ગુલાબ જાંબુ …(રેસિપી) …

ગુલાબ જાંબુ … (રેસિપી) …

સમય: લગભગ ૧ થી ૧ -૧/૨ -કલાક

 

ગુલાબ જાંબુ (હિંદી :गुलाब जामुन, ઉર્દૂ: گلاب جامن, મરાઠી : गुलाबजाम, કન્નડ : ಜಾಮೂನು) એ ભારતીય ઉપમહાદ્વીપના દેશો જેવાકે ભારત,પાકિસ્તાનશ્રીલંકા, [નેપાળ] અને બાંગ્લાદેશ જેવા દેશોની એક લોકપ્રિય મીઠાઈ છે. આને મેંદો, માવો માંથી બનાવવામાં આવે છે. આને ઘી માં તળીને ચાસણીમાં બોળીને બનાવવામાં આવે છે. આમાં એલચી, ગુલાબજળ, કેવડા કે કેસર જેવા દ્રવ્યો ભેળવવામાં આવે છે. આજ કાલ ગુલાબજાંબુ બનાવવાનો લોટ તૈયાર મળે છે, જેને વાપરીને સરળતાથી એ ગુલાબ જાંબુ બનાવવામાં આવે છે.

ગુલાબ જાંબુ નામ પર્શિયન શબ્દ ગુલાબ, “ગુલાબ જળ” પરથી ઉતરી આવ્યું છે કેમકે ચાસણીને ગુલાબ જળથી સુગંધીત કરાતી. અને તે જાંબુ જેવા દેખાતા હોવાથી તેને જાંબુ કહે છે આમ તે બંને શબ્દ મળી ગુલાબ જાંબુ શબ્દ બને છે.

 

ગુલાબ જાંબુનું એ અરેબિક મીઠાઈ લુકમત અલ-કાદી (ન્યાયાધીશનું બટકું) પરથી ઉતરી  આવી છે.  મોગલ શાસન દરમ્યાન તે ભારત આવી હોવાનું મનાય છે. પ્રાય: આમાં ગુલાબ જળની ચાસણી બને છે અને  કેસર અને મધ ની ચાસણી પણ બને છે. ઓટોમન સામ્રાજ્ય દરમ્યાન તુર્કી  દેશોમાં પણ પ્રસિદ્ધ બન્યું.

– સોર્સ :વિકીપીડિયા 

 

ગુલાબ જાંબુ ઉત્તર ભારતની મીઠાઈ છે. ગુલાબ જાંબુ, માવામાં થોડો  મેંદો નાખીને બનાવવામાં આવે છે. પણ ઘણા લોકો માવા ને પનીર નો ઉપયોગ કરીને પણ બનાવે છે. બંને રીતે ગુલાબ જાંબુ સારા જ બને છે. આજે આપણે ગુલાબ જાંબુ માવા અને પનીરનો ઉપયોગ કરી ને બનાવીશું.

 

સામગ્રી :

૨૫૦ ગ્રામ માવો (૧-૧/૪  – કપ)

૧૦૦ ગ્રામ પનીર (૧/૨ – કપ)

૨૦  ગ્રામ મેંદો (રિફાઈન્ડ – ફ્લોર) (૧-ટે.સ્પૂન)

૧૫-૧૬ નંગ કાજૂ (૧ –કાજૂના ૭-૮ ટુકડામાં સમારવું)

૨૫-૩૦ નંગ કિસમિસ

૬૦૦ ગ્રામ ખાંડ (૩-કપ)

૨૫૦ ગ્રામ ઘી (૧-૧/૪ – કપ)

૨-૪ નંગ એલચી ( દાણા ને અલગ કરી નાંખવા) (પસંદ પડે તો જ )

 

રીત :

માવા, પનીર અને મેંદા ને એક મોટા વાસણમાં રાખી ત્યાં સુધી તેને મસળવો અને નરમ અને મુલાયમ બનાવવો અને ગુંથવો.  બસ ગુલાબ જાંબુ બનાવવા માટેનો માવો તૈયાર છે.

ગુલાબ જાંબુને તળતા પહેલાં તેની ચાસણીને  બનાવી તૈયાર કરી લેવી.

 

ચાસણી બનાવવાની રીત :

એક વાસણમાં ખાંડમાં ૩૦૦ ગ્રામ પાણી મિક્સ કરવું (ખાંડથી અડધું પાણી લેવું) અને ગેસ પર ચાસણી બનાવવા ગરમ કરવા મુંકવું.

ચાસણીમાં જ્યારે ઉફાળો આવે, ત્યારબાદ, ૪-૫ મિનિટ સુધી વધુ પાકવા દેવી. ચાસણી એક તાર ની બનાવવાની હોય એક કે બે ટીપાં પાડી અંગુઠા અને આંગળી વચ્ચે મૂકી અને ચેક કરી લેવી કે ફક્ત એક જ તારની હોવી જોઈએ. આમ એક તારની ચાસણી બનાવી દીધા બાદ, ઠંડી પડે એટલે ગાળી લેવી. (ગરણી /ચારણીથી).

 

ગુલાબ જાંબુ બનાવવાની રીત :

આગળ તૈયાર કરેલ માવામાંથી ૧-ચમચી (થોડો માવો) આંગળીની મદદથી કાઢી, અને હથેળીમાં  દાબી ચપટો આકાર દેવો, અને આકારમાં કાજૂ અને કિસમિસ થી ભરવું અને ચારે બાજુથી બંધ કરી ને બંને હાથેથી ગોળ આકાર આપી ગોળો બનાવવો. એલચીના દાણા જો પસંદ હોય તો તે પણ મિક્સ કરી શકાય છે. બસ આજે રીતે બધાજ માવાનો નાના ગોળા ગોળા બનાવવા.

એક કડાઈમાં ઘી નાંખી ગરમ કરવું. બધાજ ગુલાબ જાંબુ તળતા પેહલાં એક ગોળાને કડાઈમાં નાંખી તળી અને ચેક કરી લેવું કે ગોળા તળવા જતાં ફાટી નથી જતો ટે ચેક કરવું. જો ઘીમાં ગોળો ફાટી જતો હોય તો તેમાં થોડો મેંદો ઉમેરવો જરૂરી છે. (માવામાં મિક્સ કરવો)

બસ, ત્યારબાદ, કડાઈના માપ/ સાઈઝ ને ધ્યાનમાં રાખી ૩-૪ કે તેથી વધુ ગોળા કડાઈમાં નાંખી અને તળવા. ગેસની ફ્લેમ ધીમી રાખી અને ચમચા / ઝારાની મદદથી ઘી ઉપર રેડતા જવું અને તળવું. તળેલા ગુલાબ જાંબુ એક પ્લેટમાં અલગ રાખી દેવા. થોડા, ઠંડા થઇ ગયા બાદ બે (૨) મિનિટ બાદ, ચાસણીમાં ડુબાડી દેવા. આજ રીતે બધા જ માવાના ગોળાને તળી અને ચાસણીમાં ડૂબાડવા.

તળેલાં ગુલાબ જાંબુ આ ચાસણીમાં ૮-૧૦ કલાક મીઠાં રસમાં રાખવાથી મીઠાં અને સસ્વાદિષ્ટ જાંબુ રસ પીને બની જશે.

બસ, ગુલાબ જાંબુ તૈયાર છે. જેને ગરમા-ગરમ અથવા ઠંડા પીરસવા.

 

સુજાવ :

૧]     જો ગુલાબ જાંબુ ઘી માં ફાટી જાય તો કે વધુ નરમ લાગે તો માવામાં થોડો મેંદો વધુ મિક્સ કરવો.

૨]     જો તે વધુ કઠણ બની જાય તો માવાના લોટમાં ૧-૧/૨ ટે.સ્પૂન દૂધ મિલાવી અને માવાને સારી રીતે મસળવો.

૩]     વધુ ગરમ ચાસણીમાં ગુલાબ જાંબુ ન નાંખવા.

૪] એલચીનો ઉપયોગ પણ કરી શકાય છે.

 

બ્લોગ લીંક: http://das.desais.net

email: [email protected]

 

ગુલાબ જાંબુની રેસિપી ની પોસ્ટ જો તમને પસંદ આવી હોઈ તો અધિક માસ દરમ્યાન બનવવાની કોશિશ જરૂર ઘેર કરશો., અને આપના અનુભવ બ્લોગ પોસ્ટ પર આવી પ્રતિભાવ / કોમેન્ટ્સ બોક્ષમાં જણાવશો.

સુખડી કે ગોળ પાપડી …

સુખડી કે ગોળ પાપડી …

 

બ્લોગ પરના એક પાઠક મિત્ર ગીતાબેન શાહ -પરીખ … દ્વારા તેમની કોમેન્ટ્સ દ્વારા અનુરોધ કરવામાં આવેલ કે ગોળ પાપડી ની રેસિપી  જણાવશો… તેમની વિનંતીને ધ્યાનમાં લઇ ગોળ પાપડી  કે સુખડીની  રેસિપી અમોએ આજે પોસ્ટ રૂપે મૂકવા  નમ્ર કોશિશ કરેલ છે.

 

સુખડી કે ગોળ પાપડી એ ઘી, ગોળ અને ઘઉંના લોટમાંથી બનતી એક પરંપરાગત ગુજરાતી મીઠાઈ છે. આ એક પૌષ્ટિક મીઠાઈ છે અને તે શુભ પ્રસંગે તેમજ વ્યક્તિગત અનુકુળતાએ બનાવાય છે. 

