પનીર કાજૂ પસંદા …

પનીર કાજૂ પસંદા …

 

રજાના દિવસો કે વીક એન્ડ હોય ત્યારે રસોઈ કરવાની દરેક બહેનો ને ઘરમાં તકલીફ હોય છે કે શું ખવડાવું? બાળકોની પસંદગી અને મોટાની પસંદગી બંને ને ધ્યાનમાં રાખી બનાવવું પડે. હવે બાળકોને આપને પૂછીએ કે તમારે શું ખાવું છે અજ્જે ? તો તેઓ કહેશે કે મમ્મી કશુંક સારું બનાવજે. આપને કહીશું કે શું સારું ? નામ આપો. તો તેઓ પાસે જવાબ નહિ હોય. તેઓ કહેશે કે એવું કશુંક બનાવો કે જે મજા આવી જાઈ. આ જવાબ મમ્મીઓ માટે મુશ્કેલી ઉભી કરી દેતો હોય છે.

ચાલો આજે આપણે એક નવી શબ્જી … ‘પનીર કાજૂ પસંદા’ … બનાવીએ જે બાળકોને પણ પસંદ આવશે  અને મોટાને તો આવશે જ !

 

સામગ્રી :

૪૦૦ ગ્રામ પનીરની ચોરસ સ્લાઈઝ
૧૫-૨૦ નંગ કાજૂના નાના ટુકડા
૧ ટે.સ્પૂન ખમણેલું પનીર
૧/૨ ટે. સ્પૂન ખમણેલું નાળિયેર
૧ ટે.સ્પૂન લીલી કોથમીર (સમારેલી)
૬-૭ ટીપાં લાલ ફૂડ કલર (જો પસંદ હોય તો)
૧ ટે.સ્પૂન ગ્રીન ચટણી
તેલ તળવા માટે જરૂરી …

 

ખીરા માટે …

 

સામગ્રી :

 

૧ ટે.સ્પૂન મેંદો
૧ ટે.સ્પૂન કોર્ન ફ્લોર (મકાઈ નો લોટ)
૮-૧૦ ટીપાં રેડ અથવા ઓરેન્જ કલર (ફૂડ કલર)
૧/૨ ટી.સ્પૂન લાલ મરચાનો પાઉડર
મીઠું સ્વાદ અનુસાર ..

 

રીત:

ખીરા માટે ની ઉપરોક્ત બધી જ સામગ્રી મિક્સ કરી થોડું પાણી ઉંમેરી અને મિડ્યમ –ખીરું તૈયાર કરવું.

પનીરની ૫-૬ સ્લાઈઝ બનાવી અને તેની પર પર લીલી ચટણી લગાવો. કાજૂના ટુકડાને તેલમાં તળી અને આછા ગુલાબી થાય એટલે કિચન પેપર નેપકીનમાં કાઢી લેવા અને   લેવા ત્યારબાદ કાજૂના ટુકડા, (સાવ જીણા ટુકડા) ખમણેલું પનીર, અને કોથમીર ..બધીજ સામગ્રી મિક્સ કરો, (અથવા મિક્સરમાં કાજુના ટુકડા ક્રશ પણ કરી શકાય છે) તેમાં રેડ કલર ઉંમેરો અને જે માવો/પૂરણ/ ફીલિંગ્સ તૈયાર થાય તે પનીરની સ્લાઈઝ પર લગાવો. બધીજ સ્લાઈઝ પર વ્યવસ્થિત મસાલો લગાવી આપવો અને ત્યારબાદ, તે સ્લાઈઝ ને ખીરામાં ડૂબાડી અને કડાઈમાં તેલ નાંખી અને તેમાં તળી લો.

 

 

ગ્રેવી માટે …

 

સામગ્રી :

૨ ટે..સ્પૂન તેલ
૧ ટી.સ્પૂન લસણ ની પેસ્ટ (૨-૩ કળી)
૧/૨ ટી.સ્પૂન ગરમ મસાલો
૧ ટી. સ્પૂન લાલ મરચાનો પાઉડર
૧/૨ ટી.સ્પૂન કિચન કિંગ મસાલો
૧ ટે..સ્પૂન કસૂરી મેથી
૧ ટે.સ્પૂન જીણી સમારેલ લીલી કોથમીર
૧ ટી. સ્પૂન ખાંડ
૧ કપ ટામેટા ગ્રેવી
૧ ટે.સ્પૂન ઓનિયન ગ્રેવી (૨ કાંદાની)
૬-૭ ટીપાં રેડ કલર
૧ ટે.સ્પૂન પનીર ખમણેલું
૧ ટી. સ્પૂન ખસખસ ની ગ્રેવી
૨ ટે.સ્પૂન ક્રીમ
મીઠું સ્વાદ અનુસાર ..
અમૂલ બટર

 

રીત:

 

એક કડાઈમાં તેલ લઇ તેમાં લસણની પેસ્ટ અને સાંતળો. ત્યારબાદ ગરમ મસાલો, લાલ મરચાનો પાઉડર, કિચન કિંગ મસાલો, કસૂરી મેથી, નાંખી સાંતળો. મસાલામાંથી તેલ અલગ પડી ને બહાર દેખાવા લાગે ત્યારબાદ, ટામેટાની પ્યૂરી અને કાંદાની ગ્રેવી (પેસ્ટ) ખસખસ પેસ્ટ, ખાંડ અને મીઠું સ્વાદ અનુસાર નાંખી અને ૧/૨ કપ પાણી ઉમેરો. રેડ કલરના થોડા ટીપાં નાંખો.(કલર પસંદ હોય તો જ ઉપયોગ કરવો) ( ગ્રેવી કેટલી પતલી કે ઘાટી રાખવી છે તે મુજબ પાણી ઉમેરવું. ) ત્યારબાદ ખમણેલું પનીર પણ નાખો અને પાકવા દયો. બસ ગ્રેવી તૈયાર છે. ઉપર થોડું ક્રીમ નાખો અને સર્વ કરતી વખતે પનીરના તળેલાં પીસ ગોઠવી તેની ઉપર ગ્રેવી નાંખી અને ઉપર અમૂલ બટર થોડું નાખવું અને પીરસવું.

અથવા …

સુજાવ :

 

બીજી રીત : પનીર ના ૧-૧/૨ ઈંચના ચોરસ ટુકડા કરી અને તેને ઘી / તેલ માં તળી લેવા અને ગોલ્ડન બ્રાઉન ક્લાર થાય ત્યાં સુધી તળવા. તળી લીધાં બાદ તે પનીરના ટુકડાને ગરમ પાણીમાં પાંચ મિનિટ માટે રાખવા અને ત્યારબાદ બહાર કાઢી પાણી ને ટુકડાને બે હાથે પ્રેસ કરી અને કાઢી/ નીચોવી લેવું. આમ કરવાથી પનીર નરમ રહશે. બસ, ત્યારબાદ, ઉપર મુજબ ગ્રેવી બનાવી અને તેમાં આ ટુકડા નાંખવા અને સર્વ કરો ત્યારે માથે થોડું બટર નાંખી અને સર્વ કરવું.

 

સાભાર :રેસિપી સાથે મૂકેલ  તસ્વીર બદલ  નેટ જગતને આભારી છીએ …

 

સાભાર : સૌજન્ય : રીટાબેન અને સીમાબેન છાયા …

 

બ્લોગ લીંક : http://das.desais.net
Email: [email protected]

 

‘દાદીમા ની પોટલી’ પર આજની રેસિપી મોકલવા બદલ અમો રીટાબેન તેમ સીમાબેન છાયા ના અંતરપૂર્વક્થી આભારી છીએ. આપને આજની ઉપરોક્ત રેસિપી પસંદ આવી હોય તો આપના અમૂલ્ય પ્રતિભાવ બ્લોગ પોસ્ટ પર જરૂર મૂકશો, જે સદા અમોને પ્રેરણાદાયી બની રહે છે. … આભાર ! ‘દાદીમા ની પોટલી’

વેજ. કોલ્હાપૂરી …

વેજ. કોલ્હાપૂરી … (વેજીટેબલ કોલ્હાપૂરી)…

 

 

 

સામગ્રી :

 

૬-૭ નંગ કાંદા (ડુંગળી) ના ચોરસ ટુકડા
૬-૭ નંગ કેપ્સીકમ (ગ્રીન પેપર) ના ચોરસ ટુકડા
૬-૭ નંગ ટામેટા ના ચોરસ ટુકડા
૧૧/૨ – કપ બાફેલા શાક ( વટાણા, ગાજર, ફણસી અને ફ્લાવર)
(શાકને મોટા ટૂકડામાં સમારવું)
(બધાજ શાક ને થોડા કડક રહે તેમ બાફવા નરમ ના થઈ જાય તે ધ્યાનમાં રહે.)

