સુખી લગ્નજીવન …. સ્ત્રીઓ માટે જાગૃતિ …

 સુખી લગ્નજીવન …  સ્ત્રીઓ માટે જાગૃતિ …

 

 women problem

ભારતીય સંસ્કારોના ગુણો ધરાવતી સ્ત્રી હમેશા પુરુષ માટે કાર્યેષુ મંત્રી,ભોજનેશું માતા અને શયનેષુ રંભાનું પાત્ર બજાવતી આવી છે. શયનખંડમા પતિને સંપૂર્ણપણે સ્વીકારભાવ તથા પ્રેમભાવ સાથે આવકાર આપીને, માન સન્માન આપીને રતિક્રીડામા ઉન્માદ તેમજ આનંદ આપનાર સ્ત્રી જયારે રંભાનું સ્વરૂપ ધારણ કરે છે ત્યારે પુરુષને સંપૂર્ણપણે સંતોષ તેમજ તૃપ્તિ મળે છે.

 

આવો આપણે જાણીએ કયા કયા કારણોસર કઈ કઈ રીતે સ્ત્રીની મન:સ્થિતિ અને શારીરિક તકલીફોમા વધારો થતો રહે છે.  કઈ રીતે સ્ત્રીઓની આરોગ્યની નાની નાની તકલીફો આગળ જતા અસાધ્ય બીમારીનું સ્વરૂપ ધારણ કરે છે.  આ બાબતે કયા ઉપાયો કરવા જરૂરી છે.

 

અર્વાચીન યુગથી લઈને આધુનિક યુગમાં પણ પુરુષપ્રધાન દેશમાં સ્ત્રી હમેશા બાળપણથી મૃત્યુપર્યંત પરનિર્ભર બનીને જીવન જીવતી આવી છે, છતા આજના આધુનિક યુગમાં સ્ત્રી તમામ ક્ષેત્રોમાં પુરુષ સાથે સમાંતર રૂપે બુદ્ધિજીવી તરીકે ગણનામાં આવી રહી છે, પરંતુ આ જ સ્‍ત્રીઓ શયનખંડમા સ્વયમના સ્વતંત્ર વિચારો, ઈચ્છા અનિચ્છા બાબતે પોતાનું મૌન તોડવામાં હજુ સુધી અસફળ રહી છે.  

 

સ્ત્રીની બાલ્ય અવસ્થા સમયે માતાપિતાના કોડ હોય તે પ્રમાણે તેનો ઉછેર થતો હોય છે,  બાળપણથી જ દુર્બળતા લઈને ચાલતી સ્ત્રી તરફથી લોકોની તો એવી અપેક્ષા હોય છે કે કાયમી રીતે સ્ત્રીમાં આ પ્રમાણેનું શારીરિક સૌષ્ઠવ હોવું જ જોઈએ.  સ્ત્રી સુંદર, ગોરો વાન, દેખાવડી, નમણી, નાજુક,  શરમાળ, ઠાવકી તથા સહનશીલતાની મૂર્તિ બને, ગૃહકાર્યમાં કુશળ બને, સાસરે જઈને પતિ, સંતાનો તથા સાસરાવાળાઓ પ્રત્યે સેવાભાવનાથી મૌન રહીને પીયરીયાનું નામ રોશન કરે એ પ્રમાણે સ્ત્રી સાથે વ્યવહાર થતો આવ્યો છે.

 

અમારું માનશો તો સાસરે જઈને સુખી થશો એવી શીખ આપીને સ્ત્રીઓની બાળપણથી જ માનસિક અને શારીરિક તકલીફને મોટા ભાગે નકારવામાં આવતી હોય છે, તેમ જ અંદર અંદર દબાવવાનું અને સહન કરવાનું કહેવામાં આવતું હોય છે.  યુવાનીમા પતિ તરફથી પણ સ્ત્રીની શારીરિક અને ગાયનેક તકલીફોને ધ્યાનમાં લેવામાં આવતી નથી, ધીરે ધીરે આ જ નાની તકલીફો જેમકે આજકાલ છોકરીઓને માત્ર આઠદસ વર્ષની ઉંમરમાં પિરિયડ્સ શરૂ થઈ જાય છે. સાતથી દસ વર્ષની બાળકીઓની બ્રેસ્‍ટ વિકસિત થઈ જાય છે. પ્‍યુબરલ હેર આવવા લાગે છે. આવી બાબતોને કારણે પોતાની લાડલી નાની ઉંમરમાં મોટી થવા લાગી છે એવા વિચારથી માતા પિતા પરેશાન પણ છે અને ગભરાયેલા પણ છે.  આ ઉપરાંત માસિકધર્મની અનિયમિતતાઓ, માસિક સમયે કમરનો દુખાવો, મુડ સ્વિંગ, કુરુપતા, નાના તથા બેડોળ સ્તન, ચહેરા ઉપર ખીલ તેમજ રુવાંટી, અસંતુલિત હોર્મોન્સ અને સ્થૂળતા ક્યારે મોટું સ્વરૂપ ધારણ કરી લે છે પરિવારમાં કોઈને ખ્યાલ પણ નથી આવતો જેમકે સેક્સુઅલ સમસ્યા, અકાળે વૃદ્ધત્વ, શ્વેતપ્રદર, વાંજીયાપણું, મિસકેરેજ, એબોર્શન, ફ્રીજીડીટી, ફાઈબરની ગાંઠ, ગર્ભાશયનું બહાર આવવું, વંધ્યત્વ, મેનોપોઝ, ગુપ્તાંગ તેમજ સમાગમની તમામ સમસ્યાઓનું સ્વરૂપ લઇ લે છે. 

 

જેમ આપણે અગાઉ જણાવ્યું કે સ્ત્રીની પ્રકૃતિ શરમાળ હોવાથી અને સહન કરતા રહેવાની હોવાથી મૌન રહીને નાની નાની તકલીફોને અંદર ને અંદર ચુપચાપ સહન કરતા કરતા પોતાની જાતને જેમતેમ મહિનાઓ અને વર્ષો સુધી ઢસડ્યા કરતી હોય છે અને ત્યારે જ પરિવારના સભ્યોનું ધ્યાન દોરવાય છે જયારે આજ વધી રહેલા રોગોનો, ગાયનેક સંબંધી સમસ્યાઓનો સમયપર ઈલાજ ના કરવાથી વધુ ને વધુ વિકૃત સ્વરૂપ ધારણ થાય છે, જેમકે ગર્ભાશય કઢાવવું, ગર્ભાશયનું કેન્સર થવું અથવા બ્રેસ્ટ કેન્સર થવું, આ કારણે સ્ત્રીને પરવશતાની ગંભીર સ્થિતિ આવી જાય છે જેના કારણે સંતાન,પતિ,પરિવાર અને સમસ્ત સમાજને પીડા ભોગવવી પડે છે. આ માટે પહેલેથી જ જાગૃત રહીને પરિવારે અને લગ્ન બાદ પતિએ અમુક જવાબદારી લેવી જરૂરી છે.

 

આવો આપણે આજે વધુ પડતા દુ:ખી લગ્નજીવન જીવતા યુગલો માટે સીધા અને સરળ રસ્તાઓનું નિર્માણ કરીએ.

 

સ્‍ત્રીઓ ન તો કયારેય પોતાની તકલીફ  મન ખોલીને જાહેર કરી શકે ન તો પુરૂષોએ એમનું મન જાણવાનો પ્રયત્‍ન કર્યા છે.   સ્ત્રીઓની માનસિક તકલીફોમાં સબળ કારણોમા શયનસુખ બાબતે તથા પોતાના જાતીય અંગો બાબતે અધૂરું જ્ઞાન, બાળપણની માનસિક રીતે અયોગ્ય ઊંડી છાપ, શરીરની અસાધ્ય બીમારી, ઉછેર સમયના અયોગ્ય વાતાવરણનો પ્રભાવ, યુગલના આપસી મતભેદોમાંથી ઉપજતો રોજીંદો કંકાસ, સાસરિયામાં સ્ત્રી ઉપર નાખવામાં આવતા ખોટા આક્ષેપો, પતિની અયોગ્ય માંગણીનો મુંજારો,પતિ તરફથી થતી મારઝુડ, જીણી જીણી વાતમાં ફરિયાદો, ક્ષમતાથી વધારે કાર્યરત રહીને દિવસના અંતે થાકી જવું, સ્ત્રી અને પુરુષનું વિયોગમાં વધારે સમય રહેવું, ડિલિવરી પછી ઘણી વાર યોનિમાર્ગ વિસ્તરી જાય છે.  ઘણી વાર જે પક્કડ ઈન્દ્રિય અને યોનિમાર્ગમાં આવવી જોઈએ એ નથી આવતી. એને પરિણામે આનંદની જે અનુભૂતિ થવી જોઈએ એમાં ઊણપ વરતાય છે.  આવું વારંવાર થયા કરે તો કામેચ્છા પર વિપરિત અસર પડે છે.  આ માટે લગ્ન પહેલા પરિવારે અને લગ્ન બાદ પતિએ જવાબદારીપૂર્વક જયારે સમસ્યા નાના સ્વરૂપમાં જ હોય ત્યારે જ પુરા પરિવારના હિતેચ્છુ અને સંપૂર્ણ પરિવાર ના સ્વાસ્થ્યના વૈદ્યકીય ચિકીત્સકની સાથે મહત્વપૂર્ણ પરામર્શ કરીને સમયસર  નિરાકરણ મેળવીને મુક્તિ આપવવી જરૂરી છે.  વૈદ્ય એવા ન હોવા જોઈએ કે રોગો થાય પછી માત્ર દવા આપીને છોડી દે પરંતુ વૈદ્ય એવા હોવા જરૂરી છે કે તમને રોગો થવા જ ના દે.  આ પ્રમાણે નાની તકલીફથી જ મુક્તિ અપાવીએ તો તેનું મોટું સ્વરૂપ થાય જ નહિ કારણકે આપણે સર્વે જાણીએ છીએ કે મોટા સ્વરૂપની ગંભીર જીર્ણ અસાધ્ય બીમારી આવે છે તો તેમાંથી મુક્તિ મેળવવાનું કેટલું અઘરું હોય છે.

 

આવા આરોગ્યના માર્ગદર્શક વૈદ્ય અને ચિકીત્સક, સલાહકાર તરીકે ઘરે ઘરે હોવા જરૂરી છે જે  પરિવારના તમામ સભ્યોના શારીરિક અને માનસિક બંને સ્વાસ્થ્યની જવાબદારી લે જે એવા ના હોય કે બગડેલા સ્વાસ્થ્યની દવા કરીને ઘરે બેસી જાય પરંતુ વૈદ્ય એવા હોવા જરૂરી છે કે બીમારી આવવા જ ના દે.

 

આવું થઇ શકે કે માતાને ખબર જ ના હોય એટલે દીકરી પણ ધ્યાન રાખવા બાબતે અજાણ હોય, જેમ જેમ સમય પસાર થઇ રહ્યો છે તો આ પ્રકારનું જ્ઞાન દીકરીઓએ ખાસ શીખવું જરૂરી છે, જેનાથી તેને આવવાવાળા સંતાનો પણ જાણતા થાય જેનથી જે ભૂલો એમના માતાપિતાએ કરી હોય તેનું પુનરાવર્તન ના થાય અને પીઢી દર પીઢી જ્ઞાન મેળવવાની આ શ્રુંખલા જળવાતી રહે.

 

આ પ્રમાણે જો સ્ત્રી પાસેથી પુરુષો અને પરીવારવાળાઓની અપેક્ષાઓ હોય છે કે સ્ત્રી હમેશા જ રૂપસુંદરી બનીને રહે, ફિગર જળવાયેલું રહે, બુધ્ધિશાળી અને સ્માર્ટ બાળકોને નોર્મલ ડીલીવરી સાથે જન્મ આપે, ઊતમ ઉછેર કરે, શયનખંડમાં રંભા બનીને તમામ પ્રકારે વરદાનરૂપ બનીને રહે તો તે માટે સ્ત્રીની સૌન્દ્રયની તેમજ કાળજી રાખવા લાયક સાચવણ કરી શકે તેવા કુદરતી સૌન્દર્ય પ્રસાધનો, હર્બલ સંસાધનોના રામબાણ પ્રયોગો થકી વ્યક્તિગત સલાહ અને પરામર્શ લેવાથી દાંપત્યજીવનમા પરમ સુખ અને સંતોષ,પરાકાષ્ઠા, સ્વાનંદનો અનુભવ સરળતાથી મેળવી શકાય છે.  

 

 

ડૉ.ઝરણા દોશી …
(કાયાકલ્પ નિષ્ણાંત – રાજવૈદ્ય)
૯૮૬૭૭૧૬૦૧૫ (મુંબઈ)
 [email protected]

 

 

બ્લોગ લીંક : http://das.desais.net
email: [email protected]

 

 

આપની સ્ત્રી રોગ અંગેની કોઈ પણ પ્રકારની સમસ્યા આપ ડૉ. ઝરણા દોશી ને તેમના ઈ મેઈલ આઈ ડી અથવા ફોન દ્વારા સંપર્ક કરી જણાવી શકો છો અથવા તેમની રૂબરૂ મુલાકાત માટે અગાઉથી એપોઇન્ટમેન્ટ લઇ, સમસ્યા અંગેનું યોગ્ય માર્ગદર્શન મેળવી શકો છો.  

 

આજની પોસ્ટ ‘દાદીમા ની પોટલી’ પર મોકલવા બદલ અમો ડૉ. ઝરણા દોશી – મુંબઈ નાં આભારી છીએ.

 

નોંધ : ‘દાદીમા ની પોટલી’  બ્લોગ દ્વારા અમો કોઈ પણ પ્રોફેશન ને પ્રમોટ કરતાં ન હોય, આપને કોઈપણ પ્રકારની ગેરસમજણ  કે કોઈ પણ પ્રકારનો અસંતોષ ન થાય તે માટે કોઇપણ પ્રોફેશનલ તજજ્ઞ ની એપોઇન્ટમેન્ટ લેતા સાથે, જરૂરી ફી અંગે જાણકારી અગાઉથી મેળવી લેવા વિનંતી.  

 

 

બ્લોગ પોસ્ટ પર મૂકેલ આપના પ્રતિભાવ બ્લોગ પર આવકાર્ય છે.

આહાર સંસ્કાર માર્ગદર્શન …(દિવ્ય આહાર પરામર્શ) …

આહાર સંસ્કાર માર્ગદર્શન … (દિવ્ય આહાર પરામર્શ) …

 

ડૉ. ઝરણાં તરફથી આપણે આહાર, આરોગ્ય અને અધ્યાત્મ નિમિતે માર્ગદર્શન મેળવી રહ્યા છીએ.  આજે આપણે આહાર બાબતે વધુ ઊંડાણપૂર્વક નું માર્ગદર્શન લઈને જીવન મા અનુસરણ કરી ઉતમ સ્વાસ્થ્યને મેળવવામાં સફળ થઈએ.