સુખડી એ લાંબા સમય સુધી ટકે તેવી મિઠાઇ છે, આ એક પૌષ્ટીક વાનગી છે આથી પ્રાચીન સમયમાં લોકો જ્યારે કમાવવા માટે લાંબા પ્રવાસે જતાં ત્યારે તેઓ ભાથામાં સુખડી લઈ જતાં. તેઓ સુખડી અને પાણી પીને લાંબો પ્રવાસ કરતાં.

 

આપ પણ બનાવો, દાદીમાની ડિશ ગણાતી ‘સુખડી’  …

 

 

સામગ્રી:

૩/૪ –  કપ ઘઉં નો લોટ (૨૫૦ ગ્રામ )

૩/૪ –  કપ ઘી  (૨૫૦ ગ્રામ )

૩/૪ –  કપ છીણેલો ગોળ  (૨૫૦ ગ્રામ )

ગાર્નિશીંગ માટે

કાચી વરીયાળી

રીત:

-સૌ પ્રથમ એક કડાઈમાં  ઘી  અને ઘઉંનો લોટ  લો અને તેને સેકી લો.

-લોટ લાલ ન થવા દેવો તે વાતનું ધ્યાન રાખવું.  લોટને મધ્યમ તાપ રાખીને શેકવાનો છે.

-આ ઘઉંનો લોટને  તાવેથા ની મદદથી સતત ખૂબ  હલાવતા રહો. (લગભગ ૮-૧૦ મિનિટ  સમય)

-લોટ સેકાઈ જાય એટલે તેમાં છીણેલો ગોળ ઉમેરો તેનો ખૂબ જ હલાવો.

-બાદમાં એક ઘી ચોપડેલી પ્લેટમાં આ સુખડી પાથરો.  અને તેને એક વાટકી ની મદદથી એકસરખી સપાટી કરવી.  ત્યારબાદ, ચપ્પુની મદદથી તેમાં આંકા પાડવા. ( નાના ચકતા બને તમે)

ગાર્નીશીંગ  : -સુખડી ઉપર કાચી વળીયાળી ભભરાવો.

-તેના વ્યવસ્થિત ચકતા કરી એક એર ટાઈટ ડબ્બામાં ભરી લો.

*જો ઈચ્છા હોય તો ૨ ટેબ.સ્પૂન સુંઠ પાવડર ગોળ નાખતી વખતે નાખી શકાય.

સુખડીને વધુ સ્વાદિષ્ટ બનાવવા માટે તેમાં તલ, સુકામેવા, ખજૂર  ઉમેરી શકાય છે અને કોઇક વાર તેના ઉપર વરિયાળી ભભવરાવાય છે.

 

સુખડી માઈક્રોવેવમાં બનાવવાની રીત :

 

સુખડી બનાવવા માટેની  સામગ્રી:

૩/૪ કપ ઘઉં નો લોટ
૧/૪ કપ ઘઉં નો કકરો લોટ
૩/૪ કપ ઘી
૩/૪ કપ છીણેલો ગોળ

 

ગાર્નીશિંગ માટે:

ઈલાયચી પાવડર
બદામ  ની કતરણ
પીસ્તા ની કતરણ

 

સુખડી બનાવવા માટેની રીત:

 

સૌ પ્રથમ એક માઇક્રોવેવ પ્રૂફ બાઉલ માં બંને ઘઉં ના લોટ અને
ઘી ભેગા કરી ૨ મિનીટ માટે માઈક્રો મીડીયમ પર મુકો,વચ્ચે એક
વાર હલાવી લેવું.ચેક કરી લેવું જો લોટ ને વધુ શેકવો હોય તો ૩૦-
૩૦ સેકન્ડ ના ટાઈમ માટે મૂકી હલાવતા રહેવું અને ચેક કરતા રહેવું.
લોટ શેકાઈ ગયેલો લાગે તો બહાર કાઢી ગરમ લોટ માં જ છીણેલો ગોળ
નાખી દેવો.અને બરોબર હલાવી ગ્રીસ કરેલી થાળી માં ઠરી દેવું.(ફરી વાર
માઇક્રોવેવ માં મુકવા ની જરૂર નથી)
ત્યાર બાદ તેની પર ઈલાયચી નો ભૂકો,અને બદામ-પીસ્તા ની કતરણ ભભરાવી
હળવે હાથે દબાવી દેવું.અને કાપા કરી ગરમ ગરમ સર્વ કરવી.

 

*ઘઉં નો ઝીણો લોટ અને કકરો લોટ નું પ્રમાણ મરજી મુજબ બદલી શકાય.
*લોટ ને ઈચ્છા પ્રમાણે વધારે ઓછો શેકી શકાય.
*જો ઈચ્છા હોય તો ૨ ટેબ.સ્પૂન સુંઠ પાવડર ગોળ નાખતી વખતે નાખી શકાય.

 

સાભાર : સંકલિત :  દિવ્યભાસ્કર અને નૈયાસ  રેસીપી ….

આપને સુખડીની પોસ્ટ પસંદ આવી હોય તો જરૂર આપના પ્રતિભાવ બ્લોગ પોસ્ટ પર મૂકી આભારી કરશો…

બ્લોગ લીંક: http://das.desais.net 

email: [email protected]

શીરો … (રેસિપી)

શીરો  …

કનૈયાલાલ  પરીખ (કોઇમ્બતુર)

આજે આપણે ગુજરાતી પારંપરિક વ્યંજન  … ‘શિરા’ ની રેસિપી ને જાણીશું અને  શીરો માણીશું. શીરો બનાવવો આસાન હોવા છતાં આપણામાંથી ઘણી જ બહેનો ને શીરો નથી બનાવતા આવડતો અથવા  મારાથી સારો શીરો નથી બનતો તેમ તેઓ  ફરિયાદ કરતાં હોય છે.  મોટે ભાગે શીરો કોઈ શુભ પ્રસંગે કે કે તેહવાર દરમ્યાન બનાવતા હોઈએ છીએ, અને ખાસ તો સત્યનારાયણ ભગવાનની કથા દરમ્યાન શીરા નું માહત્મ્ય / અગત્યતા વધુ આપણામાં જણાય છે.  સત્યનારાયણ ની કથા દરમ્યાન સામગ્રી તરીકે ભોગમાં ભગવાનને આપણે શીરો ધરતા હોઈએ છીએ અને પ્રસાદ સ્વરૂપે આપણે ભાવિકજનો ને આપતા હોઈએ છીએ.

આજે અમો, ‘દાદીમા ની પોટલી’ પરના એક નવા સાથીદાર શ્રી  કનૈયાભાઈ નો ટૂંકો પરિચય આપને અહીં કરાવીશું.

શ્રી કનૈયાભાઈ પરીખ મૂળ મુંબઈમાં જન્મ તેમજ અભ્યાસ પણ મુંબઈ જ પૂર્ણ  કરેલ હોવા છતાં તેમનું કર્મ કોટન અને યાર્નના વેપાર માટે તેને કોઇમ્બતુર લઇ ગયેલ છે અને તેઓ ત્યાં હાલ રહે છે. યુવાનીમાં અભ્યાસ દરમ્યાન એન.સી.સી. કેડેટ  માંથી મેજર ની પદવી તેમણે પ્રાપ્ત  કરેલ. કોઇમ્બતુરમાં   પોતાની કાર્યવાહી  દરમ્યાન તેઓ  કોટન અને યાર્ન  એસોસિયેશન / ચેમ્બરના મેમ્બર તરીકે પણ તેઓ રહી ચુકેલા છે.તેઓનો  શોખ, મુસાફરી કરવી તેમજ રસોઈ  બનાવવી અને ખાસ  અલગ અલગ પ્રકારના  વ્યંજન ની શોધ કરી અને તે બનાવવા. ૨૦૦૩ ની સાલમાં પારંપારિક રસોઈમાં તેઓએ  INTACH દ્વારા આયોજિત રસોઈ  સ્પર્ધામાં ભાગ લઇ અને “Paakanipunashri” નું ટાઈટલ/ ખિતાબ મેળવેલ. તેઓ રોટરી કલબ જેવી સામજિક ઇન્ટરનેશનલ  સંસ્થા સાથે ૨૦૦૫ થી જોડાયેલા છે. અને સંસ્થાની અનેક પ્રવૃતિમાં સક્રિય  છે અને ૨૦૧૧ -૧૨ માં રોટરી પ્રમુખ પદ,પણ તેઓએ શોભાવેલ  છે. તેઓ  ના દેખાતા રમૂજ સ્વભાવ/ ચહેરા પાછળ એક ખૂબજ સમજદાર-ગંભીર  અને જવાબદારી ભરેલ વ્યક્તિત્વ છૂપાયેલું છે.

કનૈયાભાઈ કે  જેમણે આ શીરા ની રેસિપી ‘દાદીમા ની પોટલી’ પર મોકલી છે, તે માટે અમો શ્રીકનૈયાલાલ પરીખ – (કોઇમ્બતુર) ના અંતરપૂર્વક્થી આભારી છીએ. ભવિષ્યમાં પણ તેમના તરફથી આપણને નવી નવી રસોઈની રેસિપી જાણવા મળે અને તેમના પાકશાસ્ત્રના અનુભવી જ્ઞાનનો લાભ મળે તેવી અપેક્ષા રાખીએ છીએ…

આપને આ રેસિપી પસંદ આવી હોય તો જરૂર ઘરે એક વખત શીરો બનાવી અને માણશો. આપના અનુભવ બ્લોગ પોસ્ટ પર આવી અને કોમેન્ટ્સ બોક્ષ દ્વારા અમોને શેર કરશો… આપના પ્રતિભાવ સદા અમોને આવકાર્ય રહેશે…

મિઠાઈ કોને પસંદ ના હોય ? તમો મિઠાઈ પસંદ કરતાં હો તો આજે એક સ્વાદિષ્ટ અને પૌષ્ટિક વ્યંજન  .. ‘ શીરો’ (કેશરી)  કેમ બનાવવો તેની રેસીપી જાણીશું અને માણીશું.

