ મહેતા (મુંબઈ) નાં અંતરપૂર્વકથી આભારી છીએ.

 

 

  લેખકશ્રી નાં સંપર્ક વિગત : 

 

niranjan mehtaNiranjan Mehta

A/602, Ashoknagar(Old), Vaziranaka, L.T. Road, Borivali(West), Mumbai-400091.
Tel. 28339258/9819018295

 

બ્લોગ લીંક : http://das.desais.net
email : [email protected]

 

 

બ્લોગ પોસ્ટ પર મૂકેલા આપના પ્રતિભાવ, બ્લોગ પર આવકાર્ય છે.

 

 

You can  contact /follow us on :

 

twitter a/c : @dadimanipotli 

 

facebook at : dadimanipotli

एकेन विज्ञायतेन..  એકને જાણવાથી..

एकेन विज्ञायतेन..  એકને જાણવાથી..

 

 

 ramkrishna

 

ઈશ્વરના સ્વરૂપ વિષે પ્રાચીન સાહિત્યમાં અનેક કથા કહેવાયી છે.  કોઈએ જોયો નથી તેથી નેતિ નેતિ … આવો નથી કહી વ્યાખ્યામાં વ્યાખ્યાયિત કરવામાં આવ્યો છે.  જેમ કે નિરાકાર, અવિનાશી, અજર, અમર.. જેને આકાર નથી, જેનો વિનાશ નથી, જેને વૃધાવસ્થા નથી, જેને મૃત્યુ નથી..  વિગેરે.

 

પણ ઉપનિષદમાં તે વિષે એક સરસ અને સરળ કથા છે.

 

આરુણી ઉદ્દાલક મહર્ષિ હતા. તેમને શ્વેતકેતુ નામનો પુત્ર હતો.  બાળ સહજ રમતિયાળ, તોફાની પણ સહજ,સરળ અને નિખાલસ હતો.ઉપનયન સંસ્કાર..જનોઈ વિધિ થયા પછી પણ તે વિદ્યાભ્યાસ માટે ગુરુના આશ્રમે જવા રાજી ન હતો.  આથી એક દિવસ તેના પિતાએ તેને ઠપકો આપતા કહ્યું  “ પુત્ર શ્વેતકેતુ, આપણાં કુળમાં હજુ સુધી કોઈ વિદ્યા વિહીન માત્ર નામનો જ બ્રાહ્મણ રહ્યો નથી.  તું ગુરુના આશ્રમે નિવાસ કરી વિદ્યા પ્રાપ્ત કર.”

 

શ્વેતકેતુ જયારે ગયો ત્યારે આઠ વર્ષનો હતો. બાર વર્ષ સુધી વેદ, વ્યાક્રરણ, ગણિત વિગેરેનો અભ્યાસ કરી યુવાન વયે પિતા પાસે પાછો ફર્યો – ગયો ત્યારે બાળક હતો, નિખાલસ હતો.  હવે તે યુવાન હતો, વિદ્યાભ્યાસના અભિમાનથી અક્કડ બની ગયો હતો.  બીજા વિદ્વાનોથી પોતાને ચડિયાતો માનવા લાગ્યો હતો.  એટલે સુધી અભિમાની બની ગયો હતો કે પિતાની ઉપસ્થિતિમાં જ અન્ય ઋષિ મુનિઓનું અપમાન કરવા લાગ્યો.

 

તેના પિતાને આ અયોગ્ય લાગ્યું.  તેમને તેને એકાંતમાં લઇ જઈ ઠપકો આપ્યો.

 

હે શ્વેતકેતુ, વિદ્યાનું લક્ષણ વિનયતારામાં જરા પણ જણાતું નથી.  વિદ્યા તો વિનયથી જ શોભે.  “ પછી ઋષિ ઉદ્દાલકે તેને પૂછ્યું ” તું એવું કંઈ જાણે છે કે એકને જાણવાથી સર્વ કંઈ જાણવામાં આવી જાય ? ”

 

આ પ્રશ્નથી શ્વેતકેતુ નમ્ર બન્યો અને બોલ્યો   “પિતાજી, મારા ગુરુએ આવું કંઈ શીખવ્યું નથી.  આપ જ મને તે શીખવો.”