 

food.1

 

આજનો માનવી જીવવા માટે ખાય તે કહેવતની જગ્યાએ ખાવા માટે જીવવાની કળામાં પારંગત થયા છે. દરેક જગ્યાએ સ્વાદપ્રિય લોકો માટે ઘણી વખત ઓછી ચરબી ધરાવતી વાનગી શોધવી મુશ્કેલ હોય છે. ખાવાનો સ્વાદ અને રૂચિ જળવાઇ રહે અને તે છતાં ખોરાક સ્વાસ્થ્યપ્રદ રહે તે દરેક માટે જરૂરી છે. જાડાપણું, હ્રદયરોગ, હાઇબ્લડપ્રેશર, ડાયાબિટીસ અને બીજા અનેક રોગો ન થાય એ માટે અને થઇ ગયા હોય તો કાબૂમાં રહે તે માટે ઓછી ચરબી અને ઓછી કેલરી વાળો ખોરાક લેવો જરૂરી છે.  દરેક વાનગીમાંથી કેલરી, ચરબી અને રેસાનું પ્રમાણ જાણીને પોતાની સ્વસ્થતા જાળવી રાખે તેવી વાનગીઓની દરેક વ્યક્તિ પાસે એક યાદી હોવી જોઈએ.  આ માટે કાઉન્સીલીંગ નું મહત્વ છે.  માર્ગદર્શક સાથે બેસીને આપણે આપણી પ્રકૃતિનો અભ્યાસ કરવો જરૂરી છે.   સ્વાદ, પૌષ્ટિકતા, દેખાવ, સરળતાથી બનાવી શકાય, આપણા બજેટમાં પણ બેસે, ઋતુ અને ઉમર પ્રમાણે પણ યોગ્ય હોય, આ દરેક મુદ્દાઓ માટે દરેક પરિવારે અને દરેક વ્યક્તિએ એક આહાર નિષ્ણાંત પાસે માર્ગદર્શન લેવું જરૂરી છે.  જીવનમાં એક વાર આહાર બાબતે પોતાની પ્રકૃતિ અનુસાર સમયસર સંપૂર્ણ માર્ગદર્શન લીધા બાદ જૂની ટેવોમાંથી બહાર નીકળી ને નવી ટેવો અપનાવાથી તથા નિષ્ણાંતની દેખરેખ હેઠળ જીવનચર્યામાં ફેરફાર કરતા કરતા તંદુરસ્ત આરોગ્યને ઉપલબ્ધ કરી  શકાય છે.

 

તો આવો આપણે રસોડામાં છુપાયેલા સ્વાસ્થ્ય સુત્રોને અપનાવી પોતાની જીવનશૈલી ને નીખારીએ.

 

 food control

 

 

·  રસોઈમાં તેલ વગર નું  શાક અથવા ઓછા તેલવાળું સ્ટીમ કરેલું શાક વાપરવું, તથા બચેલા શાકનું પાણી સૂપ તરીકે લેવું.  સુપમાં સ્વાદ અનુસાર મરી અને મીઠું ઉમેરી શકો છો.

 

· રેસાવાળા શાક અને ફળોનો છૂટથી ઊપયોગ કરવો.

 

· વધારે સમય ભૂખ્યા રહેવું અથવા એકસાથે જરૂર કરતા વધારે પડતું  ભોજન વાપરી લેવું એ બંનેને તિલાંજલિ આપવી આવશ્યક છે.

 

· સલાડ અને ફળના મોટા ટુકડા લેવાથી ખોરાક ની માત્રા ઓછી લઇ શકશો તેમ જ ભોજન આરોગવાની ઝડપ મા ધરખમ ફેરફારો શક્ય છે.

 

. કચુંબર હમેંશા પીરસવાના, તરત પહેલાં, સ્ટીલના ચપ્પુથી જ સુધારીને લેવું.

 

. કચુંબર માટેનાં શાક / ફળ સમારતાં પહેલાં જ સ્વચ્છ, વહેતાં પાણીમાં ધોઇ લેવા.

 

· શાક અને ફળોના જુદા જુદા સંયોજનો થી ભિન્ન ભિન્ન વાનગીઓનો લાભ મેળવી શકો છો. પરંતુ શરીર ની જરૂરિયાત તથા પોતાની પ્રકૃતિના પ્રકારને સમજવું અતિ આવશ્યક છે.

 

· સલાડ બનાવવામાં જુદા જુદા ડ્રેસિંગ અને મેરીનેશન થકી ભોજનને રસમય પણ બનાવવું જરૂરી છે. અહીં ફાયદો એ છે કે મેદસ્વી વ્યક્તિને જૂની વણજોઈતી ખાવાપીવાની આદ્ત થી દુર રહેવામાં બળ મળે છે.

 

· ડેકોરેશન મા પણ ઉપયોગમાં લેવાતી ચીજો થકી તમામ વાનગીઓ ને આનંદ સાથે માણી શકો છો.

 

· આહાર આરોગતી વખતે હળવું સંગીત પણ ખોટી ભુખ ને દુર કરી, શાંત ચિતે આહાર પરત્વે આપણું ધ્યાન સંપૂર્ણપણે રખાવે છે.

 

· જમવા સમયે પૂરતું ધ્યાન આપવા બાબતે અમુક મુદ્દાઓ સમજવા જરૂરી છે.  વાનગી નો સ્વાદ, વાનગી ની સોડમ, વાનગી બનાવનાર નો પ્રેમ,વાનગી નો દેખાવ, વાનગી ની વિભિન્નતા.

 

· આપણા શરીર ની જરૂરિયાત અને આપણા મનની જરૂરિયાત મા જે ફરક પડે છે તેને કારણે પાચનશક્તિ ઓછી પડતી હોય છે, ધીમી પડતી હોય છે.  મનગમતી અને ભાવતી વાનગીઓ ઉપર આપણે બધું ભાન ભૂલીને તૂટી પડીએ છીએ.

 

· ભોજન ગ્રહણ કરતી વખતે વધુ વાત કરવી,  ટી.વી. જોવું,  છાપું વાંચવું આ બાબતો ને કારણે આપણે શું ખાઈએ છીએ અને કેટલું ખાઈએ છીએ તેનું ધ્યાન રહેતું નથી અને પરિણામે જરૂરિયાત કરતાં વધુ ખવાઇ જાય છે અને જે ખાવું જોઈએ તે ખુલ્લા મનથી ખાઈ નથી શકતા.

 

· શાંત ચિત્તે એકાગ્રતાથી ચાવી ચાવીને ખાવાથી મો ની લાળ આહાર મા ભળે છે તથા કુદરતી સ્વાદને પણ માણીએ છીએ તેનાથી ખાવાનો સંતોષ વધે છે અને માપસર ખવાય છે.

 

· ટેન્સન સાથે ખાવાથી પણ પ્રમાણભાનનું ધ્યાન છૂટી જાય છે એટલે જ શાંતચિતે પ્રેમથી પ્રાર્થનાથી આહાર શરૂ કરવાથી તન, મન અને આત્માને ગુણ કરે છે.

 

· પરિવાર ના સભ્યો ને પોતપોતાની વાનગીઓ ખાવા મા રસ હોય છે, તે સમયે મેદસ્વી વ્યક્તિએ એકાંત પસંદ કરી આહાર નો સમય જુદો કરવાનો પ્રયત્ન કરવાની જરૂર છે.

 

· રંગબેરંગી સલાડ બનાવવાની પદ્ધતિઓ વિકસાવો.

 

· સલાડ વાપરવાના વાસણો મોટા અને અન્ય ઠોસ ભોજન ના વાસણોના માપ નાના કરી શકો છો.

 

· ખોરાક ના દ્રવ્ય ના મૂળ સ્વાદ ને માણવો હોય તો ઉપરથી મીઠા અને મસાલાના ઉપયોગને સદંતર બંધ કરવા, સાથે સાથે દ્રવ્યમા રહેલા ભોજન ના પૌષ્ટિક દ્રવ્યો ને શરીરમાં પોષણ અપવવામાં મદદ મળે છે.

 

· શાકભાજી અને ફળોને ઓછામાં ઓછો હાથ લગાવવો, હાથ અને નખ ને સારી રીતે સાફ રાખવા. મોટા ભાગે જીવાણુઓ નખ અને હાથ ના મેલ દ્વારા શાક અને ફળોમાં આવતા હોય છે.

 

· કૃત્રિમ ચીજોનો ઊપયોગ ઘટાડવાની જરૂરિયાત સૌ પ્રથમ છે.  જેમ કે કૃત્રિમ રસાયણો, કૃત્રિમ કલર, કૃત્રિમ સુગંધ, કૃત્રિમ દેખાવ.

 

· ભોજન આરોગતી વખતે આસન કયું હોવું જોઈએ તે બાબત પણ એટલી જ જરૂરી છે. આજની પ્રજાને ડાઈનીગ ટેબલ વગર ફાવતું નથી.

 

· જૂની આદતોમાંથી બહાર આવો જેમ કે એક જેવી વાનગીઓને પુનરાવર્તન કરતા જ રહેવું અને એક જેવી પદ્ધતિથી બનાવ્યા જ કરવું. …..નવી વાનગીઓ ને સ્થાન આપો અને નવી પદ્ધતિ થી એ જ શાક ને બનાવો.

 

· બાળક, જુવાન, આધેડ અને વૃદ્ધ દરેક ની પાચનશક્તિમા ઘણો તફાવત હોય છે. આ બાબત પર ધ્યાન આપીને પોતાની ઉમર પ્રમાણે અને પોતાની આગવી નિરીક્ષણ પદ્ધતિ પ્રમાણે આહારની યાદી બનાવવી જરૂરી છે.

 

· પતાભાજી ની એક ઋતુ હોય છે, શિયાળો.  સારામાં સારી અને તાજામાં તાજી ઊતમ ગુણવત્તાવાળી ભાજી દરેક પ્રકારના આયુ વાળા વાપરી શકે છે.

 

· ઘણા કલાકોથી બનાવેલી રસોઈ મા ફેરફારો થવાના શરુ થઇ જાય છે, જે તાજા આહાર માંથી વાસી આહાર બનવા લાગે છે.  આ બાબતને પણ ખાસ ધ્યાનમાં લેવી જરૂરી છે.  જેમ જેમ આહાર વાસી થવા લાગે તેમ તેમ તેમાં ઝેરી વિષાણુઓ, બેક્ટેરીયા, બારીક અને સુક્ષ્મ જીવાતનો ઉપદ્રવ થવા લાગે છે.

 

· આયુર્વેદિક દુકાનોમાંથી લેબલ વાંચીને, પોતાના ઉપર – ઉપર ના ચિહ્નો સાથે જાતે જાતે જ પોતાની સારવાર માટે પ્રયોગ કરવામાં આજકાલ સહુ પાવરધા થઇ ગયા છે.

 

· સસ્તી અને લલચામણી જાહેરાતોમા પોતાની જાતને મુકીને તાબડતોબ જે તે પ્રોડક્ટ લઈને વાપરી જુએ, પછી ઉલાળિયો કરે, વ્યર્થનો સમય અને શક્તિને નષ્ટ કરે, આ બધામાંથી બચવાની જરૂર છે.

 

આહાર સંસ્કાર માર્ગદર્શન …(દિવ્ય આહાર પરામર્શ) … ની વિશેષ જાણકારી અર્થે આપ સૌને વધુ માહિતી અહીં સંપર્ક કરવાથી મળી શકશે…

ડો ઝરણા ૯૮૬૭૭૧૬૦૧૫ – મુંબઈ.

સાભાર :– ડૉ. ઝરણા દોશી

 

બ્લોગ લીંક: http://das.desais.net
Email: [email protected]

 

આપને આજની પોસ્ટ પસંદ આવે તો આપના પ્રતિભાવ બ્લોગ પોસ્ટ પર મૂકી ડૉ.ઝરણાબેન ના પ્રયાસને યોગ્ય પ્રતિસાદ આપશો. જે અમોને પ્રેરણાદાયી અને માર્ગદર્શક બની રહેશે અને લેખિકાની કલમને બળ પૂરશે. ….

 

“સર્વે પાઠક મિત્રો ને વિનંતી કે આપ આપના પ્રતિભાવો દ્વારા આપને સતાવતા ‘ – યોગ – મેડિટેશન- ધ્યાન’  અંગેના કે જીવન ની સમસ્યા અંગેના કે સ્વાસ્થયને અંગે ઉદભવતા પ્રશ્નો બ્લોગ પોસ્ટ પર આવી જરૂર પૂછી શકો છો. ડૉ.ઝરણા દોશી … આપને તેનો જવાબ બ્લોગ પર આપવા જરૂર પ્રયત્ન કરશે. અથવા આપને ઉદભવતા કે મુંજવણ આપતા પ્રશ્ન કે રોગ બાબતે  Privacy / અંગતતા – જાળવવા ઇચ્છતા હોય તો આપની સમસ્યા ની વિગત ડાયરેક્ટ [email protected] ઉપર અથવા ડૉ.ઝરણા દોશી ને [email protected]  ઈ મેઈલ દ્વારા લખી ને મોકલી શકો છો, અમો તમારા email ID પર તે અંગેનું યોગ્ય માર્ગદર્શન મોકલી આપવા જરૂર કોશિશ કરીશું. ”

ધ્યાન માર્ગ પર પા પા પગલી … (ભાગ …૪) …

ધ્યાન માર્ગ પર પા પા પગલી …  (ભાગ …૪) …

 

આ અગાઉ આપણે સપ્ટેમ્બર માસમાં ધ્યાન ભાગ  .. 3  માં જોઈ ગયા કે …માત્ર ગુણો કેળવવા, તેને આત્મસાત કરવા તે જ સાધના નથી, સાચી મજા તો ધ્યાનમાં – એનામાં લીન થઇ જવામાં છે. ધ્યાન, ત્રાટક આદિ ક્રિયાઓ વિશે આજકાલ લોકોમાં કેટલીએ ગેરમાન્યતાઓ પ્રવર્તી રહી છે તેથી તે અંગે સાચી સમજણ જરુરી છે.

 

આજે આપણે ધ્યાન માર્ગ પર પા પા પગલી માંડવાની શરૂઆત કરીશું અને થોડી વિશેષ જાણકારી ડૉ.ઝરણા દોશી પાસેથી મેળવીશું. ‘ધ્યાન માર્ગ પર પા પા પગલી (ભાગ …૪)…’ ‘દાદીમા ની પોટલી’ પર ઉપરોક્ત પોસ્ટ મોકલવા બદલ અમો ડૉ. ઝરણા નાં અંતરપૂર્વક્થી આભારી છીએ.

આવો હવે આપણે ધ્યાન માર્ગ ના અમુક સીધા અને સરળ સુત્રોને સમજીએ.

 

જે વ્યક્તિનો પોતાની  વર્તમાન તેમ જ ભવિષ્યની જરૂરિયાતો,પોતાની આકાંક્ષાઓ, સપનાઓ અને પોતાની વિશ્વ પ્રત્યે અને વિશ્વના રચયિતા સર્જનહાર પ્રત્યેની લાગણી ફરજ સાથે એકાત્મકતાની સભાનતાનો દુરંદેશ મનોરથ છે તે ધ્યાન માટે સંપૂર્ણપણે યોગ્યતા ધરાવે છે.

 

 

તે વ્યક્તિને ધ્યાન સરળતાથી અને સહજતાથી જીવનમાં ઉતરે છે. પોતાને ધ્યાનની દીક્ષા પ્રાપ્તિ પણ મળી રહે છે. ગુરુજનો થકી પ્રેરણા અને માર્ગદર્શનના અમીસીંચન  દ્વારા વ્યક્તિ ધ્યાની બને છે. ધ્યાનમાર્ગે સ્વયમને વધુ ઊંડી રીતે સમજતા સમજતા આત્મવિકાસ અને આત્મસાક્ષાત્કાર તરફ પ્રયાણ કરે છે.

 

 

ધ્યાન કરવું, ધ્યાન રાખવું, ધ્યાન થવું, ધ્યાન શીખવું, ધ્યાનમાં આવવું, ધ્યાનમાં ઉતરવું, ધ્યાની તરીકે જ જીવવું આ બધા જુદા જુદા અનુભવો છે. આવો આપણે આ દરેકને વિગતવાર સમજીએ.

 

 

૧.      ધ્યાન કરવું: આપણને આખો દિવસ જીવન જીવતા જીવતા ઘણી વાર ધ્યાન કરવાની જરૂર પડી જાય છે જેમકે…બાળકના ઉત્તમ ભવિષ્યનું પ્લાનીંગ કરવું, વડીલોની તબિયતની કાળજી માટે ધ્યાન કરવું. ઘરમાં આવેલા સારા નરસા પ્રસંગો બાબતે ધ્યાન કરવું.

 

 

૨.      ધ્યાન રાખવું: આ બાબતે તો દરેક વ્યક્તિ સમજુ છે, સમાજમાં, પરિવારમાં એકબીજા ના સંબંધોમાં લાગણી અને પ્રેમ ની જ સ્થાપના જળવાયેલી રહે તે માટે આપણે ઘણા બધા નિયમો બાબતે ધ્યાન રાખતા હોઈએ છીએ.

