ધ્યેય પ્રાપ્તિ માટે મક્કમ બની વિજય સિદ્ધિનું વટ વૃક્ષ બનો , …

ધ્યેય પ્રાપ્તિ માટે મક્કમ બની  વિજય સિદ્ધિનું વટ વૃક્ષ બનો , …

 

                                    હમ કબ તક ખુદકો ખુદ્સે નાવાકિફ રખેંગે

                                બરગદ કે શજર હોકર, કબતક ગમેલે મેં  રહેંગે ?                                                                                                                                                                                                 ….મુન્તેજીર 

    આપણી ખૂદની પહેચાન પ્રત્યે આપણે કુંડામાં, ભલા ક્યાં સુધી પડ્યા રહેશું ?  માનવી જયારે પોતાની ઓળખ થઈ જાય ત્યારે બીજાથી  કૈક નવું કરવાની તમન્ના જાગે છે, આ એક માનવ સહજ ભૂખ છે, તે નૈસર્ગિક છે..  આ જગમાં કશું જ અશક્ય નથી પુરુષાર્થ શક્યતાના દ્વાર ખોલી આપે છે, અતુટ વિશ્વાસ નવી પગદંડી પાડે છે, માનવીને પુરુષાર્થ હંમેશા આગળને આગળ રહી  પ્રેરક ચેતના આપી  હિંમત આપે છે, અને કહે છે

                            ” ઓ ! રાહબર આગળ રહીશું તવ નજર રૂપે 

                              નથી કંઈ કાફલાની ધૂળ કે પાછળ રહી  જાશું 

                       મંઝીલ તરફ ચરણ ચાલવા માંડે ત્યારે રસ્તો આપ મેળે સુઝે છે, જીવનની લક્ષ્ય સિદ્ધિ ચાલવું તો, પડશે, ઉપાડેલું પહેલું  ચરણ હિંમતશ્રધ્ધા અને દ્રઢ આશા સાથે અડગતાથી ભર્યું હોય તો સમયના વહેણમાં પગદંડી બની જાય છે, જગતમાં  દોડનારા, ભાગનારા આંધળું અનુકરણ કરનારા, નકલ કરનારાની કમી નથી, કોઈના ઘૂંટાવેલા એક્ડાને વારંવાર ઘુંટવાથી તાલીમ મળે પણ પછી બગડો બગડો શીખવો પડે તો જ તમે 100 અંક સુધી પહોંચી આંક શીખી શકો, ગુણાકાર  ભાગાકાર  સરવાળા  બાદબાકી શીખી ગણિતમાં પારંગત બની શકો માણસે શિક્ષણ પામી, સમજના સથવારે પરિવર્તનશીલ બનીને વિજયી થવાનું હોય છે, આગળ વધવાનું લક્ષ દરેક માનવીમાં હોવું જોઈએ. કાંતિ ભટ્ટ તેથી જ કહે છે “પરિવર્તન માટેનો મક્કમ ઇરાદો અને તગડો સંકલ્પ મહત્વનો છે  ,,  આપણી તાકાત ભલે ઓછી હોય મુરાદ મોટી હોવી  જોઈએ ,”.  સંકલ્પ જ મહાન કાર્યોનો જનક છે…  વિક્ટરહ્યુગો નોંધે છે “મનુષ્યમાં શક્તિની ખામી નથી-હોતી, સંકલ્પની ખામી હોય છે.. સોક્રેટીસે સંકલ્પ પહેલા લેવાતાં નિર્ણયનીમહત્તા  આંકી છે, કોઈ પણ વસ્તુ માટે નિર્ણય કરતી વખતે ત્રણ વસ્તુ જરૂરી છે અનુભવ, જ્ઞાન અને નિર્ણય કરવા માટે અભિવ્યક્ત થવાની ક્ષમતા”  સંકલ્પનું બીજું નામ  પ્રતિજ્ઞા. અને તેમાં બનાવટ ના ચાલે  જોહુકમી ના ચાલે, સંકલ્પથી લીધેલાં નિર્ણયથી  કંઈક કરવાની ઇચ્છા પૂર્ણ કરવા ધીરજ, આત્મવિશ્વાસની આવશ્યકતા છે ,થોડી   આળસ તમને અટકાવી દેશે ,શંકાનો વંટોળ તમને સફળતા, આપી ના શકે …
                    કંઈક  પામવાનું , કરવાનું લક્ષ્ય  ધ્યેય બને ત્યારે વિચાર સંકલ્પમાં પરિણમે છે, સંકલ્પ  દ્રઢતા જન્માવે છે, દ્રઢતા તમને પરાક્રમી બનાવી તમને અનુભવોથી  ઘડે છે. જ્ઞાન અનુભવમાંથી આવે છે સાચી નિષ્ઠા અને આત્મ સંતોષ તેનાથી વધે છે  માર્ગ આપોઆપ  સૂઝે છે, આપણી ભીતર પ્રચંડ  શક્તિનો સ્રોત છે, જેની ,.  ખુદને ખબર નથી અંદાઝ સુદ્ધા નથી, મહાત્મા ગાંધી કહેતાં “પૈસા વગર કોઈ કાર્ય અટકતું નથી, આળસથી  અટકે છે, સત્ય નીતિમત્તાના ધોરણ ના હોય તો અટકે છે,  ” તક મહત્વની છે ,માણસે કદી એ ભૂલવું ના જોઈએ કે નાની મોટી દરેક  વ્યક્તિમાં કંઈને કંઈ મહા વિરાટ શક્તિ છૂપેલી હોય જ છે ,Gordon Dean તેથી લખે છે કે The way to become truly useful is to seek the best that other brains have to offer માત્ર ”  ચેતનાની ક્ષણો “જાગવી જોઈએ 
                  તમારી અંદરની ખૂબીઓ, આવડતને ઓળખો, સમજો અને તેને પ્રગટ થવા દો  અને તે માટે જાત સાથે પ્રેમ કરો,  નિરાશાને ફગાવી દો,,  હું કામ હાથમાં લઈને સારી રીતે ઉત્તમ બનાવી પૂર્ણ કરીશ, વિજયી બની ચમકીશ, એવો મક્કમ આશાવાદ રાખો, તમારી કાબેલિયત લાંબે ગાળે મને પ્રતિષ્ઠા સાથે સન્માન અપાવશે, જે પળે, જે બનવાનું છે તે નિર્ધારિત છે, અને થશે જ !   તમારા હાથમાં જે નથી તેનો ઉદ્વેગ શા માટે કરવો ? જે ઘડાયું  નથી તેનો અંજપો, વલોપાત  અગાઉથી  શા માટે ? આ વાત સમજો,
                   ઈશ્વરે તમારા માટે કાર્ય નિશ્ચિત કરીને તમને અહી મોકલ્યા છે, સમજણના અભાવથી જીવનમાં સફળતા સામે અવરોધ ઊભો થાય છે,  હું અવરોધો માંથી કંઈક શીખી અનુભવી બની, જ્ઞાન મેળવીશ, નવા આયામો, નવા આયોજનો હાથ ધરી, સંકુચિતતાના કુંડાળા માંથી બહાર  નિકળી  મારા ધ્યેયને સુધી  પહોંચવા  અડગ રહીશ  જો તમે, સંકલ્પના બીજને  રોપી,પરિશ્રમનું ખાતર આપી, આશાનું જળસિંચન કરી વિશ્વાસ થી જતન  કરશો  તો વટવૃક્ષ  બની ફેલાઈ જશો અને  નવી, કુંપળો સાથે વડવાઈ સમાં વિસ્તરિત થઇ સમય પટમાં સ્થાઈ બની જશો, પળે પળનો ઉપયોગ જુસ્સા સાથે હોંશથી કરો વિવેકાનંદ ની વાત નોંધી રાખો.  “શ્રદ્ધાવાન બનો ,, જો તમારે સફળતા પ્રાપ્ત કરવી હોય તો તમારી પાસે પ્રચંડ ખંત અને દૃઢ ઇચ્છા શક્તિ હોવા જોઈએ ,,   તમારો જન્મ મહાન કાર્યો  કરવા માટે થયો છે ,,  સમય ઘ્યેર્ય અને અદમ્ય ઈચ્છા શક્તિ પોતાનું પરિણામ બતાવી આપે ઊઠો ! જાગો ! અને ધ્યેય પ્રાપ્તિ ન થાય ત્યાં સુધી મંડ્યા રહો ..
– જિતેન્દ્ર પાઢ
રેલે સિટી, નોર્થ કેરોલીના – યુએસએ
 