૧ ટે.સ્પૂન લસણ વાટેલું (લસણ ની પેસ્ટ)
૩ ટે.સ્પૂન તેલ અથવા બટર
૨ ટે.સ્પૂન કાંદાની ગ્રેવી (Chopped)
૨ ટે.સ્પૂન ટામેટાની ગ્રેવી (Chopped)
૧ ટી.સ્પૂન ગરમ મસાલો /કિચન કિંગ મસાલો (બંને અડધો ભાગ)
૧ ટી.સ્પૂન કસૂરી મેથી
૧/૨ ટી.સ્પૂન લાલ મરચાનો પાઉડર
થોડો રેડ કલર (પસંદ હોય તો જ્ )
૧ ટે. સ્પૂન લીલી કોથમીર
૮-૧૦ નંગ પનીર ના ટુકડા (નાના ચોરસ)
૨ નંગ લાલ સૂકા મરચાં
મીઠું સ્વાદ અનુસાર …

 

રીત:

એક કડાઈમાં તેલ/બટર ગરમ કરવા મૂકો. ત્યારબાદ, સૌ પ્રથમ ૨ નંગ લાલ મરચાને તળી અને તૂરત બહાર કાઢી અલગ રાખો, જેને કારણે તેલ થોડું લાલ થઇ જશે. ત્યારબાદ તેમાં લસણની પેસ્ટ, કાંદા, કેપ્સિકમ અને ટામેટાના ટૂકડા નાંખો અને સાંતળો . ત્યારબાદ, કસૂરી મેથી, બાફેલા શાક તમેજ લાલ મરચું પાઉડર,ગરમ મસાલો અને કિચન કિંગ મસાલો બંને થોડા નાંખવા. અને સાંતળવા. ત્યારબાદ મીઠું સ્વાદ અનુસાર નાખો, અને હવે ૨ ટે.સ્પૂન કાંદા ની ગ્રેવી, અને ૨ ટે.સ્પૂન ટામેટાની ગ્રેવી ઉંમેરો. (નાખો) થોડા ટીપાં રેડ કલર નાખો.(કલર પસંદ હોય તો જ્ નાખવો) ત્યારબાદ બાફેલા શાક ભાજી ઉંમેરો અને પનીર ના ટુકડા નાંખી  મિક્સ કરો. થોડી વખત માટે શાક ને પાકવા દયો. વેજ કોલ્હાપૂરી શબ્જી તૈયાર છે.  ઉપરથી થોડું બટર નાખવાથી સ્વાદ અને સોડમ બંને  અલગ જ આવશે. સર્વ કરતાં પહેલાં લીલી કોથમીર છાંટવી ગાર્નીસ કરવું.

 

વેજ કોલ્હાપૂરી, રોટલી-ચપાટી, નાન કે પરોઠા સાથે પીરસવું. અથવા જીરા રાઈસ કે સાદા રાઈસ સાથે પણ સરસ લાગે છે.

 

સાભાર -સૌજન્ય : સીમા છાયા – રીટાબેન …

 

‘દાદીમા ની પોટલી’ પર વેજ. કોલ્હાપૂરીની રેસીપી મોકલવા બદલ અમો સીમાબેન તેમજ રીટાબેન ના આભારી છીએ …આપને વેજ. કોલ્હાપૂરી ની રેસિપી પસંદ આવી હોય તો આપના પ્રતિભાવ બ્લોગ પોસ્ટ પર જરૂર મૂકશો.

 

બ્લોગ લીંક: http://das.desais.net
email:[email protected]

શાહી ભરવાં આલૂ …

શાહી ભરવાં આલૂ …

 

 

(શાહી ભરવાં આલૂ પિક્ચર માટે વેબ જગતનો આભાર …)

 

આજે આપણે (પંજાબી)  રાજસ્થાની રેસિપી ને માણીશું . શાહી ભરવાં આલૂ  લચ્છા પરોઠા કે મિસ્સી રોટી સાથે ઉપયોગમાં લઇ શકાય છે.

 

સામગ્રી :

 

૪ મીડીયમ બટેટા
૩ ટે.સ્પૂન મેંદો
તળવા માટે તેલ

 

(કાચા બટેટા ની છાલ ઉતારી તેમાં ફોર્ક (કાંટા થી) અથવા ચપ્પુથી થોડા થોડા અંતરે .કાણાં પાડવા અને વચ્ચે થી સ્કૂપ કરવા. (હોલ કરવા) ત્યારબાદ મીઠાં નાં પાણીમાં ૧૦ મિનિટ માટે પલાળી રાખવા અને બહાર કાઢી લેવા.)

 

બટેટામાં ભરવા માટેનું સ્ટફિંગ /ફીલીંગ (પૂરણ /માવો) તૈયાર કરવા  …

 

સામગ્રી :

 

૧૦૦ ગ્રામ પનીર
૧ ટે.સ્પૂન તેલ
૧ કાંદો (સમારી લેવો)
૧ લીલું મરચું (સમારી લેવું)
૭-૮ નંગ કાજુ
૮-૧૦ નંગ કીસમીસ
મીઠું સ્વાદ અનુસાર …

 

રીત:

 

એક કડાઈમાં ૨ – ચમચી તેલ નાખવું. ત્યારબાદ તેમાં બારીક સુધારેલા કાંદા, મરચાં અને કાજૂ નાંખી અને સાંતળી લેવા. બ્રાઉન ક્લર પૂરો થવા દેવો. ત્યારબાદ તેમાં ખમણેલું પનીર નાખવું અને ત્યારબાદ કિસમિસ, ચાટ મસાલો, સ્વાદાનુસાર મીઠું નાંખી,. ઉપર સમારેલી લીલી કોથમીર છાંટી અને બધુજ મિક્સ કરી દેવું અને અને તૂરત ગેસ નો તાપ બંધ કરી આપવો. સ્ટફિંગ તૈયાર છે.
(સ્કૂપ કરેલા વધારાના બટેટા ને પણ સાંતડી અને સ્ટફિંગના ઉપયોગમાં લઇ શકાય છે.)

 

ગ્રેવી બનાવવા માટે …

 

સામગ્રી :

 

૨ ટે.સ્પૂન તેલ
૧ નંગ તેજ પતા
૧ ટે.સ્પૂન શાહજીરૂ
૧/૨ સ્પૂન કસૂરી મેથી
૨-૩ નંગ આખા બાદીયાના
૨ ટે.સ્પૂન ક્રીમ (મલાઈ)
૧ કપ દૂધ /(અથવા)
૫૦ -ગ્રામ માવો
મીઠું સ્વાદ અનુસાર ..

 

રીત:

 

એક કડાઈમાં ૨-ટે.સ્પૂન તેલ લો, અને ગેસ પર ગરમ કરો, ત્યારબાદ, તેજ પત્તા, શાહ્જીરૂ, એલચી, એલચા, તાજ-લવિંગ નાખો. સાંતળી લીધાં બાદ, કાંદા લસણ ની પેસ્ટ ઉમેરવી અને એકદમ સાંતળવું. ત્યારબાદ ટામેટા – કાજૂની પ્યુરી ઉમેરો. સ્વાદ અનુસાર મીઠું, ગરમ મસાલો, કસૂરી મેથી, ૨-૩ નંગ આખા બાદીયાના નાખવા અને ૧/૨ ગ્લાસ પાણી નાખો. વ્યવસ્થિત ઉકળે એટલે દૂધ/માવો નાખવો અને ઉકળવા દેવું. ત્યારબાદ ક્રીમ (મલાઈ) નાખવી.

 

કાંદાની પેસ્ટ બનાવવા માટે …

 

૧ મોટો કાંદો (ડુંગળી)

૨ નંગ લવિંગ
૧ ટૂકડો આદુ
૫ કળી લસણ
૨ નંગ એલચી
૧ નંગ તજ નો ટુકડો
૨ નંગ મોટા એલચા

 

રીત:


કાંદા, લસણ, આદુ સાથે આ બધું પીસી લેવું. કાંદા ની પેસ્ટ તૈયાર છે.