 

 

૩.      ધ્યાન શીખવું: આજે ધ્યાન શીખવા બાબતે જાગૃત થવા વાળાઓની સંખ્યા ઘણી વધી છે.

 

 

૪.      ધ્યાન મા આવવું: આજે આવેલા અવસરનો હું આજે જ ફાયદો લઉં તે ધ્યાનમા આવવું.

 

 

૫.      ધ્યાનમાં ઉતરવું: એક બાહ્ય જગત છે અને એક આંતરિક જગત છે. ધ્યાનમાં ઉતરવા માટે આપણે આંતરિક જગતમાં ડોકિયું કરવાનું રહે છે.

 

 

૬.      ધ્યાની તરીકે જ જીવવું: જીવનનું પાયાનું સુત્ર ધ્યાન બનાવી દેનારા અને જીવતા જગતના થઇ જનારાઓના નામ આપણે સદીઓથી સાંભળતા આવી રહ્યા છીએ. આ બધા આત્માઓએ  ધ્યાનસ્થ જીવન જીવીને આપણી માટે ઉત્તમ દ્રષ્ટાંત પૂરું પડ્યું છે.

 

 

આ બધી વ્યાખ્યાઓને સમજી તો લીધી, પરંતુ આપણે હવે એક મહત્વની વાતને સમજવાની છે; કે ધ્યાન માર્ગમાં આગળ વધવા માટે વ્યક્તિએ જોવામાં આવતી અને વપરાશમાં આવતી ઈન્દ્રિયોની  પેલે પાર જવાનું છે. આપણું આ દેખાતું શરીર છે અને દેખાઈ રહેલી ઇન્દ્રિયો છે તેને  ઉપયોગમાં લઈને આપણે બહારની સૃષ્ટી, અને સર્જનહારની અદભુત અજાયબીઓને માણીએ છીએ. હવે સર્જનહાર દ્વારા અનેક અન્ય સર્જન પણ થયા છે જેને અંતરચક્ષુ થકી નજીકથી અનુભવવાની પ્રક્રિયાને ધ્યાનનું નામ આપશું.

 

 

આપણી રોજબરોજની જીવનચર્યાને આપણે એટલી બધી યંત્રવત બનાવી દીધી છે અને સુખ સુવિધાઓ થકી આપણે પાંગળા બની ગયા છીએ. એટલે જ ધ્યાન થકી આપણે ગુલામીમાંથી મુક્તિનો એહસાસ જગાવવાનો છે.

 

 

જયારે નવા નવા ધ્યાનમાં ઉતરીએ ત્યારે હજુ ઉપરછલ્લા અનુભવો આવે જેવાકે બહારના જગતને અંદર જોવાનું શરુ કરી દઈએ. દાખલા તરીકે વ્યક્તિ ટીવી જુએ છે અને પૂર્વ તૈયારી કર્યા વગર ફટાફટ પોતાની જાતે જ ઘરના ઘોંઘાટભર્યા વાતાવરણમાં પલાંઠીવાળીને જબરદસ્તી  આંખો બંધ કરીને બેસી જાય તો એને બહાર જે જે જીવંત દ્રશ્યોની હારમાળા સર્જાય તેના જ મનસચિત્રોના  નિરંકુશ દ્રશ્યો આવ્યા જ કરે આ રીતે તો ધ્યાનમાં ઉતરવું મુશ્કેલ બની જાય.

 

 

એટલે જ ધ્યાન ગુરુ સમીપે અને સંઘમા જે પ્રકારે શક્ય બને તેનો અનુભવ જ કઈ જુદો છે.

 

 

કુદરતે અમુક નિયમો બનાવ્યા છે જે જાણીને તેમ જ અમલમાં મુકીને આપણે અત્યારે સગવડતામાં આધુનિકતા લઇ આવ્યા છીએ. તે જ પ્રમાણે આપણા આંતરિક જગતના નિયમો ને પણ આપણે જાણવા પડે એ પણ કોઈ બીજાના નહિ આપણા પોતાના નિયમો જાણવા પડે, જે ધ્યાન થકી શક્ય બંને છે. જીવન સરળ થઇ જાય છે. જીવન જીવવામાં નવો ઉત્સાહ અને ઉમંગ જોડાય છે. યંત્રવત જીવન થી રચનાત્મક જીવન તરફ ગતી થાય છે,પ્રગતિ થાય છે. જીવના મા સંતોષ, સંયમ, શાંતિ, સજગતા, સમર્પણ ના ગુણો નો વિકાસ થાય છે અને સ્વાવલંબીપણું આવે છે.

 

 

ધ્યાનમાર્ગ ની માહિતી એ એક જુદો વિષય છે અને ધ્યાનમાર્ગ પર યાત્રા કરવી એ જુદો વિષય છે.

 

 

થીયરી અને પ્રેક્ટીકલ બંને જુદા છે ઉપરથી શીખેલું અને પ્રયોગ કરેલું જ્ઞાન જીવનમા આચરણમાં મુકવાની કળાને સાચું જીવન જીવ્યું કહેવાય.

 

 

ધ્યાનમાર્ગ તરફ યાત્રા કરવાની ઈચ્છા ધરાવનાર દરેક ભાઈ બહેનને અમારી નમ્ર વિનંતી છે કે અમારા દ્વારા યોજવામાં આવતા ધ્યાનના કેમ્પમા જરૂરથી જાતે હાજરી આપી લાભ લેશો.

 

 

આપ સૌને મારી નમ્ર વિનંતી છે કે પોતાની અંદર ધ્યાન માટેની ક્ષમતા ને જાગૃત કરવાની જેની મહત્વકાંક્ષા છે તે સૌએ હકીકતમાં પ્રાયોગિક શિબિરમાં  હાજરી આપવી જરૂરી છે.

જીવનમાં જીવન જીવવાની કળાનો વિકાસ કરવા અર્થે ધ્યાન શિબિર ની પ્રાથમિક જાણકારી અર્થે આપ સૌને વધુ માહિતી અહી મળશે.

ડો ઝરણાં ૯૮૬૭૭૧૬૦૧૫ – મુંબઈ.

– ડૉ. ઝરણા દોશી

 

બ્લોગ લીંક: http://das.desais.net
Email: [email protected]

 

આપને આજની પોસ્ટ પસંદ આવે તો આપના પ્રતિભાવ બ્લોગ પોસ્ટ પર મૂકી ડૉ.ઝરણાબેન ના પ્રયાસને યોગ્ય પ્રતિસાદ આપશો. જે અમોને પ્રેરણાદાયી અને માર્ગદર્શક બની રહેશે અને લેખિકાની કલમને બળ પૂરશે. ….

 

“સર્વે પાઠક મિત્રો ને વિનંતી કે આપ આપના પ્રતિભાવો દ્વારા આપને સતાવતા ‘ – યોગ – મેડિટેશન- ધ્યાન’  અંગેના કે જીવન ની સમસ્યા અંગેના કે સ્વાસ્થયને અંગે ઉદભવતા પ્રશ્નો બ્લોગ પોસ્ટ પર આવી જરૂર પૂછી શકો છો. ડૉ.ઝરણા દોશી … આપને તેનો જવાબ બ્લોગ પર આપવા જરૂર પ્રયત્ન કરશે. અથવા આપને ઉદભવતા કે મુંજવણ આપતા પ્રશ્ન કે રોગ બાબતે  Privacy / અંગતતા – જાળવવા ઇચ્છતા હોય તો આપની સમસ્યા ની વિગત ડાયરેક્ટ [email protected] ઉપર અથવા ડૉ.ઝરણા દોશી ને [email protected]  ઈ મેઈલ દ્વારા લખી ને મોકલી શકો છો, અમો તમારા email ID પર તે અંગેનું યોગ્ય માર્ગદર્શન મોકલી આપવા જરૂર કોશિશ કરીશું. ”

સેક્સ વિશે પ્રાથમિક જાણકારી … (ભાગ.. ૩) …

સેક્સ વિશે પ્રાથમિક જાણકારી … (ભાગ.. ૩) …

 

 

સેક્સ એજ્યૂકેશન …. સેક્સ વિશે /અંગેની પ્રાથમિક જાણકારી …

 

ડૉ. ઝરણાબેન દ્વારા સેક્સ એજ્યુકેશન અંગે માર્ગદર્શન અને પ્રાથમિક જાણકારી નિયમિત આપણને બ્લોગ પર આપવામાં આવે છે,  આપના રિસ્પોન્સ ને ધ્યાનમાં લઇ  આપણે  સેક્સ બાબતે જરૂરી અને પાયાનું મહત્વનું જ્ઞાન ડૉ.ઝરણાબેન  દ્વારા  ભાગ..૧ અને ૨માં  મેળવવા કોશિશ કરેલ. આ  શ્રેણીને  આગળ વધારવા જઈ રહ્યા છીએ. આપ સર્વેને વિંનતી કે  સેક્સ એજ્યુકેશન – શ્રેણી અંગે આપના તરફથી કોઇજ સૂચન કે માર્ગદર્શન  હોય તો વિના સંકોચ પ્રતિભાવ દ્વારા બ્લોગ પોસ્ટ પર જણાવશો અથવા અમારા ઈ મેઈલ આઈ ડી પર લખી જણાવશો, જે અંગે અમો પૂરતું ધ્યાન રાખીશું…

 

સેક્સ એજ્યુકેશન વિશેની જાણકારી  દ્વારા તમારા  મનની અંદર ઉદભવતા પ્રશ્નો તેમજ પરિવારમાં યુવા વયમાં પ્રવેશતા બાળકોની જીજ્ઞાશા અને કુતૂહલtતા ને સંતોષકારક રીતે સ્પષ્ટતા કરી શકીએ કે અને જવાબ આપી શકીએ તેવી અમારી નમ્ર કોશિશ આ શ્રેણી દ્વારા રહેલી છે.

 

 ‘દાદીમા ની પોટલી  પર સેક્સ એજ્યુકેશન અંગેની પ્રાથમિક જાણકારીની શ્રેણી શરૂ કરવા  બદલમો ડૉ. ઝરણાબેન દોશી ના તેમજ આપ સર્વે તરફથી મળેલ યોગ્ય સાથ અને પ્રતિભાવ બદલ આપના અંતરપૂર્વક્થી આભારી છીએ.

 

‘સંબંધ જો સમજાય તો સમજાય જીવન આખું,
ને જો ના સમજાય તો ક્યાંક ને ક્યાંક રહી જાય બાખું.’ 

 

આ જગતમાં કઈ કેટલાયે સંબંધો શરુ થાય, સંબંધો પુરા થાય પરંતુ એક અતુટ સંબંધ છે જે વર્ષોથી વખાણવામાં આવ્યો છે અને આવકારવામા આવ્યો છે, તે છે પ્રેમ સાથે કરેલું સેક્સ.  દરેક પુરુષ અથવા સ્ત્રીને પોતાને ક્યાંક ને ક્યાંક સ્ત્રી પ્રત્યે અથવા પુરુષ પ્રત્યે ઉમર પ્રમાણે અને પસંદ પ્રમાણે આકર્ષણ અને આસક્તિ થતા હોય છે, સંબંધ રચાતા હોય છે.  હવે તે પોતે જ નક્કી કરે કે આ સંબંધ ને આગળ ક્યાં સુધી લઇ જવા છે?  જો ખરેખર તમે તમારા સંબંધોને આગળ લઇ જવા માંગો છો તો હું અહી મહત્વની રજૂઆત કરવાની ઈચ્છા રાખું છુ કારણકે જયારે સેક્સ ની વાત આવે છે તો રક્ષામાર્ગ ની સાથે અમુક બીજી પણ જાણવા જેવી વાતોને અહી મૂકી રહી છુ.
૧.]  સેક્સ ની વાતચીત:  અહી એવી બીભત્સ વાતોને સ્થાન નથી આપવામાં આવ્યું. જો તમે સંભોગ ની એકબીજા સાથે તૈયારી કરી રહ્યા હો તો પ્રથમ તમારા સાથી સાથે અમુક મહત્વના મુદ્દાઓ ઉપર ચર્ચા કરવાની જરૂર છે.  જેમ કે અગાઉ તમારા કોઈ સાથી સાથે સેક્સ માણ્યું છે ?  તમને સેક્સ ને લઈને કોઈ આરોગ્યને હાનિ પહોચી છે ?  જો હા કહે છે તો કયારે ?  આ પ્રમાણે બંને દ્વારા ખુલ્લા દિલે એકબીજા સાથે જૂની વાતોને સમજણશક્તિ થકી ખુલાસા કરી દેવામાં આવે, તો એ જરૂરી છે કે બંને પોતાના રહસ્યોને ખુલ્લા કરી દે.

 

૨.]   કોન્ડોમ :  તમારે અનુભવ હોય કે તમે પહેલી વાર સંભોગમાં ઉતરતા હોવ, પરંતુ કોન્ડોમ એ તમારા માટે એક સારામાં સારું રક્ષાકવચ છે.  તે ગર્ભ ધારણ કરતા અટકાવે છે ઉપરાંત સેક્સ ને લગતા તમામ ચેપી રોગોથી પણ રક્ષણ આપાવે છે.  જેવા કે એઇડ્સ અથવા ઇન્ફેકશન. એ પણ ધ્યાન મા રાખવું કે એક કોન્ડોમ એક વાર જ વાપરી શકાય. અને કોન્ડોમ પહેરતી વખતે એ ધ્યાન રાખવું કે ફક્ત એક જ કોન્ડોમ પહેરવું જોઈએ.

 

૩.]   સ્નિગ્ધ કોન્ડોમ:   સંભોગ સમયે હમેશા એ ધ્યાન રાખવું જોઈએ કે કોન્ડોમ ની ખાસિયત કેવી છે, સુંવાળા અને સ્નિગ્ધ કોન્ડોમ ને વાપરવા હિતાવહ છે.  જેનાથી વચે જ તૂટી જવાનો ડર પણ નહીવત હોય છે અને વાપરવામાં પણ સુવિધાપૂર્ણ હોય છે.  આપણા સાથી માટે આ વાતને તમે ખાસ ધ્યાનમાં રાખશો.

 

૪.]  એક જ જીવનસાથી:  એક વાત ખાસ ધ્યાન મા રાખવી જોઈએ કે અગર તમે કોઈ એવી વ્યક્તિ સાથે સંભોગ કરી રહ્યા છો જેમને આગાઉ ઘણા બધા સાથે સેક્સ માણ્યું છે તો તમને પણ કોઈ પણ પ્રકારના સેક્સ ને લગતા ચેપી રોગોની તકલીફ આવી શકે એવી સંભાવના છે.  તો એ વાત ધ્યાન મા રાખવી જોઈએ કે તમે સેક્સ માટે એક જ સાથી ને પસંદ કરો છો.

 

૫.]  ફરજીયાત:   કોન્ડોમ ની આવશ્યકતા ત્યારે પણ છે કે જો તમારું જીવનસાથી જ છે અને તમે ફક્ત એની સાથે જ તમે સેક્સ માણો છો.

 

૬.]  નશીલા પદાર્થો:   દારૂ કે ચરસ કે ગાંજા નો  ઊપયોગ ના જ કરવો જોઈએ, કદાચ  કોઈ કરતુ હોય તો તે સમયે સાથે સાથે સેક્સ માણવાનો નિર્ણય ખરેખર અયોગ્ય જ છે.  અથવા સેક્સ માણતી વખતે આવા પ્રકારના નશીલા પદાર્થો ને દુર જ રાખવાની જરૂર છે.

 

૭.]  મુખ મૈથુન:  મુખ મૈથુન સમયે જે સ્નિગ્ધ નથી એવા સાદા કોન્ડોમની આવશ્યકતા તો છે જ, મોઢામાં પહેલા જ રાખી દેવું જોઈએ.