જીતેન્દ્ર પાઢ /રાલે સિટી /નોર્થ કેરોલિના /15/1/2015/શુક્રવાર /બપોરે -3/30/

 

 લેખક શ્રી નો સંપર્ક :

  

JITENDRA PADH PHOTOશ્રી જિતેન્દ્ર પાઢ

હાલનું રહેઠાણ :
રેલે સિટી, નોર્થ કેરોલીના – યુએસએ

ભારતમાં રહેઠાણ :
સી-૨ /૧૩-૧; ૨, સેક્ટર – ૧૬,
વાશી, નવીમુંબઈ – ૪૦૦૭૦૩
email :  jitendrapadh @gmail.com
[email protected]

You can  contact /follow us on :

 
twittertwitter a/c : @dadimanipotli

 
face bookxcebook at : dadimanipotli

 

સફેદ અને કાળા વાળની માયાજાળ …

સફેદ અને કાળા વાળની માયાજાળ …

BLACK & WHITE HAIR

 

મિત્રો, આજે ફરી આપણી સાથે, હાલ યુએસએ નિવાસી વડીલ શ્રી જિતેન્દ્ર પાઢ (ઉ.વ.૭૪) તેમના જીવનના અનુભવના ભાથા સાથે તેમની કલમનો સાથ લઇ અને એક નવા વિષયને લઈને આવ્યા છે.

શ્રી જિતેન્દ્રભાઈ પાઢની કલમને …હવે પછીથી નિયમિત રીતે સમયાંતરે પ્રસિદ્ધ કરવાની અમારી કોશિશ રહેશે.

‘દાદીમા ની પોટલી’ પર તેમની કૃતિ પ્રસિદ્ધ કરવાની તક આપવા બદલ અમો વડીલ શ્રી જિતેન્દ્ર પાઢનાં અંતરપૂર્વકથી આભારી છીએ. ચાલો ત્યારે, તેમના દ્વારા મોકલવામાં આવેલ આજની કૃતિને અહીં માણવાની કોશિશ કરીએ….

બ્લોગ પરના આપના આગમાન નું અમો હાર્દિક સ્વાગત કરીએ છીએ. બ્લોગ પોસ્ટ પર મૂકેલ આપના દરેક પ્રતિભાવ, લેખકશ્રીની કલમને સદા પ્રેરણાદાયી બની રહે છે તેમજ તેમની કલમના જુસ્સાને એક નવું પ્રેરકબળ પૂરે છે. આભાર.

 

             ધોળું માથું,ધવલ ચંદ્ર ને
             સેંથી પડી તે ચાંદની રે,
              ધરડે ઘડપણ લાકડી  ને
              યુવા વયે સાથ લાડી રે,
              બળ,બુદ્ધિ શક્તિ વધે નહીં
              હા,અભરખે ચાલે જિંદગી રે ,,,,