 

ટામેટા ની પ્યૂરી બનાવવા માટે ….

 

સામગ્રી :

 

૪ નંગ ટામેટા (ટામેટાને પાણીમાં બાફી લેવી (ઉકાળવા)
૪ ટે.સ્પૂન કાજુ

 

રીત :

ટામેટા અને કાજુને મિક્સરમાં નાંખી અને ક્રસ કરી અને પ્યુરી તૈયાર કરવી.

 

મીઠામાં પલાળેલા બટેટાને કડાઈમાં તેલ નાંખી અને તળી લેવા.  (બટેટાને તળવા ના હોય તો કૂકરમાં તેને બાફી પણ શકાય છે.) ત્યારબાદ,  બટેટામાં (વચ્ચેથી સ્કૂપ કરેલા) તૈયાર કરેલ સ્ટફિંગ ખૂબજ દાબીને વ્યવસ્થિત ભરવું. કે પાન- લોઢીમાં થોડું તેલ મૂકી એક પ્લેટમાં કોરો મેંદો પાથરવો અને સ્ટફિંગ કરેલા બટેટાને નીચેની સપાટીના ભાગથી રગદોળી તેલમાં એક સાઈડ શેલો ફ્રાઈ કરવા. થોડા લાલ થાય એટલે એલ પ્લેટમાં રાખી દેવા.
સર્વ કરવા / પીરસવા માટે …

 

સર્વ કરતી સમયે બટેટા ઉપર ગ્રેવી નાખવી, અને કોથમીર તેમજ જીણા સમારેલા લીલા મરચાં છાંટી અને ગાર્નીસિંગ કરવું. અને ગરમ ગરમ લચ્છા રોટી, પરાઠા કે મિસ્સી રોટી સાથે પીરસવું.

 

 ‘દાદીમા ની પોટલી’  પર ઉપરોક્ત રેસિપી મોકલવા બદલ અમો સીમાબેન ના અંતરપૂર્વકથી આભારી છીએ. આપને ઉપરોક્ત રેસિપી પસંદ આવી હોય તો ઘરે એક વખત કોશિશ જરૂર કરશો, બાળકો પણ આ સબ્જી જરૂર પસંદ કરશે. આપના પ્રતિભાવ બ્લોગ પોસ્ટ પર જરૂર મૂકશો, જે સદા અમોને પ્રેરકબળ પૂરે છે.

 

સાભાર : સૌજન્ય – ..સીમા છાયા…

 

બ્લોગ લીંક: http://das.desais.net
email: [email protected]

દમ આલુ …

દમ આલુ …


દમ આલુ  – શાક સૌને પસંદ પડે અને બાળકો તો  વધુ પસંદ કરે છે. આજે આપણે દમ આલુ બનાવીશું…

સામગ્રી :

૪૦૦ ગ્રામ નાના બટેટા  (બેબી પોટેટો- બટેટી) (૧૨-૧૪ નંગ)

૧ નંગ આદુનો ટુકડો (૧ ઈંચનો )

૩-૪ નંગ ટમેટા (મધ્યમ કાળ –આકારના)

૨ નંગ લીલા મરચા

૨ ટે.સ્પૂન રિફાઈન્ડ તેલ (બટેટા તળવા માટે)

૧/૨ નાની ચમચી જીરૂ

૧/૨ નાની ચમચી હળદર પાઉડર

૧ નાની ચમચી ધાણા પાઉડર

૫૦ ગ્રામ ક્રીમ / મલાઈ (૧/૪ –કપ)

૨૫-૩૦ નંગ કાજૂ

૫૦ ગ્રામ તાજું દહીં (૧/૪-કપ જો તમને પસંદ હોઈ તો જ)

૧/૪ નાની ચમચી મરચાનો પાઉડર

૧/૪ ચમચી (થોડો ઓછો) ગરમ મસાલો

૧ ટે.સ્પૂન લીલી કોથમીર બારીક સમારેલી

મીઠું સ્વાદાનુસાર

રીત :

બટેટા/ બટેટી ને ૧/૨ નાની ચમચી મીઠું પાણીમાં નાખી તેમાં બાફી લેવા. બટેટા બફાઈ ગયા બાદ, ઠંડા પડી ગયા બાદ, તેની છાલ ઉતારી લેવી. બટેટામાં કાંટા/ છરીની મદદથી નાના નાના કાણા પાડી આપવા.

એક કડાઈમાં તેલ લેવું., બટેટાને આછા બ્રાઉન કલર આવે તેમ તળી લેવા અને તળેલા બટેટા અલગથી એક પ્લેટમાં રાખવા. જો તમે ઈચ્છો તો કાચા બટેટાની છાલ ઉતારી અને ઉપર તેલ લગાવી માઈક્રોવેવ ઓવનમાં પણ બાફી શકો છો.

કાજૂને ૧/૨ કલાક એક વાસણમાં પાણી લઇ પલાળી રાખવા. ત્યારબાદ, મિક્સરમાં ટામેટા, લીલા મરચાં, આદું અને પલાળેલા કાજૂના પીસ કરી અને તેમાં નાખી અને બધાને બારીક પીસી લેવું.

એક કડાઈમાં તેલ લઇ અને ગરમ કરવું. ત્યારબાદ, સૌથી પહેલાં તેમાં જીરૂ નાખવું, ત્યારબાદ, હળદર પાઉડર, ધાણા પાઉડર અને ટામેટા કાજૂની પેસ્ટ અને ક્રીમ નાખવું. બધાજ મસાલાને ચમચાની મદદથી હલાવતાં રહેવું અને ગ્રેવી ને પાકવા દેવી.

(જો તમે કાંદા – લસણનો વપરાશ કરવા માંગતા હો તો તેલ કડાઈમાં નાખ્યા બાદ, કાંદાને જીણા સમારી ને નાખવા અને તેને સંતાડવા  આછા બ્રાઉન કાલર થઇ ગયા બાદ, લસણની પેસ્ટ નાખવી અને બાકીના મસાલા ઉપર દર્શાવ્યા મુજબ ક્રમ અનુસાર નાખવા)

ઉપરોક્ત મસાલામાં લાલ મરચાનો પાઉડર અને મીઠું પણ નાખી દેવું.

જ્યારે ગ્રેવીની સપાટી ઉપર મસાલામાંથી તેલ અલગ તરીને બહાર સપાટી ઉપર  દેખાવા લાગે, ત્યાર બાદ, દહીંને મિક્સીમાં એક વખત ફેરવી એક રસ બનાવી અને ધીરે ધીરે કડાઈમાં નાખતા જવું અને ચમચાની મદદથી ઉફાળો ના આવે ત્યાં સુધી હલાવતાં જવું જેથી દહીંના ફોદા થઇ ના જાઈ.  દમ આલુ ની ગ્રીવી જેટલી તમે ઘટ કે પતલી રાખવા માંગતા હોય, તેમ તેમાં પાણી અંદર ઉમેરી કે ઘટાડી શકાય છે.

ઉફાળો હવે આવે ત્યાં સુધી ચમચાની મદદથી મિક્સ કરતાં રહેવું અને ગ્રેવી ને પાકવા દેવી.  ત્યારબાદ ગરમ મસાલો પણ અંદર નાખી અને મિક્સ કરી આપવો.  હવે ગ્રેવીમાં બટેટા/બટેટી નાખી અને ૨ – મિનિટ સુધી તેને અંદર પાકવા દેવા.  જેથી બટેટી ની અંદર બધો જ મસાલો ચડી જાય /આવી શકે.  ત્યારબાદ, ગેસ નો તાપ બંધ કરી આપવો. અને લીલી કોથમીર ૧/૨ ભાગની અંદર છાંટી દેવી. દમ આલુ તૈયાર છે.

તૈયાર દમ આલુ કાચના વાસણમાં કાઢી તેની ઉપર બાકીની લીલી કોથમીર છાંટવી અને સજાવટ કરવી.

દમ આલુ, નાન, પરાઠા, રોટલી અને ભાત કોઈપણ સાથે પીરસવા અને ખાઈ શકાય અને પીરશો.