 

૮.]  વધારાના કોન્ડોમ :  જયારે પણ તમે તમારી હનીમુન યાત્રા નો આરંભ કરો છો અથવા જયારે પણ તમે સેક્સ માણવાના મુડમા છો ત્યારે તમારે વધારે કોન્ડોમ રાખવા જરૂરી છે, કેમ કે ક્યારેક કોન્ડોમ મા કોઈ ખામી હોય અથવા કોઈ કોન્ડોમ વાપરતા, પહેરતા વખતે જ તૂટી જાય કે ફાટી જાય.

 

૯.]  તપાસણી:  તમને કદાચ આવો અનુભવ થયો હોય કે ના થયો હોય પરંતુ કોન્ડોમ વાપર્યા પછી એક વાર એમાં પાણી ભરીને તપાસ કરી લેવું કે કોન્ડોમ ફાટ્યું તો નથી ને ?  આ એક સારામાં સારી આદત છે.

 

૧૦.]  અનિચ્છા જાહેર કરો:  જો તમારે ખરેખર સેક્સ ના કરવું હોય તો તમારા પ્રિય જીવનસાથીને તમારા દિલની વાતને ખુલાસો કરીને કહો કે આજે તમે એવા મૂડમા નથી.  બંનેની હામી (મરજી) થકી જ સેક્સ માણવાની મજા ખુબ જ યાદગાર રહેશે.

 

સાભાર : લેખક : ડો.ઝરણા દોશી … (મુંબઈ)

 

બ્લોગ લીંક : http://das.desais.net
email: [email protected]

 

સેક્સ – જાતીયતા અંગેની પ્રાથમિક જાણકારી અને તેમાં ઉદભવતી સમસ્યાના નિવારણ અંગેની પ્રાથમિક માહિતી સાથે માર્ગદર્શન ડૉ. ઝરણાબેન દ્વારા આજની પોસ્ટમાં આપવાની નમ્ર કોશિશ અનેક મર્યાદાઓ ને ધ્યાનમાં રાખી કરવામાં અહીં આવેલ છે, આશા રાખીએ છીએ કે ડો.ઝરણાબેન નો આ નમ્ર પ્રયાસ આપને પસંદ આવ્યો હશે ? આપની કોઈ અંગત સમસ્યા હોય તો પણ ડો.ઝરણાબેન ને [email protected] અથવા ‘દાદીમા ની પોટલી’ નાં ઈ મેઈલ આઈડી. [email protected] પર જણાવવા વિનંતી. આપની સમસ્યાનું યોગ્ય માર્ગદર્શન ડૉ.ઝરણાબેન દ્વારા ડાયરેક્ટ મોકલી આપવામાં આવશે અને આપની માહિતીની અંગતતા ની ખાસ કાળજી લેવામાં આવશે.

 

હવે પછી આ શ્રેણીમાં આપ  ક્યા વિષય પર વિશેષ  જાણકારી પ્રાપ્ત કરવા ઈચ્છો છો તે અંગેના આપના પ્રતિભાવ બ્લોગ પોસ્ટ પર જરૂર મૂકશો, આ ઉપરાંત આ શ્રેણી આપને પસંદ આવી કે નહિ તે બ્લોગ પોસ્ટ પર પર્તિભાવ આપી જણાવશો.  આપના પ્રતિભાવ દ્વારા લેખિકા ડૉ. ઝરણાબેન ને ક્યાં વિષય પર વધુ ભાર આપવો તે અંગે યોગ્ય પ્રેરણા તેમજ માર્ગદર્શન મળી રહેશે. આપના યોગ્ય  પ્રતિભાવ ની અપેક્ષા સાથે … આભાર ! ‘દાદીમા ની પોટલી’

સેક્સ વિશે પ્રાથમિક જાણકારી … (ભાગ… ૨) …

સેક્સ વિશે પ્રાથમિક જાણકારી … (ભાગ.. ૨) …

 

 

સેક્સ એજ્યૂકેશન …. સેક્સ વિશે /અંગેની પ્રાથમિક જાણકારી …

 

આ અગાઉ આપને અમારા દ્વારા જાણ કરવામાં આવેલ કે જો આપ વાંચક મિત્રો ઇચ્છશો તો ડૉ. ઝરણાબેન દ્વારા સેક્સ એજ્યુકેશન અંગે માર્ગદર્શન અને પ્રાથમિક જાણકારી આપવામાં આવશે.,  આપના રિસ્પોન્સ ને ધ્યાનમાં લઇ  આપણે  સેક્સ બાબતે જરૂરી અને પાયાનું મહત્વનું જ્ઞાન ડૉ.ઝરણાબેન  દ્વારા  ભાગ..૧ મા મેળવવા કોશિશ કરેલ. અનિવાર્ય સંજોગો ને કારણે  અમો ઘણા લાંબા વિરામ બાદ આ  શ્રેણી આજથી આગળ વધારવા જઈ રહ્યા છીએ. આપ સર્વેને જો કોઈ તકલીફ પડેલ હોય તો તે  બદલ અમો દિલગીર છીએ.

સેક્સ એજ્યુકેશન વિશેની જાણકારી  દ્વારા તમારા  મનની અંદર ઉદભવતા પ્રશ્નો તેમજ પરિવારમાં યુવા વયમાં પ્રવેશતા બાળકોની જીજ્ઞાશા અને કુતૂહલને સંતોષકારક સ્પષ્ટતા આપી શકીએ તેવી નમ્ર કોશિશ છે.

 

 ‘દાદીમા ની પોટલી  પર સેક્સ એજ્યુકેશન અંગેની પ્રાથમિક જાણકારીની શ્રેણી શરૂ કરવા  બદલમો ડૉ. ઝરણાબેન દોશી ના અંતરપૂર્વક્થી આભારી છીએ.

 

 

સંબંધ જો સમજાય તો સમજાય જીવન આખું,
ને જો ના સમજાય તો ક્યાંક ને ક્યાંક રહી જાય બાખું,

ઉઠી સવારે કરો એક સંકલ્પ પાકો કે સઘળું ખોવાય મારું પણ,
સંબંધ તો હું સાચવી જ રાખું,

ને સંબંધ વિના જીવી શું કરસો ને સંબંધ વિના શું મરસો,
સંબંધ જ બની ને આવશે પ્રકાશ જયારે અજવાળું થશે ઝાખું

– નિતેશસિંહ ચાવડા ..

 

મિત્રો, પ્રથમ ભાગમાં, પ્રાથમિક જાણકારીમાં આપણે એ જાણ્યું કે સ્ત્રી અને પુરુષ ની ભૂમિકા શું છે, સેક્સ શું છે, સૃષ્ટિમાં સેક્સનું મહત્વ શું છે.  આનંદપૂર્વકનું લગ્નજીવન જીવવા માટે કઈ કઈ જગ્યાએ આપણે પોતાના સ્વભાવ રૂપાંતરણ કરીએ તો જીવનમા સુખ,શાંતિ અને સમૃદ્ધિના દિવસો ની હારમાળા આવે.

સૌ પ્રથમ તો આપણે આપણા સ્વભાવમાં બદલાવ લાવીએ જેનાથી આપણા જીવનસાથીને આપણે સાચો ન્યાય આપીએ અને એકબીજા સાથેનો સહવાસ જીવનપર્યંત વધુ ને વધુ રમણીય બનાવીએ.

 

લગ્નમા જેમ એક સ્ત્રી અને એક પુરુષ ની જરૂરિયાત  હોય તેમ લગ્નનું જીવન શરુ કરવા સમયે એક પરિવાર, એક ઘર, એક સમાજ, એક દેશ અને એક વિશ્વની જરૂરિયાત હોય છે.  લગ્ન પહેલા સ્ત્રી એક યુવતી હોય, એક અલ્લડ જવાનીમાં મસ્ત અને માતાપિતા ના ઘરે એક નિશ્ચિત મને જીવન પસાર કરતી હોય જ્યાં કોઈ જાતનો પણ બીજા કોઈનો વિચાર નથી કરવાનો , બસ પોતે ભલા અને પોતાની દુનિયા ભલી  (જેમાં બાળપણથી યુવા અવસ્થા સુધીમાં ભણતર ચાલતું હોય છે અને …….) જેમાં ભણતર ચાલતું હોય છે અને પરિવારનો પ્રેમ /હુફ જીવવા મળે છે.

 

એવી જ રીતે પુરુષનું જીવન પણ એકલા હોય ત્યારે આવું જ હોય છે. માતાપિતા સાથે હસતા રમતા બાળપણમાંથી યુવાની અને યુવાની માથી એક જવાબદાર વ્યક્તિ તરીકેનું સ્વરૂપ બને છે. ભણતર, કેરીયર, નોકરી, બિઝનસ ઈત્યાદીમા સમય નીકળતો હોય છે.

 

ઉમરલાયક થતા બાળકોને માતા પિતા લગ્નજીવન શરુ કરવાની સલાહ આપે છે. મોટાભાગના બાળકો આજ્ઞાંકિત જ હોય છે તો લગ્નજીવન માટે તૈયાર થઇ જાય છે. લગ્નજીવનમા…પ્રભુતામાં પગલા માંડતી વખતે સ્ત્રી અને પુરુષ એકમેકને સમપર્ણની ભાવના થકી મધુર સંબંધોની કલ્પનાઓ લઈને સહચર્ય શરુ કરે છે.

 

પ્રેમલગ્ન કરવાવાળાની સમજદારી શરુ શરુમાંથી જ એકદમ ઊંડાણભરી હોય છે પરંતુ માતાપિતા થકી લગ્નજીવન નો આરંભ કરવાવાળા યુગલને એકમેક સાથે વધુ સમય આપીને, સમજી વિચારીને લગ્નજીવન આરંભ કરવું જરૂરી છે.

 

સૌ પ્રથમ નવું યુગલ એકમેકની નજીક આવે, એકમેકને સંપૂર્ણપણે જાણે, ઓળખે એ માટે આપણા સમાજે ઘણુંકરીને હનીમૂનની રીતરસમ રાખેલ છે.

 

સ્ત્રીએ પોતાના જીવનસાથી ઉપર ભરોસો મુકવાનો હોય છે અને પતિ નો ભરોસો જીતવાનો હોય છે.સ્ત્રી તરફથી પતિ ની અપેક્ષા હોય છે કે પોતાનું ધ્યાન રાખવામાં આવે, સાચવણ અને સંભાળ રાખવામાં સ્ત્રીઓ હમેશા હોશિયાર હોય છે. જયારે પુરુષો યોજના બનાવીને એને આકાર આપીને તે પ્રમાણે અમલમાં મુકવામાં હોશિયાર હોય છે. ઘરની બહારના જરૂરી એવા કાર્યોમાં પણ પુરુષો ને સુજકો વધારે હોય છે.

 

હનીમુન દરમ્યાન સ્ત્રી હજુ નવી નવી પોતાના ઘરને, માતાપિતાને, મિત્રોને, સમાજને વિદાય આપીને પૂર્ણપણે જીવનસાથી માટે તન, મન અને આત્મા ના સંપૂર્ણ મિલન ની અભિલાષા સાથે પ્રભુતામાં પગલા માંડે છે.

 

ઓ હ્રદય, નિષ્ફળ પ્રણયનાં બે જ કેવળ નામ છે,
ચૂપ રહે તો આબરૂ છે, બોલે તો ઇલ્ઝામ છે…

– બરકત વિરાણી ‘બેફામ’

ઉપરોક્ત શેર દ્વારા બરકત વિરાણી એક સુંદર રજૂઆત કરે છે.

કભી ખુશી કભી ગમ એ તો સંસારની છબી છે. છતાં ઘણા સંબંધોમાં કાયમ ખુશી અથવા કાયમ ગમ હોય છે. કાયમ ખુશીનું જીવન પસાર કરતા ભાગ્યશાળીઓએ તંદુરસ્ત સમાજ માટે એક જ્વલંત ઉદાહરણ પૂરું પાડ્યું છે. આવો આપણે આજે વધુ પડતા દુ:ખી લગ્નજીવન જીવતા યુગલો માટે સીધા અને સરળ રસ્તાઓનું નિર્માણ કરીએ.

 

સ્ત્રી અને પુરુષ ની એકબીજા પ્રત્યે આકર્ષણ દ્વારા ઉભી થતી પોતપોતાની શારીરિક ભુખ અને જરૂરિયાતોને સંતોષવાની યુગ્મક્રિયા ને સેક્સ અથવા સંભોગ કહેવાય છે. મનુષ્યની સંભોગની ક્રિયા એ ફક્ત શારીરિક ક્રિયા નથી કારણકે એમાં સ્નેહના સ્પંદનો અને સંવેદનાઓની હાજરી પણ હોય છે. ઉન્માદ પણ હોય છે અને માદકતા પણ હોય છે. જોમ પણ હોય છે અને જુસ્સો પણ હોય છે. આ બધું જ ત્યારે જ શક્ય બને જયારે જીવનસાથીની સાથે વ્યક્તિ અરસપરસ મોજ મજા અને લહેર થી જીવતા હોય.

 

ફરી ફરી આપણી વાત એક મહત્વના મુદ્દા ઉપર આવીને અટકે છે કે યુગલ નો આપસમાં મનમેળ હોવો જરૂરી છે, જીવનમા સુખ અને શાંતિ હોવા જરૂરી છે. આપસમાં સ્વભાવનો મેળ ખાય તે માટે સપ્તપદીના સાત ફેરા વખતે બ્રાહ્મણ અને વડીલો ની સાક્ષીએ અપાયેલી શીખ ને જીવનમાં અનુસરવી એટલી જ જરૂરી છે.

 

એકબીજાની સાથે રહેતા રહેતા, અને એકબીજાના સ્વભાવ અને દિનચર્યાને અનુરૂપ થતા થતા જીવનસાથીએ એકબીજાને વફાદાર રહેવા અને એકબીજા પ્રત્યે પ્રેમપૂર્વક વ્યવહાર કરતા રહેવા માટે હર હમેશ અમુક મહત્વની વાતોને ધ્યાનમાં રાખવાની હોય છે.

 

1. તમારા જીવનસાથી હીરો અથવા હિરોઈન નથી પણ એનાથી જરાય ઉતરતા પણ નથી. રાજાને ગમે તે રાણી.

2. જીવનસાથીનો દેખાવ કોઈ પણ અન્ય વ્યક્તિ સાથે સરખામણી કરીને ચઢિયાતો અથવા ઉતરતો હોય છતાં જાહેરમાં એની ચર્ચા અથવા મજાક ન કરવી.

3. જીવનસાથી પોતાની આદતો અને સ્વભાવને બદલાવે તે માટે જરૂરથી થોડો સમય આપવો તથા બની શકે તો મૌનમા સહાયરૂપ થવું.

4. જીવનસાથી તરફથી સમજણશક્તિ સાથે ઈશારામાં જ વાતને સ્વીકારવી અથવા એનો અમલ કરવા પ્રયત્ન અવશ્ય કરવો.

5. જીવનસાથીનું માન સાચવવું અને વાતાવરણ હળવાશવાળું છે કે નહિ તે માટે જાગૃત રહેવું.

6. જીવનસાથી આખી જીન્દગી સાથ નિભાવવાના છે, તે પ્રમાણે બંનેનું મિલન એવી રીતે થાય કે પતિ અને પત્ની બંને એકમેકના પુરક હોય એવું વાતાવરણ સર્જાય, શરીરના મિલન ની સાથે સાથે હૈયાનું પણ મિલન થાય,…. જાણે લક્ષ્મી નારાયણ, જાણે શિવ પાર્વતી, જાણે રાધા કૃષ્ણ.

7. જીવનસાથી ને સેક્સ બાબતે પહેલેથી કોઈ પણ પ્રકારની શીખ ના મળી હોય એવું બને, તો આ બાબતનું નવયુગલે એકબીજા પ્રત્યે સૌ પ્રથમ ધ્યાન રાખવું.

8. પ્રથમ રાતના મિલનની જુદી જુદી કલ્પનાઓ અને સાંભળેલી, પિકચરમાં જોયેલી ભ્રામક દશ્યોને સત્ય માનીને તેનું અમલીકરણ કરવા ન પ્રેરાઈ જતા કુતુહલ અને જિજ્ઞાસાને સંતોષવા માટે યોગ્ય નિષ્ણાંતની યોગ્ય સમયે સલાહ લેવી આવશ્યક છે.