વાળ એ  ચહેરાની શોભા છે અને તેથી શાયરો ઝુલ્ફની  ઘટામાં  છુપાઈ જાય છે, ગઝલ ગૂંથાય છે ,,,,  જનાબ આદિલ મન્સૂરી લખે  કે :  “” એ આંખ ઉઘાડે અને શરમાય ગઝલ /એ કેશને ગૂંથે અને બંધાય ગઝલ “ યુવાનીમાં એકાદી લટમાં મન મોહી પડે, શ્યામ ના વાંકડિયા ળા  કેશમાં યશોદા તેલ નાંખવા દોડાદોડી કરે, જગ જાહેર છે લાંભા વાળ સુંદરતામાં વધારો કરે છે સ્ત્રી હોય કે પુરૂષ, યુવા હોય, યુવતિ હોય અરે !  વૃદ્ધા  હોય  કે વૃદ્ધ  બધાને વાળ વ્હાલા જૂદાજૂદા પ્રાંતો, પ્રદેશો વાળની નોંખી નોંખી વિશેષતા ધરાવે, બીજી બાજુ વાળને મોહનું પ્રતિક ગણાય ! સન્યાસીઓ તેથી ટકો મૂંડો રાખે  ઉલટું ઋષિ મુનિઓ દાઢી  મૂછ, વાળ વધારે  જટા એ જ એની ઓળખ ,,,,અરે, દેવતાઓ પણ તેમાંથી બાકાત નથી તિરૂપતિમાં મંદિરના દર્શને આવતા શ્રદ્ધાળુ  સ્ત્રી, પુરુષ  મોહ ત્યજી, કેશ કપાવે ,, માને અમારી યાત્રા સફળ, પ્રાચીન શિલ્પ,ચિત્ર કોઈપણ કલામાં તમે સ્ત્રીની સુંદરતામાં વાળ ગૂંથણી, કેશ કલાપ વિશેષ સ્થાન ધરાવે છે, વાળનો મહિમા સર્વ કાલીન અને સર્વત્ર વિશ્વ વિખ્યાતિ ધરાવે છે.

કાળા કેશ સહુને ગમે, શોભે, પણ કુદરતના નીતિ નિયમો નું  ચક્ર અનોખું છે.  આજના જમાનામાં બધું અકાળે, અનાયાસે બને છે આજકાલ અકાળે વાળ સફેદ થવા લાગ્યા છે તેમાંય વળી શેમ્પૂ, કેમિકલ્સ વાળા પ્રસાધનો નો વપરાશ, યુવાનવયે સફેદ વાળ સુંદરતા હરે છે, સુંદરતા જોખમાય તે કોઈને ગમે નહીં, તેથી કોસ્ટ મેટીક  ઉત્પાદકો તેનો ભરપુર ફાયદો ઉપાડે છે, વિદેશોમાં પણ વાળ અવનવી રીતે  રંગવાની  ફેશન ખુબ ચાલી છે અને શોખ ખાતર લખલૂટ ખર્ચ થાય છે કાળા ઘટાદાર  કે વાંકડિયા  કેશમાં એકાદો આક્રમક કરતો વાળ દેખાડે તો ચિંતા સરવળે, પહેલાં વાળ તોડી નંખાય, પણ સફેદ વાળ આક્રમક મૂડ ધરાવે છે, તેને ખેંચી કાઢો તેમ વધુ સાથીઓ લઇ પાછો ફૂટે, હાશકારો પામવા  રંગ, કાળી મેંદી, ડાય વાપરવાના  રવાડે ચડી જાવ ,,,, અને એકજ વપરાશે બાકીના કાળા કેશ પણ સફેદી જમાત બની જાય ,,, કેમિકલનો પ્રતાપ ખીલે, આ અમારા  મિત્રોનો જાત અનુભવ છે, જે સનાતન સત્ય છે.

                 જોકે મોટા ભાગે ઘડપણનો સંકેત એટલે સફેદ વાળ નું પ્રાગટ્ય,,,,,,,,સફેદ ચમકીલા વાળનો જથ્થો ઘણાં સમજુ પરિવર્તન કાળ ગણી હસીને સ્વીકારી લેય છે, પણ તેની સંખ્યા ભલે જૂજ હોવાની ! કુદરતી ક્રમ માની યથાવત રહેતા લોકો સુખ શાંતિ અને સ્વસ્થતાથી સંતોષ સાથે જીદગી માણે છે, ઘડપણ વિશેની નરસિંહ મહેતાની કવિતા ઘડપણ કેણે ?  મોકલ્યું ,, અંગે ઉજળા થયા છે કેશ, તેમાં શિથિલતા ની  વાત ભલે  કરી હોય ।.  આજનો કવિ કહેશે ,,,, “ઘડપણ છોને આવિયું ,,,, મળતા અમને સન્માન / ગોરી તો ઘરમાંથી ગઈ, આવી બ્રિસ્લેરી હાથ ,,,,  વાળની સફેદી  બગલાની ક્યારેક યાદ અપાવે છે ,, બગલા જેવી લુચ્ચાઈ, ઠગાઈ વૃતિ છતી કરે છે, પોતાનો ક્રોધ બીજા ઉપર જક્કી વૃતિથી ઠોકી બેસાડવા ,, આક્રોશ સાથે ત્રાડ નાંખી  કહેશે , “ચૂપ  મર ,તું તારા મનમાં શું ?  સમજે છે ?  આ વાળ અમથા ધોળા થયા નથી?  અનેક દિવાળી હોળી અમે જોઈ નાંખી છે ?

                 અમારા બધા મિત્રોમાં મિતેષ ઠક્કર, રાજેન્દ્ર ઘરત, સંતોષ બોબે, ચંદ્રકાંત પટેલ, અશોક ઠક્કર, અશોક રાવલ વગેરેમાં સૌથી જૂદો તરી આવતો ચહેરો ,,, ચંપક ઠક્કર ,,  અમે તેને શ્વેતકેશી  કહીએ, આ સફેદી ચમકતી ચાંદી જેવું માથું ધવલ ચન્દ્ર  બની સદા ચમકે  જે કદી ભૂલાય નહિ , આવી વિશિષ્ઠ છાપ તમારું અનોખું વ્યક્તિત્વ બની જાય  તે મોટો ફાયદો છે, આ વાત માનવી જ પડે જેનો કોઈ પર્યાય નથી,,, જેમ અમાસના દિવસે કાળા ધબ અંધારામાં આકાશમાં ધૂર્વનો તારો વધુ ચમકે તેમ કાળા વાળ વચ્ચે અમારા કવિ, નવલ કથાકાર હિંમત સો મયા  ધુર્વ તારક સમા સદા દૂરથી ઓળખાય તેમ ચમકે  તો મારા મિત્ર મધુસૂદન કાયસ્થના ટાલ પ્રદેશે થોડાંક માંડ માંડ બચેલાં સફેદ  વાળ માં ઉડાઉડ કરી પોતાના અસ્તિત્વ નો પૂરાવો આપવા મથામણ કરે અને તેઓની નોંધ લેવા જણાવે ,, 