બ્લોગ લીંક: http://das.desais.net

શાહી પનીર …

શાહી પનીર …

૪ વ્યક્તિ માટે

સમય : ૪૦  મિનિટ


પનીરના શાક બધાને પસંદ આવે છે. તેમાં પણ શાહી પનીર ખૂબજ જ સ્વાદિષ્ટ બને છે. શાહી પનીર ઘરમાં કોઈ પ્રસંગ પર કે ખાસ મહેમાનો આવે ત્યારે બનાવીએ, તે બનાવવામાં ખૂબજ આસાન છે. તો ચાલો આજે શાહી પનીર બનાવીએ.

શાહી પનીરનું શાક પનીરના ટુકડાને  તેલમાં તળી ને કે વિના તળીને બનવાઈ શકાય છે. આપણે આજે અહીં પનીરના ટુકડા તળી ને શાક બનાવીશું. તો ચાલો આપણે શાહી પનીરનું શાક બનાવીએ…

 

સામગ્રી :

૫૦૦  ગ્રામ પનીર

૫  નંગ મધ્યમ કદના ટામેટા

૨ નંગ લીલા મરચા

૧ નંગ આદુનો ટુકડો (૧ ઈંચ લંબાઈનો)

૨ ટે.સ્પૂન માખણ / ઘી

૧/૨ નાની ચમચી જીરૂ

૧/૪ નાની ચમચી હળદર (થોડી ઓછી લેવી)

૧ નાની ચમચી ધાણા પાઉડર

૧/૨ નાની ચમચી લાલ મરચાનો પાઉડર (સ્વાદ મુજબ ઓછો-વધુ લઇ શકાય)

૨૫-૩૦ નંગ કાજુ

૧/૨ નાની વાટકી મલાઈ / ક્રીમ (૧૦૦ ગ્રામ)

૧/૪ નાની ચમચી ગરમ મસાલો

૩/૪ નાની ચમચી મીઠું (સ્વાદ અનુસાર)

૧ ટે.સ્પૂન લીલી કોથમીર (બારીક સમારી લેવી)

 

રીત :

પનીરના ચોરસ ટૂકડા કાપી લેવા. નોન  સ્ટિક કડાઈમાં ૧-ટે.સ્પૂન તેલ/ઘી નાંખી અને આછા બ્રાઉન કલર આવે તેમ તળી લેવા અને ત્યારબાદ એક વાસણમાં અલગ રાખી દેવા.

કાજૂને અડધો કલાક પાણીમાં પલાળી અને બારીક પીસી પેસ્ટને એક વાટકીમાં અલગ કાઢી લેવી.

ટામેટા, આદુ અને લીલા મરચાને મિક્સીમાં પીસી અને પેસ્ટ બનાવવી. પેસ્ટને એક અલગ વાટકીમાં રાખી દેવી. મલાઈને પણ મિક્સીમાં એક વખત ફેરવી લેવી.

એક કડાઈમાં ઘી અથવા માખણ નાંખી અને ગરમ કરવા મૂકવું. ગરમ થાય એટલે તેમાં જીરૂ નાંખવું, જીરૂ બ્રાઉન થાય કે તૂરત હળદર અને ધાણાનો પાઉડર નાંખવો અને સાંતળવો. અને આ મસાલામાં ટામેટાની પેસ્ટ નાંખી નાને ચમચાની મદદથી હલાવતા રહેવું અને સાંતળવી. ટામેટાને પેસ્ટને સાંતલી લીધા બાદ, કાજૂની પેસ્ટ અનેર મલાઈનું મિશ્રણ નાંખી મસાલાને ચમચાની મદદથી હલાવતાં રહેવું અને ઘી સપાટી પર દેખાવા લાગે ત્યાં સુધી શેકવો. આ મસાલામાં ગ્રેવી તમોને જેવી પસંદ હોય, ઘટ કે પાતળી, તે પ્રમાણે પાણી ઉમેરવું અને તે અનુસાર મીઠું  નાંખવું અને જેટલી તિખાસ પસંદ હોય તે મુજબ લાલ મરચાનો પાઉડર  નાખવો.

ઉફાળો ગ્રેવીમાં આવે કે તૂરત પનીર નાંખી અને મિક્સ દેવું.  (થોડું પનીર છીણી લેવું, જે શાક બની ગયા બાદ ગાર્નીસિંગ / સજાવટ માટે ઉપયોગમાં લેવું. બસ શાક તૈયાર છે. ગેસ બંધ કરી તેમાં અડધી લીલી કોથમીર અને ગરમ મસાલો નાંખી અને મિક્સ કરવો.

શાહી પનીરના શાકને એક વાસણમાં કાઢી લેવું. તેની ઉપર બાકીની લીલી કોથમીર અને છીણેલું પનીર છાંટી અને સજાવટ કરવી.

 

સુજાવ:

જો તમે કાંદા પસંદ કરતાં હોત તો. ૧-૨ નંગ કાંદા, ૪-૫ નંગ લસણ ની કળી બારીક સમરી લેવા. જીરૂ શેકાઈ ગયા બાદ લસણ અને સમારેલા કાંદા નાંખી અને આછા ગુલાબી શેકવા. અને ત્યાર બાદ, ઉપર બતાવ્યા પ્રમાણે ક્રમાનુસાર દરેક વસ્તુઓને ઉમેરતા જવી અને શાહી પનીરનું શાક બનાવવું.

બ્લોગ લીંક: http://das.desais.net

મિક્સ વેજીટેબલ ભુરજી …

મિક્સ વેજીટેબલ ભુરજી … (Mix Vej. Bhurji) …

સામન્ય સંજોગમાં શિયાળામાં આપણે શરૂઆત થાય એટલે માર્કેટમાં નવા અને તાજા લીલાં શાકભાજી આપણને જોવા મળે છે. પરંતુ હવે તો સમય બદલાઈ ગયો છે, મોટાભાગના શાકભાજી આપણે બારેમાસ મેળવીએ છીએ. આજે આપણે  લીલાં વટાણા, ફ્લાવર (બંધ કોબી), કોબીચ (પતા કોબી), ગાજર, તેમજ અન્ય લીલાં શાકભાજીના ઉપયોગથી બનાવેલ મિક્સ્ડ વેજ. ભુરજી બનાવીશું. વેજ. ભુરજી તમને તેમજ તમારા પરિવારને બહુ જ પસંદ જરૂર આવશે.

સામગ્રી :

૪૦૦ ગ્રામ ફ્લાવર (૨-કપ) બારીક સમારી લેવું)

૨૦૦ ગ્રામ કોબીચ (૧-કપ) બારીક સમારી લેવી)

૧ કપ લીલાં વટાણા

૨ નંગ કેપ્સિકમ (સીમલા મિર્ચ)

૨૦૦ ગ્રામ પનીર (૧-કપ) બારીક છીણી લેવું)

૨-૩ નંગ ટામેટા (મીડીયમ આકારના )

૧-૨ નંગ લીલાં મરચા

૧ નંગ આદુનો ટુકડો ( ૧ઇન્ચ્ લંબાઈમાં )

૧૦૦ ગ્રામ દહીં (૧/૨ – કપ)

૪ ટે.સ્પૂન તેલ

૧/૨ નાની ચમચી જીરું

સાબુત / ખડા (ગરમ) મસાલા ..

૧૦ નંગ કાળા મરી

૪ નંગ કાળા મરી

૪ નંગ લવિંગ

૨ નંગ મોટી એલચી (ખોલી નાંખવી)

૧ નંગ નાનો ટુકડો તજ

૧/૨ નાની ચમચી હળદર

૧ નાની ચમચી ધાણા પાઉડર

૧/૪ નાની ચમચી મરચાનો પાઉડર (જો તમને પસંદ હોય તો)

૧-૧/૨ નાની ચમચી મીઠું (સ્વાદાનુસાર)

૧૨-૧૫ નંગ કાજુ (૧ –કાજુ ના ૪-૫ ટુકડા થાય તેમ બધા સમારી લેવા)

૨૦-૨૫ નંગ કિસમિસ  ( ડાળખી કાપી અને સાફ કરી લેવી)

૧ ટે.સ્પૂન લીલી કોથમીર (બારીક સમારી લેવી)

રીત :

ફ્લાવરને સાફ કરવું. (ફ્લાવરને સાફ કરવા એક વાસણમાં ગરમ પાણી (નવશેકું) લઇ તેમાં થોડું મીઠું અને હળદર નાંખી અને ઉંધુ ૪-૫ મિનિટ માટે ડૂબાડી દેવું,) જેને કારણે તેમાં રહેલ દવા અને જીવાત સાફ થઇ જશે.) પાણીમાંથી ફ્લાવર બહાર કાઢી અને તેને ચોખ્ખા પાણીથી ૨ વખત સાફ કરવું. અને ત્યારબાદ તેને બારીક સમારવું.