સાભાર : લેખક : ડો.ઝરણા દોશી … (મુંબઈ)

 

બ્લોગ લીંક : http://das.desais.net
email: dadimanipotl[email protected]

 

સેક્સ – જાતીયતા અંગેની પ્રાથમિક જાણકારી અને તેમાં ઉદભવતી સમસ્યાના નિવારણ અંગેની પ્રાથમિક માહિતી સાથે માર્ગદર્શન ડૉ. ઝરણાબેન દ્વારા આજની પોસ્ટમાં આપવાની નમ્ર કોશિશ અનેક મર્યાદાઓ ને ધ્યાનમાં રાખી કરવામાં અહીં આવેલ છે, આશા રાખીએ છીએ કે ડો.ઝરણાબેન નો આ નમ્ર પ્રયાસ આપને પસંદ આવ્યો હશે ? આપની કોઈ અંગત સમસ્યા હોય તો પણ ડો.ઝરણાબેન ને [email protected] અથવા ‘દાદીમાં ની પોટલી’ નાં ઈ મેઈલ આઈડી. [email protected] પર જણાવવા વિનંતી. આપની સમસ્યાનું યોગ્ય માર્ગદર્શન ડૉ.ઝરણાબેન દ્વારા ડાયરેક્ટ મોકલી આપવામાં આવશે અને આપની માહિતીની અંગતતા ની ખાસ કાળજી લેવામાં આવશે.

 

હવે પછી આ શ્રેણીમાં આપ  ક્યા વિષય પર વિશેષ  જાણકારી પ્રાપ્ત કરવા ઈચ્છો છો તે અંગેના આપના પ્રતિભાવ બ્લોગ પોસ્ટ પર જરૂર મૂકશો, આ ઉપરાંત આ શ્રેણી આપને પસંદ આવી કે નહિ તે બ્લોગ પોસ્ટ પર પર્તિભાવ આપી જણાવશો.  આપના પ્રતિભાવ દ્વારા લેખિકા ડૉ. ઝરણાબેન ને ક્યાં વિષય પર વધુ ભાર આપવો તે અંગે યોગ્ય પ્રેરણા તેમજ માર્ગદર્શન મળી રહેશે. આપના યોગ્ય  પ્રતિભાવ ની અપેક્ષા સાથે … આભાર ! ‘દાદીમા ની પોટલી’

ધ્યાન …( ભાગ -૩ ) …

ધ્યાન … ( ભાગ -૩ ) …

 

માત્ર ગુણો કેળવવા, તેને આત્મસાત કરવા તે જ સાધના નથી, સાચી મજા તો ધ્યાનમાં – એનામાં લીન થઇ જવામાં છે. ધ્યાન, ત્રાટક આદિ ક્રિયાઓ વિશે આજકાલ લોકોમાં કેટલીએ ગેરમાન્યતાઓ પ્રવર્તી રહી છે તેથી તે અંગે સાચી સમજણ જરુરી છે.

 

ડૉ. ઝરણાજી દ્વારા આ અગાઉ ધ્યાન – યોગ .. (મેડિટેશન) … વિષયે (તારીખ :૨ બીજી તેમજ ૨૧ મી ઓગસ્ટ,૨૦૧૨) ની પોસ્ટ દ્વારા ‘ધ્યાન દ્વારા રોગ ને દૂર કેમ રાખવા …’ તેમજ ‘ધ્યાન વિષે વધુ ઊંડી સમજણ …(ભાગ-૨)’ દ્વારા પ્રાથમિક જાણકારી મેળવી …

અમોને ખુશી છે કે આપના તરફથી સારા પ્રતિભાવ મળ્યાં. આપના સાનુકુળ પ્રતિભાવ બદલ અમો આપના અંતરપૂર્વકથી આભારી છીએ. તો ચાલો આજે ‘ધ્યાન …’  વિષય પર થોડી વધુ પ્રાથમિક જાણકારી મેળવવા કોશિશ કરીશું અને ઉપરોક્ત શ્રેણી માં આગળ જાણીએ   …

‘દાદીમા ની પોટલી’ પર ડૉ. ઝરણાબેન દ્વારા …. ‘ધ્યાન’  અંગેની  ઉપરોક્ત પોસ્ટ મોકલવા બદલ અમો તેમના અંતરપૂર્વક્થી આભારી છીએ…”

 

ધ્યાન—પુર્વ પરિચય અને પ્રાયોગિક પક્ષ નું મહત્વ…

 

આપણા વૈદિક કાલથી એક પ્રચલિત લોકવાયકા એવી છે કે જો કોઈ માનવી ધ્યાન, તપ, તપસ્યા, સાધના મા આગળ વધવાની ભાવના ધરાવતું હોય તો તે માનવીએ પોતે રચેલ, પોતાની આજુબાજુ રચાયેલ સંસાર, મોહ, માયા, ભોગ, રાગ, રંગ, દરેક નો ત્યાગ કરવો પડે અને ઘર-બાર, બૈરી-છોકરા, માતા-પિતા, ભાઈ બંધુ, સગાસ્નેહી દરેકને છોડીને કાંટાળી કેડીએ, દુખોને સહન કરવા માટે જંગલમાં નીકળવું પડે, ભુખ પ્યાસ હવા પાણી ઊંઘ આ દરેકને ભૂલી જવા પડે, ચલાવી લેવું પડે, સહન કરવું પડે.

 

ધ્યાન જગત આ બધાથી કંઇક ભિન્ન છે, અનોખું છે, અનંત પ્રકારની સુખમય પરિસ્થિતિ લાવનારું છે. પરંતુ આ સુખમય પરિસ્થિતિ નું સર્જન કેમ કરીને કરવું. અહી સાધનોની આવશ્યકતા એટલી બધી નથી જેટલી સાધનાની આવશ્યકતા છે. સુવિધાઓથી ભરપુર એક એવી જગ્યા જ્યાં આપણને વિચારવાનો કે પલક જપકાવાનો પણ સમય નથી કે આપણે સમયની હવે પછીની આવતી ક્ષણ માટે અંદર જાગૃતિ આણીએ. સમય ને કેવો આપણે સરકતો જોઈ રહ્યા છે. રાત ને નિદ્રાના ૭ કલાક અને દિવસની જાગૃતિ ના સમયના ૭ કલાક બંને આપણને ટુંકા અને લાંબા લાગે છે. એનું કારણ છે કે આપણા શરીરમાં દિવસના સમયે ઘણી બધી એવી જગ્યા છે કે જાગી જઈએ છીએ અને રાતે એવી ઘણી બધી જગ્યા છે કે જ્યાં આપણે સંપૂર્ણ પણે, અર્ધ પણે, અપૂર્ણ પણે સુતેલા હોઈએ છીએ.

 

ધ્યાન ની ભાષા ને સમજવી છે તો આપણે ધ્યાન માટેની જરૂરી એવી શક્તિને જમા કરીએ.

આ શક્તિ ના સ્વરૂપ ને આકાર ને વ્યાખ્યા આપીએ.

આપણે એક વ્યક્તિને ધ્યાન કરવા બેસાડીએ.

 

વ્યક્તિ જમીન ઉપર ચટાઈ, ચાદર, શેતરંજી, આસન પાથરીને બેઠી છે. (ધ્યાન કયા કયા ન કરવું અથવા કયા કયા ધ્યાન કરવાની કોશિશ ન કરવી.

જે ધ્યાન આપણે કહીએ છીએ જેમ કે ટટ્ટાર બેસીને, હાલ્યા ચાલ્યા વગર, આંખ બંધ કરી કલાકો ના કલાકો બેસી રેહવું.  ધ્યાન માટે બેઠેલી વ્યક્તિ ને બીજી શું શું આવશ્યકતા હોય. વાતાવરણમાં નીરવ શાંતિ હોય, આપણી અંદર સતત ચાલી રહેલા ઉત્પાતો, વ્યાકુળતા, જન્જાવત, ગડમથલ, ચિંતાઓ, ફરી યાદોનો ઉભરો, જાતજાતના મનસુખા, હજારો લાખો અંદર ધરબાયેલી ઈચ્છાઓ, આગળની પળોમાં કરવાના કામો વિશેના આપણા ધડમાથા વગરના વિચારો, આ બધામાં એક વ્યક્તિ કયા નીરાંતનો શ્વાસ પણ લઇ શકે છે કે શાંત ચિતે હાલ્યા ચાલ્યા વગર ધ્યાનમાં બેસે.

 

ધ્યાન માટે બેસનાર વ્યક્તિની હજુ એક જરૂરિયાત – સમય ની સુવિધા, મનોમન ધ્યાનમાં બેસવાની રસ્પુર્વકની ભાવના – આ બધું પણ ખાસ જરૂરી છે જેનાથી ધ્યાન ની ક્રિયા પૂરી થયી શકે.

 

પરંતુ હજુ પણ કંઇક ખૂટે છે એ છે આપણા શરીર, મન, ચિત્ત, બુદ્ધિ, અહંકાર, દરેકની એક મેક સાથેની ભીતરની તાદાત્મ્યતા.

ધ્યાનમાં આ એકસુર ની શક્યતા ક્યારે હોઈ શકે?

 

જયારે ધ્યાન મા બેસેલી વ્યક્તિ તથા ધ્યાન કરાવનાર વ્યક્તિની એવી તીવ્ર, અતિ ઉગ્ર એવી ધ્યાન કરનાર ની ઈચ્છા થકી આગળ માર્ગ મોકળો થાય.

 

ધ્યાન ની મહત્તા જીવનમાં ક્યારે ઉભી થાય?

 

આપણે બે ત્રણ લેખ થી એક જ ખાસ વાત કરીએ છે કે  જેની ઉપર વધારે આગ્રહ રાખીએ છીએ કે જે ધ્યાનમા આગળ વધવા માંગે છે તેની માટે ધ્યાન મગ્નતામા સ્વયમ ને ખોઈ દેવું, કુદરત સાથે એકતા અનુભવવી, ઈશ્વરના સંદેશવાહક બની જવું,અજવાશ પામીને બીજાના જીવનમાં પણ અજવાળું પાથરવું.

આવા અનુભવો ત્યારેજ શક્ય છે જયારે જીવનમાં અમુક પ્રકાર ની આપણે હાથે કરીને કશી વાંધા જનક પ્રવૃત્તિ મા પોતાની જાત ને રોકીને, ઇન્વોલ્વ કરીને ન રાખી હોય જેમકે …

૧.  અનિયમિત પણે જીવાતું જીવન.. સુવાના સમયે ઉજાગરા અને જાગવાના સમયે આળસ કરીને પડ્યા રહેવું.

૨.  અનિયમિત અને અયોગ્ય આહાર થકી પોતાના આરોગ્ય અને માનસિકતાને હાનિ પહોચાડી દીધી હોય છે.

૩.  અયોગ્ય વ્યક્તિના સંગ ને કારણે વણજોઈતી આદતોના શિકાર થવું જેમ કે દારૂ,જુગાર,ચોરી,ધોકાબાજી.

૪.  જીવન ના કપરા સમયે દુખી હ્રદય થકી વણજોઇતો કરેલો સંતાપ.

૫.  સમાજની પ્રતિષ્ઠા મેળવવા માટે પોલીટીક્સ મા આડંબર ભર્યું જીવન જીવવું.

૬.  આપણા હાથે દુર્બુદ્ધિ થકી અયોગ્ય ગુનાહિત કાર્યો ની વણજાર સતત ચાલુ રાખવી.

૭.  આપણા મનમાં કપટ ,ચાલાકી,દેખાડો,કાવાદાવા ને ભરીને રાખવા અને સમય આવે ત્યારે પોતાનું પોત પ્રકાશવું.

 

આપણી પ્રતિભા ને આપણે ઓળખી લેવી જરૂરી છે.

 

 

આપણે હમણાં કયા પ્રકારનું જીવન આપનાવ્યું છે, તે સૌ કોઈ પોતાના અંતરાત્માને પૂછે.

 

પોતાનું સ્વરૂપ ઓળખીને મનના દ્વારેથી અંતર્જગત ની યાત્રા નો આરંભ બહુ સરળ અને સહજ થઇ જાય છે.

ધ્યાન ને પોતાના જીવનમાં વણવા માટે આપણા જીવનમા સૌ પ્રથમ આપણે પ્રાથમિક પગલા લેવા જરૂરી છે.

આવો મનુષ્ય ના સ્વભાવની એવી રીતે છણાવટ કરીએ અને પોતાની જગ્યા,પોતાની અનુરૂપતા ક્યાં છે તેના દર્શન કરીએ.

 

૧.  શું મને કુદરત સાથે મિત્રતા છે?

૨.  શું હું અન્યને સહાયરૂપ થઇ રહેલ છુ?

૩.  શું મારી પાસે જ્ઞાન આપવાવાળા અને મને દીક્ષિત કરવા હેતુ કોઈ ગુરુ ની પ્રાપ્તિ થઇ છે?

૪.  શું મારા જીવનમાં હું ગુણોના વિકાસને અને દુર્ગુણોને ત્યાગવા બાબતે મહત્વ આપું છુ?

૫.  મારી અંદર કુદરતી ખજાના પ્રત્યે સભાનતા અને પશુ પક્ષીઓ ,દરેક જીવ માત્ર પ્રત્યે કરુણા છે?

 

આવો મિત્રો આપણે આપણા જવાબો ને પોતે જ ચકાસીએ.

આ એક એવું ધ્યાન છે જેમાં કુદરત તરફથી આશીર્વાદો ના અમીછાંટણા આપણી ઉપર વરસી શકે તેમ છે.

આ બાબતની નોંધ લેવાનું શરુ કરો, જીવનમાં ધ્યાન ની પળોમાં આપોઆપ ઉતરતા જશો એ વાત ચોક્કસ છે.

આપ સૌને મારી નમ્ર વિનંતી છે કે પોતાની અંદર ધ્યાન માટેની ક્ષમતા ને જાગૃત કરવાની જેની મહત્વકાંક્ષા છે તે સૌએ હકીકતમાં પ્રાયોગિક શિબિર મા હાજરી આપવી જરૂરી છે.

જીવનમાં જીવન જીવવાની કળાનો વિકાસ કરવા અર્થે ધ્યાન શિબિર ની પ્રાથમિક જાણકારી અર્થે આપ સૌને વધુ માહિતી અહી મળશે.

ડો ઝરણાં ૯૮૬૭૭૧૬૦૧૫ – મુંબઈ.

– ડૉ. ઝરણા દોશી

 

બ્લોગ લીંક: http://das.desais.net
Email: [email protected]

 

આપને આજની પોસ્ટ પસંદ આવે તો આપના પ્રતિભાવ બ્લોગ પોસ્ટ પર મૂકી ડૉ.ઝરણાબેન ના પ્રયાસને યોગ્ય પ્રતિસાદ આપશો. જે અમોનેપ્રેરણાદાયી અને માર્ગદર્શક બની રહેશે અને લેખિકાની કલમને બળ પૂરશે. ….