                 વાળની જેમ દાઢી મૂછ ની  માયાજાળ અનોખી દાસ્તાન સમી હોય ?   અમિતાબ બચ્ચન નાની ફ્રેંચ કટ દાઢી મૂછે લોકોને ઘેલા કરી દીધા,.  ફેશન ચાલી, દાઢી મૂછોની વિવિધતા સફેદી આવ્યા બાદ વધુ સોળે કળાએ ખીલે, ક્યાંક બ્રોડગેજ મૂછો, કયાંક નેરોગેજ, તો ક્યાંક તલવાર કટ  બહુજ  માવજત સાથે રાખે,,,  અજબ મહિમા છે સફેદ ચમકતાં વાળનો ,,,, વધેલી  દાઢી મૂછ  જોતાં વિનોબા ભાવે, રવીન્દ્ર નાથ ટાગોર, કાકાસાહેબ કાલેલકર, જેવાં અનેક ચહેરા જાત, પ્રાંત કે ભેદભાવ વિના સતત યાદ રહે ,,,, હા, એક વાત ખરી આવા પ્રતિભાવંત ચહેરા અને સફેદી ચાહક વાળ પ્રિય   મહાનુભાવો નો  કેશ કલાપ માટેનો રંગરોગાન માટેનો, શેમ્પુ  વગેરેનો ખર્ચો બચે, અને વડીલ બન્યાનો ગર્વ વધે.

                ક્યારેક સફેદ ચમકતાં વાળ મુસીબત ઉભી કરે ! તમને સમાજ ડોસલામાં ખપાવે ,,, સમાજ, સંસ્થા અને ટ્રસ્ટ માં  તમને પદભ્રસ્ત કરવાના  પેંતરા  રચાય  રાજકારણીઓ દાવપેચ શરુ કરી તમારી સેવાઓની  નિષ્ઠામાં ખોટા આક્ષેપો  ઉભા  કરી પજવે, તમે નાહકના શિકાર બનો,   જોકે એકંદરે સિનીયર સિટીજન, વયસ્ક ના સરકારી ફાયદામાં, યોજનાઓમાં, સન્માન મળે, સફેદ માથું  તમને અધિકૃત  હોવાનું પ્રમાણ પત્ર આપે, બસમાં પાસ ભુલીગયા, બેંકમાં પાસબુક ભુલીગયા, નાનામોટા ગુના માફ !  જુવાનિયાઓ પણ સફેદ માથાનો ગેર ફાયદો લેવાનું ક્યારે ચૂકે નહીં ।, રંગીન  ડ્રેસમાં  વળી માથું ચમકે તે શોભામાં અભિ વૃદ્ધિ  કરે  તે નફામાં ।  મહાત્મા ગાંધીએ સફેદ મૂછો રાખેલી (મારી પાસે ફોટો છે ) શોભતી હતી, પણ પાછળથી કેમ કાઢી  તે ખબર નથી, તેનો ઇતિહાસ શોધવા જેવો છે.

               પરંતુ મહિલાઓની વાત કરીએ તો ચિત્ર જુદું  લાગે, સફેદ કેશ, સફેદ સાડી ।.  કૈક જુદી ભાત પાડે, લાંબા કાળા વાળમાં ચોટલો શોભે, તેમાં વેણી, નીચે મજાની રીબિન સુંદર લાગે, સફેદ વાળના ચોટલા શોભે નહિ, અંબોડા શોભે નહિ, જો યુવાન વયે વાળ સફેદ જાણે માથે આભ તૂટી પડે  ! જોકે હવે વાળ કપાવવાની ફેશન બની, હા, કેટલીક મહિલાઓ સફેદ વાળમાં પણ ખીલી ઉઠે, વાશી નવી મુંબઈમાં હું એક બેનને ઓળખું છું, પતિના મરણ પછી વાળ કપાવ્યા નહિ અને ચમકીલા સફેદ  વાળનો સાથ છોડ્યો નહીં, કારણ એના પતિને તેના  વાળની સફેદી ચમકાટ ખૂબ ગમતો, વાળની ચાહના અને ચાહકનું નિરાળું મિલન હોય છે.

                  વિદેશમાં ચમકતાં સફેદ વાળ પરિપક્વતાની નિશાની ગણાય છે, પુરુષો ભાગ્યે જ વાળ રંગે, તો ઉલટું મહિલાઓ નિતનવા નખરા સાથે વાળ રંગવાની હોડમાં ઉતરે, અધિકારી વર્ગ ભારતમાં વાળ રંગી વ્યક્તિત્વ જાળવવાની  હોંશીલી તરકીબો અજમાવે,ખરી વાત માણસે  સ્ત્રીએ વૃદ્ધ  દેખાવું ગમતું નથી, ચાંદી જેવા વાળ આજે માત્ર ફેશન બની શોભે છે,  90 વરસની મહિલાને, વૃદ્ધા ને  સફેદ વાળ ગમતા નથી, તમે વાળને ગમેતેટલાં  માવજત સાથે વ્હાલ કરો ,ચામડી ઉપર ઉમરના હસ્તાક્ષર વંચાઈ જવાના….

                 દરેક ના ફાયદા અને ગેરફાયદા હોવાના, ગમો અણગમો વ્યક્તિગત  સ્વભાવ ઉપર અવલંબે છે, શોભા વધારનારી વસ્તુ નુકશાન પણ કરતી હોય છે, વાસ્તવિકતા સ્વીકારવી સહુને ફાવે નહિ, સફેદ ચમકતા ચાંદી જેવા વાળ  અગલ અગલ પરિસ્થિતિમાં શોભે, ક્યારેક ના પણ શોભે વાળને કેમ, કેવી રીતે અને ક્યારે સાચવવા, રાખવા એ સ્વતંત્રતા માનવીનો જન્મસિદ્ધ અધિકાર છે, તેને શોખ ગણવો કે સ્વાભવ ગણવો એ મોટી સમસ્યા છે, શોખને તમે અટકાવી કે રુંધી શકતા નથી, તેથી સફેદ ચાંદીના ચમકીલા વાળ તેના ફાયદા -ગેરફાયદા વિષય ઉપર કોઈક અભ્યાસુ રસિકે પી, એચ, ડી, શોધ નિબંધ લખવો જોઈએ  એવો આ ગહન વિષય છે.