શીરા અને પૂરીને ગુજરાતી પારંપારિક અને ખાસ ભોજન ની ડીશ કહી શકાય.  ગુજરાત માં  જેને આપણે શીરા તરીકે ઓળખીએ છીએ તે દક્ષિણ ભારતમાં કેશરી તરીકે ઓળખાઈ  છે.  ખાસ કરીને શીરો બનાવવા માટે  રવો (સુજી), દૂધ, ખાંડ  અને ઘી નો ઉપયોગ કરવામાં આવે છે. તો ચાલો આપણે આજે ‘શીરા’ ની રેસિપી ગુજરાતી તેમજ મૂળ અંગ્રેજીમાં જે અમોને પ્રાપ્ત થયેલ છે તે બંને રેસિપી જાણીએ ..

 

શીરો :


સામગ્રી :


૧ કપ રવો (સુજી)

૧ કપ  ખાંડ

૨-૧/૨ – કપ દૂધ

૩ ટે.સ્પૂન  ઘી

થોડી પાંખડી કેશર

૧ ટે.સ્પૂન એલચી પાઉડર

સૂકો મેવો.: બદામ, પિસ્તા, કાજુ  (જીણા સમારી લેવા)

 

રીત :


૧]  એક નાની પ્યાલી કે વાટકામાં થોડું દૂધ નવશેકું ગરમ કરી તેમાં કેશરની પાંખડીઓ પલાળી અને તે  અલગ રાખવી.

૨]  એક કડાઈમાં ઘી મૂકી અને તેને મધ્યમ તાપે ગરમ કરવા મૂકવું. ઘી વિજળી / પીગળી જાય એટલે

૩]  રવો તેમાં ઉમેરવો અને તેને મધ્યમ તાપે ચમચાની મદદથી સતત  હલાવતાં જવું અને શેકવો અને તેનો કલર ગોલ્ડન બ્રાઉન થવો જરૂરી.

૪] ત્યારબાદ ખાંડ  ઉંમેરો અને મિક્સ કરો.

૫]  ગરમ  દૂધ તેમાં ઉમેરી અને મિક્સ કરવું. ફરી ચમચાની મદદ વડે રવો અને દૂધ સતત મિક્સ કરવા અને દૂધ  મિક્સ થઇ જતાં ઘી  સાઈડની કિનારી પર અલગથી છૂટું  પડી  દેખાવા લાગશે.

૬]  કેશર, કાજુ, બદામ, પીસ્તા તેમજ એલચીનો પાઉડર ઉમેરો અને તેને મિક્સ કરો.

 

બસ, શીરો તૈયાર  છે. શીરા ને ગરમ ગરમ પીરસવો અને ખાવાના ઉપયોગમાં લેવો.

 

SHIRA :


IF YOU HAVE SWEET TOOTH HERE’S A FEAST AND HEALTHY SWEET

CALLED SHIRA. ( KESRI ) A TRADITIONAL SWEETDISH FROM  GUJARAT.

IN SOUTHINDIA WE CALL THIS DISH AS KESRI. IT IS AN OFFERRING TO LORD SATYANARAYAN & DISTRIBUTED AS PRASAD TO DEVOTEES.

SHIRA & PURI COMBINATION IS CONSIDERED AS ONE OF THE BEST FEAST IN GUJARAT.

THIS NUTRITUOUS VERSION OF TRADITIONAL RECEIPE OF SHIRA OF RAWA ( SUJI ) , MILK, SUGAR & GHEE IS SURE TO APPEASE YOUR CRAVING. GHEE IS ONE INDGREDIENT WHICH MAKES OUR INDIAN CUISINE STAND OUT FROM THE CUISINES OF OTHER COUNTRIES.

THE RESULTS CERTAINLY WARRANT THE EFFORT INVOLVED AND THE DAINTY SWEETMEATS WILL DELIGHT YOUR FAMILY & GUESTS.

 

INDGREDIENTS:


1 CUP RAWA ( SUJI )

2 ½  CUP MILK

1 CUP SUGAR

3 TBSP. GHEE

A FEW STRANDS OF SAFFRON

1 TSP CARDAMON POWDER

DRYFRUTS – ALMOND, PISTA & CASHEWNUTS CUT INTO TINY PIECES

 

METHOD:


1.    IN A SMALL BOWL, SOAK THE SAFFRON IN A LITTLE WARM MILK & KEEP ASIDE.

2.    HEAT A MEDIUM SIZE KADAI, PUT GHEE & LET IT MELT.

3.    ADD RAWA AND COOK OVER A MEDIUM FLAME TILL IT IS GOLDEN BROWN WHILE STIRRING          CONTINUOUSLY.

4.    NEXT ADD SUGAR AND MIX WELL.

5.    ADD HOT MILK AND STIR WELL UNTIL THE MILK MIXES WELL WITH THE RAVA AND GHEE             LEAVES THE SIDE.

6.    ADD SAFFRON, DRY FRUTS & CARDAMON POWDER AND MIX WELL.

SERVE WARM.

 

સાભાર : કનૈયાલાલ પરીખ (કોઇમ્બતુર)

બ્લોગ લીંક: http://das.desais.net

મેથીના લાડુ …

મેથીના લાડુ …


ભારતમાં સમય- સમય પર દરેક પર્વને શ્રદ્ઘા અને આસ્થાની સાથે મનાવવામાં આવે છે. આપણા દેશમાં મકરસંક્રાંતિનું પર્વ વિશેષ મહત્વ ધરાવે છે. મકરસંક્રાંતિના પર્વના સંબંધમાં ગોસ્વામી તુલસીદાસજીએ રામચરિત માનસમાં લખ્યું છે –


माघ मकरगत रबि जब होई। 

तीरथपतिहिं आव सब कोई।।

(रा.च.मा. ૧/૪૪/૩ )

 

એવી માન્યતા છે કે ગંગા,યમુના અને સરસ્વતીના સંગમ પર પ્રયાગમાં મકરસંક્રાંતિ પર્વના દિવસે દરેક દેવી- દેવતા પોતાનું સ્વરૂપ બદલીને સ્નાન માટે આવે છે. આ માટે ત્યાં મકરસંક્રાંતિ પર્વના દિવસે સ્નાન કરવું બહુ જ પુણ્યશાળી માનવામાં આવે છે.

સૂર્ય દક્ષિણાયનથી ઉત્તરાયનમાં પ્રવેશે તેને મકરસંક્રાંતિ કહે છે.

સાભાર : દિવ્યભાસ્કર …

આજે આપણે શિયાળાની ઋતુમાં ઉપયોગી અને ફાયદાકાર રેસિપી જોઈશું … 

મેથીના લાડુ સામન્યત જોઈએ તો મિઠાઈ તરીકે ઓછા પરંતુ તે ઔષધિ / દવાના સ્વરૂપે વધુ પ્રચાલિત છે. મેથીના લાડુ આવી કડકડતી ઠંડીમાં જેઓને કમરના દુ:ખાવો હોય, સાંધા/જોડ નો દુ:ખાવો ઠંડીને કારણે હોય તેઓ માટે અકસીર ઔષધીરૂપ ગણાય છે. જો ઘરમાં આવા કોઈ મોટી ઉંમરના વડીલો હોય અને તેને મેથીના લાડવા બનાવી ખવડાવશો તો તે જરૂર ખુશ થશે અને આશિર્વાદ આપશે.આ સિવાય કોઈ સ્ત્રીએ બાળકનો જન્મ આપ્યો હોય તેઓને પણ ખાસ ખવડાવવામાં આવે છે.

તો ચાલો આજે જોઈએ મેથીના લાડુની રેસિપી …

સામગ્રી:

૧૦૦ ગ્રામ મેથી દાણા (૧-કપથી થોડા ઓછા)
૧/૨ – લીટર દૂધ (૨-૧/૨ – કપ)
૩૦૦ ગ્રામ ઘઉં નો લોટ (૨-કપ)
૨૫૦ ગ્રામ શુદ્ધ ઘી (૧-૧/૨ – કપ)
૧૦૦ ગ્રામ ગુંદ (ગુંદર) (૧/૨ – કપ)
૩૦ – ૩૫ નંગ બદામ
૮-૧૦ નંગ કાળા મરી
૨ નાની ચમચી જીરા નો પાઉડર
૨ નાની ચમચી સૂંઠનો પાઉડર
૧૦ – ૧૨ નંગ નાની એલચી
૪ નંગ તજ
૨ નંગ જાયફળ
૩૦૦ ગ્રામ ગોળ – ખાંડ (૧-૧/૨ – કપ ગોળ ના ટુકડા)

રીત :

મેથીને સારી રીતે સાફ કરવી. (મેથીના દાણા ધોઈને સુતરાવ કાપડ પર તાપમાં સુકાવવા અથવા સુતરાવ કપડાથી પાણીને લૂછી /કોરી  કરવી .)
કોરી/સૂકાઈ ગયેલી મેથી ને અધકચરી (દાણાદાર) મિક્સીમાં દળવી /પીસી લેવી. દૂધને ગરમ કરવું.