 

પિતા તેને ઉપદેશને બદલે સ્વાનુભવથી શીખવવા માંગતા હતા.  તેમણે શ્વેતકેતુને કહ્યું …

 

“ જા  એક પાણીથી ભરેલ પાત્ર લઇ આવ ” શ્વેતકેતુ તે લાવ્યો ત્યારે કહ્યું  “આ પાત્રમાં થોડા મીઠાના ગાંગડા  નાખ ”

 

શ્વેતકેતુએ તે પ્રમાણે કર્યું . “હવે આ પાત્ર એક બાજુ સાચવીને મૂકી દે ”

 

બીજે દિવસે સવારે પિતાએ પુત્રને તે પાત્ર લાવવા આદેશ આપ્યો.  શ્વેતકેતુએ પિતાની આજ્ઞાનું પાલન કર્યું.  પછી તે બોલ્યા ..

 

“પુત્ર,આ પાત્રમાંથી મને મીઠું આપ”

“પિતાજી, તે તો પાણીમાં ઓગળી અને ભળી ગયું છે ”

 

“સારું, આ પાણીને જરા ઉપરથી ચાખીને કહે કે કેવું લાગે છે”   શ્વેતકેતુએ તેમ  કરી કહ્યું  “ ખારું ”

 

“હવે પાણીને મધ્યમાંથી  અને તળમાંથી ચાખી કહે કે  પાણી કેવું છે સ્વાદમાં ? ”

 

“પિતાજી, ખારું”

 

“ હે શ્વેતકેતુ તું સમજ કે આમ જ તે તત્વ ( ઈશ્વર ) જગતના કણે કણમાં,  જડ – ચેતનમાં વ્યાપ્ત છે”

“પિતાજી, મને વિશેષ ઉપદેશ કરો ”

 

“સાંભળ પુત્ર,  જેમ માટીને જાણવાથી તેમાંથી બનેલા વિવિધ આકારના પત્રો..માટલા,  કુલડી, કોઠી  વિગેરે જાણવામાં આવી જાય, લોહને જાણવાથી તેમાંથી બનેલ કુહાડી, નખલી, વિગેરે જાણવામાં આવી જાય, જેમ સુવર્ણને જાણવાથી તેમાંથી બનેલા અલંકારો, હાર, કંગન, કુંડળ વિગેરે જાણવામાં આવી જાય તેમ તે તત્વને (ઇષ્ટ-તત્વને)… ઈશ્વરને જાણવાથી, સમજવાથી સર્વ કંઈ જાણી શકાય.”

 

પણ આ સર્વ દ્રષ્ટાંત અપૂર્ણ છે.  કારણ કે માટી,સુવર્ણ, લોહ નાશ પામી શકે,પણ આ તત્વ કદી … નાશ ન પામે.  જેમ બીજમાંથી વૃક્ષ જન્મી વિશાળતા ધારણ કરે છે તેમ આ જગત તેમાંથી જ સર્જન પામ્યું છે.  પણ પુત્ર, આ દ્રષ્ટાંત પણ અપૂર્ણ છે.

 

કારણ કે બીજ બળી જતાં તેમાં રહેલ વૃક્ષ બળી જાય છે.  આ પરમ તત્વ કદી બળતું નથી.

 

હે પુત્ર, તે જ સત  છે… સહુ પ્રથમ તે જ હતું,તે જ છે.. તે જ સર્વ વ્યાપી છે.   तत सत एव …इदं एव अग्र आसीत्.

 

શ્વેતકેતુનું જ્ઞાનનું અભિમાન નષ્ટ થયું, અને સાચા જ્ઞાનની પ્રાપ્તિ થઇ.