– જિતેન્દ્ર પાઢ

૦૫, ડીસેમ્બર ૨૦૧૫ (મંગળવાર, સવારે ૧૨:૦૦ કલાકે)

રેલે સિટી, નોર્થ કેરોલીના – યુએસએ
 

 

 

 લેખક શ્રી નો સંપર્ક :

  

JITENDRA PADH PHOTOશ્રી જિતેન્દ્ર પાઢ

હાલનું રહેઠાણ :
રેલે સિટી, નોર્થ કેરોલીના – યુએસએ

ભારતમાં રહેઠાણ :
સી-૨ /૧૩-૧; ૨, સેક્ટર – ૧૬,
વાશી, નવીમુંબઈ ૪૦૦૭૦૩
email :  jitendrapadh @gmail.com
[email protected]
 

 

લેખકશ્રી નો પરિચય … (તેમના જ શબ્દોમાં) …

 

‘દાદીમા ની પોટલી’  બ્લોગ-વેબસાઈટ ઉપર મારા લેખો, વિચારો આપ સર્વે રસિક વાંચકો સાથે લ્હાણી કરવા વિચારું છું. 

નવીમુંબઈ ૧૯૭૮માં ચેમ્બુરથી કાયમી વસવાટ માટે સ્થળાંતર કર્યું – સંસ્થાકીય સમાચાર મોકલતા કોલમનિસ્ટ, ફ્રિલાન્સ્રર અને ખુદના અખબારનો માલિક, તંત્રી, રિપોર્ટર બન્યો.  સિડકો (સિટી ડેવલોપર્સ કોર્પોરેશન – સેમી સરકારી કંપની) મ્યુ. કોર્પોરેશન, પોલીસ સ્ટેશન તેમજ વિવિધ ૧૬ સમાજો (ગુજરાતી) – માર્કેટ સંગઠનો, સમગ્ર નવી મુંબઈમાં આજસુધી  એક માત્ર ગુજરાતી રિપોર્ટર અને ૯મા વર્ષમાં ગુજરાતી સાપ્તાહિક ‘નૂતનનગરી’ ચલાવું છું.  નવીમુંબઈ ગુજરાતી સમાજ માહિતીખાતા નો ચેરમેન તેમજ સમસ્ત બ્રાહ્મણ સમાજનો ટ્રસ્ટી છુ. 

 મારો શો પરિચય હોય – કલમ, કાગળ, અને વાચકની દોસ્તી.

 

–     જિતેન્દ્ર પાઢ ના જય મા ગુર્જરી…

 

બ્લોગ લીંક : http://das.desais.net
email : [email protected] 

 

બ્લોગ પોસ્ટ પર મૂકેલ આપના પ્રતિભાવ, બ્લોગ પર આવકાર્ય છે. 

  

You can  contact /follow us on :

 
twittertwitter a/c : @dadimanipotli

 
face bookfacebook at : dadimanipotli

“કરકસર કરો, કંજૂસાઈ નહીં” …

“કરકસર કરો, કંજૂસાઈ નહીં” …

 

 

 

saving.1 

મિત્રો, આજે ફરી આપણી સાથે,  હાલ યુએસએ નિવાસી વડીલ શ્રી જિતેન્દ્ર પાઢ (ઉ.વ.૭૨) તેમના જીવનના અનુભવના ભાથા સાથે તેમની કલમનો સાથ લઇ અને એક નવા વિષયને લઈને આવ્યા છે.

 

 શ્રી જિતેન્દ્રભાઈ પાઢની  કલમને … ‘અંતરવાણી’  એક અલગ કેટેગરી હેઠળ, નિયમિત રીતે સમયાંતરે પ્રસિદ્ધ કરવાની અમારી કોશિશ રહેશે.  ‘દાદીમા ની પોટલી’ પર તેમની કૃતિ પ્રસિદ્ધ કરવાની તક આપવા  બદલ અમો   તેમના અંતરપૂર્વકથી આભારી છીએ.  ચાલો ત્યારે, આજ ફરી એકવાર તેમના દ્વારા મોકલવામાં આવેલ   કૃતિને  અહીં માણવાની કોશિશ કરીએ….

 

બ્લોગ પરના આપના આગમાન નું હાર્દિક સ્વાગત કરીએ છીએ.  બ્લોગ પોસ્ટ પર મૂકેલ  આપના દરેક પ્રતિભાવ, લેખકશ્રી / લેખિકાશ્રી ની કલમને સદા પ્રેરણાદાયી બની રહે છે તેમજ તેમની કલમના જુસ્સાને એક નવું પ્રેરકબળ પૂરે છે.   આભાર.

 

“કરકસર કરો, કંજૂસાઈ નહીં” …

 

 

saving

 

કંજૂસાઈ કરવી, બચત કરવી માનવીનો સ્વભાવ છે, કે પછી તેનું પરિસ્થિતિમાંથી પસાર થયેલું ઘડતર હોય, કે પછી જાત, સ્વભાવગત સંસ્કાર હોય – કાં તો હાલતમાંથી થયેલા અનુભવની અસર હોય. દરેક વખતે કંજૂસાઈ સારી નથી.  કંજૂસાઈ અને કરકસર બંનેમાં મોટો તફાવત છે, ભેદ છે.  કંજૂસાઈ જાણી જોઈને કરવામાં આવતી ક્રિયા છે, કરકસર સજ્મજ સાથેની ભાવિ ઉપયોગીતા માટેનો સંગ્રહ/ બચત  છે.  કરકસરના ઘણા લાભ છે, જ્યારે કંજૂસાઈના ઘણા ગેરલાભ છે.  કરકસર તમારી વ્યાવહારી સૂઝને આભારી છે.  કંજૂસાઈ બચતના બહાને જબરદસ્તીથી, હઠ સાથે કરેલો વ્યવહાર છે કે પછી વંશ પરંપરાગત આદત કે દૂષણ છે.  કેટલીક જાતિ – કૂદરતી પરિસ્થિતિ વચ્ચે જીવન જીવવા જ કંઈક કરે છે, તેમાંથી કંજૂસાઈ ક્યારેક આપ મેળે સ્વભાવમાં ઉતરી આવે છે, પછી તે વારસામાં મળે છે.