કોબિચને પણ સાફ કરી અને બારીક સમારી લેવી.

વટાણા સાફ ધોઈ અને સાફ કરી લેવા. સીમલા મિર્ચ પણ ધિ અને સાફ કરી અને બારીક સમારી લેવી.

ટામેટા, લીલાં મરચાં અને આદુ ને બારીક મિક્સરમાં પીસી લેવા. ટામેટામાં દહીં નાખીને ફરી એક વખત મિક્સરમાં ફેરવી લેવા જેથી ટામેટાના મસાલામાં દહીં બરોબર મિક્સ થઇ જાય.

 

આખા / સાબૂત ગરમ મસાલા ને કરકરા પીસી લેવા.

એક કડાઈમાં (૨)બે ટે.સ્પૂન તેલ ઉમેરવું અને ગરમ કરવું. ગરમ તેલમાં લીલાં વટાણા નાંખી અને તળી લેવા અને એક પ્લેટમાં અલગ બહાર કાઢી લેવા. બાકી વધેલા તેલમાં સમારેલી કોબી, સિમલા મિર્ચ ને ૨-૩ મિનિટ માટે તળી (ફ્રાઈ કરી) અને બહાર કાઢી લેવા.

કડાઈમાં બાકી વધેલ (૨) બે  ટે.સ્પૂન તેલ નાંખી અને તેલમાં જીરૂ નાંખી અને શેકવું, તે બ્રાઉન થાય એટલે ગરમ મસાલા (અધકચરા પીસેલા) તેમાં નાંખી અને આછા શેકવા. ત્યારબાદ, હળદર પાઉડર, ધાણાનો પાઉડર નાખવો. અને બાકીના પીસેલા મસાલા નાખવા ને ચમચાની મદદથી ધીરે ધીરે હલાવીને શેકવા, જ્યાં સુધી તેલ મસાલા શેકાઈને તેની ઉપર બહાર આવી ના જાય.

શેકેલા મસાલામાં સમારેલું ફ્લાવર નાખવું, અને એક વાસણ કડાઈ ઉપર ઢાંકી અને (૨) બે મિનિટ ધીમા તાપે પાકવા દેવું. ત્યારબાદ, ઢાંકણ ખોલી અને શાકમાં વટાણા, કોબીચ, સીમલા મિર્ચ, અને સમારેલું પનીર નાખવું.અને બધું મિક્સ કરવું. ત્યારબાદ, મીઠું, મરચું, કાજુ કિસમિસ. અને અડધી સમારેલી કોથમીર ન્બાખી અને શાકને પાંચ (૫) મિનિટ સુધી સારી રીતે પાણી સોકાઈ ના જાય ત્યાં સુધી ચમચાની મદદથી હલાવતાં રેહવું અને પાકવા દેવું.

બસ, ગરમા ગરમ સ્વાદિષ્ટ વેજ. ભુરજી તૈયાર છે. બાકી રહેલ કોથમીર તેની ઉપર છાંટી દેવી અને મિક્સ કરવી.

મિક્સ વેજ. ભુરજી એક કાચના વાસણમાં કાઢી અને રોટલી, પરોઠા કે ચોખા (ભાત) સાથે પીરસો અને ખાઓ.

મિક્સ વેજ ભુરજી બનાવવાની અન્ય એક રીત :

બધા શાક – ફ્લાવર, કોબીચ, વટાણા, સીમલા મિર્ચ નાના ટુકડામાં સમારી માઈક્રીવેવના વાસણમાં નાંખી અને વાસણ ઢાંકી ૩-૪ મિનિટ સુધી માઈક્રોવેવમાં રાખી અને પાકવા દેવું. ત્યારબાદ કડાઈમાં રહેલાં  શેકેલા મસાલામાં શાક, મીઠું, લાલ મરચાનો પાઉડર અને સમારેલી કોથમીર મિક્સ કરી અને શાકને ૩-૪ મિનિટ સુધી ચમચાની મદદથી હલાવતાં રેહવું અને પાકવા દેવું.

આ રીતે પણ મિક્સ વેજ. ભુરજી નું શાક સ્વાદિષ્ટ બને છે.

ભુરજીનું શાક તમારી પસંદગીની વધુ સારૂ બનાવા તમે લીલાં શાકભાજીમાં તમને પસંદ શાક હજુ ઉમેરી  શકો છો જેવાકા, બટેટા, ગાજર, વગેર. અને ઉપરોક્ત શાકમાંથી કોઈ પસંદ ના હોય તો તેની કમી પણ કરી શકો છો.

બ્લોગ લીંક: http://das.desais.net

ભરવાં (સ્ટફ્ડ) પનીર કોફતા …

ભરવાં (સ્ટફ્ડ) પનીર કોફતા …

સ્ટફ્ડ પનીર કોફતા સાંજે જમતા પહેલાં સ્ટાર્ટઅપ તરીકે પણ ખાઈ શકાય છે અને ગ્રેવી બનાવી શાક તરીકે પણ ઉપયોગમાં લઇ શકાય છે.

પનીર કોફ્તામાં ભરવા માટેનું મિશ્રણમાં,  બાફેલા બટેટાની જગ્યાએ બાફેલી પાલક, છીણેલું ફ્લાવર, નાના-નાના ટૂકડાઓમાં સમારેલ બીન્સ, છીણેલું કોબી વગેરે જે પસંદ હોય તે શાકભાજી પૂરણ તરીકે ઉપયોગમાં લઇ શકાય છે. ઉપરોક્ત મિશ્રણ આપણે પનીરમાં ભરીએ છીએ, જો તેમ પસંદ ના હોય તો બટેટાના માવામાં પનીરનું મિશ્રણ ભરી શકાય. જે પોટેટો સ્ટફ્ડ (પનીર) કોફતા બની જશે. પરંતુ આજે આપણે સ્ટફ્ડ પનીર કોફતા બનાવીશું.

કોફતા બનાવવા માટે સામગ્રી :

સામગ્રી :

૩૦૦ ગ્રામ પનીર

૩ ટે.સ્પૂન આરારૂટ

૪ નંગ બાફેલા બટેટા

મીઠું સ્વાદ અનુસાર

૧/૪ નાની ચમચી (થોડી ઓછી લેવી) હળદર

૨ નંગ લીલાં મરચા

૧ ટુકડો આદુ (૧ ઈંચ લંબાઈનો) (છીણી લેવું)

૧/૨ નાની ચમચી ધાણા પાઉડર

૧/૪ નાની ચમચી (થોડો ઓછો) આમચૂર પાઉડર

તેલ કોફતા તળવા માટે

 

ગ્રેવી બનાવવા માટે સામગ્રી :

 ૪-૫ નંગ મધ્ય કદના ટામેટા

૨-૩ નંગ લીલા મરચા

૧ નંગ આદુનો ટુકડો (૧-ઈંચ)

૨ ટે.સ્પૂન તેલ

૧/૪ નાની ચમચી જીરૂ

૧ ચપટીક (પીંચ) હિંગ

૧/૪ નાની ચમચી હળદર

૧ નાની ચમચી ધાણા પાઉડર

૨૦૦ ગ્રામ ક્રીમ (૧-કપ)

૨ પીંચ (ચપટીક) લાલ મરચાનો પાઉડર

૩/૪ નાની ચમચી મીઠું (સ્વાદાનુસાર)

૧/૪ નાની ચાંચે ગરમ મસાલો

૨ ટે.સ્પૂન લીલી કોથમીર (બારીક સમારેલી)

 

સ્ટફ્ડ પનીર કોફતા બનાવવા …

 

રીત :

પનીરમાં આરારૂટ અને ૧/૨ નાની ચમચી મીઠું નાખવું અને ખૂબજ સારી રીતે મસળવું અને પનીરને નરમ-મુલાયમ લોટ જેવું તૈયાર કરવું.