પીસેલી મેથીને દૂધમાં નાંખી ૮ – ૧૦ કલાક માટે પલાળી રાખવી.

એક કડાઈમાં ૧/૨ – કપ ઘી નાખી, પલાળેલી મેથી ધીમા –માધ્યમ તાપથી આછી બ્રાઉન કલરની થઇ જાઈ તેમ શેકવી. તેમાંથી સરસ મજાની સુગંધ છૂટે ત્યાં સુધી શેકવી અને ત્યારબાદ એક પ્લેટમાં અલગથી કાઢીને રાખવી.

બાકી વધેલ ઘી કડાઈમાં નાંખી અને ગરમ કરવું. ગુંદર તમિ નાખી અને તળવું અને એક પ્લેટમાં તેને પણ અલગ રાખી દેવું. (ગુંદર ધ્યાન રહે કે એકદમ ધીમા તાપે તળવું.) કડાઈમાં બાકી રહેલ ઘીમાં લોટ નાખી અને તેને શેકવો, આછો બ્રાઉન કલર નો થાય ત્યાં સુધી શેકી અને બહાર કઢી લેવો.

ત્યારબાદ, કડાઈમાં એક નાની ચમચી ઘી નાખી અને ગોળના ટુકડા અંદર નાંખવા, ધીમા તાપે ગોળને પીગાળી અને તેની ચાસણી બનાવી. ગોલની ચાસણીમાં જીરા પાઉડર, સૂંઠ નો પાઉડર, સમારેલી બદામ, કાળા મરી, તાજ – જાયફળ અને એલચી નાખી અને ખૂબજ સારી રીતે મિક્સ કરવું. ત્યારબાદ, શેકેલી મેથી, શેકેલ લોટ, ગુંદર નાખી અને હાથની મદદ વડે તે મિશ્રણને સારી રીતે મિક્સ કરવું.

તૈયાર થયેલ મિશ્રણમાંથી નાના લાડુ બનાવી શકી તેટલું મિશ્રણ હાથમાં લઇ અને અને તેને લાડુના શેપ આપવો અને લાડુ બનાવવો, આમ ધીરે ધીરે બધાજ મિશ્રણના લાડુ બનાવી તૈયાર કરી લેવા…
મેથીના લાડુને ૪ – ૫ કલાક માટે ખુલ્લી હવામાં જ રાખવા…

મેથીના લાડુ તૈયાર છે. તૈયાર થયેલ લાડુને એક એર ટાઈટ (હવાચુસ્ત) વાસણ/ડબ્બામાં રાખવા અને તેનું ઢાંકણ બંધ કરી દેવું. રોજ સવારે અને સાંજે ગરમ દૂધની સાથે ૧ મેથી નો લાડવો ખાવો અને ખવડાવવો અને ઠંડીથી થતા સાંધાના રોગ કે કમરના દુ:ખાવા ના રોગ થી બચીએ અને રાહત અનુભવો.

સુજાવ : મેથીના લાડુ મા તમે ઈચ્છો તો ચારોળી કે પીસ્તા પણ નાખી શકો છો. તમને પસંદ કોઈપણ સૂકો મેવો ઉપયોગમાં લઇ શકાય છે.

મેથીના લાડુ ખાંડના બનાવવા હોઈ તો ખાંડનું બુરૂ ઉપયોગમાં લેવું, ખાંડના બુરામાં બધીજ વસ્તુ મિક્સ કરીને લાડુ બનાવી શકાય અથવા એક તારની ચાસણી બનાવી અને તેમાં બધોજ મસાલો મિક્સ કરીને લાડુ બનાવી શકાય.

બ્લોગ લીંક:http://das.desais.net

બદામ નો શીરો …

બદામ નો શીરો …

બદામ નો શીરો બહુ સ્વાદિષ્ટ હોય છે. બદામમાં પ્રોટીન, કેલ્શિયમ, પોટેશિયમ અને મેગ્નેશિયમ હોય છે. એમાં વિટામીન E (ઈ) ભરપૂર માત્રામાં હોય છે. જો તમે ૫-૬ બદામ દરરોજ ખાવ તો તે એક ટોનિક નું કામ આપશે. બદામનો હલવો તાજગી અને તાકાત આપે છે.

સામગ્રી :

૨૦૦ ગ્રામ બદામ ( ૧ -કપ)

૧ – કપ દૂધ

૨૦૦ ગ્રામ ખાંડ (૧ – કપ)

૧૦૦ ગ્રામ ઘી (૧/૨ – કપ)

૨૫-૩૦ (ટૂકડા) કેશર

૬ – ૭ નંગ એલચી (ફોતરા કાઢી ને ભૂકો કરી લેવો)

રીત:

સૌ પ્રથમ બદામને ૫-૬ કલાક માટે પાણીમાં પલાળી રાખવી.

જો તમે જલ્દીમાં હોય, તો બદામને ગરમ પાણીમાં પલાળવી. જે ૨-૩ કલાકમાં બદામ પલળી અને ફૂલી જશે.

પલાળેલી બદામના ઉપરથી ફોતરા કાઢી લેવા. એટલે કે તેની છાલ ઉતારી લેવી.

ત્યારબાદ, તે બદામમાં જરૂરી દૂધ ઉમેરી અને મીક્ષરમાં નાખી અને તેની થોડી કરકરી રહે તેમ પીસવી (પેસ્ટ બનાવવી) એકદમ બારીક ના થાય તે ધ્યાન રાખવું.

ભારે (જાડા) તળિયાવાળી એક કડાઈ કે નોનસ્ટિક કડાઈ લેવી.

નોનસ્ટિક કડાઈ બદામના શીરા માટે વધુ સારી રહે છે.

કડાઈમાં એક ચમચો ઘી નાખવું અને ગેસ પર ગરમ કરવા મૂકવું અને ત્યારબાદ, તેમાં બદામ ના ભૂકો અને ખાંડ નાંખી ને ચમચાથી સતત હલાવતા રેહવું અને શેકવું થોડું દૂધ ગરમ કરી અને તેમાં કેશર નાખવું ( અથવા એક ચમચીમાં કેશર લઇ તે ચમચી ગરમ કરવી અને થોડા દૂધમાં તે કેશર નાખવું ) અને કેશર ને તેમાં ઘોળવું. (મિકસ કરવું ) જેથી તેમાં કેશર નો કલર આવી જશે. ત્યારબાદ, તે કેશર હલવામાં નાખવું અને સાથે સાથે એક ચમચો ઘી પણ નાખવું. અને શીરો ચમચાથી હલાવતા રેહવો. (તમને પસંદ હોય અને જરૂર લાગે તો ખાવાનો (ફૂડ કલર) કલર પણ તેમાં ચપટીક ( એક Pinch) નાખી શકાય) શીરો ઘટ્ટ થાય, તેમજ તેનો કલર બ્રાઉન થાય ત્યાં સુધી શેકવો.

શીરો તૈયાર થઇ જશે એટલે તેમાંથી સુગંધ છુટશે, અને શીરો કડાઈના કિનારે કિનારે ચિપક્સે (ચોંટશે) નહિ. બાકી વધેલ ઘી પણ તેમાં નાખી દેવું. શીરો- હલવો તૈયાર થઇ જાય એટલે ગેસ બંધ કરી દેવો અને કડાઈ નીચે ઉતારી લેવી. અને તેમાં એલચી નો ભૂકો નાખી અને મિક્સ કરવો.

સ્વાદિષ્ટ શીરો તૈયાર થઇ ગયો. જેને એક બાઉલમાં – વાસણમાં કાઢી ગરમ ગરમ પીરસવો.

ફ્રીઝમાં રાખી ૫-૬ દિવસ સુધી તેને ઉપયોગમાં લઇ શકાય.

બ્લોગ લીંક: http://das.desais.net

કેરીની બરફી …

કેરીની બરફી …

 

ગરમીની સીજન એટલે ફળોના રાજા કેરીની સીજન .. કેરીની સીજનમાં જો કેરીની બરફી ખાવા મળે તો કેવી મજા આવે. તાજી પાકેલી કેરીના પલ્પમાંથી અથવા પ્રિઝર્વ કરેલ કેરીના પલ્પના ટીનમાંથી આ બરફી બનાવી શકાય છે. તેનો સ્વાદ તમને અને તમારા પરિવારને ખૂબજ પસંદ આવશે.

સામગ્રી :

૨ કપ કેરીનો પલ્પ

૧૫૦ ગ્રામ ખાંડ (૩/૪ – કપ )

૧૦૦ ગ્રામ ચણાનો લોટ (૧-કપ)

૭૫ ગ્રામ દેશી ઘી (૧/૩ – કપ)

૧૫ નંગ કાજુ (નાના કટકામાં સમારી લેવા)

૧૦-૧૨ નંગ પીસ્તા (કાતરીની જેમ સમારી લેવા)

૫ નંગ નાની એલચી (ફોલીને દાણાનો ભૂકો કરી લેવો)

રીત :

મોટી- ૨-નંગ કેરી લઇ અને તેમાંથી ૨ – કપ કેરીનો પલ્પ (રસ) તૈયાર કરવો.

કાજુને નાના ટુકડામાં સમારી લેવું.

એલચીને ફોલી ને દાણાનો ભૂકો કરી લેવો.

એક કડાઈમાં ઘી નાંખી અને ગરમ કરવું, ઘી ગરમ થઈને પીગળે એટલે તૂરત જ ચણાનો લોટ તેમાં નાખવો અને લોટને બ્રાઉન કલર થાય ત્યાં સુધી ધીમા કે મધ્યમ તાપે ક્ડાઈમાં ચોંટી ન જાય તેમ સારી રીતે શેકવો. લોટ શકાઈ જ્શે એટલે તેમાં સુગંધ છૂટશે. શેકાઈ ગયા બાદ લોટને એક કાચના વાસણમાં કાઢીને અલગથી સાઈડમાં રાખવો.