 

આજના યુગમાં પરિવર્તનના માર્ગ ઘણા વધી ગયા છે, ત્યારે સ્વભાવ, વ્યવહાર જીવનમાં ઉપયોગી થાય તે જોવાની જવાબદારી માણસે માણસે વધી ગઈ છે.  સારી વસ્તુનો સ્વીકાર કરી આત્મસાત કરી જીવનઘડતર માટે બુદ્ધિ સત્તેજ બની છે, ત્યારે કંજૂસાઈ અને કરકસર વચ્ચેના નાજૂક ભેદની જાણકારી દરેકે મેળવી લેવી જોઈએ.  સંસાર ચલાવવા બચત જરૂરી છે.  બચત તે કરકસરનું બીજું નામ કહી શકાય.  કંજૂસાઈ તે હઠ સાથે કરેલો મનને મારી નાખીને અત્યાચારી વલણનો સ્વભાવ સ્વભાવ ગણું છે.  જ્યાં ખર્ચ કરવાની જરૂર હોય ત્યાં ખર્ચ ન કરવો, પૈસો બચાવવો કે પછી ‘ચલાવી લેવાનો કઠોર દુરાગ્રહ કરવો તે કંજૂસાઈ છે.  પૈસાને વધુ પડતો પ્રેમ બતાવી માત્ર તેની માવજત કરતાં રહેવું – તેનો ઉપયોગ કે સદ્દઉપયોગ ન કરવો, ‘મૂડી’ વધી હોવાનો જૂઠો આત્મસાત/ આત્મસંતોષ માત્ર પ્રાપ્ત કરવો એવી કંજૂસાઈ આત્મઘાતક બની શકે છે.

 

કરકસર એટલે પૈસાનો ખોટો વપરાશ અટકાવી ભવિષ્યમાં આવનારી આપત્તિ વેળાયે ઉપયોગમાં આવે તેવી બચત, ગોઠવણ પદ્ધતિ છે.  કંજૂસાઈની રીતે કરેલી બચત લાભદાયી નથી.  કંજૂસાઈ સ્વાર્થી સ્વભાવ ઘડે છે.  બચત-કરકસર ઘણીવાર  શુભપ્રસંગે કે માઠા પ્રસંગે ઓચિંતી રાહત આપનારી બની શકે છે.  માણસે કરકસર કરવી જરૂરી છે, કંજૂસાઈ કરવી જરૂરી નથી.  જીવનને સમતોલ બનાવવાનું કામ કરકસર કરે છે.  કંજૂસાઈ તમારા સ્વભાવને છતો કરી નાંખે છે.  કરકસર વ્યવહારુ સૂઝની જનેતા છે.  કંજૂસાઈ જડતા ભરેલા સ્વભાવનું પ્રતિબિંબ છે.  જીવનમાં ઘણીવાર વાર પૈસે કોઈને સ્મિત આપો, ખુશીથી આવકાર આપો કે પછી બે મીઠાં શબ્દોના બોલ આપો – હાસ્યને તો વહેતું કરાય, સ્મિતના મલકાટને ખીલતું રાખવામાં ક્યાંય પૈસાની જરૂરત નથી.  કંજૂસાઈથી ઘડાયેલો સ્વભાવ કદી સાચું સ્મિત કે હાસ્ય આપી ન શકે.  કંજૂસને હસવું શાં માટે ?  તેના કારણો પણ  જોઈએ.

 

હૃદયની સરળતા અને સહજતા જીવનમાં, સંસારમાં, દામ્પત્ય વ્યવહારમાં/ બાળકોની માવજતમાં જરૂરી છે.  અને તેના વિના અનર્થ સર્જાય એ સ્વભાવિક છે.  તેથી કંજૂસાઈ ને છોડી ઉદારતા અપનાવવાની ટેવ જરૂરી છે.  કરકસર કરનારો જીવ પણ આર્થિક સદ્ધરતા ના વિચાર બાદ ઉદારતા દાખવે છે.  પરંતુ કંજૂસ બધામાં નફાતોટાનો હિસાબ કરે છે, દુખી થાય છે અને બીજાને દુખી કરે છે.  હૃદયની વિશાળતાને ઓળખવી જરૂરી છે.

 

ઘૂઘવતો સાગર, ગરજતા વાદળ, વહેતી હવા ક્યાં કંજૂસ છે ?  આપણે પ્રકૃત્તિ પાસેથી, પ્રાણીઓ પાસેથી કંઈક શીખીએ.  બીજા પ્રત્યે સદભાવનાની સમજ ઊભી કરો – જટિલ સમયમાં સદ્દગુણોની બચત કામ લાગશે. હઠીલા સ્વભાવથી બચેલી લક્ષ્મી કે લાભ ગેરલાભ વચ્ચે ગડથોલીયા ખાતી સમજ તમને સુખ, શાંતિ નહીં આપી શકે.  તમારી સારી છાપ તમારે જ ઊભી કરવાની છે.  કરકસર સદ્દગુણોને વિકસાવે છે અને તેનાથી માણસ ગુણ સંપન્ન બને છે.  કંજૂસાઈ તમારી પ્રતિભાની સાચી છબી ઉપસવા દેતી નથી.  તમે ‘સ્વકેન્દ્રી’ ‘આપખુદી’ અને સ્વાર્થી વૃત્તિના બની જાઓ છો.  બીજાના દિલમાં સ્થાન પામી શકતા નથી.  “કરકસર કરો, કંજૂસાઈ નહીં.”