 

“સર્વે પાઠક મિત્રો ને વિનંતી કે આપ આપના પ્રતિભાવો દ્વારા આપને સતાવતા ‘ – યોગ – મેડિટેશન- ધ્યાન’  અંગેના કે જીવન ની સમસ્યા અંગેના કે સ્વાસ્થયને અંગે ઉદભવતા પ્રશ્નો બ્લોગ પોસ્ટ પર આવી જરૂર પૂછી શકો છો. ડૉ.ઝરણા દોશી … આપને તેનો જવાબ બ્લોગ પર આપવા જરૂર પ્રયત્ન કરશે. અથવા આપને ઉદભવતા કે મુંજવણ આપતા પ્રશ્ન કે રોગ બાબતે  Privacy / અંગતતા – જાળવવા ઇચ્છતા હોય તો આપની સમસ્યા ની વિગત ડાયરેક્ટ [email protected] ઉપર અથવા ડૉ.ઝરણા દોશી ને [email protected]  ઈ મેઈલ દ્વારા લખી ને મોકલી શકો છો, અમો તમારા email ID પર તે અંગેનું યોગ્ય માર્ગદર્શન મોકલી આપવા જરૂર કોશિશ કરીશું. ”

છોરું કછોરું થાય … (જીવન લક્ષ્ય) …

છોરું કછોરું થાય …. (જીવન લક્ષ્ય) …

 

છોરું કછોરું થાય, પણ માવતર કમાવતર ના થાય … 

 

“કુપુત્રો જાયેતી કવચિતપીદપી કુમાતા ન ભવતી” (કુપુત્ર જન્મી શકે છે પણ કુમાતા ક્યારેય જન્મતી નથી)   આ કહેવત આદ્ય ગુરુ શ્રી શંકરાચાર્યજી દ્વારા રચિત દેવ્યાપરાધક્ષમાપના સ્ત્રોત ના સ્લોકાંશ ઉપરથી અવતરિત છે.

આ કહેવતમાં માં-બાપનો સંતાન માટેનો પ્રેમ અને ત્યાગ વર્ણવવામાં આવ્યો છે. છોરું કછોરું થાય એટલે કે સંતાન ક્યારેક એવી પાકે કે જે માવતરના કહ્યામાં ના હોય. આમ આ કહેવત માવતરની મોટાઈ બતાવવા માટે ઉપયોગમાં લેવામાં આવે છે. આ કહેવત ખાસ કરીને ત્યારે ઉપયોગમાં લેવામાં આવે છે કે જયારે સંતાન પોતાના માવતરને ખુબ દુખ આપે પણ એના બદલામાં માવતર એને પ્રેમ અને ત્યાગ જ આપતા હોય છે.

આજના આધુનિકતાના જમાનામાં નવી અને જૂની પેઢીમાં   તાણ અને મતભેદ પહેલાં કરતા વધ્યા છે.  આજે યુવાપેઢી ની ઉંમર નાની છે તેઓ એમનાથી મોટી ઉંમરના દરેક વડીલો કરતા પોતાની જાતને વધુ હોંશિયાર અને ચાલાક સમજે છે.  માતા પિતા અને મોટા ભાઈ બહેન કે પછી અન્ય વડીલો પ્રત્યે હમણાના યુવા બાળકોને એવી કોઈ લાગણી ઉદભવતી નથી કે તેઓ વડીલોનું કહ્યું માને, વડીલો માટે પણ બાળકો એક ચિંતા નું કારણ અને મોજ મજામાં ખલેલ પડવા માટેના નિમિત સમજી રહ્યા છે.  વણનોતર્યા કે અવતરેલા બાળકો નો આજે ચારે તરફ સમૂહ નિર્માણ થયો છે.

 

આવો આપણે જોઈએ કે કયા કયા વિષય છે જેમાં અત્યારે નવા જુના જમાનાનો ભેદ વકર્યો છે. યુવાનો ક્યાં ભૂલો કરે છે?  વડીલો ક્યાં ભૂલો કરે છે ?  યુવાનો કયા કયા ગુણો ધરાવે છે?  વડીલો કયા કયા ગુણો ધરાવે છે ?  …  આ બધું જાણવાથી અને સમજવાથી આપણે એક બીજાની ભૂલો ને અવગણીને એકબીજાના ગુણોને અપનાવીએ તો એમ થઇ શકે કે બંને વચ્ચેની ભેદરેખા ભૂંસાઈ શકે.  અહીં  આપેલા તમામ મુદ્દાઓમાં એવો સંદેશો આપવાનો પ્રયત્ન કરવામાં આવ્યો છે કે આપણામાં આ ગુણો ની છબી ના દર્શન થાય.

 

યુવાનોની ભૂલો …

 

1. યુવાઓને રાત્રે જાગવું હોય અને દિવસે સુવું હોય.
2. યુવાઓને દૂધ ની જગ્યાએ દારૂ અને શરબત ની જગ્યાએ પેપ્સી અને થમ્સ અપ પીવા હોય.
3. યુવાઓને બહાર ફરવા જવું હોય.
4. યુવાઓને પાર્ટી કરતા રહેવું હોય.
5. યુવાઓને ભણતરમાં રસ ના હોય.
6. યુવાઓ ને જવાબદારીમાં ( થી ) બંધાવું ના હોય.
7. યુવાઓને ફાસ્ટ ફૂડમાં  જ રસ હોય.
8. યુવાઓને મહેનત વગર બધી જ સુવિધા અને જીત મેળવવી હોય.
9. યુવાઓને હમેશા નવા નવા સાધનોને વાપરતા રહેવું હોય.
10. યુવાઓને નશીલા પદાર્થો અથવા નશાકારક વાતાવરણમાં  રહેવું હોય.

 

વડીલોની ભૂલો …

 

1. વડીલોને પોતાની વાતને વિસ્તારથી કહેવી હોય.
2. વડીલોને એમના બાળકો મોટા થઇ જાય તે કબુલ નથી હોતું.
3. વડીલોને એમના બાળકોના આત્મવિશ્વાસની બદલે ફક્ત ઉછાંછળાપણું જ સામે દેખાતું હોય છે.
4. વડીલોને ગંભીરતાપૂર્વક કાર્યો કરવાની આદત હોય.
5. વડીલો આખા દિવસમાં ધીમે ધીમે કાર્યો કરે.
6. વડીલો જૂની પધ્ધતિ પ્રમાણે રૂબરૂ મળીને જ કાર્ય કરવામાં માનતા હોય.
7. વડીલો આખા કાર્યનો ભાર પોતાના ઉપર લઈને ચિંતા અને તાણ સાથે જીવન પસાર કરે.
8. વડીલો ને પોતાના બાળકો અને પરિવાર પ્રત્યે ખુબ જ લાગણી હોય.
9. વડીલો માટે દુનિયા બહુ જ સીમિત હોય છે.
10. વડીલોને જેમની સાથે અણબનાવ હોય તેમની સાથે મનમેળ કરતા વાર લાગે.

 

યુવાઓના ગુણો …

 

1. યુવાઓ હસતા રમતા આધુનિકતા ની ઝડપ સાથે તાલ મેળવીને કાર્ય કરવાની ક્ષમતા ધરાવે છે.
2. યુવાઓને નવી આધુનિક ટેકનોલોજી થકી ઝડપથી કાર્યો કરવા હોય.
3. યુવાઓને માટે એક સાથે ઘણા કાર્યો કરવાની ફાવટ હોય છે.
4. યુવાઓને અજાણ્યા લોકો સાથે બહુ જલ્દી દોસ્તી કરવાની ફાવટ હોય.
5. યુવાઓના મનમાં કોઈ કપટ ના હોય.
6. યુવાઓને સગાવ્હાલા કરતા પણ મિત્રો નો સાથ ઘણો હોય છે.
7. યુવાઓ આપસમા ગેરસમજન ને ત્વરિત સ્પષ્ટ કરતા હોય છે.
8. યુવાઓ ને ઘણા બધા વિષયોમાં એક સાથે રસ હોય છે અને જ્ઞાન પણ હોય છે.
9. યુવાઓની દુનિયા વિશાળ હોય છે,આધુનિક્તાના ઉપયોગને કારણે દેશ વિદેશ મા તેઓ સમ્પર્કમા રહેતા હોય છે.
10. યુવાઓમા હિંમત ખુબ હોય છે.વ્યાપારમાં પણ ઘણી જવાબદારી ઉપાડીને વિસ્ત્રુતીક્ર્ણ કરતા હોય છે.

 

વડીલોના ગુણો …

 

1. ઘરની વાત ઘરમાં જ રાખવા ના ગુણો તો વડીલોમાં જ હોય.
2. વડીલો હમેશા પહેલા પોતાના પરિવાર માટે વિચારે પછી એ મોજશોખ હોય કે સારો પ્રસંગ હોય.
3. વડીલો પોતાના બાળકો પ્રત્યે હમેશા માયાળુ અને લાગણીશીલ હોય છે.
4. વડીલો પોતાના સ્વાર્થની પરવા કર્યા વગર પોતાની ફરજ બજાવતા હોય છે.
5. વડીલો પોતાની બધી જ મૂડી વાપરીને પણ બાળકોનો અભ્યાસ કરાવતા હોય છે.
6. વડીલો મૂંગે મોઢે બધા કાર્ય નો ભાર ઉપાડે છે.
7. વડીલો જીવનના અંતિમ શ્વાસ સુધી બધા સાથે સંબંધો સાચવવામાં માનતા હોય છે.
8. વડીલો માટે મુખ્ય હેતુ પરિવારને ખુશ રાખવાનો હોય છે.
9. વડીલો ધાર્મિકતા માટે વધુ સમય ફાળવવા માંગતા હોય છે.
10. વડીલો પોતાની જરૂરિયાતોને સીમિત કરીને પણ પોતાના બાળકોના બધા જ શોખ અને સુવિધા પૂરી પાડતા હોય છે.

 

આ પ્રકારના બારીક નિરીક્ષણ ની સમાજને અને સમસ્ત વિશ્વને જરુરિયાત છે.

 

વાચકમિત્રો આપ સૌને પણ આમંત્રણ છે કે આવાજ પ્રકારના તમારા અનુભવોને પણ તમે અમારી સમક્ષ બ્લોગ પોસ્ટના કોમેન્ટ્સ બોક્ષમાં અથવા ઈ મેઈલ  દ્વારા રજુ કરી શકો છો.

સાભાર : – ડૉ.ઝરણા દોશી … (મુંબઈ)

 

બ્લોગ લીંક: http://das.desais.net
email: [email protected]

 

‘દાદીમા ની પોટલી’ પર ‘જીવન લક્ષ્ય’ શ્રેણી હેઠળ આજની પોસ્ટ મોકલવા બદલ અમો ડૉ.ઝરણાબેન ના આભારી છીએ. આજની પોસ્ટ આપને પસંદ આવી હોય તો આપના અનુભવ અને આપની સમજણને કોમેન્ટ્સ બોક્ષમાં પ્રતિભાવ દ્વારા શેર કરશો … આભાર ! ‘દાદીમા ની પોટલી’

આનંદબ્રહ્મ …

આનંદબ્રહ્મ … 

મિત્રો, ધ્યાન જગતનો પરિચય આપણે ધીરે ધીરે મેળવી રહ્યા છીએ.રોજીંદા જીવનમાં આપણી આજુબાજુ કોઈ  ને કોઈ  પ્રસંગો ઘટતા (બનતા) હોય છે.,  જેમાં કઈ ને કઈ હાસ્ય છુપાયેલું હોય છે, બસ  ફક્ત તે હાસ્ય મેળવવાની   દ્રષ્ટિ   કેળવવાની છે.   હાસ્યની સાથે એ પ્રસંગ ઘણીવાર આપણને કઈ ને કઈ પ્રેરણા આપી જતા હોય છે.

તો ચાલો આજે એક નવી જ રીતે હાસ્ય સાથે  જાણકારી આપતી પોસ્ટને માણીએ…


આવો આપણે જોઈએ કે નીચે રજુ કરેલા જોક્સ મા આપણે શું સાર ગ્રહણ કરીએ જે દુધમાં માખણની જેમ છુપાયેલો છે અને આપણા જીવનમાં અજવાળું પાથરી શકે તેમ છે.

૧.  ટીચર: સાત રીંગણાને દશ લોકો વચ્ચે કેવી રીતે વહેચાશો?
છોકરો માથું ખંજવાળતા બોલ્યો – ઓળો બનાવીને

જોક પાછળનો સંદેશો : બાળક ગણતરીમાં ગૂંચવાયેલો નથી.બાળક ને પ્રેમ ના પ્રસંગો હમેશા યાદ રહે છે, એમાં કઈ શીખવાડવું પડતું નથી,જ્યાં પ્રેમ છે ત્યાં બાળક આપમેળે શીખે છે..બાળક ની નિર્દોષતા આપણને પણ હસાવી રહી છે.ધ્યાન માર્ગને અપનાવનાર પરિવારના જીવનમાં આવા ખેલદિલીના પ્રસંગો રોજીંદા બનતા હોય છે.


૨.  ઘરાક: આ તમે કેવો સાબુ આપ્યો હતો? બધા કપડા સંકોચાઈ ગયા
દુકાનદાર: એવું કરો તમે પણ એ સાબુથી નહિ લો. એટલે તમને કપડા બરાબર આવી જશે.

જોક પાછળનો સંદેશો: જેવી આપણામાં હાજરજવાબીપણાની આવડત હોય તેવી આપણા ઘરાકોને હમેશા પ્રભાવકારી સારી અસર પડે છે.ઘરાકને એવો સચોટ અને સંતોષકારક ઉત્તર આપવાની કળા હોવી જોઈએ કે ઘરક આપણી વસ્તુને વારે વારે ખરીદવાની તલપમા રહે અને એને અમલ મા મુકે.આપણે આપણા બિઝનેસ માટે ઉંચામાં ઉંચો અભિગમ ધરાવવો જોઈએ.પછી ભલે આપણે એમની વાતને ધ્યાનપૂર્વક સાંભળીને એમને સંતોષ થાય એવી વસ્તુ બતાવીએ તો સસ્તું લઇ જવાને બદલે ક્વાલિટી વસ્તુ લઇ જવાની ટેવ પડાવીએ.

૩.  એક તાજું પરણેલું યુગલ હતું. નવદંપતી બંને એકલા જ રહેતા હતા.
એક દિવસ પત્નીએ પોતાના પતિના હાથની બનાવેલી રસોઈની તારીફ કરતા કહ્યું : ‘ શ્યામ ! તમને રાંધતા તો ખરેખર સરસ આવડે છે. હવે હું કદી હોટલમાં જમવા જવાની ઈચ્છા નહિ કરું.તમે જ હંમેશા ઘરમાં રાંધતા રહેજો.’
એટલું કહી પત્નીએ પૂછ્યું – ‘એ તો કહો કે આટલું સરસ રાંધતા તમે તમારી માં પાસેથી શીખ્યા?’
‘માં પાસેથી નહિ મારા પિતા પાસેથી.’ પતિએ કહ્યું.

જોક પાછળનો  સંદેશો: આજના યુગ નો કટાક્ષ તો દેખાય જ છે ,ઉપરાંત ઘરે ઘરે આવા સીન મામુલી થઇ ગયા છે તે દર્શાવ્યું છે.હકીકતમાં વાત સો ટકા સાચી જ જણાવી કે હોટલમાં પણ પુરુષ કારીગર જ બધા માટે ભોજન બનાવતા હોય છે.સ્ત્રી જયારે જમવાનું બનાવે ત્યારે તેમાં એના ભાવ ને રેડતી હોય છે પરંતુ પુરુષ જયારે ભોજન બનાવે તો એમાં સ્વાદ ,રૂપ,રંગ અને પરફેક્ટ થાય તેનું પણ ધ્યાન રાખતા હોય છે.


૪.  ગુજરાતીની પરીક્ષા હતી, તેમાં નીચેના વિષયો પર નિબંધ લખવાનો હતો.
‘આળસ કોને કહેવાય ?’


ટપુ આળસુ વિષય જોઇને હસ્યો અને એ જ વિષય પર નિબંધ લખી નાખ્યો.
વર્ગ શિક્ષક પરીક્ષાની નોટો તપાસવા બેઠા. ટપુની નોયમાં પહેલા બે પાના કોરા હતા. અને તદ્દન નીચે એક લીટી લખી હતી. ‘આને આળસ કહેવાય.’

જોક પાછળનો સંદેશો: અહી એ બાબતનું ધ્યાન દોરવામાં આવ્યું છે કે જેટલું કોઈ વ્યક્તિ પોતાને પુસ્તકના કીડા સમજીને ગોખેલો જવાબ લખે એના કરતા વાસ્તવિકતાનો ચિતાર આપવો હોય તો એની રજુઆતમાં કળા કૌશલ્ય હોવું જરુરી છે.જેમ જેમ વ્યક્તિ ધ્યાન ને પોતાના જીવન મા અપનાવતો થઇ જાય તો આવી કળા અને જ્ઞાન સાથે ગમ્મત સહજ સુજે છે.