કેરીનો પલ્પ અને ખાંડ ને ભેગા કરી અને કડાઈમાં નાંખવા અને તેને પાકવા દેવા. ધીરે ધીરે ચમચાની મદદથી હલાવતાં રેહવું. ખાંડ ઓગળીને મિક્સ થઇ ગયા બાદ, કેરીના પલ્પને ઘટ થવા દેવો.

કેરીનો પલ્પ ઘટ થઇ ગયા બાદ, શેકેલો ચણાનો લોટ જે અલગ રાખેલ તેને  આ ખાંડ અને કેરીના પલ્પના  મિશ્રણમાં મિક્સ કરી અને ચમચાની મદદથી ધીરે ધીરે હલાવતા રેહવું અને પાકવા દેવું. જ્યારે મિશ્રણ ઘટ થઈને શીરા જેવું એકરસ થઇ જાય અને કડાઈમાં ચિપક્વાનું બંધ કરી દે ત્યારે આ મિશ્રણ લચકા જેવું થઇ જશે. ત્યારબાદ, થોડા કાજુના કટકાને અલગ કરીને બાકીના કાજુ અને એલચીનો ભૂકો તે મિશ્રણમાં નાંખી અને અને હલાવી અને મિક્સ કરવો. અને મિશ્રણ લચકા જેવું ઘટ થઇ જાય ત્યાં સુધી હલાવતા રેહવું અને પાકવા દેવું.

એક થાળી /વાસણમાં તેની સપાટીમાં પેહલેથી ઘી લગાડી અને ચિકણી કરી રાખવી, મિશ્રણને ત્યારબાદ તે થાળીમાં નાંખી અને અને એક સરખું ફેલાવી ને પાથરી દેવું. મિશ્રણ પાથરી દીધા બાદ, તેની ઉપર કાજુ જે અલગ રાખેલ તે અને પિસ્તાને છાંટીને  દાબીને ચિપકાવી દેવા.

 

મિશ્રણને ૨-કલાક ઠંડું પડવા દેવું. ઠંડું થઇ ગયા બાદ, મિશ્રણ જામી જશે. જામી ગયા બાદ તે તમને પસંદ પડે તે સેપ/આકારમાં બરફી  કાપવી.

સ્વાદિષ્ટ કેરીની બરફી બસ તૈયાર છે. તાજે-તાજી બરફી તમે અત્યારે ખાઓ અને વધારાની બરફી એક એર ટાઈટ વાસણમાં રાખી દેવી. અને ૧૦ દિવસ સુધી ફ્રીજમાં રાખી અને જરૂર પડે ત્યારે ઉપયોગમાં લઇ શકાય છે.

કેરીની બરફી માવા, કન્ડેન્સ્ડ મિલ્ક અથવા દૂધના પાઉડર સાથે બનાવાની રીત…

(૨) માવાના ઉપયોગ કરીને .. રીત :

૧-કપ માવાને શેકી લેવો. કેરીનો પલ્પ અને ખાંડનું મિશ્રણ શેકાઈ ને ઘટ થઇ ગયા બાદ, માવો તેમાં મિક્સ કરી દેવો. અને મિશ્રણને થાળીમાં જામી શકાય તેટલુ ઘટ (લચકા ટાઈપ) થઇ જાય તેમ પાકવા દેવું. માવાનો ઉપયોગ કરીએ ત્યારે ઘી ઉપયોગમાં લેવું જરૂરી નથી.

બાકીની બધી જ સામગ્રીની માત્રા આગળ આપેલ છે તેમ એક સરખી જ લેવાની છે.

(૩) મિલ્ક પાઉડરના ઉપયોગ સાથે … રીત :

કેરીનો પલ્પ અને ખાંડનું મિશ્રણ થોડું ઘટ થઇ જાય એટલે, તાપ બંધ કરી દેવો. અને ચમચાની મદદથી હલાવતા રહી અને તેમાં ૧ – કપ મિલ્ક પાઉડર નાખવો અને એકદમ સારી રીતે મિક્સ થઇ જાય તેમ હલાવતાં રહી અને મિક્સ કરવું અને મિશ્રણ લચકો /ઘટ થઇ જાય ત્યાં સુધી પાકવા દેવું.

દૂધના પાઉડરનો ઉપયોગ કરીએ  ત્યારે પણ બરફી બનાવવા માટે ઘીનો ઉપયોગ કરવો જરૂરી નથી.

બાકીની સામગ્રીની માત્રા એક સરખી જ રહે છે.

 

(૪)  કન્ડેન્સ્ડ મિલ્કનો ઉપયોગ સાથે … રીત :

કન્ડેન્સ્ડ મીલ્ક્નો ઉપયોગ કરવામાં આવે ત્યારે બરફી બનાવવા માટે ખાંડ કે ઘીનો ઉપયોગ કરવામાં આવતો નથી.

કેરીનો પલ્પ પાકી અને ઘટ થાય કે તૂરત જ  કન્ડેન્સ્ડ મિલ્ક નાંખી અને મિશ્રણને હલાવતાં જઈ મિક્સ કરી અને પાકવા દેવું અને  લચકા જેવું મિશ્રણ થાય એટલે એક વાસણમાં પાથરી અને ઉપર કાજુ અને પિસ્તા પાથરી અને ચિપકાવવા.  ઠંડું થયા બાદ, તે તમને પસંદ હોય તે શેપમાં કાપવી અને ખાવી.

સુજાવ :

(૧)  ચણાના લોટને જ્યારે શેકવામાં આવે ત્યારે તાપ મીડીયમ અથવા ધીમા તાપે શેકવો અને સતત હલાવતાં રેહવું. તે કડાઈમાં ચિપકી ના જાય તેનો ખ્યાલ રહે.

(૨)  બરફી બનાવી ત્યારે  મિશ્રણને ઘટ બનાવતી સમયે, તાપ થોડો તેજ વધુ રાખવો અને મિશ્રણને કડાઈમાં નીચે સુધી (તળિયા સુધી) લઇ જઈ અને સતત હલાવતાં રેહવું. જેથી મિશ્રણ કડાઈમાં ક્યાંય ચિપકી ન જતા બરફી બનાવી શકાય તેટલું ઘટ /એ થઇ જાય. અને બરફી જમાવી શકાય.

બ્લોગ લીંક: http://das.desais.net

મીઠી બુંદી … (મીઠાઈ)

મીઠી બુંદી …

બુંદી બનાવવા માટે તેનો ઝારો હોવો જરૂરી છે. ઝારામાં કાણાં  જેટલા નાના કે મોટા હોય, તેટલી બુંદી નાની કે મોટી થશે. બુંદી બનાવવા માટે સામાન્ય વપરાશમાં આવતો ચણાનો લોટનો જ ઉપયોગ કરવામાં આવે છે.

જો બુંદીને મીઠી બનાવા માટે ચાસણીમાં  ન નાંખીએ તો આ બૂંદીનો ઉપયોગ રાયતું બનાવવામાં પણ થાય છે. તેમજ –સેવ-મમરા અને ગાંઠિયા મિક્સ કરી ફરસાણ (ચવાણું) તરીકે પણ ઉપયોગમાં લઇ શકાય છે. પાણી પૂરીના પાણીમાં થોડી ઉપર શણગાર તરીકે છાંટી શકાય અને સાથે સાથે એક અલગ સ્વાદ પણ માણી શકાય છે. સૌથી જીણી બુંદી પાડવાથી મોતીચૂરના લાડવા કે જીણી બુંદીના લાડવા પણ બનાવી શકાય છે.. આજે આપણે ફકત મીઠી બુંદી બનાવીશું….

સામગ્રી :

૨૦૦ ગ્રામ ચણાનો લોટ (૨-કપ)

૬૦૦ ગ્રામ ખાંડ (૩-કપ)

૭-૮ નંગ નાની એલચી (એલચી ફોલીને દાણાનો ભૂકો કરી લેવો)

શુદ્ધ ઘી અથવા રિફાઈન્ડ તેલ બુંદી તળવા માટે ..

રીત :

ચણાના લોટને ચારણીથી ચાળી અને એક વાસણમાં કાઢી લેવો. બુંદી માટેનું મિશ્રણ બનાવવા લોટમાં ૧/૨ –કપ પાણી નાંખી અને મિશ્રણ ઘટ બનાવવું. ત્યારબાદ, થોડું – થોડું પાણી ઉમેરીને તેને પાતળું કરવું. આ મિશ્રણ એટલું ઘટ હોવું જોઈએ કે તેને જ્યારે ઝારા પર રાખીએ ત્યારે એક – એક બુંદમાં નેચે કાણાંમાંથી પડે.

લોટના મિશ્રણમાં ગાંઠા રહેવા ન જોઈએ તે ધ્યાનમાં રહે. મિશ્રણને પાંચ મિનિટ સુધી / તે એકરસ થઇ જાય ત્યાં સુધી એકદમ ફેંટીને મિક્સ કરવું. તૈયાર થઇ ગયા બાદ, મિશ્રણને ૧૦-૧૫ મિનિટ સુધી ઢાંકીને રાખવું. ચણાના લોટનું મિશ્રણ બુંદી બનાવવા માટે તૈયાર છે.