 

– જિતેન્દ્ર પાઢ

૨૨, ફેબ્રુઆરી ૨૦૧૩

સિયેટલ – યુએસએ
 

 

 લેખક શ્રી નો સંપર્ક :

  

JITENDRA PADH PHOTOશ્રી જિતેન્દ્ર પાઢ

હાલનું રહેઠાણ :
પોર્ટલેન્ડ – રાજ્ય (ઓરેગન) – (યુએસએ)

ભારતમાં રહેઠાણ :
સી-૨ /૧૩-૧; ૨, સેક્ટર – ૧૬,
વાશી, નવીમુંબઈ ૪૦૦૭૦૩
email :  jitendrapadh @gmail.com
[email protected]
 

 

લેખકશ્રી નો પરિચય … (તેમના જ શબ્દોમાં) …

 

‘દાદીમા ની પોટલી’  બ્લોગ-વેબસાઈટ ઉપર મારા લેખો, વિચારો આપ સર્વે રસિક વાંચકો સાથે લ્હાણી કરવા વિચારું છું. 

નવીમુંબઈ ૧૯૭૮માં ચેમ્બુરથી કાયમી વસવાટ માટે સ્થળાંતર કર્યું – સંસ્થાકીય સમાચાર મોકલતા કોલમનિસ્ટ, ફ્રિલાન્સ્રર અને ખુદના અખબારનો માલિક, તંત્રી, રિપોર્ટર બન્યો.  સિડકો (સિટી ડેવલોપર્સ કોર્પોરેશન – સેમી સરકારી કંપની) મ્યુ. કોર્પોરેશન, પોલીસ સ્ટેશન તેમજ વિવિધ ૧૬ સમાજો (ગુજરાતી) – માર્કેટ સંગઠનો, સમગ્ર નવી મુંબઈમાં આજસુધી  એક માત્ર ગુજરાતી રિપોર્ટર અને ૯મા વર્ષમાં ગુજરાતી સાપ્તાહિક ‘નૂતનનગરી’ ચલાવું છું.  નવીમુંબઈ ગુજરાતી સમાજ માહિતીખાતા નો ચેરમેન તેમજ સમસ્ત બ્રાહ્મણ સમાજનો ટ્રસ્ટી છુ. 

 મારો શો પરિચય હોય – કલમ, કાગળ, અને વાચકની દોસ્તી.

 

–     જિતેન્દ્ર પાઢ ના જય મા ગુર્જરી…

 

 

બ્લોગ લીંક : http://das.desais.net
email: [email protected]

 

 

બ્લોગ પોસ્ટ પર મૂકેલા આપના દરેક પ્રતિભાવ, બ્લોગ પર આવકાર્ય છે.

‘તમારું કામ એ જ તમારી પ્રાર્થના’ …

(૧)    ‘દાદીમા ની પોટલી’  રખેવાળ … અને (૨)  ‘તમારું કામ એ જ તમારી પ્રાર્થના’ …

 

 

work is worship

 

 

મિત્રો, આજે આપણી સાથે,  હાલ યુએસએ નિવાસી વડીલ શ્રી જિતેન્દ્ર પાઢ (ઉ.વ.૭૨) તેમના જીવનના અનુભવના ભાથા સાથે તેમની કલમનો સાથ લઇ અને આપણી વચ્ચે જોડાઈ રહ્યા છે.  જેમનું ‘દાદીમા ની પોટલી’ પરિવાર દ્વારા અંતરપૂર્વક – ભાવભર્યું સ્વાગત છે.

 

‘દાદીમા ની પોટલી’ પર શ્રી જિતેન્દ્રભાઈ પાઢની  કલમ,  ‘અંતરવાણી’  એક અલગ કેટેગરી હેઠળ, નિયમિત રીતે પ્રસિદ્ધ કરવાની તક આપવા બદલ ‘દાદીમા ની પોટલી પરિવાર’ ; તેમના અંતરપૂર્વકથી આભારી છીએ.  ચાલો ત્યારે આજ તેમના દ્વારા મોકલવામાં આવેલ બે કૃતિઓ અહીં માણવાની કોશિશ કરીએ….

 

આપના બ્લોગ પરના આગમાન નું હાર્દિક સ્વાગત કરીએ છીએ.  બ્લોગ પોસ્ટ પર મૂકેલ  આપના દરેક પ્રતિભાવ, લેખકશ્રી / લેખિકાશ્રી ની કલમને સદા પ્રેરણાદાયી બની રહે છે તેમજ તેમની કલમના જુસ્સાને એક નવું પ્રેરકબળ પૂરે છે.   આભાર.

 

 

(૧)    ‘દાદીમા ની પોટલી’  રખેવાળ …

 

 

ના, કદી ઉદાસ – માત્ર ખુશ મિઝાઝ છે
જિંદગીમાં આમ જૂઓ તો બિંદાસ છે.

 
તખલ્લુસે છો, ભલે તે ‘દાસ’ હો …
મિત્રોના દિલમાં તો ‘દિવાને ખાસ’ છે.

 
‘દાદીમા ની પોટલી’ નો રખેવાળ
એટલે તો વહેંચતો જ્ઞાનનો ભંડાર છે.

 
વાંચક તરસ છીપાવવા વેબમાં ઝકાસ છે
વિષયોના વૈભવ થકી, ના કદી કચાસ છે.

 
‘(અશોક)પોટલી પરિવાર’  તમારો નિત-નવો અંદાઝ છે
‘દાદીમા ની પોટલી’ નો મનગમતો વિકાસ છે.

 

–     જિતેન્દ્ર પાઢ

 

 

work is worship..2

 

 

(૨)  ‘તમારું કામ એ જ તમારી પ્રાર્થના’ …

‘WORK IS WORSHIP’

 
–     જિતેન્દ્ર પાઢ
 

 

‘તમારું કામ એ જ તમારી પ્રાર્થના’ ….