 

બ્લોગ લીંક : http://das.desais.net
email: [email protected]

 

ડૉ. ઝરણાબેન દ્વારા આજની હાસ્યની પોસ્ટ આપની સમક્ષ એક અલગ જ અંદાજથી મોકલવા માટે નમ્ર પ્રયાસ કરવામાં આવેલ છે, આશા રાખીએ છીએ કે આજની પોસ્ટ આપને પસંદ આવી હોય તો,  આપના પ્રતિભાવ બ્લોગ પોસ્ટ પર મૂકી આભારી કરશો., આપના પ્રતિભાવ અમારા માટે માર્ગદર્શક અને પ્રેરણાદાયી બની રહેશે. ‘દાદીમા ની પોટલી’ પર આજની પોસ્ટ મોકલવા બદલ અમો ડૉ.ઝરણા દોશી નાં અંતરપૂર્વકથી આભારી છીએ. ..

સેક્સ અંગે પ્રાથમિક જાણકારી … (સેક્સ એજ્યુકેશન -જાણકારી અને માર્ગદર્શન) …

સેક્સ અંગે પ્રાથમિક જાણકારી … (સેક્સ એજ્યુકેશન -જાણકારી અને માર્ગદર્શન) 

 

 

સેક્સ એજ્યૂકેશન …. તે અંગેની પ્રાથમિક જાણકારી …અને
વિવાહિત જીવન દરમ્યાન કે તે પહેલા ઉભી થયેલ સમસ્યાનું નિવારણ અને ઉપાય … માર્ગદર્શન …

 

આ અગાઉ આપને અમારા દ્વારા જાન કરવામાં આવેલ કે જો આપ ઇચ્છશો તો ડૉ. ઝરણાબેન દ્વારા સેક્સ એજ્યુકેશન અંગે માર્ગદર્શન અને પ્રાથમિક જાણકારી આપવામાં આવશે.,  આપના રિસ્પોન્સ ને ધ્યાનમાં લઇ આજથી  આપણે સેક્સ બાબતે જરૂરી અને પાયાનું મહત્વનું જ્ઞાન ડૉ.ઝરણાબેન  દ્વારા  ચાલો મિત્રો મેળવીએ, જેનાથી આપણી મનની અંદર ઉદભવતા પ્રશ્નો તેમજ આપણા પરિવારમાં યુવા વયમાં પ્રવેશતા બાળકોની જીજ્ઞાશા અને કુતૂહલને સંતોષકારક સ્પષ્ટતા આપી શકીએ.  

 

 ‘દાદીમા ની પોટલી પર આજની પોસ્ટ મોકલવા બદલ અમો ડૉ. ઝરણાબેન દોશી ના અંતરપૂર્વક્થી આભારી છીએ.

 

 

મનુષ્યનું જીવન અનેક પ્રકારના પાસાઓને લઈને પૂર્ણ સ્વરૂપે પહોચે છે. જન્મ થી લઈને મૃત્યુ પર્યંત આપણને કુદરત તરફથી મળેલી ભિન્ન ભિન્ન પ્રકારની ભેટ અને આશીર્વાદોને આપણે કઈ રીતે સમજીએ છીએ, કઈ રીતે આપણને મળેલી બક્ષિશો ને સાચવીએ છીએ અને શરીર થી મન, મનથી આત્મા સુધીના આંતરિક વિકાસ થકી સ્વયંનો તેમજ સૃષ્ટી નો સર્વાંગી વિકાસ થવામાં એકરૂપ થઈએ છીએ તે અતિ મહત્વનું છે. સેક્સ એક કુદરતી પ્રક્રિયા છે. કુદરતની રચેલી સૃષ્ટીમાં જીવવા માટેની તમામ જરૂરિયાતોમાં મહત્વનો પાયો છે. જેમ આપણી શારીરિક જરૂરિયાત અન્ન, પાણી, હવા છે તેમ શરીર સાથે જોડાયેલું આપણું મન અને મન સાથે જોડાયેલો આપણો આત્મા, આ દરેક ની સીધી અને સાદી જરૂરિયાતોમાં એક પ્રાથમિક જરૂરિયાત સેક્સ છે.

 

સેક્સ (મૈથુન) વિષે સ્ત્રી – પુરુષના જાતિય સંબંધ અને સેક્સ બાબતે વધુ જાણવાનો પ્રયત્ન કરીએ જેથી આ બાબતે આપણા બાળકોને લગ્ન બાદ અને પુખ્ત અવસ્થામાં આવેલ તમામ સ્ત્રી પુરુષોને સાચું માર્ગદર્શન મળી રહે. જેમ આપણા શરીરમાં માથા થી લઈને પગ સુધીમાં જુદા જુદા અંગો છે અને દરેક અંગનું એક આગવું કાર્ય છે અને દરેક અંગ એકબીજા સાથે જોડાયેલું છે. એજ પ્રમાણે સેક્સક્રિયા દરમ્યાન આવો આપણે સ્ત્રી અને પુરુષ ના ઉપયોગમાં આવતા મહત્વના અંગો વિષે જાણકારી મેળવીએ.

 

સૃષ્ટિના સમતોલ અને સમાંતર રૂપ ને ધ્યાનમાં રાખીને કુદરતી રીતે જ બે જુદા જુદા એવા જીવોનો ઉદભવ થયો છે જેમાં એક જીવ સ્ત્રી શરીર છે અને એક જીવ પુરુષ શરીર છે. સ્ત્રી શરીર ની રચના એવી છે કે તેઓને યુવા અવસ્થા દરમ્યાન કોમળતા રૂપી સ્તન અને પ્રજનન અંગોમાં યોની આપવામાં આવેલ છે જે પુરુષ શરીરથી જુદા પડતા દેખાતા અંગો છે. પુરુષ શરીરને યુવા અવસ્થામાં મજબુતાઈ અને પ્રજનન અંગોમાં શિશ્ન આપવામાં આવેલ છે. બંને શરીરોના મિલન થકી તેમજ સર્જનાત્મકતાની પદ્ધતિ થકી સંભોગ દ્વારા સ્ત્રી શરીર અને પુરુષ શરીર આપસમાં પોતપોતાની સંપૂર્ણ મરજી થકી યુવા અવસ્થા બાદ એકબીજા સાથે સહવાસ કરીને પ્રજનન અંગોના મિલન થકી અનેરો આનંદ માણતા હોય છે. આ મિલન થકી બાળકોનો જન્મ પણ થાય છે, મિલન થકી યુગલ આપસમાં એકબીજાની વધુ નજીક આવી શકે છે, એકબીજાના સથવારા થકી અને સમજણ શક્તિના વિકાસ થકી સંસારરૂપી રથને ઉતમ રીતે ચલાવી જાણે છે.

 

મિત્રો, હવે આવો આપણે લગ્નજીવન ની પહેલા અને પછી આવતી સમસ્યાઓને જાણીએ, સમજીએ અને એના નિવારણ ના ઉપાયોને અમલમાં કઈ રીતે મુકવા તે પણ જોઈએ.

 

સ્ત્રી અથવા પુરુષ ની મુગ્ધા અવસ્થા થી જ શરીર અને મનમાં પરિવર્તન આવવા લાગે છે, આ દરમ્યાન બંનેને મનમાં વિચારો અને કલ્પનામાં અનોખા પ્રકારના ક્યારેય ન અનુભવેલા સ્પંદનો ઉદભવે છે. આ સમય એવો છે જ્યાં અનુભવીઓ અને વડીલોના માર્ગદર્શનના સાથ થકી જે સ્પષ્ટતા મળી રહે તો સમસ્યાને કોઈ સ્થાન ન રહે.

 

લગ્નજીવનમાં આવતી સમસ્યાઓ …

 

1. આપસમાં સ્વભાવનો મેળ ના ખાવો.

2. સંતાન ન થવા.

3. પરસ્પર પ્રેમ ના થવો.

4. સ્ત્રી અથવા ક્યારેક પુરુષની કામેચ્છાનો જલ્દી અસ્ત સમય આવવો.

5. પોતાના ભૂતકાળના દિવસોની યાદમાં સતત ખોવાયેલા રહેવું.

6. એકબીજા પ્રત્યે લેવડદેવડ જેવો સંબંધ જ બાકી રહેવો.

7. કોઈ એક પાત્રની સતત અને ગંભીર માંદગી રહેવી.

8. ઘરમાં સયુંકત પરિવારમાં સ્વભાવ મેચ ન થવા અને તણખલા ઝર્યા કરવા.

9. મોટી આર્થીક મુશ્કેલી આવી જવી.

10. કોઈ પણ એક પાત્રને પ્રજનન અંગો બાબતે અંગત સમસ્યા રહેવી.

 

આવો અનેક યુવાઓ અને યુગલોની અમુક સમસ્યાઓના કારણોને ધ્યાનમાં લઈએ….

 

1. સમય, સમજણ અને સહનશક્તિનો અભાવ રહેવો.

2. પોતાના જ શરીર સાથે અડપલા અને પછી અણસમજને કારણે કરેલું અયોગ્ય પદ્ધતિ થકી કરેલું હસ્તમૈથુન.

3. વિરોધી શરીર પ્રત્યે કાયમની કુતુહલતા અને એને લઈને સતત વૈચારિક મતભેદ.

4. કોઈ એક પત્રને વધુ પડતી કામેચ્છાની ભાવના થવી તથા અસંતોષની કાયમ મનોવ્યથા રહેવી.

5. સેક્સ પ્રત્યે બાળપણથી જ સુગ રાખવાના સંસ્કાર પડી જવા.

6. નાનપણમાં કોઈ દુર્ઘટનને કારણે સેક્સ પ્રત્યે અરુચિ થઇ જવી.

7. સેક્સની ક્રિયામાં ઉતરવા માટે પહેલેથી જ નિષ્ફળતાનો ભય સતાવવો.

8. લગ્નજીવન ના આરંભ થવા પહેલા જ અન્ય પસંદની વ્યક્તિ સાથે છુટછાટ લઇ લેવી.

9. નશીલા દ્રવ્યો જેમ કે તમ્બાકુ, ગુટકા, માવા, દારૂ, ડ્રગ્સ, સિગારેટના વ્યસન મા વ્યસ્ત રહેવું.

10. પરિવાર મા કોઈને સેક્સ ના અંગો બાબતે ગંભીર બીમારી થવી.

11. કમને માતાપિતાની પસંદગીના પાત્ર સાથે લગ્નજીવન નો આરંભ કરવો.

12. દિવસ રાત પોતપોતાની પ્રવૃતિમાં રચ્યા પચ્યા રહેવું.

 

આવો હવે આ બાબતે આપણે નિવારણ, ઉપાય અને માર્ગદર્શન મેળવીએ …

 

આજના યુગના બાળકો બહુ જલ્દી મુગ્ધા અવસ્થામાં અને પછી પુખ્તવયના થઇ જતા હોય છે. જો બાળકોને સમયસર સેક્સ પ્રત્યેની સાચી સમજણવાળું જ્ઞાન આપીએ છીએ તો તેઓના આવેગને અને આવેગ થકી થઇ શકતા અનાચરણ સુધી પહોચવાના રસ્તાઓ પર બંધ બાંધવો સહેલો થઇ રહે છે.

 

આવો આપણે આ સમસ્યાના નિવારણના અમુક મુદ્દાઓ ધ્યાનમાં લઈએ. …

 

1. પતિપત્નીની પરસ્પર આદર અને સમ્માનની ભાવના.

2. પરિવારના બધાજ સભ્યો માટે એકબીજાના હ્રદય મા એક આગવું ભાવનાત્મક સ્થાન.

3. એકતા ની ભાવના નો વિકાસ.

4. દરેક અવસ્થામાં જરૂરી એવા સંસ્કારોનું સિંચન.

5. બાળકોની તમામ દૈનિક પ્રવૃત્તિ ઉપર બારીક અને સૌમ્ય નિરીક્ષણ.

6. આધુનિકતા ને અપનાવતા પહેલા સંયમરૂપી નિયમોની સર્વસંમતિ થકી યાદી.

7. એકબીજાની પોતાના જીવનમાં રહેલી મહતાનું આગવું મૂલ્યાંકન અને જાગૃતિ.

8. જીવનની રોજેરોજની પોતાની પ્રવૃત્તિ થકી સાથે રહેનાર બાળકો અને યુવા બાળકો પર પડતા સંસ્કારો પ્રત્યે સતર્કતા અને સૌમ્ય આચરણ.

9. બાળકોના માનસિક અને આધ્યાત્મિક વિકાસ પ્રત્યે હકારત્મક વલણ અને તેનું અનુસરણ.

10. પતિપત્ની ના આપસી સંબંધોમાં રખાતી જરૂરી ગોપનીયતા.

 

ડો.ઝરણા દોશી …

 

બ્લોગ લીંક : http://das.desais.net
email: [email protected]

 

સેક્સ – જાતીયતા અંગેની પ્રાથમિક જાણકારી અને તેમાં ઉદભવતી સમસ્યાના નિવારણ અંગેની પ્રાથમિક માહિતી સાથે માર્ગદર્શન ડૉ. ઝરણાબેન દ્વારા આજની પોસ્ટમાં આપવાની નમ્ર કોશિશ અનેક મર્યાદાઓ ને ધ્યાનમાં રાખી કરવામાં અહીં આવેલ છે, આશા રાખીએ છીએ કે ડો.ઝરણાબેન નો આ નમ્ર પ્રયાસ આપને પસંદ આવ્યો હશે ? આપની કોઈ અંગત સમસ્યા હોય તો પણ ડો.ઝરણાબેન ને [email protected] અથવા ‘દાદીમાં ની પોટલી’ નાં ઈ મેઈલ આઈડી. dadimanipotli”gmail.com પર જણાવવા વિનંતી. આપની સમસ્યાનું યોગ્ય માર્ગદર્શન ડૉ.ઝરણાબેન દ્વારા ડાયરેક્ટ મોકલી આપવામાં આવશે અને આપની માહિતીની અંગતતા ની ખાસ કાળજી લેવામાં આવશે.

 

હવે પછી આ શ્રેણીમાં આપ વિશેષ ક્યા વિષય પર વિશેષ  જાણકારી પ્રાપ્ત કરવા ઈચ્છો છો તે અંગેના આપના પ્રતિભાવ બ્લોગ પોસ્ટ પર જરૂર મૂકશો,આપના પ્રતિભાવ દ્વારા લેખિકા ડૉ. ઝરણાબેન ને યોગ્ય પ્રેરણા તેમજ માર્ગદર્શન મળી રહેશે. આપના યોગ્ય  પ્રતિભાવ ની અપેક્ષા સાથે … આભાર ! ‘દાદીમા ની પોટલી’

ધ્યાન વિષે વધુ ઊંડી સમજણ …(ભાગ-૨) …

ધ્યાન વિષે વધુ ઊંડી સમજણ …(ભાગ-૨) …

 – ડૉ. ઝરણા દોશી …

 

ડૉ. ઝરણાબેન પાસેથી આપણે ઓગષ્ટ માસની શરૂઆતમાં જ ધ્યાન – યોગ – મેડીટેશન … અંગે પ્રથમિક માહિતી મેળવેલ, અને તેના ખૂબજ સુંદર પ્રતિભાવ અનેક વાંચક વર્ગ તરફથી અમોને મળેલ, જે બદલ અમો તેમના અંતરપૂર્વકથી આભારી છીએ. આજે ફરી તે જ વિષયને આગળ વધારીએ છીએ અને ‘ધ્યાન વિષે વધુ ઊંડી સમજણ’ આપણે ડૉ. ઝરણાબેન પાસેથી મેળવવા કોશિશ કરીશું. વાંચક મિત્રો ને ખાસ વિનંતી કે આપ આપના ધ્યાન ના અનુભવ, આપની જો ધ્યાન અંગેની સમસ્યા હોય તો તે વિના સંકોચ બ્લોગ પોસ્ટ ના પ્રતિભાવ બોક્ષ દ્વારા જણાવશો. ‘દાદીમા ની પોટલી’ પર આજની પોસ્ટ મોકલવા બદલ અમો ડૉ.ઝરણાબેન ના અંતરપૂર્વકથી આભારી છીએ. હવે પછીની તેમની પોસ્ટ, ઘણા સમયથી અમોએ અગાઉ જાણ કરેલ, તેમ સેક્સ અને તેમની પ્રાથમિક જાણકારી અંગેની હશે. આશા રાખીએ છીએ કે આપ બ્લોગ પોસ્ટ નિયમિત રીતે જોતાં રહેશો.