બુંદી તૈયાર થાય ત્યાં સુધીમાં બુંદી માટેની ચાસણી તૈયાર કરી લેવી. ખાંડને એક વાસણમાં નાંખી અને ખાંડથી અડધું પાણી એટલે કે ૧-૧/૨ કપ પાણી ચાસણી બનાવવા લેવું અને ખાંડમાં નાંખી અને વાસણ ગરમ કરવા મૂકવું. પાણીમાં ઉફાળો આવે કે તરત જ ૧ ટે.સ્પૂન દૂધ તેમાં નાખવું. જેથી ખાંડમાં રહેલ મેલ ફીણ સ્વરૂપે ઉપર તરી આવશે. જેન ફીણને ઝારા / ચમચાની મદદ વડે બહાર કાઢી લેવા. ફીણ કાઢી લીધા બાદ, ચાસણી એકદમ ચોખ્ખી દેખાશે.

ચાસણીને ચેક કરવા ચમચાની મદદથી એક બુંદ પ્લેટમાં નાંખી અને આંગડી  અને અંગૂઠાની વચ્ચે ચિપકાવીને જોવું. તે બન્ને વચ્ચે  (આંગડી અને અંગૂઠા) સામાન્ય ચિપક્વી જોઈએ.  બસ, ચાસણી બની ગઈ છે. ચાસણીને તમે ગાળી પણ શકો છો. તૈયાર થયેલ ચાસણીમાં એલચીનો ભૂકો પણ નાંખી દેવો.

જો બધી જ ચાસણી એલચીવાળી કરવી ના હોય તો, એલચીનો ભૂકો બુંદી ઊતરે ત્યારબાદ ચાસ્નીમાથી પલાળીને બહાર કાઢો ત્યારે પણ ઉપર છાંટી શકાય. સાથે સાથે કાજુના ટુકડા –કિસમિસ અને પસંદ હોય તો શણગારમાં ગુલાબની (દેશી ગુલાબની) પાંદડી પણ છાંટી શકાય છે.

ભારે તળિયાવાળી મોટી પહોળી કડાઈમાં શુદ્ધ ઘી અથવા રિફાઈન્ડ તેલ નાંખી અને ગરમ કરવા મૂકવું. ઘી ગરમ થયું કે નહિ તે ચેક કરવા, મિશ્રણમાંથી એક-બે બુંદ કડાઈમાં નાંખવી. જો તરત શેકાયને ઉપર આવી જાય તો સમજવું કે ઘી તળવા માટે તૈયાર છે. જો તેમ ના થાય અને બુંદ અંદર નીચે પડી રહે તો ઘીને ગરમ થવા દેવું.

બુંદીના ઝારાને કડાઈથી થોડો ઉપર રાખી રાખી તેની ઉપર ૨-૩ ચમચા મિશ્રણના રેડવા/નાંખવા. મિશ્રણ ઝારામાંથી ધીરે ધીરે કડાઈમાં પડશે અને અંદર તળાઈને બુંદી તૈયાર થઇ ઉપર આવી જશે. ઝારામાંથી મિશ્રણ ને પાડવા ઝારા ઉપર ચમચો કે કશુક અથડાવવું અથવા ઝારાને કડાઈ સાથે ટકરાવીને  પણ બુંદીનું  મિશ્રણ કડાઈમાં પાડી શકાય છે. (જો આસાનીથી મિશ્રણ ના પડતું હોય ત્યારે)

બુંદી ઘીમાં પૂરી તળાઈ જાય ત્યાં સુધી તેમાં રાખવી. તળાઈ જતા તેનો થોડો કલર બદલશે અને તે કરકરી થઇ જાય કે તરત ઝારાની મદદથી તેને બહાર કાઢી લેવિઅને ઘી નીતરવા દેવું. અને તળાઈ ગયેલ બધીજ બુંદીને ચાસણીમાં નાંખી અને દૂબાડાવી.

આમ, ધીરે ધીરે બધીજ બુંદીને તાળી અને ચાસણીમાં દુબાડાવી. ચાસણીમાં બરોબર ડૂબે તે માટે બીજાં ચમચાની મદદથી ઉપર નીચે કરવી. થોડીજ વારમાં બુંદી ચાસણી પી લેવાથી નરમ થઇ જશે. ચમચાની મદદથી તેને ચાસણીમાં ઉપર-નીચે કરતાં રહેવું. અને પછે બહાર એક પ્લેટમાં કાઢી લેવી. બુંદી ઠંડી પડતાં નરમ –દાણાદાર મીઠી બુંદી તૈયાર થઇ જશે. જે વાસણમાં અલગથી રાખવી.

મીઠી બુંદી પીરસતા પહેલા, તેની ઉપર એલચી નો ભૂકો, કાજુના ટુકડા અને કિસમિસ મિક્સ કરવા અને ઉપર પસંદ હોય તો ગુલાબની પાંદડી છાંટી અને પીરસવી અને ખાવાના  ઉપયોગમાં લઇ શકાય.

સ્વાદિષ્ટ મીઠી બુંદી તૈયાર છે. સ્વાદિષ્ટ મીઠી બુંદી ગરમા ગરમ તરત ખાઈ શકાય છે. અને ઠંડી પડી ગયા બાદ, હવા ચૂસ્ત વાસણમાં ભરી લેવાથી  ૧૫ દિવસ સુધી ઉપયોગમાં લઇ શકાય છે.

બ્લોગ લીંક: http://das.desais.net

રસમલાઈ …(બંગાળી મીઠાઈ)

રસમલાઈ …(બંગાળી મીઠાઈ) …

બંગાળી મીઠાઈમાં રસગુલ્લા તો મોટેભાગે સૌને પસંદ પડે તેવી મીઠાઈ છે. અને આપણે  અગાઉ આ મીઠાઈ અહીં માણી. રામનવમી બે દિવસમાં જ  હોય અને આ પૂરો માસ તહેવારોનો હોય, તેહવારમાં અને ખાસ ઉપવાસમાં કામ આવે તેવી  મીઠાઈ, રસમલાઈ બનાવીશું જે રસગુલ્લા કરતાં  પણ  બધા વધુ પસંદ કરશે. કદાચ તમોને તે બનાવવા માટે દેખાવમાં જેટલી કઠીન / અઘરી લાગે છે તેમ નથી. બનાવવાનું ચાલુ કરશો તો ખૂબજ આસાન લાગશે.

કેવી રીતે બનાવશો ?

રસમલાઈ માટે બજારમાં મળતું પનીરનો ઉપયોગ ન કરવો. પરંતુ પનીર ઘરમાં બનાવવાનું પસંદ કરવું. ગાયના દૂધમાંથી પનીર બનાવવું. પનીર ઘરમાં બનાવવું ઘણું સરળ છે. આ અગાઉ પનીરની રેસિપી અલગથી આપેલ છે તેમજ રસગુલ્લામાં પણ તે દર્શાવેલ છે.

રસમલાઈ માટેની સામગ્રી :

૨૫૦ ગ્રામ પનીર

૨૦૦ ગ્રામ ખાંડ (૧ કપ)

૧ લીટર દૂધ

૧૫-૨૦ પાંખડી કેશર (જો તમને પસંદ હોય તો)

૧૫-૧૬ નંગ કાજુ (નાના ટુકડામાં સમારવા)

૧ ટે.સ્પૂન ચારોળી (સાફ કરી લેવી)

૩-૪ નંગ નાની એલચી (ફોલીને દાણાનો ભૂકો કરી લેવો)

રીત:

પનીરને એક થાળી –વાસણમાં લઇ અને મસળી –મસળીને નરમ કરવું. આમ પનીર લોટ બાંધીએ તેવું નરમ થઇ જશે. આ પનીર રસ મલાઈ બનાવવા માટે તૈયાર છે.

આ પનીરમાંથી થોડું થોડું પનીર હાથમાં લઇ તેના ગોળા બનાવી અને  હાથ વડે દબાવી તેને  થેપલી આકાર (ચાપટો આકાર ) આપવો અને થાળીમા અલગથી રાખી દેવા. ૨૫૦ ગ્રામ પનીરમાંથી ૧૨-૧૪ ગોળા બની શકશે.

એક વાસણમાં ૧૦૦ ગ્રામ ખાંડ અડધો (૧/૨ લીટર) લીટર પાણીમાં લઇ અને તેને હલાવવી અને ગેસ પર તેજ આગમાં ગરમ કરવા મૂકવી. જેથી જલ્દી ઉફાળો આવે. જ્યારે પાણી ગરમ થઇ ઉફાળો આવે કે તૂરત રસમલાઈ માટે બનાવેલ ગોળા તેમાં નાંખી ૧૮-૨૦ મિનિટ સુધી પકવવા દેવા. રસ મલાઇના ગોળા પાકવા માટે ગેસની આગ તેજ રાખી પકવવા દેવા.

આ ગોળા પાકીને લગભગ તે ફૂલીને તેનો આકાર ડબલ જેવો થઇ જશે. બસ ગેસ બંધ કરી દેવો. રસ મલાઈ માટેના ગોળા પાકીને તૈયાર થઇ ગયા છે. હવે તેને ઠંડા પાડવા દેવા.

હવે આ રસમલાઈ માટે આપણે દૂધ તૈયાર કરીશું.

