આનંદબ્રહ્મ …

આનંદબ્રહ્મ …

 

 

 

 

એક હવાઈ મથકે એક યુવાન મસમોટી બે સુટકેશને પરાણે ઉપાડી જતો હતો. ત્યાં એક બીજો અજાણ્યો યુવાન ત્યાં આવી પહોંચ્યો અને પૂછ્યું : ‘ભાઈ, કેટલા વાગ્યા!’ પેલા યુવાને નિ:સાસો નાખીને સુટકેશ નીચે મૂકી ઘડિયાળમાં દ્રષ્ટિ કરીને કહ્યું : ‘ભાઈ, આ તો નાની મજાની સુંદર કાંડા ઘડિયાળ છે.’
પહેલા યુવાનનો ચહેરો ચમક્યો અને એ બોલ્યો એ તો ખરાબ નથી ? ‘ ના, જોઈ લો.’ પછી એણે સમય કેવી રીતે બતાવે છે તે બતાવ્યું. આ ઘડિયાળ વિશ્વના દરેક દેશનો સમય બતાવે છે એટલું જ નહિ પણ ૮૬ જેટલા વિશ્વનાં મહાનગરોના સમય પણ એમાંથી જાણવા મળે છે. પછી એણે જુદાં જુદાં બટન દબાવીને વિશ્વનાં વિવિધ સ્થળોના સમય એમાં બતાવ્યા. બેજો યુવાન તો આવી ઘડિયાળ જોઈને અચંબામાં પડી ગયો. વળી પાછું એણે એક બીજું બટન દબાવ્યું અને ન્યૂયોર્ક શહેરનો નકશો દેખાયો. ત્યારે તેણે કહ્યું : ‘આ બટન દબાવીએ છીએ ત્યારે સેટેલાઇટ સાથે જોડાઈને આ બધું કાર્ય આ ઘડિયાળ કરે છે.’ બીજા યુવાને કહ્યું : ‘મારે આ ઘડિયાળ ખરીદવી છે.’ પહેલા યુવાને કહ્યું : ‘ભાઈ, હજુ તો આનું સંશોધન ચાલે છે એટલે વેંચી ન શકાય. જુઓ તો ખરા ડિઝિટલ ટર્નર સાથેનો નાનો, પણ ઘણો મહત્વનો એફ.એમ. રેડિયો પણ છે. એમાં એવું સાધન છે કે ૧૨૫ મિટર સુધીનું અંતર માપી શકે છે. થર્મલ પેપર પ્રિન્ટ આઉટવાળું પેજર પણ છે. ૩૦૦ જેટલા સ્ટાન્ડર્ડ સાઈઝના ગ્રંથો જેટલા બોલાયેલા વાત-શબ્દો એમાં રેકર્ડ કરી શકાય છે. એમાંથી કેટલાંક સંશોધનોનું કામ પૂરું થયું છે.’ બીજા યુવાને કહ્યું : ‘ભાઈ, ગમે તે કરો પણ મારે આ ઘડિયાળ લેવી જ છે.’  પેલા યુવાને કહ્યું : ‘ના, ભાઈ તમે સમજતા નથી હજુ આ ઘડિયાળ પૂરી તૈયાર નથી થઇ.’ બીજો યુવાન બોલી ઊઠ્યો : ‘ હું તમને આના ૧૦૦૦ ડૉલર આપું તો !’ પહેલા યુવાન બળ્યો : ‘અરે ભાઈ, આની પાછળ મેં ૫૦૦૦ ડૉલર ખર્ચી નાખ્યા છે !’ બીજા યુવાને કહ્યું : ‘અરે ભાઈ, આના હું ૧૫૦૦૦ ડૉલર આપું છું હવે આપી દો.’ આમ કહીને એણે ચેકબૂક કાઢી. પહેલા યુવાને વિચાર્યું : ‘આમાં મેં ૮૫૦૦ ડૉલર જેટલી સામગ્રી અને મહેનત ઉમેરી છે અને ૧૫૦૦૦માં તો આવી બીજી ઘડિયાળ પણ બની જશે. પછી એને બજારમાં વેંચાણ માટે મૂકી દઈશ.’ આ દરમિયાન પેલાએ તો ચેક પણ લખી આપી દીધો. પહેલા યુવાને નિર્ણય લઈને ચેક લીધો અને ઘડિયાળ આપી દીધી. ઘડિયાળ લઈને બીજો યુવાન જવા માટે જરા વળ્યો ત્યાં જ પહેલા યુવાને કહ્યું : ‘અરે, ભાઈ થોભો.’ આમ કહીને પેલી બે ભારે ભારે સુટકેશ તરફ આંગળી ચીંધીને કહ્યું : ‘ભાઈ, ઘડિયાળ માટેની તમારી આ બેટરીઝ ભૂલી ન જતા, એ લઇ જાઓ !!’

 

 

(૦૬/૦૧/૧૦૯)

આભાર …

આભાર ….

 

 

મિત્રો,
નમસ્કાર !
‘દાદીમાની પોટલી ‘ …
બ્લોગ પરના સર્વે પાઠક મિત્રો તેમજ ફેશબુક પરના  ‘ દાદીમાની પોટલીના….’  પાઠક મિત્રો,
આપ સર્વેને   થોડા દિવસથી બ્લોગ સાઈટ પર આવેલ ટેકનીકલ ક્ષતિને કારણે સાઈટ ખોલવામાં મુશ્કેલી પડેલ, જે ક્ષતિ આજ રોજ સંપૂર્ણપણે દૂર કરી આપવામાં આવેલ છે, જેથી આશા છે કે હવેથી બ્લોગ સાઈટ ખોલતા પહેલા આપને મળતા મેસેજ મળશે નહિ અને કોઈપણ મુશ્કેલી વિના આપ સર્વે બ્લોગ સાઈટ પર આવી અને બ્લોગ ખોલી શકશો.
થોડા દિવસ, ટેકનીકલ ક્ષતિ ને કારણે આપ સર્વેને પડેલ મુશ્કેલી બદલ હું  દિલગીર છું, અને તે દરમ્યાન  આપ સર્વએ ધીરજ રાખી અમોને  આપેલ સહકાર બદલ આપ સર્વેનો અત્રે હૃદયપૂર્વક આભારી છું.
આ સાથે એક જાહેર ખુલાસો કરવાનો કે કોઈ પાઠક દ્વારા  જાણ્યે અજાણ્યે  અમારા નામે એક વિવાદાસ્પદ વિડ્યો ક્લીપ taged કરી ફેશબુક પર અમારા  મિત્રોને મોકલવામાં આવેલ છે, જે અંગે અમોને કોઈ જ જાણ નથી અને અમારા તરફથી આ કાર્ય થયેલ ના હોય, મહેરબાની કરી તે વિડ્યો ક્લીપ ખોલવા કે જોવા કોશીશ કરશો નહિ. અમોને અનેક ફરિયાદ આવેલ છે, અને અનેક મિત્રોની લાગણી દુભાણી છે જે બદલ દિલગીર છું. પરંતુ અમો ક્યારેય કોઈ અશોભનીય કાર્યને  કે વિવાદાસ્પદ કાર્યને પ્રોત્સાહિત કરતા નથી અને ભવિષ્યમાં પણ કરીશું નહિ જેની નોંધ લેવા વિનતી.
આપ સર્વેને પડેલ તકલીફ બદલ દિલગીર છું

 

આભાર !

અશોકુમાર – ‘દાસ’
‘દાદીમાની પોટલી’
બ્લોગ : http://das.desais.net
Face Book : dadimanipotli
mail: [email protected]