 

 

જેમને જેમને ‘ધ્યાન’ માં  રસ છે અને આગળ વધવું છે તે દરેક વાચક મિત્ર સ્વયંને આ પ્રશ્ન પૂછે……

 

સૌ પ્રથમ આપણે એ નક્કી કરવું પડે કે ‘ધ્યાન’ એટલે મારી પોતાની સમજણ શું છે ?  ધ્યાન મેં કેટલી હદે રસપૂર્વક ગણતરીમાં લીધું છે ?   ધ્યાન કરવા માટે મારે શેની શેની સુવિધા કરવી પડશે ?  હું કોને ધ્યાન કહું છુ ?  મેં એવા કયા ધ્યાન અથવા ધ્યાનીને ધ્યાનમાં લીધા છે ?  મને ધ્યાન કરવાની પિપાસા જાગી છે કે મારે ધ્યાન ને એક શસ્ત્ર તરીકે વાપરીને કઈ ફાયદો જોઈએ છે ?

આપણે સૌ જાણીએ છીએ કે ધ્યાન એ આપણી પ્રાથમિક જરૂરિયાત નથી., ધ્યાન એ આપણી આરામદાયક સ્થિતિ માટેની જરૂરિયાત પણ નથી., ધ્યાન એ મનોરંજન નથી, મનોભંજન છે.  મનને આરપાર વીંધવાની પ્રક્રિયા છે.  ધ્યાનની ચર્ચા ના હોય, સીધું અનુસરણ હોય.  ધ્યાનમાં મનોરંજન શક્ય નથી, પરંતુ હા મનોરંજનમાં આપણને જે તલ્લીનતા અને રસલીનતા પસંદ છે તે માણવા મળી તો એમ કહેવાય કે આપણે ધ્યાન કર્યું અથવા ધ્યાન આપણા દ્વારા થયું.  જે આપણને એક પ્રકારનો અનુભવ કરાવી ગયું અને આપણે તન, મન, હૃદય થી તલ્લીન બની ગયા.  સ્વયંને વિસરી ગયા અથવા ઓતપ્રોત થઇ ગયા.

 

જેમ જેમ આપણી સમજણ વધતી જશે કે ધ્યાન એટલે મારી માટે શું છે તેમ તેમ ધ્યાન આપણી માટે પુસ્તકિયું જ્ઞાન અથવા ગોખણીયું ગણિત બનીને નહિ રહે.  ધ્યાન એ ભણતર નો વિષય હોત તો હમણાં સુધીમાં યુનિવર્સીટીમા ફરજીયાત ભણાવામાં આવ્યું હોત. પરંતુ ધ્યાન તો અનુભવનો વિષય છે.,  અપનાવાનો વિષય છે, એક વિશિષ્ટતા છે, લાક્ષણિકતા છે, આંતરિક વિકાસનું પ્રાથમિક પગથીયું છે.

 

આપણે વધુ એક ઉદાહરણ લઈએ …

 

માતાને માટે પોતાના બધાજ બાળકો પર એક સરખો જ પ્રેમ હોય,એક સરખું જ ધ્યાન હોય પરંતુ માતા પાસે પ્રથમ બાળકના આગમન અને બાળકના ઉછેર માટેના ૨૪ કલાક હતા.  હવે બીજું બાળક પણ આવ્યું પરંતુ ૨૪ કલાક તો એના એજ રહેવાના ને ?  છતાં બાળકો પર ધ્યાન આપવાની આંતરિક કલાનો વિકાસ માતા ની અંદર બીજા બાળકને જનમ આપતા સમયે આપોઆપ પ્રગટે છે અને આ આવડત થકી, કળા અને કૌશલ્ય થકી બંને બાળકો પ્રત્યે પૂરતું ધ્યાન આપવામાં માતા અને પિતા સફળ થાય છે, સંતોષ અનુભવે છે.

 

કુદરત તરફથી સહજ રીતે, નૈસર્ગિક રીતે મળેલા તત્વોનું  કુદરતી ભાષા પ્રમાણે, કુદરતી નિયમો પ્રમાણે એક જ લાઈનમાં  તાલમેલ થઇ જવું તે ધ્યાન છે.  જેમ કે દરેક જીવ માત્ર પૃથ્વી પર જીવે છે,પૃથ્વી પર પાણી છે, ઉપર આકાશ છે,ચારે બાજુ હરિયાળી છે,આ બધાનો સહજ, નૈસર્ગિક, કુદરતી એવો સુચારુરૂપથી સંગમ રચાયેલો છે, તેના પાયા રૂપે ધ્યાનસ્થ પૃથ્વી પોતાની રચનાત્મકતાને કેટલી સુંદરતાપૂર્વક, સ્વસ્થતાપૂર્વક ધારણ કરીને બેઠી છે.  વધુ આગળ નજર કરીએ તો ધ્યાનસ્થ અવ્સ્થમાં કોણ કોણ છે જે પોતાને પ્રકાશિત કરીને અથવા પોતાનામાંથી કશુક રચીને, પોતાની રચનાત્મકતાને ઉદાર ભાવે લ્હાણી કરે છે.  આપણે આપણી ચારે તરફ દષ્ટિ કરીએ કે ધ્યાનમાં આપણને ઉતરવાનું મન થાય,પ્રેરણા થાય તે માટે આપણો સાથ કોણ કોણ આપી રહ્યું છે.  કોણ કોણ આપણને ધ્યાનસ્થ લાગી રહ્યું છે. સુર્ય, ચન્દ્ર, તારા,  વાયુ, વહેતી નદી, તળાવ, પર્વત, સાગર, તમામ પ્રકારની ખનીજ સંપતિ, લીલોતરી ….. આવું તો અનેક અનેક સૌન્દર્ય આપણી આસપાસ છે.  જેના પરિણામ સ્વરૂપ મનુષ્યને અને જીવ માત્રને સૃષ્ટી થકી જીવન અને ભોજન મળી રહેલું છે.

 

જીવનમાં ધ્યાનસ્થ સ્થિતિમા ઉતર્યા પછી આપણને એની અસરો કયા કયા જોવા મળે જેના થકી આપણે એવું અનુમાન કરી શકીએ કે ધ્યાન કોણે ધર્યું, કોને ખરેખર ફળ્યું, કોણ ધ્યાન થકી શું સિદ્ધ કરવા માંગે છે.

 

કોઈ પણ ક્રિયા કરવી છે તો તે ક્રિયાનું કઈ પરિણામ પણ ખબર હોવું જોઈએ અને તે ક્રિયાનું કારણ પણ ખબર હોવું જોઈએ.

 

દરેક વ્યક્તિ માટે ધ્યાન ના નામનું એક સામાન્ય સમીકરણ બેસાડવું હોય તો તે સાધારણ કક્ષાનું ધ્યાનનું લેવલ થઇ જાય, જેમ કે બાળકોને આપણે સામાન્ય કક્ષાનું ગણિત, ભાષા, ભૂગોળ, વિજ્ઞાન, ઇતિહાસ વગેરે નું જ્ઞાન આપીએ છીએ.  તેવી રીતે બધા માટે સામાન્ય ધ્યાનનું જ્ઞાન, ધ્યાનની ક્રિયા, ધ્યાનના પ્રકારો બધું જ ગૌણ અનુભવ કરાવી જાય છે.

 

જેમ આપણે પુસ્તકમાં વાર્તા વાંચીએ, પરદા ઉપર ચિત્રપટ જોઈએ છતા આપણું જીવન, જીવનમાં રહેલી જીવંતતા, જીવનમાં આવતી ક્ષણ પ્રતિક્ષણ, આ બધું બધાનું પોત પોતાનું હોય છે અને તે તે ક્ષણમા ધ્યાનસ્થ અવસ્થાને ઉપલબ્ધ કરવાની આવડત દરેક વ્યક્તિની પોતપોતાની આગવી અને લાક્ષણિક હોવી જરૂરી છે.

 

બેસીને સ્થિરતાપૂર્વક, હલનચલન કર્યા વગર, આસનમાં શરીરને વાળી કરીને સમય પસાર કરવો ઘણો સહેલો છે.  પરંતુ શરીર સાથે જોડાયેલું આપણું મન,  અને મન સાથે જોડાયેલું આપણું ચિત્, અને ચિતમાં ઉત્પન્ન થતા રહેતા ભાવ,પ્રતિભાવ … આ રીતે દરેક અવસ્થામાં તરબોળ રહેતા આપણે પોતે, ધ્યાનસ્થ અવસ્થામાં ફક્ત શરીરને જ બેસાડીને બેસાડી રાખીએ અને એ સિવાયની તમામ અંદરની મન:સ્થિતિનું અવલોકન કરાવવા માટે પ્રાયોગિક ધોરણે ધ્યાન શીખવાની જરૂર ઉભી થાય છે જે માટે એક પ્રેરણાદાયી સ્વરૂપ, એક ગુરુ, એક માસ્ટર, એક આપણે જેની ઉપર શ્રદ્ધા કરી શકીએ એવા માનદ પાત્રની દિશા અને દીક્ષાની જરૂર પડે છે.

 

જયારે આ પ્રમાણે આપણા પરિવાર,પોતાને માટે ઉપરાંત સમાજ માટે આવી હસ્તિ, આવા વ્યક્તિત્વની જરૂરિયાત ઉદભવે છે તે સમયે તેઓશ્રીની હાજરીમાં જે આપણે ધ્યાનસ્થ અવસ્થામાં આંતરિક વિકાસ કરીએ છીએ તેનો આસ્વાદ, તે વખતે મળેલી સમાધિ અવસ્થાના અનુભવોની રમણીયતા જ કઈ જુદી છે.

 

છતા રોજીંદા જીવનમાં ધ્યાનને અપનાવીને આપણે કશુક રચનાત્મક પગલું ભરવા માંગીએ છીએ તો ચોક્ક્સ જ નીચે પ્રમાણે પોતાનો,પોતાના સ્વભાવના  અભ્યાસનો આરંભ કરીએ.

 

સ્વભાવ ની છણાવટ માટે આપણે અમુક વધુ જુદા જુદા સ્વભાવ વાળી હસ્તીઓના સફળ સંતોષી અને સુખી જીવન માટે સૌ પ્રથમ બિનજરૂરી સ્વભાવનો અભ્યાસ કરીએ.

 

1.     બાળક:  રુઆબદાર, ઉતાવળીયો સ્વભાવ, રમતિયાળ, મસ્તીખોર, હાયપર, બાધકણાપણું, ભૂલકણાપણું , જીદ્દીપણું , ચિડચિડાપણું

2.     વિદ્યાર્થી :  આત્મવિશ્વાસ નો અભાવ, ડરપોક , મોટા ભાગનો સમય ટીવી અને વીડીઓ ગેમ મા આપવો, ભણવા સિવાયની બધી જ બાબતો મા પ્રથમ નંબર, તોછડાઈભર્યું વર્તન

3.     યુવક:   જીવનમાં ઉજળા ભવિષ્ય માટે ની ગંભીરતાનો અભાવ, ઉમર પ્રમાણેના નખરા, પાર્ટી,  મિત્રો સાથે મજા કરવી, ઘરની બહાર જ રહેવું, પોતાની ભૂલો સામે વડીલોને નવા નવા બહાના આપવા,

4.     યુવતી:   અખો દિવસ શરીર બાબતે કાળજી લીધા કરવી, નખરા કરવા, ખરીદી કરવી, જીદમાં રહેવું,ઘરમાં બધાથી વાત છુપાવી ને પુરુષ મિત્રો બનાવવા.

5.     સ્ત્રી:  જેમ બંને તેમ કામ મા આળસ અને સુવિધા નો સંગમ કરવો, સમય પસાર કરવાની રીતો અપનાવવી જેમકે ટીવી, પાર્ટી, મુવી, કિટીપાર્ટી, હોટલ, ખરીદી.  સાસુ અને નણંદ સાથે કંકાસ ઉભો કરવો,પતિ સાથે રોજે રોજ ખરીદી નો આગ્રહ રાખવો, બાળકોને નોકરોના હવાલે મુકવા.

6.     પુરુષ:   કાવાદાવા કરીને ઓછા સમયમાં વધુ રૂપિયા કમાવાના પ્રયત્નો કરવા,વ્યસનો ના ભોગ બનવું,

 

આજનો માનવી જીવન જીવવાની રેસ લગાવે છે, હરીફાઈ કરે છે, પહોચી નથી વળતો, ખાવાપીવાનું જ હજુ જમા કરવામાં લાગેલો હોય છે, સર્વાઈવલમા જ હજુ ફસાયેલો હોય ત્યાં આપણે એને કેવી રીતે કહીએ કે ભાઈ તું બેસી જા, સમય આપ અને ધ્યાન કર, કલાકો સુધી યોગ, ધ્યાન સાધના નો અભ્યાસ કર.  તરત જ તેની તરફથી પ્રશ્ન આવશે કે મારી લીધેલી જવાબદારી નું શું  ?

 

આવો હવે આપણે સામાન્ય કક્ષાના માનવીઓ માટે કયા ધ્યાન છે જોઈએ અથવા ધ્યાન ની કયા જરૂર છે જેના થકી તે પોતાની જીવનચર્યામા મનની શાંતિને પામે,આનંદની અનુભૂતિ કરે,સદાચારી બની રહે,તન અને મનથી તંદુરસ્ત રહે.પરિવારમાં આપસમાં સંબંધોની સુવાસ મહેકતી રહે.

 

મોટા ભાગની વ્યક્તિ આજે વધુ કરીને શહેરમાં રહે છે, રોજની દિનચર્યામા એટલું બધું આધુનિકીકરણ પ્રસરી ગયું છે કે ભોગ ઉપભોગના સાધનોનો વધારો થતો જાય છે અને બે વ્યક્તિઓ ની વચ્ચેનું અંતર વધતું જાય છે.

 

– ડૉ.ઝરણા દોશી…

 

બ્લોગ લીંક: http://das.desais.net
email: [email protected]

 

આપને આજની પોસ્ટ પસંદ આવી હોય તો આપના પ્રતિભાવ બ્લોગ પોસ્ટ પર મૂકી ડૉ.ઝરણાબેન ના પ્રયાસને યોગ્ય પ્રતિસાદ આપશો. જે અમોને પ્રેરણાદાયી અને માર્ગદર્શક બની રહેશે અને લેખિકાની કલમને બળ પૂરશે. …..

 

“સર્વે પાઠક મિત્રો ને વિનંતી કે આપ આપના પ્રતિભાવો દ્વારા આપને સતાવતા જીવન અંગેના કે સ્વાસ્થયને અંગે ઉદભવતા પ્રશ્નો બ્લોગ પોસ્ટ પર આવી જરૂર પૂછી શકો છો. ડૉ.ઝરણા દોશી … આપને તેનો જવાબ બ્લોગ પર આપવા જરૂર પ્રયત્ન કરશે. અથવા આપને ઉદભવતા કે મુંજવણ આપતા પ્રશ્ન કે રોગ બાબતે Privacy / અંગતતા – જાળવવા ઇચ્છતા હોય તો આપની સમસ્યા ની વિગત ડાયરેક્ટ [email protected] ઉપર અથવા ડૉ.ઝરણા દોશી ને [email protected] ઈ મેઈલ દ્વારા લખી ને મોકલી શકો છો, અમો તમારા email ID પર તે અંગેનું યોગ્ય માર્ગદર્શન મોકલી આપવા જરૂર કોશિશ કરીશું. ”