દૂધને ઘટ કરવા માટે ગેસ પર ગરમ કરવા રાખી દેવું. ઉફાળો આવે એટલે થોડી થોડી વારે ચમચાની મદદથી દૂધ હલાવતાં રહેવું જેથી નીચે બેસીને ચોંટી ન જાય / દાજ ન બેસે. દૂધમાં કેશર અને કાજૂ, ચારોળી નાંખવા. જ્યારે દૂધની માત્રા ૫૦ – ૬૦ % જેવી થઇ જાય એટલે ગેસ બંધ કરી દેવો. ત્યારબાદ, દૂધમાં ખાંડ અને એલચીનો ભૂકો નાંખી અને હલાવી મિક્સ કરવા. બસ, રસ મલાઈ માટેનું દૂધ તૈયાર છે.

રસ મલાઇના ગોળા ખાંડના (સીરપ) પાણીમાંથી કાઢી બીજા હાથની મદદથી દબાવવા અને વધારાનું પાણી તેમાંથી કાઢી લેવું. આમ, બધા જ ગોળા ખાંડના પાણીમાંથી કાઢી તેને હાથ વડે દબાવી વધારાનું પાણી કાઢી અને પ્લેટમાં રાખી દેવા. બસ હવે આ પનીરના પાકેલા ગોળા ઉપર દૂધ રેડો /નાંખો.

રસ મલાઈ તૈયાર છે, રસ મલાઈને પીરસવા એક કાચની વાટકીમાં કાઢી તેની ઉપર કાજૂ અને પિસ્તાને (કાતરેલા) છાંટી ને શણગારી અને ફ્રીઝમાં રાખવી.

ઠંડી રસ મલાઈ ખાવાના ઉપયોગમાં લેવી. જે ખૂબજ સ્વાદિષ્ટ લાગશે.

બ્લોગ લીંક: http://das.desais.net

રસગુલ્લા …(બંગાળી મીઠાઈ)

રસગુલ્લા …(બંગાળી મીઠાઈ)

 

રસગુલ્લાનું નામ પડતાં કોના મોહમાં પાણી ન છૂટે ? મોટાભાગના લોકો રસગુલ્લા પસંદ કરતા હોય છે.  જે બનાવવા કઠિન લાગે છે, પરંતુ હકીકત તેમ નથી. રસગુલ્લા બનાવવા ઘણા સરળ છે. તો આજે આપણે રસગુલ્લા બનાવીશું.

રસગુલ્લા માટે જે પનીર જોઈએ તે બહાર ડેરીમાંથી શક્ય હોય ત્યાં સુધી ન લેતાં, પનીર ઘરમાં બનાવવું જોઈએ. બહારનું પનીર કઠણ હોય છે, આ ઉપરાંત તે વધુ સમય સુધી ઉપયોગમાં લઇ શકાય તે માટે તેમાં પ્રિઝર્વેટિવ / આરાલોટ ઉમેરવામાં આવતો હોય છે. જ્યારે રસગુલ્લા બનાવવા માટે ફૂલ મલાઈ યુક્ત દૂધનું પનીર હોવું જરૂરી છે. કારણ તે નરમ/મુલાયમ હોય છે. અને ઘરમાં બનાવેલ પનીર બજારમાંથી ખરીદેલ પનીર કરતાં વધુ સ્વાદિષ્ટ હોય છે.

(નોંધ: આ અગાઉ ઘરે પનીર કેમ બનાવવું ?તે દર્શાવતી પોસ્ટ બ્લોગ પર મૂકેલ હોવા છતાં, આપ સર્વેની જાણકારી અને અનુકુળતા માટે પનીર બનાવવાની રીત ફરી અત્રે  દર્શાવેલ છે.)

સામગ્રી :

૧ લીટર દૂધ ક્રીમવાળું

૨ ટે.સ્પૂન લીંબુનો રસ/સિરકો

૧ ટે.સ્પૂન આરાલોટ

૩૦૦ ગ્રામ ખાંડ (૧-૧/૨ કપ)

 

રસગુલ્લા બનવવા માટે મૂખ્ય સામગ્રી પનીર છે, જે ડેરીમાંથી તાજુ પનીર લઇ શકીએ અથવા ઘરમાં પણ બનાવી શકાય.તો આપણે ઘરમાં પનીર બનાવીએ.

 

રીત :

પનીર બનાવવા માટે હંમેશાં ફૂલ ક્રીમ દૂધનો ઉપયોગ કરવો. ભારે તળિયાવાળા વાસણમાં દૂધ ગરમ કરવા મૂકવું. દૂધને સતત હલાવતાં રહેવું જેથી નીચે બેસી ન જાય. જ્યારે દૂધમાં ઉફાળો આવે કે તૂરત લીંબુનો રસ /સિરકો અંદર નાંખી અને દૂધ હલાવતા રહેવુ. દૂધમાં પાણી અને પનીર અલગથી દેખાવા લાગશે. પાણીમાં   પનીર અલગ દેખાવા લાગે કે તૂરત ગેસ બંધ કરી દેવો. અને તે વાસણમા થોડું ઠંડુ પાણી અથવા બરફનો ટૂકડો નાંખી દેવો, જેથી પનીર પાણીથી તૂરત અલગ થઇ જશે.

હવે તે પનીરને એક સાફ/ચોખ્ખા સફેદ કોટનના કપડાનાં ગરણામાં લઇ અને થોડુ ઠંડુ પાણી નાખવું. જેથી લીંબુ નાં રસ/સિરકા ની ખટાશ પનીરમાંથી જે કાંઈ હશે તે નીકળી જશે. અને ત્યારબાદ તેની પોટલી વાળી અને બીજા હાથની મદદથી પોટલીને દબાવવી. જેથી વધારાનું પાણી જો તેમાં રહી ગયું  હશે તો તે નીકળી જશે. બસ રસગુલ્લા કે બંગાળી અન્ય મીઠાઈ બનાવવા માટે પનીર તૈયાર છે.

જો આ પનીરનો ઉપયોગ મીઠાઈને બદલે શાક બનાવવામાં કરવો હોય તો પનીરને કપડામાંથી બહાર ન કાઢતા કપડા સહિત તેની ઉપર કોઈ વજનદાર વસ્તુ મૂકી અને અડધા કલાક સુધી તે વજન તેના પર રાખવું. પનીર અંદર સખત થઇ જશે.

બસ ત્યારબાદ, પનીર કપડામાંથી બહાર કાઢી લેવું.  શાક બનાવવા માટેનું પનીર તૈયાર છે.

ઘરમાં બનાવેલું પનીર બજારમાં મળતા પનીર કરતાં વધુ નરમ/મુલાયમ  અને સ્વાદિષ્ઠ હોય છે.

 

રસગુલ્લા બનાવવાની રીત ..

 

પનીરને એક વાસણમાં કાઢી  લેવું.  આરાલોટ નાંખી અને પનીરને સારી રીતે મસળવું. અને પનીર મસળીને રોટલીનો લોટ બાંધીએ તેમ, નરમ અને સુંવાળુ થઇ જાય ત્યાં સુધી મસળવું .. અને કણક તૈયાર કરવું. જ્યારે તેમ થઇ ગયુ છે તેમ લાગે ત્યારે સમજવું કે પનીર રસગુલ્લા માટે તૈયાર છે.

આ પનીરમાંથી થોડું પનીર હાથમાં લઇ અને તેના ૩/૪ ઈંચ ની જાડાઈમાં (અંદાજે) ગોળા બનાવવા.  અને તેની એક પ્લેટમાં અલગથી રાખવા. આમ બધાજ પનીરના ગોળા બનાવી લેવા. અને ગોળા બની ગયા બાદ તેની ઉપર એક ભીનું કપડું ૧/૨ કલાક માટે ઢાંકી દેવું.

૩૦૦ ગ્રામ ખાંડ, ૧ લીટર પાણીમાં એક વાસણમાં કાઢી અને ગરમ કરવા મૂકવી. જ્યારે પાણી ગરમ થવા લાગે ત્યારે તેમાં પનીરના બનાવેલ ગોળા નાખવા.

ત્યારબાદ, વાસણને ઢાંકી દેવુ. આ પનીરના ગોળા સાથેનુ સીરપ મધ્યમ તાપથી ૨૦ મિનિટ સુધી ગરમ થવા દેવુ. રસગુલ્લા પાકીને ફૂલી જશે. ગેસ બંધ કરી દેવો. અને તેને આ ખાંડના સિરપમા જ ઠંડા થવા દેવા.

 

બસ, રસગુલ્લા તૈયાર છે. ઠંડા થઇ ગયાબાદ, ફ્રીઝમાં રાખી દેવા. અને ઠંડા ઠંડા રસગુલ્લા ખાઓ અને ખવરાવો.

 

નોંધ:

(૧) પનીર હંમેશા તાજા અને ક્રીમવાળા દૂધનું જ ઉપયોગમાં લેવું.

(૨) પનીરમાં પાણી ના રહે તે જોવું. તેને બરોબર નીચવી લેવું.

(૩) પનીરમાં આરાલોટ ને મિક્સ કર્યાં બાદ એ રીતે પનીરને મસળવું / રોટલીના લોટની જેમ ગુથવું જેથી  મુલાયમ થઇ જાય.

 

 

બ્લોગ લીંક: http://das.desais.net

ગાજરનો હલવો …

(૧) ગાજરનો હલવો …માઈક્રોવેવમાં …..
સમય : ૩૫ -૪૦ મિનિટ

ગાજરનો હલવો કડાઈમાં પણ બનાવી શકાય છે અને ઘરમાં જો માઈક્રોવેવ  હોય તો તેમાં પણ બનાવી શકાય છે. માઈક્રોવેવમાં બનાવેલ ગાજરનો હલવો કડાઈ કરતાં સ્વાદમાં વધુ સ્વાદિષ્ટ બને છે.