બટેટાની છાલ ઉતારી અને તેને મેસ / છુંદો કરવા. મીઠું, હળદર પાઉડર, લીલી મરચું, આદુ, લીલી કોથમીર અને આમચૂર પાઉડર નાંખી મિક્સ કરી, ખૂબજ બારીક લોટની જેમ ગૂંથીને પનીરમાં ભરવાનું મિશ્રણ તૈયાર કરી લેવું.

પનીરના મિશ્રણના ૧૨-૧૪ એકસરખા ગોળા બનાવી લેવા. બટેટાના મિશ્રણના પણ એટલા જ ગોળા બનાવી લેવા.

પનીરના ગોળાને હાથમાં લઇ અને તેને બીજા હાથની મદદ વડે દાબીને ચપટો / પૂરી જેવો આકાર આપવો અને તેની ઉપર બટેટાના મસાલાવાળો ગોળો મૂકવો અને ત્યારબાદ, પનીરને ઉપર ચારેબાજુથી કવર કરી લેવું, કોઈ ભાગ ખૂલ્લો ના રહે તેમ અને ગોળ આકારમાં ગોળો તૈયાર કરવો. (કોઈને કોફતા લંબગોળ પસંદ હોય તો તે આકાર પણ આપી શકાય) બસ, આજ રીતે ધીરે ધીરે બધા પનીરના ગોળામાં બટેટાનું મિશ્રણ ભરી અને (કોફતા) ગોળા તૈયાર કરી લેવા અને એક પ્લેટમાં અલગથી રાખવા. તૈયાર થયેલ ગોળાને સેટ કરવા ૨૦ મિનિટ સુધી ફ્રીઝમાં રાખવા, ( જો પનીરને બદલે બટેટાનું પડ બનાવ્યું હોય, તો તેને સેટ કરવાની જરૂર નથી.)

કોફતા તળવા માટે એક કડાઈમાં તેલ નાંખી ગરમ કરવું. તેલ ગરમ થઇ ગયા બાદ, એક સાથે ૪-૫ કોફતા ગરમ તેલમાં નાંખવા. અને ગોલ્ડન બ્રાઉન કલર થાય ત્યાં સુધી તળવા. અને ત્યારબાદ, એક પ્લેટમાં કિચન પેપર પાથરી અને તેની ઉપર અલગ રાખવા. આજ રીતે બધા કોફતા તળી લેવા.

(પનીર કોફતા તૈયાર  છે આ કોફતાનો તમે સ્ટાર્ટઅપ તરીકે પણ ઉપયોગ કરી શકો છો.)

ગ્રેવી બનાવવા …

રીત :

ટામેટાને ધોવા અને મોટા ટુકડામાં સમારવા. લીલાં મરચાની ડાળખી તોડી, ધોઈ લેવા. આદુને છોલીને ધોઈ લેવું અને નાના ટુકડામાં સમારવું. બધી જ વસ્તુ મિક્સરમાં નાંખી બારીક મસાલામાં પીસી લેવી.

એક કડાઈમાં તેલ નાંખી અને ગરમ કરવું. ગરમ તેલમાં જીરૂ અને હિંગ નાંખવી. જીરૂ થોડું બ્રાઉન કલરનું થાય કે તરત, હળદર પાઉડર અને ધાણાનો પાઉડર નાખવો. મસાલો થોડો શેકવો અને શેકાઈ ગયા બાદ, ટામેટાનો પીસેલો મસાલો અને લાલ મરચાનો પાઉડર નાંખવો. અને ૨-૩ મિનિટ સુધી અથવા ટામેટા પાકી જાય ત્યાં સુધી સાંતળવું. હવે ક્રીમ નાંખી મસાલો ત્યાં સુધી સાંતળવો કે મસાલા ઉપર તેલ તરીને અલગ ઉપર /બહાર  દેખાવા લાગે.

શેકેલા/સાંતળેલા મસાલામાં ૨-કપ પાણી અથવા ગ્રેવી તમે જેટલી પાતળી કે ઘટ રાખવા માંગતા હોય, તે અનુસાર (/ મુજબ) પાણી, મીઠું અને ગરમ મસાલા ઉમેરવા (નાંખવા). ગ્રેવીમાં ઉફાળો આવે ત્યારબાદ, ૨-મિનિટ સુધી પાકવા દેવી. બસ, ગ્રેવી બની ગઈ છે. ગ્રેવીમાં કોફતા નાંખી અને ઢાંકી દેવી.

સ્ટફ્ડ પનીર કોફ્તાનું શાક તૈયાર છે. શાકને કાચના એક વાસણમાં કાઢી અને લીલી કોથમીર ઉપર છાંટી અને ગાર્નશિંગ (શણગારવું) કરવું.

સ્ટફ્ડ પનીર કોફ્તાનું શાક રોટલી, નાન,પરોઠા અને ભાત (ચોખા) સાથે પીરસવું અને ઉપયોગમાં લેવું.

સ્ટફ્ડ પનીર કોફતા અલગ અલગ ગ્રેવીમાં પણ બનાવી શકાય છે. જેમકે ફક્ત કાજુ – ખસખસની ગ્રેવી, ટામેટાની ગ્રેવી, દહીંની ગ્રેવી, માખણ-મલાઈની ગ્રેવી, ખાલી કાજુની કે ખાલી ખસખસની ગ્રેવી વગેરે….

 

સ્ટાર્ટઅપમાં કોફતા આપવા હોય તો લીલી ચટણી સાથે પીરસી શકો છો.

 

સુજાવ :

૧.    પનીર કોફતા બનાવતી સમયે, પનીરમાં આરારૂટ નાંખી ખૂબજ મસળી પનીરને મુલાયમ બનાવવું.

૨.    આરારૂટ ઓછું પડવાથી કોફતા તળતી સમયે તેલમાં તૂટી કે ફાટી જાય છે.

૩.    કોફતા તળતી સમયે તેલ બરોબર ગરમ હોવું જરૂરી છે. ધીમા તાપે કોફતાને તળવા નહી. ઓછા ગરમ તેલમાં કોફતા ફાટી જશે.

૪.    ગ્રેવીમાં કોફતા નાખ્યા બાદ, ગ્રેવી ગરમ કરવી નહી. ગરમ કરવાથી  કોફતા વધુ નરમ થઇ અને તૂટી જશે.

બ્લોગ લીંક: http://das.desais.net

શાહી પનીર …

શાહી પનીર …

૪ વ્યક્તિ માટે

સમય : ૨૫ મિનિટ

પનીરના શાક બધાને પસંદ આવે છે. તેમાં પણ શાહી પનીર બહુ જ સ્વાદિષ્ટ બંને છે. શાહી પનીર ઘરમાં કોઈ પ્રસંગ પર કે ખાસ મહેમાનો આવે ત્યારે બનાવીએ, તે બનાવવામાં ખૂબજ આસાન છે. તો ચાલો આજે શાહી પનીર બનાવીએ.

સામગ્રી :

૨૫૦ ગ્રામ પનીર

૩-૪ નંગ મધ્યમ કદના ટામેટા

૨ નંગ લીલા મરચા

૧ નંગ આદુનો ટુકડો (૧ ઈંચ લંબાઈનો)

૨ ટે.સ્પૂન માખણ / ઘી

૧/૨ નાની ચમચી જીરૂ

૧/૪ નાની ચમચી હળદર (થોડી ઓછી લેવી)

૧ નાની ચમચી ધાણા પાઉડર

૧/૨ નાની ચમચી લાલ મરચાનો પાઉડર (સ્વાદ મુજબ ઓછો-વધુ લઇ શકાય)

૨૫-૩૦ નંગ કાજુ

૧/૨ નાની વાટકી મલાઈ / ક્રીમ

૧/૪ નાની ચમચી ગરમ મસાલો

૩/૪ નાની ચમચી મીઠું (સ્વાદ અનુસાર)

૧ ટે.સ્પૂન લીલી કોથમીર (બારીક સમારી લેવી)

 

રીત :

પનીરના ચોરસ ટૂકડા કાપી લેવા.

કાજૂને અડધો કલાક પાણીમાં પલાળી અને બારીક પીસી પેસ્ટને એક વાટકીમાં કાઢી લેવી.