 
આ સૂત્ર જીવનમાં જેણે શીખી લીધું છે, તેઓ સફળ થઇ મંઝીલ સુધી પહોંચે છે., એમાં કોઈ શંકા નથી.  લોવેલ નામના ચિંતકે કહ્યું છે કે ‘એવું કોઈ પણ માણસ જન્મ પામતું નથી કે જેને માટે કોઈપણ કામ નિર્માણ ન થયું હોય’  એટલે કે જન્મ સાથે કામનું અવતરણ ઈશ્વર દત્ત આશિર્વાદ રૂપે છે.  પરંતુ કામ કેવી રીતે કરવું અને તેને કેવી, કેટલી અગત્યતા આપવી ?  આ બાબત માણસે સમજુ બન્યા બાદ શીખવી પડે છે.

 
સાચી વાત એ છે કે માણસ સમજદાર બને ત્યારે જે કામ તે વિચારે અને સતત પરિશ્રમથી તેને ઉમદારૂપે પાર પાડવાની કુશળતા, ખંતથી ક્રિયા કરે તો તેમાં નિયમિતતા સાથે ગુણવત્તા – ભળી જાય છે – ‘મને નહીં મારા કામને બોલવા દો’  એ વિદેશી ચિંતકનું સુત્ર યાદ રાખો.  કામ થયું, પત્યું, પૂરૂં થયું એટલે બસ !   આવો સંતોષમાની બેસી રેહવું બસ/યોગ્ય નથી.  મારું કામ હું વિકટ પરિસ્થિત વચ્ચે શાંતિથી કેટલું પાર પાડી શકું છું અને તે કેવી રીતે ‘સરસ’ બનાવી રજૂ કરું છું, તે મહત્વનું છે.  સમાજ કેટલું આપ્યું ?  – કેટલું જીવ્યા ? – એની નોંધ નથી લેતો; પરંતુ કેવી ભાવના સાથે આપ્યું – કેવી રીતે જીવ્યા એ મુદ્દાની નોંધ લઇ પ્રતિષ્ઠા આપે છે.  હા, ક્યારેક વધુ દાન આપનારની તત્કાલીન વાહવાહ થાય છે, તેની ‘ના’ નથી.  તમારા તમામ કામો ઉત્તમ રીતે, નિષ્ઠાપૂર્વક/સાથે  થવા જોઈએ.  નિયમિતતા સાથે તમારા અનુભવોના પ્રતિબિંબ સાથે થવા જોઈએ.

 
માણસમાં પ્રચંડ ઈચ્છાનો ધોધ હોય, દ્રઢતા હોય, પ્રબળ સાહસવૃત્તિ હોય, આયોજન શક્તિ હોય, કામ કરવાની કુશળતા પણ હોય, રજૂઆતની તાકાત પણ હોય, પરંતુ આ બધું કાર્યમાં – પરિવર્તિત ન થાય, કાર્યમાં એક રસ બની ન આવે ત્યાં સુધી માત્ર સ્વપ્નાઓ જ રહે છે.  ગુણો – શક્તિમાં ઉતરે ત્યારે કુશળતા કર્મશીલ ઉદ્યમ બને છે, કાર્ય-ઉત્તમ કામ બને છે.  સાતત્યરૂપે સારું કામ સમય જતાં સન્માનદાયક સફળતા બને છે.  કોઈપણ કામને ઢસરડો ન સમજો, નિષ્ફળતામાં પીછેહટ ન કરો, એટલ અડગ મનથી પુરુષાર્થી બની ઉત્કૃષ્ટ કામ કરવાની ધગશ રાખો.  ખંતપૂર્વક ચોવટથી કાર્ય કરતાં રહો, સફળતા ચોક્કસ તમારા ચરણ ચૂમશે.

  

–     જિતેન્દ્ર પાઢ

–     તા: ૦૬, ફેબ્રુઆરી ૨૧૦૧૪ – ગુરુવાર

 

 

work is worship..1

 

  

JITENDRA PADH PHOTOજિતેન્દ્ર પાઢ

હાલનું રહેઠાણ :
પોર્ટલેન્ડ – રાજ્ય (ઓરેગન) – (યુએસએ)

ભારતમાં રહેઠાણ :
સી-૨ /૧૩-૧; ૨, સેક્ટર – ૧૬,
વાશી, નવીમુંબઈ ૪૦૦૭૦૩
email :  jitendrapadh @gmail.com
[email protected]
 

 

લેખકશ્રી નો પરિચય … (તેમના જ શબ્દોમાં) …

 

‘દાદીમા ની પોટલી’  બ્લોગ-વેબસાઈટ ઉપર મારા લેખો, વિચારો આપ સર્વે રસિક વાંચકો સાથે લ્હાણી કરવા વિચારું છું. 

નવીમુંબઈ ૧૯૭૮માં ચેમ્બુરથી કાયમી વસવાટ માટે સ્થળાંતર કર્યું – સંસ્થાકીય સમાચાર મોકલતા કોલમનિસ્ટ, ફ્રિલાન્સ્રર અને ખુદના અખબારનો માલિક, તંત્રી, રિપોર્ટર બન્યો.  સિડકો (સિટી ડેવલોપર્સ કોર્પોરેશન – સેમી સરકારી કંપની) મ્યુ. કોર્પોરેશન, પોલીસ સ્ટેશન તેમજ વિવિધ ૧૬ સમાજો (ગુજરાતી) – માર્કેટ સંગઠનો, સમગ્ર નવી મુંબઈમાં આજસુધી  એક માત્ર ગુજરાતી રિપોર્ટર અને ૯મા વર્ષમાં ગુજરાતી સાપ્તાહિક ‘નૂતનનગરી’ ચલાવું છું.  નવીમુંબઈ ગુજરાતી સમાજ માહિતીખાતા ચેરમેન, સમસ્ત બ્રાહ્મણ સમાજનો ટ્રસ્ટી છુ. 

મારો શો પરિચય હોય – કલમ, કાગળ, અને વાચકની દોસ્તી.

 

–     જિતેન્દ્ર પાઢ ના જય માગુર્જરી…

 

 

બ્લોગ લીંક : http://das.desais.net
email: [email protected]

 

 

બ્લોગ પોસ્ટ પર મૂકેલા આપના દરેક પ્રતિભાવ, બ્લોગ પર આવકાર્ય છે.