કડાઈમાં ગાજરનો હલવો બનાવવા માટે થોડો સમય વધુ લાગે છે અને હલવો સતત હલાવતા રહેવો પડે છે. જ્યારે માઈક્રોવેવમાં ગાજરનો હલવો જલ્દી અને સરળતાથી બની શકે છે.


સામગ્રી :

૧ કી.ગ્રા. ગાજર
૧ કપ દૂધ (જો તમને પસંદ હોય તો)
૧ ટે.સ્પૂન ઘી
૨૫૦ ગ્રામ માવો (૧ – કપ)
૨૫૦ ગ્રામ ખાંડ (૧/૪ – કપ)
૩૦-૩૫ નંગ કાજુ (દરેકને ૪-૫ ટૂકડામાં સમારવા)
૨૦ નંગ કિસમિસ (ડાળખી કાઢી અને સાફ કરી લેવી)
૪-૫ નંગ નાની એલચી (દાણા કાઢી ને ભૂકો કરવો)

રીત :

માઈક્રોવેવમાં ગાજરનો હલવો બનાવવા પ્લાસ્ટીકના સાધનનો ઉપયોગ  ન કરતા, માઈક્રોવેવમાં ઉપયોગમાં લઇ શકાય તેવા (ગ્લાસના) કાચના વાસણ વધુ સારા રહે છે.

૧)    માવાને શેકવો :
માઈક્રોવેવમાં ઉપયોગમાં લઇ શકાય તેવા કોઈપણ  કાચના વાસણમાં  માવાને તોડી ને ભૂકો  કરી નાખવો અને તે વાસણ માઈક્રોવેવમાં મૂકી અને ૧-૧/૨  (દોઢ) મિનિટ નો સમય સેટ કરી  અને શેકાવા દેવો. ત્યારબાદ, માવાને બહાર કાઢી ચમચાથી ઉપર નીચે કરી હલાવવો અને ફરી પાછો માઈક્રોવેવમા ૧ મિનિટ રાખી અને શેકવો. બસ ત્યારબાદ, વાસણ બહાર કાઢી લેવું. માવો શેકાઈ ગયો હશે.



૨)    ગાજરને પાણીમાં ધોઈ અને સાફ કરી અને છીણી લેવા.
માઈક્રોવેવમાં ઉપયોગ લઇ શકાય તેવા કાચના વાસણમાં, છીણેલા ગાજર, દૂધ અને ઘી  નાંખી અને તે વાસણનું ઢાંકણું ઢાંકી દેવું.  (જો ઢાંકણ, ઢાંકવા માટે સગવડ ન હોય તો ઢાંકણા વિના પણ ચાલશે) અને વધુમાં વધુ તાપ રાખી અને પાંચ મિનિટ  નો સમય સેટ કરી પાકવા દેવા.  ત્યારબાદ, વાસણ બહાર કાઢી, ઢાંકણું ખોલી અને ચમચાની મદદથી ગાજરના છીણને એકદમ વ્યવસ્થિત ઉપર નીચે કરી હલાવી અને મિક્સ કરવું.


૩)    ત્યારબાદ, તે જ વાસણને ઢાંકણું ઢાંક્યા વિના ફરી માઈક્રોવેવમાં રાખી અને માઈક્રોવેવનો સમય પાંચ મિનિટ સેટ કરી, ફરી ગાજરને પાકવા મુકવા. પાંચ (૫) મિનિટ બાદ, માઈક્રોવેવમાંથી વાસણ બહાર કાઢી લેવું અને ચમચાની મદદથી ફરી ઉપર-નીચે કરી અને હલાવી મિક્સ કરવું.


૪)    ત્યારબાદ, ગાજરના વાસણમાં ખાંડ, માવો, કાજુના કટકા ને કિસમિસ નાખવા અને તેને ચમચાની મદદથી હલાવી અને મિક્સ કરવા.
ત્યારબાદ, તે વાસણને માઈક્રોવેવમાં રાખી અને પાંચ (૫) મિનિટનો સમય સેટ કરી અને હલવો તેમાં પાકવા દેવો.  ત્યારબાદ, ચેક કરતાં તમને લાગે કે હજુ થોડો ઢીલો /નરમ છે તો તમે ફરી ૨-૩ મિનિટ માટે માઈક્રોવેવમાં રાખી શકો છો.


બસ, હલવાને માઈક્રોવેવમાંથી બહાર કાઢી લેવો. બધી જ વસ્તુઓ તેમાં સારી રીતે મિક્સ થઇ ગઈ છે. ગાજરનો હલવો તૈયાર છે.


૫)   ગાજરના હલવામાં એલચીનો ભૂકો છાંટી તેમાં મિક્સ કરી દેવો અને એક વાસણમાં કાઢી ઉપર કાજુ નાંખવા (છાંટવા) અને તેને શણગારવો /સજાવવો.



ગરમા ગરમ હલવો  ખવડાવો અને ખાવ …. જો ઠંડો હલવો પસંદ હોય તો ફ્રીજમાં રાખીને ઠંડો કરીને ખાવાની મજા પણ અલગ જ છે.

 

નોંધ :

૧]    જો માવાનો ઉપયોગ પસંદ ના હોય, અથવા તે સરળતાથી પ્રાપ્ત થઇ શકે તેમ ના હોય  તો …
મિલ્કમેઇડ જે બજારમાં તૈયાર મળે છે તેનો ઉપયોગ પણ કરી શકાય. મીલ્કમેઇડનો ઉપયોગ કરો ત્યારે ધ્યાનમાં રહે કે ખાંડ નો ઉપયોગ થોડો ઓછો કરવો. મીલ્કમેઇડ પોતે મીઠું હોય છે.

૨]   દૂધના પાઉડરનો ઉપયોગ પણ કરી શકાય છે. પાઉડરને થોડા પાણીમાં ઘટ ઓગાળીને માવાની જગ્યાએ ઉપયોગમાં લઇ શકાય.

૩]    માઈક્રોવેવના પાવરની કેપેસિટીને ધ્યાનમાં લઇ સમય ૩૫-૪૦ મિનિટ કે તેથી વધુ ઓછો થઇ શકે છે.

 

૨) ગાજરનો હલવો રાઈસ કૂકરમાં …

 

સામગ્રી :

૩-૪ નંગ ગાજર (લગભગ ૭૫૦ ગ્રામ)
૩/૪  – કપ ખાંડ
૧ કપ દૂધ (જરૂર લાગે તો થોડું વધુ લેવું)
૧ ટે. સ્પૂન ઘી
૧ નાની ચમચી એલચી  નો ભૂકો (પસંદ હોય તો ઉપયોગ કરવો)
૨૦ – ૩૦  ગ્રામ કાજુ અને બદામ શણગારવા માટે

રીત:

૧)     સૌ પ્રથમ ગાજર પાણીથી ધોઈ, સાફ કરી અને છીણી લેવા અને ૧ કપમાં છીણેલા ગાજર ભરી લેવા. અને તેને રાઈસ કૂકરમાં ત્યારબાદ નાખવા. (તે કપનો માપ બાકીની સામગ્રી માટે રાખવો)

૨)     ત્યારબાદ, ૩/૪  કપ ખાંડ લેવી. (છીણેલા ગાજરના કપ નું માપ- હલવો પ્રમાણસર મીઠો થશે., (જો વધુ મીઠાશ જોઈએ તો થોડી ખાંડ વધુ લેવી.) અને તેને રાઈસ કૂકરમાં નાંખવી.

૩)     ૧ કપ દૂધ નાંખવું.

૪)     રાઈસ કૂકરનું ઢાંકણું બંધ કરી અને રાઈસ કૂકરની સ્વીચ ON (ચાલુ) કરવી અને ગાજરના હલવાને પાકવા દેવો.  થોડી જ મિનિટમાં હલવો પાકવાથી અંદરથી મીઠી સુગંધ આવવા લાગશે.

૫)     જો તમને એમ લાગે કે ઘી વિનાનો હલવો ના હોય, તો આ સમય છે કે તેમાં ઘી નાખવું.રાઈસ કૂકરનું ઢાંકણું ખોલી અને અડધા પાકેલા હલવામાં ઘી નાંખવું અને હલવો ફરી પાકવા દેવો.

૬)     જ્યારે તમને લાગે કે હલવો બની ગયો એટલે રાઈસ કૂકરની સ્વીચને  Warm Mode ઉપર મૂકી દેવી. જો તમે હલવાને ત્યારબાદ પણ રાઈસ કૂકરમાં રાખશો તો તે સૂકો બનતો જશે. માટે જરૂરી છે કે કૂકરમાં થી હલવાને કાઢી અને એક બાઉલમાં કાઢી લેવો.

૭)     જો તમને એલચીનો સ્વાદ પસંદ હોય તો તેનો ભૂકો છાંટી અને મિક્સ કરવો અથવા કાજુ ના કટકા અને બદામને કાતરી અને ઉપર છાંટી અને હલવો શણગારવો.

બસ, હલવો ગરમા ગરમ ખાઓ અને ખવરાવો. અને જો આઈસ્ક્રીમ પસંદ હોય તો હલવાના કપમાં એક સ્કૂપ આઈસ્ક્રીમનો મૂકી અને ઠંડા અને ગરમ ને સાથે ખાઈ શકાય.

 

નોંધ : ઘી વગરનો હલવો કદાચ નવાઈ લાગશે અથવા પસંદ ના પણ આવે, પરંતુ  એક વખત બનાવશો તો સ્વાદ જરૂર પસંદ આવશે.

 

બ્લોગ લીંક: http://das.desais.net