ટામેટા, આદુ અને લીલા મરચાને મિક્સીમાં પીસી અને પેસ્ટ બનાવવી. પેસ્ટને એક અલગ વાટકીમાં રાખી દેવી. મલાઈને પણ મિક્સીમાં એક વખત ફેરવી લેવી.

એક કડાઈમાં ઘી અથવા માખણ નાંખી અને ગરમ કરવા મૂકવું. ગરમ થાય એટલે તેમાં જીરૂ નાંખવું, જીરૂ બ્રાઉન થાય કે તૂરત હળદર અને ધાણાનો પાઉડર નાંખવો અને સાંતળવો. અને આ મસાલામાં ટામેટાની પેસ્ટ નાંખી નાને ચમચાની મદદથી હલાવતા રહેવું અને સાંતળવી. ટામેટાને પેસ્ટને સાંતલી લીધા બાદ, કાજૂની પેસ્ટ અનેર મલાઈનું મિશ્રણ નાંખી મસાલાને ચમચાની મદદથી હલાવતાં રહેવું અને ઘી સપાટી પર દેખાવા લાગે ત્યાં સુધી શેકવો. આ મસાલામાં ગ્રેવી તમોને જેવી પસંદ હોય, ઘટ કે પાતળી, તે પ્રમાણે પાણી ઉમેરવું અને તે અનુસાર મીઠું  નાંખવું અને જેટલી તિખાસ પસંદ હોય તે મુજબ લાલ મરચાનો પાઉડર  નાખવો.

ઉફાળો ગ્રેવીમાં આવે કે તૂરત પનીર નાંખી અને મિક્સ દેવું.  (થોડું પનીર છીણી લેવું, જે શાક બની ગયા બાદ ગાર્નીસિંગ / સજાવટ માટે ઉપયોગમાં લેવું. બસ શાક તૈયાર છે. ગેસ બંધ કરી તેમાં અડધી લીલી કોથમીર અને ગરમ મસાલો નાંખી અને મિક્સ કરવો.

શાહી પનીરના શાકને એક વાસણમાં કાઢી લેવું. તેની ઉપર બાકીની લીલી કોથમીર અને છીણેલું પનીર છાંટી અને સજાવટ કરવી.

ગરમા ગરમ શાહી પનીરનું શાક, નાન – પરોઠા અને ભાત સાથે પીરસો અને ખાઓ.

 

નોંધ : કાંદા – લસણ જો પસંદ હોય તો જીરૂ શેકી લીધા બાદ, કાંદા અને લસણ  નાંખી અને તેને સાંતળી લેવા. ત્યારબાદ, ઉપર બતાવ્યા મુજબ દરેક વસ્તુ ક્રમ પ્રમાણે લેવી.

બ્લોગ લીંક: http://das.desais.net

ભરવાં પનીર ટામેટા … (સ્ટફ્ડ)

ભરવાં  (સ્ટફડ)  પનીર ટામેટા …

(૪ વ્યક્તિ માટે)

(સમય -૪૦ મિનિટ)

 

કોઇપણ સ્ટફ્ડ (ભરેલા) શાકનો સ્વાદ જ ખૂબજ અલગ હોય છે. ક્યારેય પણ (સ્ટફ્ડ) ભરેલું શાક બનાવવાની ઈચ્છા થાય તો સ્ટફ્ડ ટામેટાનું શાક બનાવીને જોવું. તે ખૂબજ સ્વાદિષ્ટ બને છે.

સામગ્રી :

૮ – ૧૦ નંગ ટામેટા (મધ્યમ કદના)

૧૦૦ ગ્રામ પનીર

૨ નંગ બાફેલા બટેટા (જો તમને પસંદ હોય તો)

૧ નંગ લીલું મરચું (બારીક સમારી લેવું)

૧ નંગ આદુ ( ૧ ઈંચ આદુનો ટુકડો) છીણી લેવું

૩/૪ નાની ચમચી મીઠું (સ્વાદાનુસાર)

૧/૪ નાની ચમચી લાલ મરચાનો પાઉડર (સ્વાદાનુસાર વધુ ઓછો કરી શકો)

૧/૪ નાની ચમચી ગરમ મસાલો

૧૦ -૧૨ નંગ કાજુ ( ૧ કાજુના ૬-૭ ટુકડા થાય તેમ સમારવા)

૧૫ – ૨૦ નંગ  કિસમિસ  (ડાળખી કાઢી, ધોઈને સાફ કરી લેવી)

૨ ટે.સ્પૂન લીલી કોથમીર (બારીક સમારી લેવી)

૧/૪ નાની ચમચી જીરૂ

૨ ટે.સ્પૂન તેલ

 

રીત :

ટામેટાને ધોઈ અને ઉપરની બાજુએ ચપ્પુથી ચાર તરફ એક ચોરસ કટ લગાવી (ઢાંકણ ની જેમ) અને ઢાંકણાની જેમ કાઢી લેવું.

ઢાંકણા ને અલગથી પ્લેટમાં રાખી અને બાકી રહેલ ટામેટામાંથી અંદરનો પલ્પ અને બી કાઢી લેવા.  પલ્પ કાઢી લીધેલા ટામેટાને તેના પ્લેટમાં અલગ રહેલ ઢાંકણ સાથે અલગથી રાખી દેવું. આજ રીતે બધા જ ટામેટાનો પલ્પ કાઢી અને તેના ઢાંકણા સાથે અલગ રાખવા.

 

બટેટાનો ઉપયોગ કરવા માંગતા હોય તો, બટેટાને બાફી લેવા. તેની છાલ ઉતારી અને તેણે છૂંદી નાંખવા (મેસ કરવા). પનીરને છીણી લેવું. મીઠું, લાલ મરચાનો પાઉડર, ગરમ મસાલો અને ૧ ટે.સ્પૂન લીલી કોથમીર મિક્સ કરે દેવી. કાજૂ અને કિસમિસ પણ સાથે મિક્સ કરવા.

એક કડાઈમાં ૧ ટે.સ્પૂન તેલ નાંખી ગરમ કરવું. જીરૂ નાંખી અને બ્રાઉન કલરનું થાય ત્યાં સુધી સાંતળવું.  લીલાં મરચા, આદુ અને તામેતામાનથી જે પલ્પ નીકળેલ તે પણ તેમાં નાંખી મિક્સ કરવો. પલ્પ ઘટ થાય કે તેમાં પનીર, બટેટા વાળો મસાલો પણ અંદર નાંખી અને મિક્સ કરી દેવો. બસ, ટામેટામાં ભરવા-/સ્ટફ્ડ કરવા માટેનું પુરણ / મિશ્રણ તૈયાર છે.

પલ્પ કાઢેલા ટામેટામાં ઉપર તૈયાર થયેલ મિશ્રણ ભરી અને તેની ઉપર તેનું ઢાંકણું બંધ કરી દેવું.  આમ બધાજ ટામેટાને ભરી અને તેનું ઢાંકણું બંધ કરી અલગ રાખી દેવા.

આ ટામેટાને આપણે અલગ અલગ રીતે પકાવી શકીએ છીએ.

(૧) એક ભારે તળિયાવાળી કડાઈમાં ટામેટા ગોઠવી, ટામેટા ઉપર ૧/૪ ચમચીથી થોડું ઓછું મીઠું  અને ૧ ટે.સ્પૂન તેલ મિક્સ કરી દરેક ટામેટા પર થોડું થોડું લગાડી / ચોપડી દેવું. ટામેટાના વાસણને ઢાંકી દેવું. અને ધીમા તાપે ગેસ પર ૩-૪ મિનિટ પકવવા. ત્યારબાદ સાવધાનીથી ચિપિયાની મદદવડે  ઉલટાવવા (પલટાવવા). નરમ થાય ત્યાં સુધી પાકવા દેવા. બસ ભરેલા ટામેટાનું શાક તૈયાર છે.