 

 

– નરસિહ મહેતાના પ્રસિદ્ધ ભજનમાં … “ અખિલ બ્રહ્માંડમાં એક તું શ્રી હરિ

જુજવે રૂપ અનંત ભાસે….ઘાટ ઘડિયા પછી નામ રૂપ જુજવા

અંતે તો હેમનું હેમ હોયે …..”  પણ આ સત્ય જ વર્ણવાયું છે.

 

 
– દર્શના ભટ્ટ.
 

 
આજની પોસ્ટ ‘દાદીમા ની પોટલી’ પર પ્રસિદ્ધ કરવાની તક આપવા બદલ અમો સુશ્રી દર્શનાબેન ભટ્ટ (યુએસએ) નાં અંતરપૂર્વકથી આભારી છીએ.
 

 

 લેખિકાનો પરિચય : 

 
દર્શના ભટ્ટ … 
darshna bhatt

વતન ભાવનગર. અર્થશાસ્ત્ર સાથે એમ.એ તથા ઈંગ્લીશ,ગુજરાતી સાથે બી.એડ કર્યું.  ભાવનગરની અંગ્રેજી માધ્યમની “ફાતિમા કોન્વેન્ટ હાઇસ્કુલ ” માં એકત્રીસ વર્ષ સુધી વિદ્યાર્થીઓને સંસ્કૃત અને ગુજરાતી શીખવતા હું જ તેમની પાસેથી ઘણું શીખી.   નિવૃત્તિ પછી પ્રવૃત્ત રહેવા માટે પડોશી સંસ્થા સ્વામી નારાયણ ગુરુકુળમાં ઉચ્ચતર માધ્યમિકમાં સંચાલન કાર્ય સંભાળ્યું.

 

બંને પુત્રો નોર્થ અમેરિકામાં સ્થાયી થતાં, અગિયાર વર્ષની આવન જાવનથી ત્રાસ પામી, છેવટે એન.આર.આઈ બનવું પડ્યું. મને ઓળખાતા મારા વિદ્યાર્થી મિત્રો અને અન્ય મિત્રો મને જયારે પૂછે કે ત્યાં શું પ્રવૃત્તિ કરો છો ત્યારે “ઘરમાં શાંતિ થી રહેતા શીખું છું” એવા મારા જવાબને સાચો માનતા નથી. 

લેખન, વાચન, ગીત, સંગીત, આકાશ દર્શન, ઈતિહાસ અને રાજકારણ મારા રસના વિષયો છે. 

અત્યારે ફીલાડેલ્ફીયામાં પુત્ર, પુત્રવધુ અને તેમની બે પુત્રીઓ સાથે આનંદથી સમય વિતાવું છું.

 

 
બ્લોગ લીંક:  http://das.desais.net
email : [email protected]
 

 
બ્લોગ પોસ્ટ પર મૂકેલ આપના પ્રતિભાવ, બ્લોગ પર આવકાર્ય છે.

“મોરલી કે રાધા ?” …

“મોરલી કે રાધા ?” …

 

 

 

radha-krishna

 

 
અર્જુન પૂછી બેઠો કૃષ્ણને,

 
“વધુ વહાલુ શું છે તમને – મોરલી કે રાધા ?”

 

જવાબમા શ્રી કૃષ્ણ બોલ્યા,

 

“મોરલી મારો રાગ છે ને રાધા મારો સાદ છે.

મોરલી મારો સુર છે ને રાધા મારૂ રૂપ છે.

મોરલી તો મારી સાથી છે ને રાધા મારી રાણી છે.

છાયો છે મોરલી ને પડછાયો છે રાધા.

મોરલી મારો હક છે તો રાધા મારો અધિકાર છે.

જેમ મોરલી વિનાનો કૃષ્ણ અધુરો તેમ રાધા વિનાનો શ્યામ અધુરો.