(૨) માઈક્રોવેવમાં …

માઈક્રોવેવમાં ઉપયોગમાં લઇ શકાય તેવા કાચના વાસણમાં ટામેટાને ગોઠવવા. ટામેટા ઉપર ૧ ટે.સ્પૂન તેલ અને ૧/૪ નાની ચમચી મીઠું મિક્સ કરી લગાડી  અને વાસણને ઢાંકી દેવું. માઈક્રોવેવમાં પાંચ (૫) મિનિટનો સમય સેટ કરવો. પાંચ મિનિટ પછી માઈક્રોવેવમાં ચેક કરવું. જો ટે નરમ ન થાયાં હોય તો વધારે (૨) બે મિનિટ માટે પકવવા. બસ, હવે તો ટામેટા નરમ થઇ ગયા હશે. (પાકી ગયા હશે) બસ સ્ટફ્ડ ટામેટા તૈયાર છે.

(૩) ઓવનમાં …

ઓવનની ટ્રે ને તેલ લગાવવું. અને તેમાં ટામેટા ગોઠવવા.

ઓવનને ૩૦૦’ સે.ગ્રે. પર સેટ કરી અને (પ્રી હિટ) ગરમ કરવું. ઓવન ગરમ થઇ જાય એટલે ટામેટા ભરેલી ટ્રે ઓવનમાં રાખવી. તેની ઉપર ૧ ટે.સ્પૂન તેલ અને ૧/૪ નાની ચમચી મીઠું મિક્સ કરી અને દરેક ટામેટા ઉપર લગાડવું. ટામેટાને લગભગ ૬ (છ) મિનિટ સુધી બેક કરવા. ટામેટા પાકી જશે એટલે તેમાંથી તોડો રસ નીકળશે.  બસ સ્ટફ્ડ ટામેટા તૈયાર છે. જે રસ ટામેટામાંથી નેકડેલ તેને દરેક ટામેટા સાથે ઉપર નાંખી અને પીરસવા.

બસ, સ્ટફ્ડ ટામેટા નું (ભરેલ ટામેટાનું )  શાક તૈયાર છે.  શાકને સાવધાનીથી એક વાસણમાં કાઢી લેવું. ટામેટાને છીણેલા પનીર અને લીલી કોથમીર ઉપર છાંટી અને ગાર્નીસ / શણગારવા.


સ્ટફ્ડ ટામેટાને પરોઠા – નાન કે રોટલી સાથે પીરસવા અને ખાવા.

 

બ્લોગ લીંક: http://das.desais.net

મટર પનીર …

મટર પનીર …

 

મટર પનીર ઉત્તર ભારતના અનેક વ્યંજન પૈકી એક સૌથી વધુ પસંદગીનું શાક છે. દરેક ઘરમાં આ શાક  પસંદ કરવામાં આવે છે. આજે આપણે મટર પનીરનું શાક બનાવીશું.

સામગ્રી :

૨૫૦ ગ્રામ પનીર  (Cottage Cheese)

૧/૨ કપ લીલા તાજા વટાણા (Green peas)

૨-૩ નંગ ટામેટા

૨- નંગ લીલા મરચા

૧ -ટુકડો આદુ ( ૧ ઈંચ નો ટુકડો)

૧/૨ નાનો કપ ક્રીમ અથવા ઘરના દૂધની મલાઈ

૨- ટે. સ્પૂન રીફાઈન્ડ તેલ

૧/૨ નાની ચમચી જીરૂ

૧/૪ નાની ચમચી હળદર

૧- નાની ચમચી ધાણા પાઉડર

૧/૪ નાની ચમચી (થોડો ઓછો) લાલ મરચાનો પાઉડર

૧/૪ નાની ચમચી ગરમ મસાલો

મીઠું સ્વાદ અનુસાર

૨- ટે.સ્પૂન લીલી કોથમીર (બારીક સમારેલી)

 

રીત :

 

ટામેટા, લીલા મરચા, આદુ મિક્સરમાં બારીક પીસી લેવા. આ પેસ્ટમાં ક્રીમ/મલાઈ નાંખી ફરી એક વખત મિક્સર ફેરવી લેવું.

પનીર ચોરસ ટુકડામાં સમરી લેવું અને લીલા વટાણાણે ૧/૨ કપ પાણીમાં બાફી લેવા.

એક કડાઈમાં તેલ નાંખી અને ગરમ કરવું. ગરમ તેલમાં જીરું નાંખવું. જીરૂ શેકાઈ ગયા બાદ, હળદર, ધાણા પાઉડર, મરચું નાંખી અને ચમચાની મદદથી હલાવતાં જવું અને બરોબર શેકવું / સાંતળવું. હવે તમે અગાઉ જે મસાલો પીસીને તૈયાર કરેલ (પેસ્ટ) તે નાંખી અને તેણે ત્યાં સુધી સાંતળવો / શેકવો કે તેમાંથી તેલ છૂટીને સપાટી ઉપર બહાર દેખાવા લાગે.

મસાલો શેકાઈ ગયા બાદ, તમને જે રીતની ગ્રેવી પસંદ હોય, એટલે કે ઘટ કે પાતળી, તે પ્રમાણે જરૂરી પાણી ઉમેરવું. ગ્રેવીમાં અગાઉ ઉકાળેલ/બાફેલા  વટાણા અને સ્વાદ અનુસાર મીઠું નાખવું. ઉફાળો આવ્યા બાદ, પનીર નાંખવું – ૩-૪ મિનિટ સુધી ઉકાળવા દેવું(ગરમ કરવું).

મટર પનીર નું શાક તૈયાર છે. બસ ગેસ બંધ કરી દેવો.

શાકમાં ગરમ મસાલો અને અડધી સમારેલી લીલી કોથમીર નાંખવી. અને શાકને એક કાચના વાસણમાં કાઢી લેવું. બાકીની કોથમીર ત્યાર બાદ, ઉપરથી છાંટવી.

ગરમા ગરમ મટર પનીરનું શાક, નાન – પરોઠા કે રોટલી જે પસંદ આવે તેની સાથે પીરસવું અને ખાવું અને મોજ કરવી.

નોંધ :

(૧) જો તમે કાંદા પસંદ કરતાં હોય તો ૧ કાંદાને બારીક સમારી અને જીરૂ સાંતળી લીધા બાદ, કાંદા તેલમાં નાંખવા અને સાંતળવા. આચા બ્રાઉન કલર આવ્યાબાદ, બાકીના મસાલા ક્રમ અનુસાર આગળ બતાવ્યા મુજબ નાખવા.

જો તમે મટર પનીરની ગ્રીવી અલગ અલગ રીતે બનાવવા ઇચ્છતા હો તો, એક જ શાકના અલગ-અલગ સ્વાદ માણી શકો છો.

(૧)   ખસખસની ગ્રેવી બનાવો …

૨- ટે.સ્પૂન ખસખસ પાણીમાં ધોઈ અને ૧ કલાક સુધી તેને પલાળી રાખવી. એક કલાક બાદ તેને પીસી લેવી. તેલમાં જીરૂ, હળદર, ધાણા પાઉડર નાંખ્યા બાદ, ખસખસની પેસ્ટ તેમાં નાંખવી અને તેલ તેમાંથી છૂટું પડે ત્યાં સુધી સાંતળવી. ત્યાર બાદ, ટામેટાની પેસ્ટ નાંખી મસાલાને કરી શેકવી અને ગ્રીવે જેટલી ઘટ કે પાતળી રાખવી હોય તે હિસાબથી પાણી તેમજ મીઠું ઉમેરવું અને ગ્રેવી તૈયાર કરવી.

(૨)   કાજુની ગ્રેવી બનાવવા માટે …

૨- ટે.સ્પૂન કાજુ પાણીમાં ૧/૨ કલાક માટે પલાળી રાખવા. પલાળેલા કાજુને મિક્સરમાં બારીક પીસી અને પેસ્ટ બનાવવી. તેલમાં મસાલા શેકાઈ/ સાંતળી લીધા બાદ, કાજુની પેસ્ટ નાંખી અને તેલ છૂટુ પડી બહાર સપાટી પર આવી દેખાવા લાગે ત્યાં સુધી શેકવી. ત્યાર બાદ, ટામેટાની પેસ્ટ નાંખવી અને અને ફરી વાર મસાલો શેકવો / સાંતળવો અને ગ્રીવી જેટલી ઘટ કે પાતળી બનાવવી હોય તેટલું પાણી તેમજ મીઠું સ્વાદ અનુસાર તેમાં નાખવું.

આમ એક જ શાક અલગ – અલગ ગ્રેવી સાથેના સ્વાદમાં માણી શકશો.

 

બ્લોગ લીંક: http://das.desais.net