એટલે મોરલી કરતા મને રાધા વધારે વહાલી છે કારણ કે

મોરલી હું છું એટલે તેને તરછોડીશ તો દુ:ખ મને જ થશે.

પરંતુ રાધા મારો પ્રેમ છે એટલે તેને તરછોડીશ

તો દુનિયા આખીને દુખ લાગશે.

તેથી ગોકુળ મુક્યા પછી મેં મોરલી નથી વગાડી

કારણ કે પછી મને રાધા ક્યાંય મળી નથી.”

 

 

[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[[

 

 

એક પુરુષે કહેલા ઉત્તમ વાક્યો:

 

૧) જ્યારે હું જન્મયો ત્યારે એક સ્ત્રીએ મને છાતી સરસો ચાંપ્યો હતો…

તે મારી મા હતી.

 

૨) બાળક તરીકે હું મોટો થતો હતો ત્યારે મારી સાથે રમવા અને મારી સંભાળ લેવા એક સ્ત્રી હતી…

તે મારી બહેન હતી.

 

૩) હું શાળાએ જવા લાગ્યો. મને શીખવામાં મદદ કરવા માટે એક  સ્ત્રી હતી…

તે મારી શિક્ષીકા હતી.

 

૪) મારે સતત કોઇનુ સાનિધ્ય, સથવારો અને પ્રેમની જરુર હતી,   ત્યારે પણ એક સ્ત્રી મોજુદ હતી…

તે મારી પત્ની હતી.

 

૫) જ્યારે હું રુક્ષ બન્યો ત્યારે મને પીગળાવવા એક સ્ત્રી હતી…

તે મારી પુત્રી હતી.

 

૬) જ્યારે હું મૃત્યુ પામીશ ત્યારે મને સમાવી લેવા એક સ્ત્રી હશે…

તે મારી માતૃભૂમિ હશે.

 

 

જો તમે એક પુરૂષ હો તો દરેક સ્ત્રીની ઇજ્જત કરો !

જો તમે એક સ્ત્રી હો તો સ્ત્રી હોવાનું ગૌરવ અનુભવો.

 

તમારી નાનકડી લાડ્લી દીકરી તમારો હાથ થોડા સમય માટે જ પકડી શક્શે…પરંતુ તમારું હૈયું આખી જીંદગી ભરેલું રાખશે.

 

“આ દીકરીઓનું સપ્તાહ છે”

 

જો તમારે દીકરી હોય જે આસ પાસ હોવા માત્રથી તમારું જીવન જીવવા લાયક બનાવી દેતી હોય અને તેને તમે તમારા શ્વાસથી પણ વધુ ચાહતા હો …

 

તમારી દીકરી માટે તમને અપાર ગૌરવ હોય, તો આ થોડા

વાક્યોની નકલ કરી પ્રેમાળ પુત્રીના મા-બાપ હોવાનું ગૌરવ

ધરાવતા હોય તેમને તુરંત મોક્લી આપો!

 

 

– અજ્ઞાત

 

 
સૌજન્ય : વિજય ધરીઆ (શિકાગો)
 

 

બ્લોગ લીંક: http://das.desais.net
email: [email protected]

 

 

આજની પોસ્ટ ‘દાદીમા ની પોટલી’ પર મોકલવા બદલ અમો શ્રી વિજયભાઈ ધારીઆ (શિકાગો) નાં અંતરપૂર્વકથી આભારી છીએ.

 

આજની પોસ્ટ જો આપને પસંદ આવી હોય તો  આપના અમૂલ્ય પ્રતિભાવ પોસ્ટ સાથેના કોમેન્ટ્સ બોક્ષમાં મૂકશો., જે અમોને પ્રેરણાદાયી અને માર્ગદર્શક બની રહે છે. .

 

 

You can  contact /follow us on :

twitter a/c : @dadimanipotli

 

facebook at : dadimanipotli